اليوم قلت لازم اسوي لي موضوع جديد
للاخوان بما اني عضو جديد فحبيت اوريكم صور
لي شجرتي المانجا الخاصة فيني
قصتي يا طويلين العمر اني في موسم المانجا اكل منقا وازرع اكل وازرع اكل وازرع
واحملتهم فتفاجئت بعدد كبير منهم اطلعوا
ماشاء الله بس للاسف انه عدد كبير منهم مات ومابقى منهم الا ثنتين
وحبيت اوريكم صورهم علما انني اعيش في مدينة درجة الحرارة فيها عالية توصل للخمسين في معظم الاحيان
بس مكان الشجرة الكبيرة فيه ظل
ما ابي اطول عليكم الكلام
هاذي الصور
طبعا هاذي الشجرة الصغيرة مع انها طلعت قبل اختها بس حجمها اصغر يمكن لان الشمس قوية عليها
وهذي صورة ثانية لنفس الشجرة
وعاد اعذروني انه الصورة غير واضحة لانها تصوير جوال
اللحين نجي للشجرة الكبيرة
صحيح انها مو كبيرة كثير بس انا اعتبرها اكبر من اختها
الشجرة غير نظيفة بس ان شاء الله اذا برد الجو شوي بغسل كل الحديقة ان شاء الله
وقبل النهاية حاب اهديكم صورة انا اعتبرها احترافية بالنسبة لي
وملاحظة ترى الصور تصوير جوال سامسونج جالكسي اس تو 8 ميغا بيكسل
للاسف اللي خرب الصورة انبوب الماء البلاستيكي
انا اعتبرها رائعة هل تتفقون معاي
اذا شفت ردودكم وتشجيعكم باستمر واوريكم صور حديقتنا
شكرا لكم على حسن الاستماع واتمنى انه عجبكم الموضوع
مواضيع مشابهة: