السلام عليكم و رحمة الله و بركاته
أنا حلمي أن أشتري أرض في الصحراء في مصر قريب من الفيوم بعيد عن التلوث و الزحمة و سوء الأخلاق و الفتن و التدهور المستمر في كل جوانب الحياة و أعيش حياة بسيطة و هادئة مع أسرتي و 3 أو 4 أسر فقيرة يعمله و يعيشة و ياكله و يشربه معايا في الأرض و أعلمهم و ولادهم و اثقفهم و أحاول أن يكون في ناس حولي متربيين زي ما أنا اتربيت و للأسف موجودة قليل جدا الأيام دس.
نرجع لموضوع الأرض
أنا عايز معلومات ارخص أرض ممكن الواحد يشتريها تكون لسة نقية و مش متلوثة و فيها مياة جوفية. الأنشطة الزراعية اللي عايز اقوم بيها في الأرض أن شاء الله حتكون:
1 زراعة خضار و فواكه للاستهلاك الداخلي (أقصد مش بغرض تجاري)
2 تربية معيز و خرفان و دواجن و أرانب للأكل و البيض و اللبن و الفرو و الجلد و أي شيئ ممكن استفيد من المخلوقات دي (و بيع الزيادة لو ينفع بس ده مش الأولوية بالنسبة لي)
3 زراعة البامبو لصناعات بسيطة مثلا اثاص منزلي و أداوات بسيطة
4 زراعة قطن لصناعات بسيطة
أنا عارف ان ممكن تكون فكرة غريبة أو مش مقبولة لدي البعض بس ده الأسلوب اللي عايز اعيش بي حياتي. أعيش من خير الأرض و من عملي و احمد ربنا سبحان و تعالي
فا أنا كنت محتاج اجمع معلومات كتيرة عن حاجات مختلفة بس مش عارف ابدء ازاي و اوصل للمعلومات ازاي
و بعتذر لو ده مش القسم الصح في المنتدي للاستفسار و بعتذر برضو عن أي غلط في العربي لأني عايش بره مصر معظم حياتي و اتعلمت عربي في البيت من الأهل و من المجهود الشخصي مش من مدرس محترف
مع تحياتي لحضرتكم
اخوكم
محمد
مواضيع مشابهة: