السلام عليكم و رحمة الله و بركاته
اولا احب اوضح اني خريج زراعه
ثانيا لم ادخل الكليه بمجموع قليل مثلي في ذلك مثل الكثيرين من زملائي .
وارى ان اسباب العزوف عن كليه الزراعه كثيره اذكر منها الان :
1 - النظره المجتمعيه لطلاب الزراعه بالذات على انهم طلاب "بلده" لم يذاكروا في الثانويه فهم على مستوى منخفض من الذكاء . متجاهلين بذلك الظروف المحيطه بالطالب و مدى تأثيرها عليه
2- نظره الناس المصريين و غيرهم على ان طلاب الكليات الطبيه هم فقط من يدرسوا علم في الكليه " اما نحن فليس لنا علاقه بالعلم !!!!!!!!!" متناسين بذلك اننا الكليه الوحيده التي تدرس جميع فروع العلوم البيولوجيه من نبات و حيوان ,, و الكيميائيه و الفيزياء و الهندسيه و حتى مجال تغذيه الانسان و حتي علم السميه للانسان و الحيوان " بقسم كيمياء المبيدات "................................ال خ
3- وسائل الاعلام لها دور كبير في اعطاء النظره الحقيره على طلاب الزراعه و الطب البيطري ايضا و خاصة وسائل الاعلام المصريه !!!!!! فلاحظوا معي اخوتي بعض الكلمات المتهكمه و المستفزه التى ترد في المسلسلات و الافلام السنيمائيه بغرض " الترقيه و خفه الدم و نضحك الناس " و اهو كله على دماغنا مهو مفيش احترام للعلم اساسا !!!
بصوا يا اخواني مين اللي بيضحك على مين !!!!! الممثلين اللي همه اساسا مكنوش فالحين في التعليم و منهم الجهله بيضحكوا علينا احنا ذوي المؤهلات العليا و ذوي العلم !!!!!!!!!!
اصل الدنيا بترجع بظهرها و الله حاجه عجيبه .!!!!
و كمان ممكن اي حد من اي كليه نظريه "مع احترامي و تقديري لكل الكليات لاني لست بجاهل فأنا اعلم قدر كل كليه و اهميتها" ممكن يقولك انت يا طالب الزراعه انتو بتدرسوا ايه انتو ملكمش لزمه !!!!! ده لانه مبيعرفش حاجه في العلوم العمليه اساسا ...يعني من الاخر واحد ليس له علاقه بمثل هذه العلوم فلماذا يفتي في شيء ليس له به علم!!!!!!!!!!
4- اهتمام كل الناس تقريبا بالمنظره و التباهي بشيء عبيط
الام و الاب نفسهم ابنهم بيقى مهندس .او دكتور او ظابط لا محامي و لا مدرس ولا محاسب ولا زراعه ولا علوم هي الكليات دي لها لزمه ؟؟؟؟؟!!!!!!!!!!!!!!!!!!!!!!!!!!!!!! !!!!!!!!!!!!!!!!!!
5- الناس نسيت ان مشكلتنا الاساسيه هي اننا مش لاقين ناكل يعني شحاتين و كمان بنتمنظر على اللي لهم علاقه بالانتاج الزراعي يعني مثلا دايما تلاقي في الافلام ان الفلاح لابس جلبيه مقطعه و متبهدل و كانه عمل عمله سودا و كانه ملوش حقوق و كله ما عليه انه يقول " حاضر يا بيه " " يا جناب العمده" وهكذا اننا نختزل قدر و مكانه الافراد ولا يعلم بعضنا قدر بعض كما ينبغي ...
لو لاحظتوا يا جماعه في الافلام الاجنبيه تلاقوا البنات الفتيات الاجنبيات و الشباب لو عندهم مزرعه يساعدوا بعض في كل شيء حتي الحصاد بدون ان تقول اي بنت منهن " يع " ولا " ايه القرف ده تراب" " انا انزل الارض" و ده بسبب اننا عندنا عقده "الخواجه" مع ان عندنا البنت او الشاب يبتكبر على الزراعه و على عمليات الزراعه على اساس انها حاجه كخخخخخخ
و نسيوا انهم بيأكلو ا من هذا الخير كله وانه لولا ان ربنا انعم علينا بيه لكنا متنا جوعا و كانوا اكلوا ورق الشجر و لحسوا الطين !!!!!!!!!!!!!!!!!!!!!!!!!!!
نقابه الزراعيين لا تحمي المهندسين الزراعيين فمثلا نقابه المحامين لا تسمح لا شخص بان يفتح مكتب محاماه الا اذا كان محامي اما نقابه الزراعييه فهي لا تمنع اي احد من ان يفتح مزرعه او محل مبيدات و تلاقي واحد ميعرفش يعني ايه كيمياء قاعد بيبيع مبيدات و بيستخدمها بكل جراه مهو ميعرفش ايه دي لا و كمان بدل ما يوصف العلاج بالمبيد بال بي بي ام يقوللك لا حط شويه مبيد كويسين عشان يقضي على السوسه "مفيش في دماغه غير السوس" و سيبك ان بقي يا بشمهندس بلا كيمياء بلا تركيز و كل اللي انت درسته و حرقت قلبك في دراسه كيمياء المبيدات و الامراض و الحشرات فشنك ملوش لزمه
6- اسم الكليه عامل عقده للناس " زراعه " هو انا هروح الكليه بالفاس ؟؟؟؟!!! ههههااا
و ده بسبب الجهل التام بعلوم الزراعه و اقسامها و علمائها
لما ان شاء الله حد فيكم يسافر يعمل ماجستير او دكتوراه بالخارج سيجد ان كليه الزراعه هناك اسمها " كليه العلوم البيولوجيه و الزراعه " او ما شابه ذلك ..و لكن عموما دعك من الاسماء و خلينا في الجوهر ....
7- في النهايه اجب اقول ان كليات الزراعه خرجت علماء كبار في مجالات في غايه الاهميه منهم مثلا مثلا العالم الراحل الاستاذ الدكتور احمد مستجير و هو عالم هندسه وراثيه من زراعه القاهره و للعلم هذا العالم عالم في الهندسه الوراثيه النباتيه و الحيوانيه و له مؤلفات وترجمات عن هذا المجال في وراثه الانسان ايضا .
و في زراعه ا لقاهره معمل كيمياء حصل على شهاده الايزو و هي اول شهاده تمنح لمعمل كيمياء( داخل كليه ) ليس على مستوى الكليه فحسب بل ايضا على مستوى الجامعه و الجامعات المصريه و الشرق الاوسط.
و يكفينا شرفا اننا كليه تطبيقيه يعني العلم اللي بندرسه له عندنا تطبيق مما يثقل مهاره و خبره و علم الطالب و الاستاذ في هذه الكليه على عكس كليات اخري كتبير بيدرسوا العلم و مشك عارفين ليه و لا يعرفوا التطبيق العملي الا قليل
9- مجال العمل :
نلاحظ اننا في العالم و خاصه مصر نعاني من مشكله البطاله و عندما نتحدث عن اسباب عزوف الطلاب عن مجال الزراعه نقول بالفم المليان " ملهاش شغل " مين قال كده طب و الله احنا حديثي التخرج و اشتغلنا.
و كمان لما نحب نتكلم عن عدم وجود فرص عمل لاحظوا بقيه الكليات مثل الحقوق و التجاره و الاداب و التربيه و غيرهم و حتى الهندسه و الطب و الصيدله هل كل خريجين هذه الكليات لما بيتخرجوا بيلاقوا الشغل مستنهيم ؟؟؟؟؟؟؟؟؟؟؟؟؟!!!!!!!!! هيهااااااااااات !!!
لي صديق طبيب يقول لي ان مرتبه لا يتعدي المائتي جنيه !!!! هل هذا هو الشغل ؟؟؟؟
ده على الاقل خريج الزراعه بيلاقي شغل بمرتب اعلى من كده
خريج التجاره بعد التخرج بيتدرب لمه سنه او اتنين بمرتب 100 جنيه في الشهر فهل هذا شغل " هذه الارقام و الله حقيقه وانا سمعتها بنفسي منهم "
اذن مشكله البطاله عاااااااااااااااااااااااااااااااااا ااامه و ليست خاصه
بل بالعكس في رأيي تجد هذه المشكله اقل في مجال الزراعه .
- في النهايه اسف للاطاله و لكن الموضوع هااااااااااااااااااام و اشكر اخي صاحب هذه الفكره الرائعه جزاك الله خيرا يا اخي ...
9- اقترح ان نقوم في هذا الموقع بانشاء منتدي للتعريف بمجال كليات الزراعه و اقسامها و علومها و علمائها .
اقسام كليه الزراعه :
قسم الاراضي و ا لمياه (فيزياء و كيمياء االتربه و الجيولوجيا و المعادن و كيمياء الاسمده وعلوم المياه)
قسم الكيمياء الحيويه (كيمياء الكربوهيدرات و البروتينات و الدهون و الاحماض النوويه و المناعيه و ا لعضويه و التحليليه والفيزيائيه و الانزيمات و الميتابوليزم.......)
قسم الوراثه (هندسه وراثيه و بيولوجيا جزيئه اساسيات الوراثه)
قسم الحيوان و النيماتولوجي و الاكارولوجي
قسم الحشرات
قسم كيمياء المبيدات (كيمياء السموم و المبيدات و التوكسيكولوجي ....)
قسم امراض النبات (الامراض الفطريه والفيروسيه و البكتيريه و النيماتوديه و امراض الفيرويد و المايكوبلازما و الفيتوبلازما و الامراض الفسيولوجيه و المكافحه البيولوجيه و الكيميائيه والبيولوجيا الجزيئيه والهندسه الوراثيه )
قسم علوم الالبان
قسم النبات (نبات عام و فسيولوجي نبات ووراثه نباتيه)
قسم علوم الاغذيه (حفظ الاغذيه و السموم و ميكروبيولوجيا الاغذيه و كيمياء تحليل الاغذيه.....)
قسم الميكروبيولوجي (ميكروبيولوجي الاراضي وميكروبيولوجي الاغذيه و الالبان وميكروبيولوجي المياه و المجاري المائيه والميكروبيولوجيا الصناعيه و التخمرات و البييوتكنولوجي و ميكروبيولوجيا الاوساط البيئيه "
قسم المحاصيل (نبات محاصيل و ووراثه نباته وهندسه وراثيه)
قسم الخضر ( """""""
قسم الفاكهه
فسم الهندسه الزراعيه (يتناول العلوم الهندسيه مثل الهيدروليكا و الميكانيكا و المساحه و الرسم الهندسي و الرياضيات و الديناميكا و التحكم البيئي ..)
قسم الزينه
قسم الاقتصاد
قسم الارشاد و الاجتماع
والسلام عليكم ورحمة الله و بركاته