السلام عليكم ورحمه الله وبركاته
ابي استفيد من اهل الخبره في البلوبانك والبرسيم
انا عندي مزرعه والحمد لله المويه متوفره فيها بئر خاص بالرشاش وبئر للنخل
الشيء اللي ابي اسال فيه بالنسبه للبلوبانك عندي مساحه 2500 متر جاهزه للزرعه من توزيع المياه هل هذي المساحه لو زرعتها بتفرق معي كعلف للغنم علما ان عدد الغنم 200 راس
وكيف طريقه تجهيز التربه
الشيء الثاني عندي رشاش 5 ابراج ما قد انزرع قبل كذا المويه متوفره فيه وسويت صيانه للرشاش نفسه
ابي ازرع فيه برسيم اول شيء اي نوع من البذور تنصحني فيه وياليت اللي يعرف احد ثقه يدلني عليه بالنسبه للبذور
الشيء الثاني هل تحتاج التربه الى تجهيز علما ان مهندس زراعي مصري جاء شاف المزرعه قال لي فقط شغل الرشاش لمده اسبوعين واحرث الارض كرر العمليه مرتين وازرع الارض
وفيه ناس نصحوني ازرع ذره بعدها احرث الارض وازرع برسيم
علما اني مزرعتي بالقصيم - البدائع
تحياتي لكم
مواضيع مشابهة: