السلام عليكم
تحية لكل انسان عايز يزرع ارض بلدة وياريت اكون معاكو دا حلمى من زمان وعندى استعداد اسيب كل شغلى واستصلح ارض جديدة وازرع فيها قمح وكل حاجة عايزنها
السلام عليكم
تحية لكل انسان عايز يزرع ارض بلدة وياريت اكون معاكو دا حلمى من زمان وعندى استعداد اسيب كل شغلى واستصلح ارض جديدة وازرع فيها قمح وكل حاجة عايزنها
انا معاكم و ده ايميلي ayman_hassan33[at]yahoo.com
البحث رائع جدا جزاك الله خير انا استفدت منه جدا
مشكوووور وماقصرت ***لـــك مني آجمل تحيه
.:باالتوفيق:.
جزاك الله خير
بريدى الالكترونى moh_said_2000[at]yahoo.com
و على استعداد للمشاركة الجادة سواء بالتوقيع أو الانضمام للجمعية
انا معاك فى هذا المشروع الجميل والطموح وسأكون أول الموقعين لكن من يضمن عدم تعنت الحكومة فى المشروع خصوصا أنهم مازالو يعطون الأرض فقط للمستثمرين وذلك حتى تاريخ أمس ؟؟؟؟؟؟؟؟؟؟؟؟؟؟؟؟؟؟
aabdorabo[at]gmail.com
يا يريت يتم التنسيق ونجمع بعض حلم المزرعة حلم كل مصري .. وايد الله مع الجماعة ... يا ريت نبدأ بتطبيق الكلام احنا عايشين على ثلث مساحة مصر .. وباقي المساحة دي ليه ما تتعمرش بأبناء مصر
السلام عليكم ورحمة الله
اخوانى الاعزاء أعضاء المنتدى
نا متابع الموضوع من زمان (قراءة فقط - يعنى مشارك سلبى) والنهاردة بس قررت اشارك معاكو واكون ايجابى.
باسم الله نبدأ
أولا الحلم دة مش مستحيل ولا حاجة ولا هو ضرب من الخيال زى ما البعض بيصور لأن فى ناس بالفعل عملت كدة ومن أمثلتهم أ/ خالد ابو عيسى وهذا الرجل حكايته عنا على المنتدى بدأ فى 2009 يدعو لتأسيس جمعية من اعضاء المنتدى ليشتروا قطعة ارض ويستصلحوها وانا كلمته تليفونيا من اسبوعين علشان اشارك معاه وقالى الموضوع تم من زمان وتم تقسيم الاراضى بالفعل على المساهمين.
كمان فى شركة ابناء دمياط عبارة عن مجموعة معارف بعضهم من بعيد لبعيد، أسسوا الشركة واخدوا مساحة 5000 فدان فى منديشة بالواحات البحرية وانا اتصلت بأحد المساهمين من يومين فقط على شان اشترى منه والراجل وافق وبكل ترحاب وذهبت اليه فى الدقهلية وفطرت عنده كمان وحكالى القصة كلها بتاعت الارض.
وفى الاخ ياسر اللى اخد 300 فدان مشى شوية فى المشروع وبعدين فبوسة كلها صرفها على الارض ولم تنتج بعد واضطر يبيع جزئ من المساحة علشان يستثمر فلوسه فى باقى المزرعة وحاليا الامور مشيت كويس مهاه والحمد لله وانا اتصلت به شخصيا 3 مرات.
وهناك العديد من المحاولات منها من نجح واخذ قطعة ارض يبنى عليها حلمه ومنهم من ظل يتحدث فقط.
انا معاكم ولو عايزين نبدأ بجد يبقى نحدد ميعاد ونتقابل فيه كل اللى عايز يشارك ونشوف هل نأسس شركة أو جمعية و ممكن نشترى قطعة ارض ونقسمها على بعض ونسعى مع بعض فى اجراءات التقنين أو نوكل أحد المحاممين المخضرمين فى هذا المجال علشان يقنن لنا وضع الارضز
انا شخصيا أفضل أرض الواحات البحرية لعدة اسباب:
1- المياه قريبة مما يوفر من تكلفة حفر البئر (حتى انى سمعت من ناس انه ممكن يركب طلمبة مياه عاديه اللى هى الدويتس اللى بنشوفها على الترع اللى الفلاحين بيستعملوها) وطبعا دة لو حقيقى يبقى هنوفر ثمن طلمبة الاعماق ولوحة التحكم ومولد الكهرباء (طبعا هنحتاج مولد علشان يولد لنا كهرباء لزوم المعيشة لكن لن يكون بنفس قدرة المولد فى حال استخدام طلمة الاعماق) وكمان ملوحة المياه لا تتعدى 300 جزئ فى المليون.
2- نوعية التربة العديد من الخبراء هنا على المنتدى اشادو بجودة التربة فى الواحات البحرية.
3- سعر الارض (ممتاز بالنسبة لأماكن أخرى) بل انه خيالى.
ولكن اهم العيوب هو الوضع القانونى للأرض (وضع يد) يعنى هنشترى من العرب أو من حد شارى من العرب أو البدو
ثم نبدأ اجراءات التقنين . وأنا لا أعرف لو اشنرينا النهاردة هل ممكن نبدأ اجراءات التقنين ولا ماينفعش زى ما قال د/ التلمسانى ان هيئة التعمير لن تقبل طلبات جديدة بعد تاريخ 31/12/2010. (يا ريت لو فى حد عندة معلومة بهذا الخصوص يفيدنا)
وانا عن نفسى هتوكل على الله وهشترى سواء الناس اشتركت معايا أو لم تشترك ولكن فى الاتحاد قوة ولو الواحد له طلب و مظلمة يقولوا لك دة له طلب شخصى ولو مجموعة يقوا لك دى مطالب فئوية . طب يا عم خلينا تبع الفئات أحسن من الفردى يعنى خلينا نطالب بشئ كمجموعة وهو طلب تقنين الارض
طبعا اللى عايز يشترى معانا ويسقع الارض نقوله اتقى الله وابعد عننا احنا عايزين نعمر مش ندمر.
دة حلمى نتحد ويكون لنا كيان ماهو انا مش هكون أجير فى ارضى وفى ملكى تيجى الشركات الكبيرة والمستثمرين الاجانب يفتحوا لهم كل الابواب المغلقة اما احنا الشباب ناكل طين ونشتغل عندهم بالاجرة فى ارضنا وفى املاكنا.
قانون 148 لسنى 2006 والقوانين السابقة عليه المتعلقة بالاراضى وتقنين اوضاعها بتسمح للفرد المصرى بتملك 100 فدان من الاراضى الصحراوية أو 10 فدنة من اراضى الوادى القديم (الدلتا والنيل).
سافرنا واتغربنا واتبهدلنا علىشان لقمة العيش أنا اكلها بالزل فى حين ان الغريب مرحب به ياخد من الارض وخيرها ما يشاء اما انا المصرى لا حرام ليه تاخد 10 فدادين ولا عشرين مش هتقدر عليهم يا راجل اصل انت لسة شاب ومش فاهم حاجة. طيب انا علشان اثبتلكم انى شاب بجد وراجل بجد قمت بأعظم ثورة فى تاريخ مصرز
وانا لن انتظر رئيس جديد او دستور جديد. انا هاخد حته ارض وضع يد مثل ما الكثيرين عملوا وهزرعها ان شاء الله بأيدى واسنانى والناس اللى هتدخل وحبط فى عزيمتنا بلاش منكم اللى عايز يقول خير ويساعدنا فى طريق المشروع اهلا وسهلا واللى داخل يكسر مقاديفنا سورى ملاكش لازمة.
المشروع عبارة عن 5000 فدان مثلا تقسم بواقع 50 فدان على المشاركين (علشان العائد الاقتصادى يجون مجدى) وطبعا ممكن اقل من كدة كل واحد حسب ما يقدر وليكن اسم المشروع مثلا "حلم الواحة" (أرجو المشاركة باختيار اسم مناسب)
وعلشان ما حدش يشكك انا مش عايز اكون رئيس المجموعة انا عايز حته الارض بتاعتى اللى ازرعها بدراعى. وطبعا هشارك معاكم بخبرتى الادارية البسيطة لوجه الله وياريت يكون معانا محامى ومهندسين زراعيين وصغار المزارعيين. ويا جماعة صدقونى انا لو اتحدنا حنقدر نوفر على بعض فلوس كتير جدا.
وليكن اول اجتماع لنا يوم 15/9/2011 فى القاهرة مثلا (على فكرة انا من الزقازيق)
والموضوع مفتوح للتواصل
محمد متولى
0114403770
الحلم ممكن يكون حقيقى
بس لو وصل العدد ل 1000 صوت
و انا ممكن اجاهد لغاية ما نحقق الحلم بكل ما عندى من طاقة و مال
و انا طارح مشروع مسميه مشروع ال 50 الف فدان
بس مش ها ينفع اتكلم عليه الان
موضوع قديم جدا اين كاتبة هل ماذال موجود ............الكلام دة كان قبل الثورة ام الان اكيد الامور اختلفت تحياتى لكل المجتهدين يلا نعمر الصحراء .
الاخوة والاخوات
الشباب المتحمس
انا اضم صوتى لصوتكم
لكن عندى مقوله انا اميل اليها غالبا
وهى من واقع ما رأيت ومن خلال زياراتى للمزارع
وهى ( الصحراء تحتاج الى ثلاث معجزات
المعجزة الاولى
عمر نوح
المعجزة الثانية
مال قارون
المعجزة الثالثة
صبر ايوب
) ليس هذا احباط للهمم العالية
وانما للمعلومية
وكل ما اقصدة هنا ان تدخل الدوله بتخصيص الاراضى للشباب ولو بمساحات صغيرة مع توفير البنية التحتية من مياة الرى والكهرباء من الامور التى تسهل تحقيق الحلم
واخيرا لك الله يا مصر
م/أسعد الفقى **0533021646 بالمملكة العربية السعودية
http://omrasad.blogspot.com/
اعداد دراسات جدوى المشاريع الزراعية
نعم الموضوع قديم ومشاركتى الاولى فيه كانت احباط لأى حالم.ولكن الظروف الان تغيرت بعد الثوره واكتشافنا مدى الفساد فى الاعوام السابقه فى موضوع الاراضى بالتحديد
الان الحلم من الممكن ان يصبح حقيقه وتملك قطعه ارض زراعيه لكل شاب يعمل فى المجال او حتى محب للزراعه واجب على الحكومه تحقيقه ولمصلحه مصر
نحن الان فى مصر فى اشد الحاجه لزياده الرقعه الزراعيه ..ولن نجد خيرا من شباب مصر فى زياده تلك الرقعه .. الان لا يوجد الفاسد احمد نظيف ولا رئيسه اللص مبارك ولا مافيا السلطه ولصوص الاراضى
والميدان موجود ...وبرغم اننى لا احبذ المظاهرات الفئويه ..الا اننى اعتبرها من متطلبات الثوره ولصالح الوطن ..اعملوها ائتلاف واعلنوها وفى اى جمعه طالبوا بيها وخلفكم كل شعب مصر
ولكم كل الشكر
نشكر اخونا الفاضل
جمال امين على روائع كلامه وفقنا الله واياك اخى الفاضل
السلام عليكم ورحمة الله وبركاته
تحياتى للجميع
ولكن هل التفكير اتغير او حتى المنظومة اتغيرة هل هى فعلاا للصالح العام
ماذال الشباب فى حيره ا متة وامتة وامتة ..
نرجو من الله العزيز الخبير ان نغيرنا جميعا الى ما يحبة ويرضى انة ولى ذلك
التفكير فى وزراة الزراعة نتغير ويكون كأتى
1- تكوين وحدات زراعية مجمعة حيث يتوافر الماء ومرعات التقنية الحديثة فى هذة الاراضى .
( كم يتكلف نقل النيل . احسب التكلفة . مع العلم يوجد فى مصر اكثر من نهر نيل )
حبا الله مصرنا الغالية بأنهار تحت اراضيها ويوجد امثلة لذلك وماذلت ابعث فى بعض المناطن شرقا وغربا
2 نرجو عدم نقل النيل وبدل ذلك اعطونا اراضى ووفر مياة لهذة الاراضى .
مثال ( الواحات البحريه من الدخل معادن وكنوز لايعلم قدرها الا الله ولم تستغل وماذالت بكر وتقام عليها الزراعة وهذا تلف للمعادن الموجودة ولكن ان استحدمت الواحات بدل نهر النيل وتوسعت الزراعة خارج الواحات الى اكتوبر يمين وشمال الطريق هل هذة مدنية زراعية ولا )
اعلم ان يوجد اكثر منى علما هنا فى هذا المنتدى وان تكتفنا جميعا فى ذلك ننشىء هذا المشروع العملاق مدينة زراعية على مساحة 300 كليو حتى اكتوبر لو حسبنا عريض او طولا كل شباب مصر تعمل فى هذا المشروع العملاق
اكيد للموضوع بقية اثقلت عليكم
تحياتى فى امان الله