شو الموضوع ؟؟؟
كرسي الاعتراف
شو الموضوع ؟؟؟
كرسي الاعتراف
موضوع كرسى الاعتراف ده موضوع هيعرفنا ببعض اكتر و هيوثق العلاقات الاخويه ما بيننا و احب اعرف الدور على مين علشان اعرض الاسئله و انا راييى نرشح الاخ المهندس احمد السيد molshom ايه رايكم؟؟
انا اوافقكم الراي فليخبرنا
المهندس احمد السيد molshom
اذا كان موافق او لا...
موافق بكل سرور وشكرا لاخي عوني والمهندس ياسر والمهندسه دعاء .. اذن ولا بد يبقي لازم اجلس علي كرسي الاعتراف وانا مستعد ..
السلام عليكم
والله هو شئ جميل حقا ارجو المعذر من الاخوا واليكم اقتراحي ان كان مقبول وهو كالتايى
لو اخترتم جميع الاسالة التى وارد طرحها على الفرد ما بين 20 او 25سال وتركتم كل شخص يجب عن الاسالة من تلقاء نفسه او اختيار الشخص من رقم 1 وهو المدير الى النائب و الاعضاء حسب الاقدمية في العضوية وتكون الاسالة مقترحة من الادرة .وتشمل الاجابة الاجبرية و الاختيارية
التعديل الأخير تم بواسطة taybon ; 20-08-2007 الساعة 05:58 PM
السلام عليكم و رحمه الله و بركاته احب ارحب بكل اخواتى فى المنتدى من اعضاء و مشرفين و احب ارحب بالمهندس احمد السيد و اقوله اتفضل اجلس على كرسى الاعتراف علشان اسالك و اقولك
1- عرفنى ببطاقتك الشخصيه و هواياتك؟
2-دخولك كليه الزراعه كان بارادتك ولا التنسيق لعب دوره معاااك؟
3-ايه اكتر حاجه بتحلم بيها و نفسك تحققها فى الفتره القادمه؟
مع خالص تحياتى لك و لكل القائمين على هذا المنتدى الاكثر من رائع
من حيث البطاقه الشخصيه
الاسم /احمد السيد حسن
العمر/20 سنه
مواليد /السعوديه والاقامه الان بمصر (المنصورة)
حاصل علي بكالريوس العلوم الزراعيه (شعبه علوم الاراضي)2007
من حيث الهوايات
من الصغر كنت اعشق كرة القدم ولكن تركتها وتطرفت الي البلياردو والشطرنج واحترفت في كلاهما ولكن منذ دخولي الجامعي اصبحت هواياتي عبارة عن المذاكرة والدراسه والبحث العلمي علي الانترنت وتتبع الجديد وقراءة الاخبار يويما خاصه bbc london وحبي الشديد جدا للراديو .. فاكرة التلفزيون من الصغر او مشاهدة افلام او هكذا الا اذا كان برامج هادفه وحتي ذلك نادرا ..من ضمن الهوايات ويمكن انا بداتها وانا في الجامعه بالاضافه الي دراستي .. دراسه الفيزياء لان ذلك كان من ضمن احلامي هي دراسه الفيزياء وخاصه دراسه الجلاكسي والبلانيتس اقصد المجرات والكواكب وحركتها مع بعضها في الكون وارتباط ذلك بالنسبيه relativity لانشتين .. يمكن الجو المعقد دة بميل ليه اوي عن اي مجال اخر
السؤال التاني
دخولي كليه الزراعه .. هو انا كنت بحلم ادخل علوم قسم كيمياء في الاساس ولكن في الثانويه العامه المجموع لم يحالفني للدخول الي العلوم في المرحله الاولي .. فلايوجد حل الا ان ادخل ادبي ولكن انا كنت اكرة الدراسه النظريه فقلت في نفسي حتي اكون قريب من الميديا العلميه .. ادخل زراعه .. لذلك اكملت فيزياء وبيولجي في المرحله التانيه ودخلت كليه زراعه وكان امامي كليه التربيه الرياضيه .. سبحان الله المجاميع في السنه اللي انا كنت فيها كانت عاليه جدا بدرجات غير متوقعه .. لدرجه ان وقتها زراعه كانت بحوالي 68 % ليس 50% والشيء التاني اللي احبكوا تعرفوة انا فعلا كنت خايب جدا ومااذاكر ومكنتش احب المذاكرة خالص الا مواد معينه فقط لاغير وتكون عندي اعلي الدرجات الكيمياء والفيزياء والرياضيات والاغرب من كدة .. باختصار .. يمكن الظروف اللي انتا بتعيشها بتكون سبب من اسباب نجاحك او امتيازاتك ولكن انا لم اجد هذة الظروف بالمرة .. بصراحه مطلقه وسبحان الله انا اول ما علمت بدخولي الكليه زراعه .. كنت سعيد جدا ولكن لما دخلت لقيت ناس غريبه في الشكل والمعامله وكل شيء ووضع مختلف .. انا طبيعتي لاتحب التقيد .. احب اكون حر الحركه والافكار ومخافش من اي شيء..يمكن اجمل شيء في حياتي اني اتعلم كل يوم معلومه واحدة او شيء جديد معرفوش في اي مجال .. يمكن انا مبيجليش الرهبه اللي بتيجي للطلبه قبل الامتحان وكمان مبفتحش كتاب او مذكرة قبل الامتحان بكون بتكلم في موضوع اخر او اضحك مع زملائي .. لاني بعتقد دة شيء بيعمل خلل ويشوشر علي معلوماتي.. واثق ..ذاكرت وفهمت كويس خلاص ..والحمد لله كنت بجيب امتياز في بعض الكورصات ولكن انا مكنتش حتي بفكر في اني اجيب اعلي الدرجات او اطلع معيد او كدة .. كنت بحب اتعلم واذاكر بفهم واستفيض من الوقت في المذاكرة واتعمق وافتح مراجع علي الرغم اني كنت طالب وبكون سعيدا جدا انك تكون مدرك للحوليك بيفكروا ازاي ..وممكن اذاكر حوالي 6 او 9 ساعات وممكن يومين متصلين بس انا كنت بذاكر عايز اذاكر .. ودايما انا بحب الهدوء ودايما لازم يكون شغال موسيقي معينه هاديه جدا بجانبي..وحقيقي انا بشعر بسعادة بالشكل دة ويمكن انا كدة من سنوات .. ومازلت ..والحمد لله علي كل شيء وقابلت مشاكل في الكليه كتير مع مدرسين ودكاترة وهو السبب ان انا كنت برفض بعض الا شياء .. احيانا كانت كتب الكورصات فيها اخطاء كتير كان في اللي يتقبلها وكان في اللي بيرفضها وبردة كان في اللي بيقدر الفكرة والمعلومه وكان في اللي هو بيحب المركز والوضع الاجتماعي ويعني انا شفت كتير اوي في الكليه .. لكن انا بحبهم عشان هما علموني وعرفوني حاجات انا معرفهاش .. فانا كنت احاول باكبر قدر اني استفيد من اي حد في الكليه واسال باستمرار .. لاني هو مش فضول ولكن انا بحب اعرف كل شيء .. محبش اكون متخلف .. هما اصدقائي للاسف اغلبهم بقالوا سنين في الكليه ولكن انا عمري مافكرت في الموضوع دة خالص .. بقول عادي .. مااعتقدش انه ذاكر فعشان كدة هو رسب ..فانا كان عندي مبدا بخصوص التدريس .. كنت اقول في نفسي كدة
المدرس القوي يعمل طالب قوي .. اماالمدرس الضعيف يطلع وينتج طالب ضعيف
والحمد لله ان الاساتذة والدكاترة اللي علمونا ودرسونا في الكليه يعتبروا من اكبر الدكاترة في الكليه واقواهم في البحث العلمي .. والحمد لله انا كنت محصله .. اتمني تكون خير .. انا في نظري الزراعه بسيطه وغير معقدة ولكن البعض بينظر لها علي انها قويه ووالخ بس حقيقي انا يمكن عمري مازرعت او كذا ولكن اعتقد اننا لا نطبق ماتعلمناة ولكن نطبق مايفعله المزارع بالظبط والله اعلم وطبعا السبب في كدة الحاله الماديه والحزينه واللي بتكون موجودة في كل بيت في مصر .. مشاكل ووالخ
كل دة بيجعلنا نسير في الاتجاة المضاد علي الرغم اننا كلنا عندنا العقل والذكاء ووالخ
السؤال الثالث عن اكتر حاجه بتحلم بيها و نفسك تحققها فى الفتره القادمه؟
هو انا بصراحه حلمت كتير جدا ويمكن انا كنت بحلم من وانا صغير وكل مااكبر اكتر احلم حلم اكبر .. هو انا عمري ماحلمت حلم واتحقق اصلا
لكن باختصار هو حلم لكن معتقدش انه هيحصل
انا كنت اتمني السفر لدوله اوربيه خاصه انجلترا لان دي مدرستي بجد في افكاري
ولو طلب الامر اسافر امريكا وذلك للدراسه الاكاديميه والبحثيه خاصه في الزراعه واتمني الالتحاق بالدراسه في الفيزياء وخاصه علوم الفلك
اما الان انا بفكر في العمل في وظيفه بمصر والتثبيت فيها واحتمال كبير لو توظقت احتمال اكمل دراسه الماجستير لان في عدد كبير جدا من الدكاترة والمتخصصين يطلبوني لتكمله الدراسه معهم .. فيعلم الله ان رفضي بسبب ظروف ماديه في الوقت الحالي فانتظر الوظيفه او العمل حتي التواصل مع الحياة وشكرا لكم .. انا اسف علي الاطاله..
قال الله تعالى ( إنما المؤمنون أخوة ) وقال النبي صلى الله عليه وسلم ( مثل المؤمنين في توادهم وتراحمهم وتعاطفهم كمثل الجسد الواحد إذا اشتكى منه عضو تداعى له سائر الجسد بالحمى السهر )(المؤمن للمؤمن كالبنيان يشد بعضه بعضاً وشبك بين اصابعه )
الاخ العزيز جدا بمعني الكلمة احمد السيد
ازيك يا غالي
انتا قولت السي في وسيرة حياتك كامله في اول بوست مسبتلناش فرصه نسال :(
ايه رايك في البحث العلمي في مصر وامتا يكون اولويه في الدوله؟
ايه رايك في الدول العربيه مجتمعه في تقدير العلم؟
تفتكر ايه الدوله اللي ممكن تقود العرب علميا؟
الصراحه ان شايف مصر مؤهله لكن غير راغبه وشايف الامارات وقطر بالتحديد غير مؤهلين لكنهم راغبين بقوة تفتكر في امل في بكره؟
ليه مبحثتش علي النت عن اي بعثات او منح وتكمل في الطريق ده
هوه صعب جدا انك تلاقي لكن مش مستحيل ولو انتا كواليفيد هتحصل علي فرصتك اكيد
انا بالمس فيك دايما اعجاب رهيب بالاجانب تفتكر همه يستحقو؟ ولا عندهم اخطاءهم او علي نحو ادق سلبياتهم الرهيبه برضه؟
انتا زملكاوي ولا اهلاوي؟
ربما اعود مرة اخري ;)
س1: ماذا تحب أن تأكل ؟ ( بما أنك تعيش في مصر) متفضحناش و أختار أكل جامد
س2: ما رأيك في الجنس الأخر ؟ بكل صراحه
س3: ما مواصفات فتاة أحلامك؟
لا تأسفن علي غدر الزمان لطالما رقصت علي أسود كلاب لا تحسبن برقصهن تعلو علي أسيادها تبقي الكلاب كلاب و الأسود أسود
السلام عليكم ازيك يابشمهندس انشله تكون بخير..
ايه رايك في البحث العلمي في مصر وامتا يكون اولويه في الدوله؟
والله البحث العلمي في مصر .. للاسف يعقبه اشياء كتيرة جدا منها الا مكانيات وقابليه الطالب علي الاستمرار والاجتهاد وعلي حسب مشرف البحث .. هو في فعلا ابحاث جميله جدا ومهمه جدا ولكن كثير منها لايطبق وايضا هناك ابحاث بعيدة تماما ولا تفيد بشيء والله اعلم ولكن هو البحث العلمي بيختلف من مجال لاخر يعني الطب غير الزراعه غير الهندسه ولكن المشكله اللي بتقابل اي باحث هي الامكانيات والماديات.. هو المفروض انه غير مكلف بذلك كما في الدول المتقدمه اقتصاديا ولكن هنا الباحث بيشعر بعجز في عمل اي شيء بسبب هذة الاشياء ومن المفروض ان يكون الباحث متصل بماحوله من العالم من جديد ووخلافه ولكن هذا غير موجود .. الله اعلم..اماعن متي يكون له اولويه في الدوله اعذرني ممكن اجيبك ولكن لاافضل
اكيد انتا عارف اجابته
ايه رايك في الدول العربيه مجتمعه في تقدير العلم؟
الدول العربيه ..هو للاسف كل شيء بيتغير وفعلا كل يوم في جديد ولكن اصعب شيء ان يكون الجديد مش في صالحنا ويلهينا عن ماهو اكبر والمفروض عمله ..فهمني
تفتكر ايه الدوله اللي ممكن تقود العرب علميا؟
ايـــــــــــــــــــــــــــــــــ ـــــــــــــــــران
الصراحه ان شايف مصر مؤهله لكن غير راغبه وشايف الامارات وقطر بالتحديد غير مؤهلين لكنهم راغبين بقوة تفتكر في امل في بكره؟
مصر ان شاء الله هتبقي تمام في الفن والتمثيل وهتقضي علي محو الاميه ولعلمك بقا احنا افلامنا والتمثليات بتعمل ملايين ومعلش يعني القراءة للجميع وكله دلوقتي بدا يقرا دة حتي الاعلان في Television عن القراءة للجميع وكريم وهو بيقع من فوق الكتاب والواد مسك الكتاب في ايدة جميل خالص ومتفوقين جدا في الكرة واخدنا الدوري والكاس وانشاء الله هنبقي ميه ميه..والحمد لله الطلبه كلها منازل وبتروح الدروس والعيال كلهم عايزين يدخلوا الطب وعايزين يبقوا ظباط .. والحمد لله حوالي قول 12 مليار دروس خصوصيه وحوالي 20 مليارdrugs والله اعلم
اما عن الامارات وقطر .. الاستثمار رهيب جدا هناك وعندهم رغبه قويه جدا والاستثمار هناك للاجنبي بيحقق اكبر مكسب وكتير من الشباب بيسافر للعمل هناك وانا لي اصدقاء كتير هناك ومرتاحين جدا وانا اعتقد انها الان تشبه الي حد كبير البلاد الاوربيه فهي مليئه بالمنتجعات السياحيه والفنادق والخ ..
ليه مبحثتش علي النت عن اي بعثات او منح وتكمل في الطريق ده
هوه صعب جدا انك تلاقي لكن مش مستحيل ولو انتا كواليفيد هتحصل علي فرصتك
اكيد
لاهو مش صعب .. لكن في بنود معينه في التسجيل لابد منها وانا حاليا لسه بخلص الورق وهو لعلمك بسيطه جدا .. كنت بدور لناس عن الجامعات اللي بتعطي بعثات ومنح وكان عادي يعني .. في كتير وخصوصا اننا عرفت جامعات كتير علي الانترنت
انا بالمس فيك دايما اعجاب رهيب بالاجانب تفتكر همه يستحقو؟ ولا عندهم اخطاءهم او علي نحو ادق سلبياتهم الرهيبه برضه؟
والله في اشياء معينه .. من ناحيه البحث العلمي والمراجع والدراسه والتحضر في النقط دي يستحق التقدير .. اما الاشياء التي تخالف الاسلام انا غير متفق معها تماما
هما بالفعل عندهم اخطاء وفقا للعقيدة الاسلاميه .. ولكن السلبيات منهم مش بتكون
بتيجي مرة واحدة ولكن لما يكون المقترح عن مثلا شيء معين مرفوض من قبل الجميع ومرفوض النقاش فيه .. يمكن انا كلمت اجانب كتير واتعلمت منهم حاجات كتير
ولكن هو كل مكان من العالم ليه مدرسه خاص بيه في الافكار والمعتقدات والاسلوب وطريقه الاسلوب وعرض الاسلوب وعلي فكرة هما بيهتموا باي شيء مهما كان
يمكن احنا هنا كل شيء بقا غالي جدا جدا الاكل والملبس والسكن وووالخ الا شيء واحد وهو الانسان .. رخيص جدا في ظل الظروف الصعبه اللي بنعيشها .. لكن برة اهم شيء هو الانسان هو المحرك هو الدينمو لكل شيء والصين من اكتر الدول مثال لذلك.. والله اعلم
انتا زملكاوي ولا اهلاوي؟
هو انا كنت بحب الكرة ولكن انا مبحبش اتكلم في شيء اكبر من حجمه فوجدت الكثير يتكلم عن الكرة وكانها حرب وكلمات النصر واحنا لازم نكسب ومشعارف ايه
لذلك انا كرهت الكرة وللاسف دي بقا مقدرش اكدب عليك فيها اعشق الدوري الانجليزي والاسباني .. لكن مابشاهدهم الا كل فين وفين
تعبت انا من الاسئله دي فعلا .. اخدت مني اكتر من ساعه لعلي يكون خير .. شكرا يابشمهندس/سيد
س1: ماذا تحب أن تأكل ؟ ( بما أنك تعيش في مصر) متفضحناش و أختار أكل جامد
هو يعني ياشيبو هو انتا لازم تحرجني كل مرة كدة ارد انا اقول ايه دلوقتي .. مالوا الفول والطعميه وياسلام لو علي شويه زيت حار وشعرة كمون وفلفل وليمونه كدة جميله ومهذبه وشويه طحينه ياسلام ومتنساش ربع معلقه سمن بلدي وتحمر العيش ياشيبو ... بيسندوا وخلاص وسيبها لله .. كله بيطلع في الغسيل والمكواة
ولعلمك بقا وبلافخر احنا اكبر دوله علي مستوي الوطن العربي عندنا محلات فول وطعميه وكشري .. ومعلش بقا احنا اللي بنينا الهرم شفت الصعيدي لما شاف الهرم وقال ياابوي كل دي جبنه نستوون ..
ما رأيك في الجنس الأخر ؟ بكل صراحه
والله شيء جميل انك تحب وتتحب .. والله انا احترت اكتب ليك ايه .. عشان كدة
بلاش السؤال دة .. ابوس دماغك
س3: ما مواصفات فتاة أحلامك؟
اصل انا هقولك علي حاجه ياشيبو ... سيبها لله.. كل اللي يجيبوا ربنا حلو
معلش مقدرتش اجاوبك بصراحه يعني
و الله أنت عجبتني أوي في موضوع الفول بالزيت الحار ربنا يدينا الصحه علي هضم الفول ده
1- ما رأيك في الحكومة الموقره ؟
2- ما رأيك في سيادة الرئيس ؟
3- ما الوزاره التي تحب أن تتولاها؟
التعديل الأخير تم بواسطة aouniat ; 24-08-2007 الساعة 12:25 AM
أنا اقصد حكومة المنتدي متوديناش في داهيه
دا أرحم من أي حاجه تانيه يا باشا
أعذرنا يا أستاذ عوني أصل أنت متعرفش
التعديل الأخير تم بواسطة aouniat ; 24-08-2007 الساعة 12:48 AM