دراسة جدوي عمليه للبط المسكوفي
بعيدا عن كذب الشركات التجاريه وبتجربه عمليه جدا نقوم اليوم بدراسه جاده جدا عن البط المسكوفي وتكلفته ونبتعد عن المبالغات وعدم الصدق لتكون النصيحه كما عهدناها في منتدانا العملي نصيحت مربي لمربي بعيدا عن اي اعتبارات اخري.........اولا :التكاليف المبدئيه للبط المسكوفي تختلف كمثيلاتها من الدواجن كل ساعه صعودا وهبوطا ولكن في دراستنا اليوم سوف نقوم بحساب معامل الوقت حيث يكون السعر القائم لكتكوت البط متناسب مع السعر المتعارف عليه عند تسمينه لتكون هذه الدراسه قائمه بذاتها ليوم 15/10/2011
بسم الله الرحمن الرحيم
ثانيا : هذه الدراسه قائمه علي المتوسطات العمليه للمشروع دون الجنوح للارقام الفلكيه التي تروج لها الشركات
ثالثا: هذه الدراسه هي نتاج عمل فني مخلص دون ادني انتظار لشكر ولكن للمساعدتك في اختيار مشروعك التي قد تراه مناسب لتطلعاتك وراس مالك...............والله الموفق
سعر البط المسكوفي عمر 21 يوم من افضل السلالات 20.5 يعني بالبلدي كده علشان الناس متتلخبطش سعر المئة بطهr41 مسكوفي 20.5*100=2050
(يابلاش والله )
استني بلاش ايه لسه العلف متستعجلش
طن العلف البادي النهارده عامل 3020 جنيه
طيب انا هاكل كام طن .......؟
البطه في الدوره كلها بتاكل 10 كيلو يبقي علي حسبتنا
10*100=1000كيلو =1طن تمام ..............
يبقي تكاليفنا 3020 +2050 (سعر البط)=5070
بس كدهههههه خلصنا مصاريف ..................؟
لا لسه مصاريف الفرشه والرعايه البيطريه والعماله ودي المفروض تكون 2 جنيه للبطه =5270 جنيه مصري
طيب .............فيه مشكله هتجازي معايا ولا لا ......؟
ااولا الرزق ده بتاع ربنا ممكن ربنا يكرمك من وسع وممكن ربنا يعوض عليك \\بس متخافش ان الله لا يضيع اجر من احسن عملا.......... وتوكل علي الله بس انا مش هسيبك لايص برضه هحسيبهالك
انت بتاخد من الشركه 60% ذكور بط و40% اناث بط
طيب ايه الفرق يا برنس هوه انا هخليهم يبيضوا .......؟
افهم الذكر يعطي متوسط 4.5 كيلو جرام في الدوره بينما الانثي تعطي 3 كيلو جرام
يعني 60 *4.5 =270 كيلو وزن الذكور
40*3 =120 كيلو وزن الاناث
يبقي الاجمالي = 390 كيلو
طيب السعر كااااااام قول بسررررررعه ..............؟
السعر مختلف باختلاف الموسم طبعا وعلشان كده احنا هنقول السعر اللي كان بيتباع بيه لما كان ده سعر البطه 20.5
والله السعر المتوسط هوه 18 جنيه للكيلو
يبقي 390*18 =7020جنيه مصري
طيب والنافق يا نجم انت هتكروتني ولا ايه ........؟
انا اسف النافق في العادي لا يتخطي 2% يعني اخصم 40 جنيه وانا هديهملك اي خدمه........
ارجو يكون الكل استفاد من المشاركه والله الموفق
........انا اسف نسيت اهم حاجه حصري للمنتدي اهم صيحتين من مربي علي قده اختار شركه جيده ولا تسترخص في البط بالزات لانك بده تضيع مجهودك وانصح بشركة الوفاء لعمر يوم وشركت الصفوه لعمر 21 يوم ودي ارقامهم ........0238916375
01220046155
0116537700
والعلف ابوس ايديكو مش علشان 100 جنيه فرق في الطن تضيع الدوره خليك في العلف الجاهز البادي السوبر شركة القاهره ....شركة الهدي شركة المجد
وربنا يرزقنا واياكم بالرزق الحلال,,,,,,,,,,,,,,,,,و ارجو المشاركه حتي لو بكلمه بسيطه
انا اسف لطريقت الكلام العامي بس ده علشان تكون قريبه وواضحه لاهم فئات المجتمع الشباب اللي قاعد علي القهوه او في العباره عايز يهاجر يمكن ربنا يهديه ويتشجع ويعمل حاجه:a02:
مواضيع مشابهة: