تابع الأغانى الدينية
أغنية ( إن راح منك يا عين ) لشادية
( وصف الجنة )
كأنى شفت الجنة .....وجانى من ربى رسول.....
قالى إوصف للى إتمنى.....واللى فى أمله ينول.....
وعن وصف الجنة هقول...........
كأنى فى جنة جميلة ......من أجمل الجنات.......
على أبوابها تهليلة........وفى غرسها تسبيحات.....
وترابها مسك معطر......أنهارها من لبن وخمر.......
ونسيمها من ريحان ........ونباتها زعفران.........
والحور عين حوالينا ......تشبه لؤلؤ مكنون.......
وعن وصف الجنة هقول..........
ولباسنا حرير وسندس......والطير حوالينا يرقص........
يذكر ربنا ويهمس........ويسبح ع الأغصان..........
ويميل الورد علينا....... وتطوف ولدان تسقينا........
نتسابق فى الجنان ........ونشوف نعم الرحمن.......
ويرفع ربى حجابه .........ويفيض علينا بنور.........
وعن وصف الجنة هقول...........
وحياة اللى خلقنى......وخلق يوم الميعاد.......
فى الدنيا ما شىء يتعبنى...... غير عن ربى البعاد......
لأطيع ربى وما أتخلى .......وأفوز برضاه وبجنة........
أشوف فيها نبيين....... وشهدا وصديقين.........
أنعم ربى عليا ........ بالجنة وإتهنيت.........
وعن وصف الجنة حكيت...........
ـــــــــــــــــــــــــــــــــــ ـــــــــــــــــــــــــــــــــــ
-----||-- الدمج الآلي للمشاركات المتعاقبة - المشاركة التالية أضيفت الساعة 02:28 AM -----||----- المشاركة السابقة أضيفت الساعة 12:45 AM --||-----
(أغنية الشمس الجريئة ) لحنان
( يا سامع كلامى )
يا سامع كلامى.....إتفهم معانيه......واتفكر فيه تانى......
راح أقول نصيحة تفيدوا.......وانشالله هتوصلكوا..........
للجنة ياخوانى...........
للعمل الصالح إجرى......ولو حتى هتركع ركعة..........
واتفكر فيه بتأنى.........هتلاقى الحسنة بعشرا...........
قوم سابق الصالحين .......ولا أهل اليمين...........
قبل ما عمرك يجرى...........وتندم من تانى............
يا سامع كلامى........إتفهم معانيه.........واتفكر فيه تانى...........
مين يتسابق معانا ........ع الصدق و حسن النية...........
واستغفارنا لمولانا...........وحساب نفسنا بالثانية.........
وصلاة قيام الليل..........وصيام خميس واتنين...........
قبل ما عمرنا يجرى........ونندم من تانى...............
يا سامع كلامى.........إتفهم معانيه..........واتفكر فيه تانى..........
الجنة دى أجمل مطرح.........تدخلها يا مؤمن لما..........
أعمالك الصالحة تطرح........وتنول من ربك رحمة..........
وتكون فى عليين .......ويّا المقربين..........
وتنول رضا ربك دايما ........وتفرح من تانى ...........
يا سامع كلامى .....إتفهم معانيه.....واتفكر فيه تانى..........
أنا قلت نصيحة تفيدكوا...........وانشالله هتوصلكوا..........
للجنة يا خوانى..............
ـــــــــــــــــــــــــــــــــــ ـــــــــــــــــــــــــــــــــــ ــــــــــــــــ
أغنية ( مش هتنازل عنك أبدا ) لسميرة سعيد
(ياللى بتنسى)
ياللى بتنسى ودايما تعصى رب الكون..........
فكر بكرة إيه اللى هيجرى لما تكون...........
لما تكون فى عذاب الآخرة وتبكى عيون.......
إيه هيفيد بكاك يا عاصى....وانت لربك دايما ناسى.......
وغيبة اهلك وكل الناس ......عليك بتهون.........
قلت فلان.....وقلت كمان.....وياما إغتبت ومن الزلات.......
إيه هيفيدك.....غير تعذيبك......وياخدوا نصيبك م الحسنات......
إبعد .......إبعد .......
إبعد م الشيطان وعذابه .........ياما ناس بسببه إغتابوا .....
كل يوم.............
ـــــــــــــــــــــــــــــــــــ ــــــــــــــــــــــــــــــــــ
أغنية (أمل حياتى ) لأم كلثوم
( ياللى إنت مؤمن )
ياللى انت مؤمن ..........إسمعنى وافهم.........
أنا إيه هقول
عرفت ربى ....ربى ........ونلت سعدى...........
وشفت الرسول
حسيت بتقوى...........وبدنيا حلوة ......دنيا حلوة.....
وف قلبى نشوى
وغمرنى نور
إشتقت لربى ناجيته........وبقربى منه دعيته...........
قربنى منه بطاعته..........طمنى عن حالى عنده.........
ولقيت إيمان بيزيد إيمانى ....بيزيد إيمانى ........
وفضلت أعيش .......فى النور بعيش .........فى النور بعيش.....
يا ربى دايما غيرك مليش
صحبى ........وأهلى.......... وناسى ........
عمرى ماهقدر أوصفلكم إحساسى........
إحساس المؤمن........... لما عرف ربه.......
ماشى فى نوره..........هايم فى حبه.........
دا حبيبى دا حبيبى
أكتر م اللى انا فيه محلمش ..........
بعد رضا ربى مطلبش ................
ـــــــــــــــــــــــــــــــــــ ـــــــــــــــــــــــــــــــــــ ــــــ
أغنية (حيرت قلبى معاك ) لأم كلثوم
( يا سامع شكوتى ليك )
يا سامع شكوتى ليك ..........وعالم بيّا وبسّرى.....
أنا بشكو ضعفى إليك ........ودموعى من عينى بتجرى..........
جيتلك وذنبى بيدق بابك.........راجى عفوك خايف عذابك.......
إلهمنى السلوى والغفران .......إحرمنى الشقوى الحرمان.........
واكرمنى بتقوى يا رحمن
إقبل واحشرنى ف احبابك......إقبل واحشرنى ف احبابك
ياهادى إهدى أيامى إليك.......واللى انكتب فيها..........
نور باسمك لياليها ........نور باسمك لياليها........
وإقبل ركعة بداريها
إجعلنى راضى بكل قضاء........واجعل نصيبى من الخير ...كله
واقبل دعائى وكل صلاة ......وابعد عنى الشيطان...وشره
منك يا ربى قربنى.......من كتر شوقى لك وندمى....
جيتلك وذنبى بيدق بابك......راجى عفوك خايف عذابك.....
إلهمنى السلوى والغفران....... إحرمنى الشقوى والحرمان.......
واكرمنى بتقوى يا رحمن
إقبل واحشرنى ف احبابك.........إقبل واحشرنى ف احبابك
ـــــــــــــــــــــــــــــــــــ ـــــــــــــــــــــــــــــــــــ ـــــــــــــــــــــــــــــــــــ ـــــ
-----||-- الدمج الآلي للمشاركات المتعاقبة - المشاركة التالية أضيفت الساعة 02:47 AM -----||----- المشاركة السابقة أضيفت الساعة 02:28 AM --||-----
السلام عليكم رحمة الله وبركاته
الأخ الفاضل / الأستاذ جمال
( هى بالمصرى تصلح تكون اغانى كل ما فى الامر ان تلتقطها فرق الاغانى الدينيه وانصحك بنشرها على صفحتك فى الفيس بوك ..لعل يراها من يستطيع توصيلها لتلك الفرق )
والله يا اخى هذه أول مرة أقوم بنشر تلك الأغانى رغم مرور السنين عليها ومن يستطع ان يجد فرق الأغانى الدينية لإلتقاط هذه الأغانى فله منى جزيل الشكر
فقد وفقنى الله بتبديل أكثر من 40 أغنية وفى كل الموضوعات بما فيها الأفراح