حكيم صينى قالوا له مرة أجمع لنا الحكمة فى كلمتين ، فالراجل سكت شوية وبعدين رد عليهم قائلا : " طظ " .. أنا لما فكرت فى الكلمة دى لقيت ان الرجل ده عنده حق فى الطظ اللى قالها .. فعلا والله الدنيا دى ماتستاهلش الواحد منا يزعل علشانها و يرهق تفكيره فى مشاكلها وهمومها ونوائبها ، لما تكون الدنيا دى اصلا ما بتمثلش عند ربنا جناح بعوضة أمال ليه البنى أدم هيموت عليها ؟! ولا احنا غاويين وجع قلب وخلاص ! طبعا مش المفروض ان احنا ننام ونكبر دماغنا زيادة عن اللزوم بس برضة مانشغلش نفسنا بهموم الدنيا زيادة عن اللزوم ، نعمل ونجتهد بكل طاقتنا بشرط ان احنا نكون راضيين بقدر ربنا فينا نقول الحمد لله وتطلع بجد من قلبنا نشوف نص الكوباية المليان من الحياة زى برضة ما فى حاجات مش حلوة ، وبلاش نقول وحشة ، نبض للحياة بمبدأ البراية والقلم الرصاص يعنى لو بصينا للقلم الرصاص هنلاقى انه كل لما يتعرض لعملية برى مؤلمة من البراية " الحياة " بيكون افضل من الاول وبيكون قادر على الكتابة بشكل أفضل من الأول .... وهكذا تستمر المسيرة كل ما الانسان يتعرض لمشاكل ومصائب فى الحياة كل لما يتعلم منها ويتخطاها ويقدر بعدها يعيش الحياة بطريقة أفضل """"""""" ألا صحيح هو الراجل الصينى ده كان قصده طظ فى الدنيا ولا طظ فيهم !
ودى كانت مقال فى جريد المساء للاستاذ عمرو جمال
مواضيع مشابهة: