السلام عليكم ورحمة الله وبركاته
اتمني تكونو بخير جميعاً مع الاجواء الشتويه
قبل سته شهور تقريبا بدأت هواية الزراعه اشتريت شتلات ريحان وفل وعجبتني صرت كل فتره امر مشتل اشتري مجموعة شتلاتوبالنظر لفقر خبرتي كانت بعض الشتلات تموت بسبب الحشرات منها ( البق الدقيقي - الذبابه البيضاء - ومجموعة حشرات غريبه ما عرفت اسمها حتى الفار زار حديقتي بالرغم اني ساكنه بعماره وبالدور الثالثلكن مع منتدي زراعه نت استفدت شغلات جدااا كثيره اشكر كل القائمين والمهندسين علي مشاركتهم معلومات مفيده وعمليه لناا
للعلم انا اعيش بمدينة جدة
طريقتي في التسميد بسيطه استخدم تربه جاهزه للاستخدام يعني مخلوط فيه كومبست وسماد وشغلات ما اعرفها واضيف تراب زراعه معاها بنسبة 1-1 بعد شهر تقريبا اضيف للاصيص سماد عضوي بسمك 1سم فقط لكن قبل شهر اشتريت مغذيات خاصه للنباتات الخارجيه وحديد علي شكل بودره واشوف تجاوب النباتات جيد
بالنسبة للري منتظم كل يومين وقبل ما اسقي اتحسس التربه اذا رطبه ما اسقيها تفاديا لتعفن الجذور و تكاثر الحشرات المزعجه
بسم الله نبدء
هذه النبته ما اعرف ايش اسمها ياريت احد يفيدني عشان اعرف كمية الضوء الي تحتاجه للنمو لاني اشوف ورقة تحت ذبلت واصفرت زي مو واضح بالصوره
وهذه شتلة ليمون اشتريتها كانت خضرا وجميله لكن بعد شهر بدء اطراف اوراقها بالجفاف والاصفرار والتساقط استخدمت السماد العضوي لكن مافاد بشي ابداً
بعد استخدام المغذي والحديد ماشالله الاوراق صارت خضرا وقوية لكن ماكثرت من شهر والشتله مافيها اكثر من عشرين ورقه ....!!
هذا النعناع اشوف بالوسط فيه اصفرار بسيط هل هذا طبيعي او تحتاج شي ؟!!...
مع العلم اني نقلتها للحوض قبل اسبوع
هذه الزهره ما اعرف ايش اسمها فيديوني عشان اعرف طلباتها اشتريتها وهيا صفرا للاسف كان ليل ما انتبهت للاصفرار الشديد :(
وهذه متسلقه اشتريتها قبل حوالي 6 شهور كانت تطلع زهور صفرا وتذبل ومرات تذبل وتطيح قبل ما تفتح
كانت سريعه النمو وتسلقت الشبك لكن بعد تعرضها لحشرة البق الدقيقي عالجتها بمبيد ميلاثيون وقصيت النموات المصابه وقفت نمو وصارت هزيله نوعا ما بالصوره ع اليمين لمن كانت صحيه ومعافاه قبل الاصابه اما ع اليسار واضح الذبول واصفرار الاوراق لاحظت انو الجذور ما تمتد لمن انكش التربه للتهويه مو زي بقية النبتات جذورها تلتف حول الاصيص او اقلها تمتد ..!!
اظنها الجهنميه اذا ما خاب ظني ..!! فيها شوك هل الطريقه الي مديت فيها صنارات الصيد صحيحه وهل رح تنمو وتمتد فوقها او لا ؟!
هذه شتله عمرها حوالي 8 شهور عانت الكثير من جهلي لكن مكافحه ومستمره وهذه سبب صغر حجمها على ما اظن
اه ياقلبي هذه فلتي الجميله اتعرضت لغزو فتاك من الذبابة البيضا وبنفس الوقت حشره ثانية اكلت اوراقها وكلمت كانت تنمو بسرعه واوراقها شديده الخضره كنت احب اتاملها للاسف الشديد لكن كنت للحشرات بالمرصاد رشيت الميلاثيون وسقيت النبته كمان الين ماتو كلهم بعد كم يومو
لكن لاحظت وجود بيوض الحشره خفت انها تفرخ وترجع وتعدي البقيه من النبتات الضعيفه جبت صابون غار خام واستخدمتو كغسول صابوني والحمدلله راحت البيوض واختفت الحشره قررت بالاخير قصها كلها واتركها تنمو من جديد للضمان وزي مو واضح بالصوره تحت ع اليسار نمت بعد اسبوعين من القص
هذه الفلفله مشالله عليها كريمة بالفلفل رغم صغرها لكن للاسف لقيت براس الفلفله حشره خضره مدوره ما عرفتها وبرضو لقيتها متكتله علي الزهرات طبعا رشيتها بالميلاثيون الي ما عندي غيروو وسقيتها منو كمان وقاعده ادعي انها تموت لان الشتله جميله كريمه سؤالي هل استطيع اكلها بعد رشها بالمبيد او ارميها ؟!....
وهذه اللشجيرات الصغيره قوية ولله الحمد ودي اعرف اسمها وهل تحتاج تسميد ام اكتفي بالمغذيات وماي اقلمها لانها شكلها غير مشذب ومفرغه من الداخل كيف اخليها مدوره ؟!!
شتلة الطماطم اشتريتها قبل عشرة ايام كبرت شوي وبدءت تحمر سقيتها مغذي وحديد بعد نقلها للاصيص اسقيها بشكل يومي وتتعرض للشمس حوالي 5 ساعات مباشره او اقل .. هل تكفيها !.؟ وبالنسبه للتسميد يكفيها المغذي والحديد او تحتاج اسميد اخر ؟!
ريحانتي سبب عشقي للزراعه هل تفرق الاغصان طبيعي او تحتاج دعامات لانها مايله جدااا
هذه التربه الي استخدتها والمبيد
هذه شكل البلكونه بشكل عام حاطه مرايه كبيره عشان تعكس ضوء الشمس لانه ضعيف نسبياً
انشالله القي تجاوب وتفاعل باقي حوالي 15 صوره
رأيكم يهمني لي رجعه ببقية الصور بعد ردودكم
مواضيع مشابهة: