بسم الله الرحمن الرحيم
دي مجموعه صوور لنباتاتي
كل واحده منها انا فاكره كويس جبتها امتى والمراحل اللي مرت بيها
وتقريبا كل يوم بصورهم وخصوصا لو طرأ عليها اي تغيير افضل او أسوأ
اول نباتات زرعتها كانت بطاطس ولوبيا وبصل وليهم صوره نادره حدور عليها واوريهالكم ان شاء الله
بعدها بابا اهدانى اربع انواع ورد بلدي واكاليفيا وخبيزه ودول لسه حجهز صورهم ان شاء الله
دي بقى صور نباتاتي الجديده اللي جبتهم من اول شهر رمضان السنه دي لحد اسبوعين فاتوا
كل اسبوع كنت بجيب حاجات جديده
المهم عشان ماتستغربوش ان في نباتات في اولها كانت ضعيفه جدا
انا عايشه بعيد عن العاصمه ومعندناش مشتل في مدينتنا كل اسبوع بييجي بياعين من مشتل من مدينه تانيه ومعاهم انواع معينه من الورود والنباتات فكنت بنزل اشتري منهم وتقريبا الاهتمام
في المشتل مش قد كده ... على العموم الورده سواء فل او بلدي او خبيزه او اي حاجه كنت بتشتريها باتنين جنيه ويوم ماتبقى غاليها بتبقى الجهنميه بسبعه جنيه والبلوميريا بخمسه جنيه ...يابلاش يعني
وعموما الحمد لله النباتات عندي بترعرع وبتكبر كويس
المهم ابدأ
بسم الله
مسك الليل
دي لسه مفتحه امبارح وماتت في نفس اليوم ..هبيسكس دي؟؟؟
ايه دي؟
ودي؟؟ نموها بطيييييييييييييييييييييييء
والصبار ده عشان بموت فيه
وبالمناسبه امبارح لاحظت ان ورقه بدأ يقع ورقتين تلاته هل بسبب البرد اللي بدأ اليومين اللي فاتوا؟
كمان في بذره طماطم طلعت معاه في الاصيص وبادئه تزهر .زهل ده ممكن يأثر عليه؟؟
حبيبتي اللانتانا كمارا
عندي منها الفوشيا في اصفر والاصفر والبنفسجي المتسلقه
فل بس بقاله فتره صامت لا بيموت ولا بيكبر
خبيزه عندي منها
ابيض وبمبي فاتح وبمبي واحمر فاتح في ابيض واحمر فاتح واحمر قاني وان شاء الله اجيب باقي صورها بكره
وخر حاجه الليله الجهنميه
عندي 3 الوان منفصله
وبكره ان شاء الله اكمل لان عندي حاجات تانيه كتير واستفسارات اكتر
دمتم بخير... في حفظ الرحمن
مواضيع مشابهة: