السلام عليكم جميعا
كيف حالكم
انا اليوم شريت ورد وزرعته بحوض عندي
اول بوريكم اشكالها وقولوا لي اسمائهم لاني مااعرف اسمائهم وبعدها بسألكم عنهم شوي اسأله
نبدأ بالصور
هنا الحوض حق الورد كامل شكلهم مرتب والا زحمه على بعض ؟
نجي الحين للشجيرات هم الجهنميه + ست الحسن + ريحان بس ماادري وين ذي من ذي
شوفوا صورهم وقولوا لي وينهم
مع الشجيرات هالنبته طلعت كذا بالحوض بدون ماازرعها ماادري وش هي شوفوها تعرفونها ؟
الحين نجي للأسئله
السؤال الأول كيف اسقيهم ؟ يعني لازم اغرقهم مويه او يكفي بس التربه تكون رطبه مثل هالصوره وهل اسقيهم يوميا او كل ثلاث ايام ؟مع العلم الحين جونا تقريبا يوميا ينزل مطر بس مو كثير شوي
السؤال الثاني كم يحتاجون كمية شمس ؟
يعني انا عندي حوضين كلهم الشمس توصل لهم لكامل الحوض تقريبا من الصبح الى العصر
صح كذا والا الشمس تتلفهم ؟
السؤال الثالث كيف احميهم من التلف والموت ؟
يعني قبل انا زرعت ورد بعضهم عاش عندي تمام وبعضهم لا تصفر اوراقها وتصير كأنها مأكوله نص الورقه يطيح
كيف احافظ عليهم مايموتون ويصيرون على طول مفتحين وحلوه اشكالهم ؟
انا التربه عندي مسمده يعني التراب + سماد وعباهم لي راعي المشتل بأحواض يكفي كذا ؟
السؤال الرابع الشجيرات كيف اسقيهم مثل طريقة الورد او غير ؟ وكيف اهتم فيهم ؟
قبل جربت ازرع شجيرات مثل الجوري وملكة الليل بس كلهم يموتون وتطيح الاوراق وتصير بس اعواد
كيف اسوي لهم عشان يعيشون عندي ولايتلفون
آخر سؤال لما تموت الورده ويطلع برعم جديد عادي اقص البرعم اللي صار اصفر وماتت وردته ويبست ؟
واذا يصلح اقصهم كيف طريقة القص وياليت بشرح مفصل
وشكرا لكم وآسفه على الاطاله
مواضيع مشابهة: