كرسي الاعتراف

[شيبو]

نختار مين ؟
نختار مين؟













نختار citrus هي أفضل واحده تقعد علي كرسي الأعتراف

[Citrus]

سلام عليكم

و الله معى...
تحياتى

[شيبو]

1- الأسم
2- المؤهل
3- ماذا عن الحب في حياة سيترس؟
4- ما تحبه سيترس ( من حيث الطعام)
5- ما لاتحبه سيترس ( من حيث الطعام )
6- ماذا تعني لكي الكلمات الأتيه : ( الليل - النهار - الشمس - الضحي -البركان - الزلزال - الصداقه - الحب )
7- لو طلبنا منكي أن تطلقي علي كل من الأسماء التاليه أسماء ماذا تسميهم ( عوني الطحش - مصعب التفيعي - أليس - أمونه - نونا - مريم يوسف - شيبو )
8-لو كان معكي رصاصه في جيبك علي من تطلقيها ؟
9-أمنيه لم تتحقق؟
10- أمنيه حققت؟
11- أمنيه تريدي تحقيقها ؟
متخافيش هرجعلك تاني و بأسئله أقوي إن شاء الله

[Citrus]

سلام عليكم
ماشاء الله شيبو ايه الحماس ده كله ...ربنا يستر من الكرسى ده!!
1- الأسم
خليها سيترس طالما مطلبتش الحقيقى... وان كنت لا استطيع قوله لاسباب لا تخفى على احد

2- المؤهل
ماجستير فى العلوم الزراعية .
3- ماذا عن الحب في حياة سيترس؟
الحب تضحية وعطاء متبادل بين طرفين بلا حدود ((الإيثار))
4- ما تحبه سيترس ( من حيث الطعام)
ورق العنب اقدره كثيرا
5- ما لاتحبه سيترس ( من حيث الطعام )
الارانب... لا احب اكلها ابدا.... ولكن احبها وهى حية تلعب
6- ماذا تعني لكي الكلمات الأتيه :
- الليل: الراحة و الاسترخاء
- النهار: الحركة
- الشمس: الوضوح
- الضحي: بداية العمل
-البركان: ظاهرة طبيعية ....لاخراج غضب مكتوم
- الزلزال: يا ساتر يارب ...هزة من الاعماق
- الصداقه: أسمى وأرقى العلاقات في الوجود
- الحب: الفرحة
7- لو طلبنا منكي أن تطلقي علي كل من الأسماء التاليه أسماء ماذا تسميهم :
- عوني الطحش: عقلية منظمة محدده الاهداف احترمه كثير ..هو رائد فى فضاء منتدانا زراعه نت.
- مصعب النفيعي: اخى مصعب احب قراءة موضوعاته المتنوعه وخاصة الغرائب التى تبهرنى... المتجدد
- أليس: هى القادمة من بلاد العجائب لتبهرنا بمشاركتها وتجاوبها فى الموضوعات واحبها كتير ...هى الرقيقة المبهرة
- أمونه: مثقفة وعلى درجه من العلم تستحق التقدير ...وهى صاحبة الموضوعات الجميلة جدا...
- نونا: مرحة ولذيذة جدا واحسها اختى الصغيرة واتمنى لها التوفيق وان تحافظ على مرحها واسلوبها فى الحياه...هى الطفلة الشقية المحبوبة
- مريم يوسف: الصعيدية صاحبة الخلق والادب والاخت الطيبة والوفية فى نظرى..هى المهذبه
- شيبو: المشاكس المسرحى..فاعتقد انك تشاكس كل من حولك وده يدل على نشاط مرغوب فيه كفنان فى هوايتك المسرح ...
8-لو كان معكي رصاصه في جيبك علي من تطلقيها ؟ على الظلم فى هذه الدنيا.
9- أمنيه لم تتحقق؟ الحمد لله رب العالمين على كل حال.
10- أمنيه حققت؟ الماجستير
11- أمنيه تريدي تحقيقها ؟ اتمنى من الله ان يكتبلى الحج او العمرة من كل قلبى.

متخافيش هرجعلك تاني و بأسئله أقوي إن شاء الله
ليه كده مكفاية متزعلنيش منك ...استر يارب

[mesry]

السلام عليكم
تحياتى للدكتورة CITRUS

1 - ما هو سر اهتمامك بعلم الفلك ؟
2 - ماذا تمثل لك كلية الزراعة ؟
3 - هل لك اخوة او اخوات و ما هو ترتيبك بينهم ؟
4 - ماذا تفضلين ... الشاى ام القهوة ؟
5 - ماذا تقترحين لحل المشاكل التالية ....
زحام المواصلات
تدهور مستوى التعليم الابتدائى
تلوث الهواء و سحابة الدخان

[Citrus]

سلام عليكم
اهلا بك م / mesry

شكرا لك و لتحيتك الكريمة جزاك الله خيرا....

1 - ما هو سر اهتمامك بعلم الفلك ؟

ممم ...حب للفلك او الفضاء هواية لى لإستكشاف المحيط الذى نعيش فيه وكمان معرفة كل ما يوجد خارج الأرض من أجرام سماوية كالكواكب و الأقمار إلخ
2 - ماذا تمثل لك كلية الزراعة ؟
كلية الزراعه عالم كبير يشمل فى طياتة مختلف العلوم التى نسمع عنها سواء علوم طبيعية او اجتماعية او علوم حياه ...هو عالم جميل استفيد منه و احاول ان افيد غيرى قدر المستطاع.
3 - هل لك اخوة او اخوات و ما هو ترتيبك بينهم ؟
نعم اخين وانا الوسطى بينهم
4 - ماذا تفضلين ... الشاى ام القهوة ؟
الشاى الاخضر بالنعناع...رغم انى لم اكن استسيغه فى البداية.
5 - ماذا تقترحين لحل المشاكل التالية ....
سؤال صعب جدا
زحام المواصلات
مشكلة صعبة خاصة فى حالة تزايد السيارات واعتقد ان سيارة واحده فى كل اسرة لاستعمال جميع الافراد كافى ...يمكن استخدام وسائل مواصلات غير تقليدية مثل التليفريك او وسائل نقل نهرية سريعه وبالنسبة للمدن البحرية استعمال لانشات للنقل او ما يشابهها بين الشواطئ (حلول خيالية).
تدهور مستوى التعليم الابتدائى
فى البداية اوضح انه ليس تخصصى ولا عملى ولا املك الخبرة اللازمة لاجابة هذا السؤال!!
ولكن ممكن اقترح بعض الافكار ليس الا....الطفل فى الابتدائى كلوحة نخط فيها بالقلم لذا ممكن نبدا ببناء افكار الاطفال اخلاقيا او تربويا نلغى معانى الغش والنقل وتزوير وغيرها ثم نبدا بتعليمهم مهارات تحببهم فى تلقى المعلومة فى مقابل مكافات معنوية واهم شئ نشجع فيهم الابتكار مثل ما يحدث فى الخارج من وجود حصة الابتكارات العلمية المبنية على اسس او قوانيين طبيعية وعلمية معروفة...واصحاب العلم ادرى وادل
تلوث الهواء و سحابة الدخان
السحابة مصدرها مختلف حرق مخلفات محصول الارز وحطب القطن و حرق المخلفات الزراعية و مقالب القمامة والمخلفات وعوادم السيارات والمصانع ...الحل هنا: مخلفات الارز وغيرها تحتاجها شركات تصنيع الورق لعمل الورق فلا داعى لحرقها والمخلفات الزراعية والقمامة بدات بعض الشركات فى تجميعها لعمل سماد مخلفات المنازل و المزارع بالنسبة للعوادم عمل اجهزة فلاترعوادم السيارات او تركيب مكثف عوادم ...فقط نحتاج بذل جهد اكثر والضمير..
لا املك الخبرة الكافية لاجابة اخر 3 اسئلة لك ولكن ادينا بنفكر بدل ما اكتب (بدون تعليق!!)
اسئلة صعبة اوى حقيقى

[mohamed adel el-baz]

السلام عليكم ورحمته الله وبركاته

عمرك اطول من عمري شيبو
سبقتني في الاختيار

لكل منا اوراقه الخاصة............

فاسمحي لنا بان نقلب في هذه الاوراق......

دكتورة ستيرس......

-انتي من مصر......

من اي محافظة ( مكان ولادتك) وعايشة فين


-كلية الزراعة عالم كبير ويشمل في طياته........

فهل كانت الرغبة الاولى لك في اوراق التنسيق
واذا لم تكن فاي الكليات او المجالات تفضلي
وما هي سنة التخرج ومن اي قسم تخرجت


بسم الله ماشاء الله
الله يزديك..... ماجستير ودكتوراه في السكة باذن الله
ليه مع انه اغلب االشابات يكتفون بالبكالوريس باعتبار انهم سوف يتزوجون ويجلسون في البيت


من الواضح انك تمتلكين عزيمة واصرار لا حدود لهم

ايه طموحك وايه خطتك عشان تحقيقه
وماذا تعني كلمة الفشل في قاموس ستيرس وهل مرت به
وكيف تصرفت
وايه اصعب شئ مر عليكي
وهل ممكن تتنازلي عن احد مبادئك في الحياة واللي هي ايه


مشاراكاتك تعدت الثلاث الا ف مشاركة وموضوعاتك متنوعة
فكم ساعة تقضيها على الانترنت


ماجستير ودكتوراه وزراعة نت
يوم ستيرس شكله ايه وازاي بتقضيه
وايه هواياتك واجازتك بتعملي فيها ايه

بعد الحاح شديد وطلبات كثيرة طلب منك ان تكتبي موضوع مختصر عن الحياة وفلسفتها من وجهة نظرك
فماذا تكتبين


ومازلنا نقلب في اوراق الحياة
هل تفضلين العزلة ....... ام الحياة الاجتماعية



الفرح والحزن كلماتان متناقضتان
امتى ستيرس بتفرح وامتى بتحزن

واحيانا يصاحب الحزن البكاء
امتى بتبكي



في يوم من الايام رن جرس الباب وكان الضيف عريس راح يتقدم ليكي......
(الله يرزقك بالزوج الصالح والذرية الصالحة)
ايه مواصفات العريس اللي انتي عايزاها

واذا ما اتوفرت كل المواصفات وقوبل العريس بالترحاب من الاهل والمواقفة
ستيرس ها تعمل ايه


الحمدالله الفرح تم والامور كانت تمام والحياة حلوة وجميلة معاك

زوجك يعمل بشركة مرموقة ووظيفة محترمة وذات مسؤلية عالية وله سكرتيرات على درجة عالية من الجمال
فما هو شعورك وكيف تتصرفين

فجاة تعرض زوجك لضائقة مالية ومطلوب منك مصاريف البيت ......والمعيشة

ومصاريف الدكتوراه هتعملي ايه

مسؤليات البيت كتيرة وكبيرة طبيخ...... غسيل.......تنظيف وانتي بتحضري الدكتوراة التي تحتاج الي العمل الكثير

ازاي ها توفقي بين هذه المسؤليات ام ستعتمدين على مساعدة لكي (شغالة)


فاصل ................................... ..
ونواصل


ايه الالوان المفضلة عند ستيرس


دعانا استاذاننا الفاضل جمال ابا زيد لمطعم...... بمناسبة عيد ميلاده
ولم يحضر الطباخ ولا احد من معاونيه وطلب منك الاستاذ جمال بالقيام بهذه المهمة

فاي الاصناف تطبخين(هل انتي طباخة ماهرةواذا لم تكوني ازاي هتتصرفي)


بعد ما اكلنا وشربنا الحمدالله انتهز الاستاذ عوني الفرصة وعقد اجتماع للمشرفين بعد الموافقة على اقتراح الاستاذ جمال

وطلب منك وضع خطة لتطوير زراعة نت
فما هي مقتراحاتك باعتبارك نائب المدير


زراعة نت ماذا تمثل لكي


لاقدر الله حدث لكي ظروف ومنعتك من الاستمرار والمتابعة في منصبك كنائب مدير

مين ممكن ترشيحه يشغل هذا المنصب (بعد ان طلب مشورتك الاستاذ عوني)


في يوم من الايام وصلك على الايميل رسالة من منتدى اخر يطلب منك ان تتخذي منصب نائب المدير
مقابل اجر مادي مغري نظرا لكفائتك المشهود بيها


فهل تقبلين وزراعة نت هيكون موقفها ايه



اعتقد انه الاوراق كده خلصت

[مريم يوسف]

السلام عليكم ورحمة الله وبركاته
اهلا اهلا ... مين دى اللى كرسى الاعتراف ؟؟
استاذتنا وصاحبة المقام الرفيع citrus
انا شايفه هجوم حاد ومكثف من المحققين السابقين على كرسى الاعتراف . علشان كده هاحاول اكون خفيفه شويه . بس لازم نسأل
اولا حابه اخفف من وطأة السابق بتقديم واجب الضيافه اللى نسيوه اخوانا السابقين . وعلشان تستريحى شويه من الاسئله

ها اكلنا واستريحنا شويه . ايه رأيك فى كام سؤال على الماشى

ذكرتى فى اجابتك على اخونا شيبو انه الزلزال هزه من الاعماق . هل مرت بحياة سيترس اى نوع من الزلازل هزتها من الاعماق . وما هى ( ان امكن)؟؟

وذكرتى ايضا انه الحب تضحيه . لاى مدى يمكن ان تضحى ؟؟ ومتى تقول سيترس هذا الخط لا يمكن تجاوزه ؟؟؟

وذكرتى انك اخت بين اخين .. هل تاثرت بعدم وجود اخت بنت فى اسرتك ؟؟ واذا كان فبأى شكل كان ذلك التاثر ؟؟

ايه الحاجه اللى تضايق سيترس لدرجه انها ماتقدرش تسيطر على نفسها لو حصلت ؟؟

بمناسبة موضوع الخوف ... ايه اكتر شئ بتخاف منه سيترس ؟؟؟

نيجى لعالم الانترنت الرحب :
سؤال كده بينى وبينك سيترس مشتركه فى كام موقع ومنتدى ( طبعا الغير زراعى لانه زراعه نت فاقت الكل ) ؟؟؟

طرح منذ فتره موضوع اثار الجدل فى المنتدى ( لو كنت مكانى هل تبيع ) حول امكانية بيع زراعه نت اذا حكمت الظروف ( ويارب ما تحكم)
سيترس كنائب للمدير العام فى منتدانا بجد بجد شعورك ممكن يبقى ايه لو ده حصل ؟؟

مش عارفه .. اعتقد كده كفايه علشان ماتكرهينيش
سعدت بمحاورتك وارجو ان يكون حديث من القلب متبادل
فى امان الله

[Citrus]

سلام عليكم
اهلا بكم جميعا وبكل اسئلتكم الجميلة فعلا و القوية
و لكنها تحتاج منى ساعات للاجابة عليها
فده مخلنى اؤجل الموضوع شوى حتى املك الوقت لذلك...لانشغالى الايام دى و طبيعه العمل!!
اعتذر لتاخرى لـ م / محمد و م / مريم
ان شاء الله اجاوب على الاسئلة كلها قبل يوم الجمعه الاجازة
و ربنا يسهل والاقى اجابات على الاسئلة السهل ممتنع دى كلها
وانتظر البقية ايضا
وشكرا حبيبتى مريم على ورق العنب لان نفسى فيه فعلا هههههههههههه
تحياتى

[Citrus]

السلام عليكم

اهلا بك م / محمد...واهلا باسئلتك وان كانت تحتاج عشرات الساعات للاجابة

دكتورة ستيرس......

-انتي من مصر......
نعم انا مصرية حتى النخاع....

من اي محافظة ( مكان ولادتك) وعايشة فين
ولدت وعشت بالاسكندرية عروس البحر الابيض المتوسط ولكن حاليا بالقاهرة

-كلية الزراعة عالم كبير ويشمل في طياته........

فهل كانت الرغبة الاولى لك في اوراق التنسيق...نعم كانت الرغبة الاولى.

واذا لم تكن فاي الكليات او المجالات تفضلي....
الفنون الجميلة وخاصة قسم الديكور او التصميم الداخلى.

وما هي سنة التخرج ومن اي قسم تخرجت
من حوالى 8 سنوات ...الفاكهه

بسم الله ماشاء الله
الله يزديك..... ماجستير ودكتوراه في السكة باذن الله
ليه مع انه اغلب االشابات يكتفون بالبكالوريس باعتبار انهم سوف يتزوجون ويجلسون في البيت
هههههههههه ده حسد ولا قر يا ترىّ!!
الحقيقة طبيعه العمل فرضت تكملة الدراسة وده حال جميع المعيدين بالكليات مش فزلكة يعنى.. والموضوع صعب او مش سهل اوى على الراجل فما بالك على الاناث منتهى الاجهاد.... الله يكون فى عون كل الدارسين جميعا.. وأسال و ادعو الله بالتوفيق والعون فى دراستى ....

من الواضح انك تمتلكين عزيمة واصرار لا حدود لهم
عرفت منين!!! ..

ايه طموحك وايه خطتك عشان تحقيقه...؟
حتى الان لا املك اى خطط لطموحى والله المستعان..

وماذا تعني كلمة الفشل في قاموس ستيرس وهل مرت به...
اكيد الكلمة موجودة فى كل القواميس فى كل العالم ومريت بها طبعا..
وتعنى التوقف والبدء من جديد..

وكيف تصرفت
استنجدت بالله و دعوته ..

وايه اصعب شئ مر عليكي
ههههههههه اسئلتك دى

وهل ممكن تتنازلي عن احد مبادئك في الحياة واللي هي ايه
المبادئ نابعه من داخل خلق الانسان و اسلوب حياته وأصلها الدين ... فلا يمكن تهميش دور المبادئ والتنازل عنها واحده وراء الاخرى


مشاراكاتك تعدت الثلاث الا ف مشاركة وموضوعاتك متنوعة
فكم ساعة تقضيها على الانترنت
هههههههه اقل القليل واسال عونى عن ذلك فكثير ما اغيب عن المنتدى .....اما موضوعاتى مش كثير ولكن مشاركاتكم والاعضاء جميعا بارك الله فيهم هى ما يميزها ويعطيها قيمتها الفعلية


يوم ستيرس شكله ايه وازاي بتقضيه
يوم عمل مرهق جدا بالصباح يتخللها محاضرات ونوم كثير عند العودة

وايه هواياتك واجازتك بتعملي فيها ايه
قراءة قصص الرعب و الانترنت كهوايه...الاجازة للراحه والنوم فقط

بعد الحاح شديد وطلبات كثيرة طلب منك ان تكتبي موضوع مختصر عن الحياة وفلسفتها من وجهة نظرك
فماذا تكتبين
ومن اكون حتى اكتب عن الحياه وفلسفتها و ما ادرانى ...
ولكن اقول كى تهنأ بالحياه تقرب الى الله بكل طريقة وفى كل عمل تقوم به.


ومازلنا نقلب في اوراق الحياة
معقولة مكنتش فهما انها اوراق كتير كده

هل تفضلين العزلة ....... ام الحياة الاجتماعية
الاثنان على حسب الحالة او mood

الفرح والحزن كلماتان متناقضتان
امتى ستيرس بتفرح وامتى بتحزن

قال الله تعالى: {وأنه هو أضحك وأبكى} ونحن في وقتنا الحالى وفى حياتنا اليومية لايمر يوم إلا وتمتزج فيه الأفراح والأحزان


امتى بتبكي
عند الخوف


في يوم من الايام رن جرس الباب وكان الضيف عريس راح يتقدم ليكي......
(الله يرزقك بالزوج الصالح والذرية الصالحة).....ايه مواصفات العريس اللي انتي عايزاها
قال تعالى: { إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ}
الزوج الصالح و من يتقى الله في وفى نفسه والحريص على ايمانه ودينه.


واذا ما اتوفرت كل المواصفات وقوبل العريس بالترحاب من الاهل والمواقفة
ستيرس ها تعمل ايه
ههههههههه سؤال غريب ... حوافق !!..


الحمدالله الفرح تم والامور كانت تمام والحياة حلوة وجميلة معاك
زوجك يعمل بشركة مرموقة ووظيفة محترمة وذات مسؤلية عالية وله سكرتيرات على درجة عالية من الجمال فما هو شعورك وكيف تتصرفين؟؟
اكيد الثقة المتبادلة هى الاساس فهو من شروط الزوج الصالح ...
ثم ان الاخريات كانوا امامه ولم يخترهم ......


فجاة تعرض زوجك لضائقة مالية ومطلوب منك مصاريف البيت والمعيشة ومصاريف الدكتوراه هتعملي ايه؟
تقصد قبول المشاركة فى المصاريف عادى معظم السيدات حاليا تشارك فى مصروف البيت فهو مش عيب و لا استغلال بل اتفاق بين الاثنين من البداية


مسؤليات البيت كتيرة وكبيرة طبيخ...... غسيل.......تنظيف وانتي بتحضري الدكتوراة التي تحتاج الي العمل الكثير....ازاي ها توفقي بين هذه المسؤليات ام ستعتمدين على مساعدة لكي (شغالة)
اما اتحط فى الموقف ده حقولك وقتها...و نظرية الشغالة مش حل


فاصل ................................... .. الحمد لله

ونواصل.... هو لسة فى اسئلة...استر يارب


ايه الالوان المفضلة عند ستيرس
درجات الازرق جميعها

دعانا استاذاننا الفاضل جمال ابا زيد لمطعم...... بمناسبة عيد ميلاده
ولم يحضر الطباخ ولا احد من معاونيه وطلب منك الاستاذ جمال بالقيام بهذه المهمة..فاي الاصناف تطبخين(هل انتي طباخة ماهرة واذا لم تكوني ازاي هتتصرفي)
عيد ميلاد يبقى اكيد تورته وحلويات...واعتقد ان ممكن الموضوع ده يساعدنى كتير http://f.zira3a.net/showthread.php?t=2824
المهارة فى الطبخ عملية نسبية تختلف من شخص لاخر فى التذوق..والله المستعان


بعد ما اكلنا وشربنا الحمدالله انتهز الاستاذ عوني الفرصة وعقد اجتماع للمشرفين بعد الموافقة على اقتراح الاستاذ جمال
وطلب منك وضع خطة لتطوير زراعة نت ........فما هي مقتراحاتك باعتبارك نائب المدير
مممم احب التميز لمنتدانا وتفوقه وساقدم ما يعمل على ذلك لو استطعت ...و اعتقد انى وجعت راس الاستاذ /عونى من كم اقتراحاتى
وافضل هو يرد على سؤالك ده..


زراعة نت ماذا تمثل لكي
عالم جميل جدا... زراعه نت تعلمت منه وتعرفت على اشقاء كثيرون وهو بيت تانى


لاقدر الله حدث لكي ظروف ومنعتك من الاستمرار والمتابعة في منصبك كنائب مدير
مين ممكن ترشيحه يشغل هذا المنصب (بعد ان طلب مشورتك الاستاذ عوني)
لا قدر الله...احب ان اترك له الاختيار فانا اثق براية كثيرا و ايضا لدينا هنا من يستحقوا هذا المنصب افضل منى كثير...

في يوم من الايام وصلك على الايميل رسالة من منتدى اخر يطلب منك ان تتخذي منصب نائب المدير
مقابل اجر مادي مغري نظرا لكفائتك المشهود بيها
فهل تقبلين وزراعة نت هيكون موقفها ايه
ممم....اولا جزاك الله خيرا
الحقيقة تم عرض هذا الموضوع فعلا سابقا على من منتدى شقيق لمنتدانا ومشهور ... لكنى احب هذا المكان جدا (زراعة نت) وما اعطية من وقتى او علمي ليس لهدف مادى ولكن من باب ان العلم إذا لم ينتفع به يكون ضاراً لأن العلم سلاح، إما لك أو عليك .....
وقول النبي صلى الله عليه وسلم إذا مات الميت انقطع عمله إلا من ثلاث وذكر منها علم ينتفع به،ابلغ قول على ذلك.
و موقف المنتدى.. زراعه نت منتدى جميل بى او من غيرى ....

اعتقد انه الاوراق كده خلصت
احمدك يارب
وشكرا لك م /محمد على اسئلتك واعتذر عن تاخرى لضيق الوقت ... بس كفاية لحد كده

[Citrus]

السلام عليكم ورحمة الله وبركاته
اهلا اهلا ... مين دى اللى كرسى الاعتراف ؟؟
استاذتنا وصاحبة المقام الرفيع citrus

ايه رأيك فى كام سؤال على الماشى
اهلا بكى وباسئلتك على الماشى بس حاسبى الا تتعبى من المشى...

ذكرتى فى اجابتك على اخونا شيبو انه الزلزال هزه من الاعماق . هل مرت بحياة سيترس اى نوع من الزلازل هزتها من الاعماق . وما هى ( ان امكن)؟
الامر لا يخلو ولكن الحمد لله على كل حال...

وذكرتى ايضا انه الحب تضحيه . لاى مدى يمكن ان تضحى ؟؟
لو اللى انتى بتضحى من اجله يستاهل هذه التضحية...

ومتى تقول سيترس هذا الخط لا يمكن تجاوزه ؟؟؟
لو التضحية كانت من طرف و اتجاة واحد وعلى طول الوقت..هنا يجب وقفة

وذكرتى انك اخت بين اخين .. هل تاثرت بعدم وجود اخت بنت فى اسرتك ؟؟ واذا كان فبأى شكل كان ذلك التاثر ؟؟
ممم ابدا مكنش فى تاثر... لان لى صديقة هى الاخت لى الله يكرمها ويحقق لها امنياتها..

ايه الحاجه اللى تضايق سيترس لدرجه انها ماتقدرش تسيطر على نفسها لو حصلت ؟؟ الظلم

بمناسبة موضوع الخوف ... ايه اكتر شئ بتخاف منه سيترس ؟؟؟
ربنا و ساعه الحساب...الله يثبتنا ان شاء الله وقتها جميعا0000
والاشياء المادية التى اخاف منها الحشرات (الصرصار)!!

نيجى لعالم الانترنت الرحب :
سؤال كده بينى وبينك سيترس مشتركه فى كام موقع ومنتدى ( طبعا الغير زراعى لانه زراعه نت فاقت الكل ) ؟؟؟
هههههههه مش كتير اعتقد 2 او 3 وغير منتظمة فيهم ابدا

طرح منذ فتره موضوع اثار الجدل فى المنتدى ( لو كنت مكانى هل تبيع ) حول امكانية بيع زراعه نت اذا حكمت الظروف ( ويارب ما تحكم)
سيترس كنائب للمدير العام فى منتدانا بجد بجد شعورك ممكن يبقى ايه لو ده حصل ؟؟
كتبت راى هناك فى الموضوع http://f.zira3a.net/showthread.php?t=5350
واعتقد انه المنتدى مميز بكل ما هو فيه حاليا على حاله يعنى... لكن ما يكون فى مصلحه ا/عونى لن اعترض علية وكما قلت...it depends

مش عارفه .. اعتقد كده كفايه علشان ماتكرهينيش
سعدت بمحاورتك وارجو ان يكون حديث من القلب متبادل

فى امان الله
اهلا ومرحبا بك دائما وشكرا لاسئلتك وانت اخت لى عزيزة عليا جدا ربنا يكرمك ...جزاك الله خيرا

[شيبو]

باقي يوم علي سيترس
اللي عايز يسأل يسأل
عشان سيترس هتقوم من علي الكرسي يوم الخميس بالليل
و هنقعد حد تاني

[Citrus]

شيبو
باقي يوم علي سيترس

اللي عايز يسأل يسأل

عشان سيترس هتقوم من علي الكرسي يوم الخميس بالليل

و هنقعد حد تاني

سلام عليكم

شكرا شيبو على الكرسى ده.. بس انا عاوزة اهديه لحد تانى
الصراحه كان مريح جدا لدرجة انى نفسى ادية لاى حد بسرررررررررعه.........
و ارجو ان اكون ضيفه خفيفة على الموضوع.. لانى سعدت به جدا
ومازلت فى انتظار باقى الاسئلة ومستعدة لتحمل الكرسى مع قهوة ...والله معى
تحياتى

[شيبو]

أنتي ضيفه نورتي الكرسي و الله يا سيترس
و بجد نورتي قسم خربشات كله
و ياريت كنت تبقي قاعده علي الكرسي علي طول بس أنتي عارفه الأعضاء ممكن يقولوا أنتي قاعده عشان أنا الواسطه بتاعتك
بس عشان أعرف الناس أني معنديش وسائط
ممكن الناس هي اللي تختار مين اللي يقعد عشان يبقي في ديموقراطيه في الموضوع و بردوا أنا هنفذ اللي أنا عايزه زي ما ال........بتعمل
و اللي هيقعد هنشربه شاي علي حسابه

[aouniat]

السلام عليكم. كان يفترض أن أشارك في الموضوع لكن لضيق الوقت قمت بتأجيل ذلك لكن الحمد لله أن الأخت سيترس لم تغادر بعد (معليش أخي شيبو الواسطة هي أساس عمل المنتدى ) ...

بداية أختي سيترس لن أثقل عليك بأسئلتي:
1- قصة التدين في حياتك كيف بدأت و ما وضعها حاليا؟
2- ما هي برأيك نقاط القوة و نقاط الضعف في شخصيتك؟ و كيف تنمّين القوية منها و كيف تتعاملين مع الضعيفة؟
3- ما الذي تحبيه في مصر و ما الذي لا يعجبك فيها؟

فقط! أسئلتي خفيفة جدا .. لكن ربما سيشجعك هذا على التفصيل في الكتابة أو الرد بحرية أكبر.
في أمان الله