المشاركة الأصلية كتبت بواسطة adam
يا أخى و الله أنا دايخ على فيزا كويسة و كل المعروض برواتب ضئيلة . . . و كل اللى ينصحك يقولك لا ترضى بأقل من كذا . . طيب فين كذا ده . . المصيبة أنه عايز انك تشيل المزرعة كلها . . و بيحطوا شروط كتيرة . . . ربنا يرزقنا و إياكم كل خير . .
ربنا يرزقنا و إياكم .. آمييييييين ..
المشكلة مش في قلة العروض الجيدة .. بل المشكلة في الاستعباد اللي هتلاقيه في الخارج !!!
لأن الانتظار و الصبر على رواتب مصر الضئيلة أفضل من المعاناة خارجها ؛ و أديك في بلدك ..
فأنت إذا سافرت على عرض غير مناسب من أبو 1500 و لا 2000 ستجد إجحاف شديد و غالبًا يتم خصم قيمة الفيزا 2050 ريال من مرتبك و كذلك ثمن الإقامة حوالي 1000 ريال ؛ طب هو الراتب فيه كام 1000 ريال أساسًا ؛ ده غير إن السفر لو عن طريق شركة نصب - توظيف سابقًا - هتدفع مبلغ حوالي 4000 إلى 8000 جنيه ؛ و مش هنتكلم عن ساعات العمل الإضافية منزوعة الأجر و المنع من الحج و العمرة ؟؟!!..
يعني ابو 700 جنيه في مصر أبرك من أبو 1500 ريال في السعودية و من خرج من داره !!..
ده غير إن في العوينات و توشكى مثلاً المرتبات تصل 1000 و 1500 جنيه و الحمد لله و من غير شركات توظيف و لا فيزا بس انتا اسعى و هتلاقي !!
و الأرزاق بيد الله ..