زرعت بذور أزهاري الموسميه .. تجربتي يوم بيوم

[ابن مكه]

الاخ الكريمه بسمه ... أشكرك لمشاركتنا بهذه الفكره البسيطه والجميله والمحفزه واللي ناوي أعملها اليوم
لكن لدي استفسارين أنك لم تذكرتي شي عن الري !! هل قمتي بريها وكم مره ؟؟ وهل وضعتيها في الشمس أو داخل المنزل
وشكراً مجدداً

[بسمه]

بسم الله الرحمن الرحيم

اخي ابن مكه
اهلا بيك
بالنسبه للري فانا برشها بالرشاش كل يومين تقريبا رش بسيط لاني ملاحظه ان التربه نديه وان االبذور مش بتستهلك مياه كتير وكمان بخاف عليها من كثره المياه
لكني لم اضعها في الشمس لسببين
اولهم ان مفيش شمس اليومين دول اصلا ..الجو غيوم تقريبا معظم الاسبوع
وثانيا لان الشمس ممكن تحرقهم بناء على تجربه عملتها قبل كده وعرضت النبته بعد اسبوعين تقريبا فاتحرقت وماتت
لكني بفكر اليومين دول ان شاء الله اني اعرضهم لضوء شمس مقنن يعني مثلا ساعه في اليوم في الشمس المباشره لكن بعد استشاره الاعضاء الاكثر خبره اولا ان شاء الله

[بسمه]

بسم الله الرحمن الرحيم

اعزائي

اخيرا بعد ما النت اتظبت واشتريت حجاره للكاميرا جبت لكم الصور الجديده للبذور
النهارده سقيتهم وحطيتهم في الشمس حوالي ساعه بعد العصر
ولاحظت انهم رعرعوا ماعدا بذره واحده كانت دبلانه وماتت
وواحده اتكسرت وواحده اتاكلت والفاعل او الفاعلين معروفين وهما قططي الاعزاء طبعا
ووانا بكتب لكم حالا بسيوني كان ناوي يتعشى ببذره تانيه بس لحقته

اليكم الصور







دي اللوبيليا لو حد شايف حاجه يقوللي























دمتم في حفظ الله جميعا

[محمد سكر]

أعتقد الان النباتات تحتاج الى الضوء بشكل اكبر

[الموناليزا]

ماشاء الله تبارك الله
الله يبارك لك فيهم

[بسمه]

بسم الله الرحمن الرحيم
استاذ محمد سكر
انا فعلا حطيتهم النهارده في الضوء لكن مش اشعه الشمس المباشره
حطيتهم حوالي من الساعه 9 صباحا حتى 4 عصرا
ولاحظت ان بعضهم كان مائل بسبب الطول لكن بدأ يتعدل
ودخلتهم غرفتي تاني لأني خفت من بروده الجو بالليل وكمان قلت جايز الدنيا تمطر
الصبح ان شاء الله ححطهم تاني وكل يوم لحد ما يمسكوا نفسهم
لاحظت اليومين اللي فاتوا ان بعضهم بدأ يكون ورقتين جدد
مش متخيلين مدى سعادتي لما شفتهم
اللوبيليا بدأت اوراقها تظهر
واحد الانواع الغير معروفه قطتي المجرمه اكلتهم
اخلص من العصافير يطلعلي القطط محبي النباتات !!!!!
ياللا معلش ازرع غيرهم

اختى موناليزا
ميرسي ليكي
نورتيني

[اقحوان]

ممتعه مراقبة الزرع

انا ماجربت ولامره ازرع بالبذور
دايما شتلات شكلي ببدأ اجرب

يعطيك العافيه
متابعه موضوعك

[ندوة]

عزيزتي

لقد ذكرت لك وجوب تعريضها للشمس والا سيتلوى الساق وتنتهي النباتات .. الشمس الان ليست كشمس الصيف .. فتعريضها سيكون مفيد جدا ولكن احذري من الرياح الباردة مساءا ..

[بسمه]

بسم الله الرحمن الرحيم
عزيزتي اقحوان
زراعه البذور ممتعه جدا لكن لازم تتحملي الفشل في بعض الاوقات ولا تيأسي
انا لو كنت يأست من كل مره زرعت فيها بذور ومش انبتت كان زماني بطلت زراعتها من زمان
ان شاء الله تجربي وتورينا وتكون تجربه ناجحه بأمر الله
عزيزتي ندوه
تسلمي على النصيحه وانا فعلا حطيتهم في الشمس حاليا وبالليل بدخلهم غرفتي لأن الجو بالليل مش مضمون

ادعولي

الصور بعد الفاصل

-----||-- الدمج الآلي للمشاركات المتعاقبة - المشاركة التالية أضيفت الساعة 02:27 PM -----||----- المشاركة السابقة أضيفت الساعة 02:05 PM --||-----

بسم الله الرحمن الرحيم

النهارده جبت لكم الصور الضروريه
انا لسه مصوراهم حالا بس كالعاده تاريخ الكاميرا ملخبط 12 بدل 13
ماعلينا
اول حاجه صوره عامه للبذور



واحده اتحرقت


وواحده اتاكلت


وواحده ماتت


وواحده مطلعه ورقتين جدد


دي بقى اللوبيليا
لاحظت ان واحده منهم على غير العاده ان واحده منهم مطلعه 3 ورقات بدل 2 سبحان الله


حاجه اخيره احب اضيفها
ان دي بالنسبه ليا تجربه ناجحه جدا لأني في المرات الاولي موصلتش لربع هذه المرحله
يعني من ال16 نوع دول لو عاش بس 5 او 6 انا راضيه وسعيده جدا الحمد لله
ومتابعه معاكم الجديد ان شاء الله
ماتنسوش الدعاء

[norhan]

عزيزتي بسمه

ان شاءالله تكمل سعادتك ونشــاركك فرحتك
وانت تعرضين لنا بأذن الله صور زهور نباتاتك (اولادك)

ان شاءالله ربي ما يضيع تعبك ويسعدك بهم

نحن بالانتظــــــــــــــــــــــــــــ ــــــــــــــــــــار وبشـــــــــــــــــوق

[بسمه]

بسم الله الرحمن الرحيم

اخواني الاعزاء
كل من اسعدوني بتواجدهم ومتابعتهم للتجربه خطوه بخطوه
آسفه على الانقطاع عن الموضوع
لظروف النت والبرد والانتقالات وغييييييييره

للأسف الشديد جميع البذور ماتت
وضعتها بالخارج وفجأه بعد منتصف الليل وبدون سابق انذار فوجئنا بمطر غزير وموجه شديده البروده
وللأسف المطر قضى على جميه النباتات لأنها كانت في بدايه حياتها
طبعا الخطأ رقم واحد هو الاستعجال
لأن البذور موعد زراعتها شهر تلاته وانا زرعتها في سهر يناير يعني شهرين بدري وفي عز البرد
لكني طبعا لم أيأس
وزرعتهم تاني
بدأت بدوار الشمس يوم 10-2-2012
وباقي البذور يوم 18-3-2012
والحمد لله دي النتيجه حتى الان:

اول زهور دوار الشمس بدأت في الظهور
لو بتسألوا ليه ورقها مقطوع .. الحمد لله اني عرفت انقذها من الكتاكيت لأن كان فيه ورق اكتر من كده بس طعمها كان عاجبهم تقريبا



وباقي البذور انبتت اوراق جديده







البذور فيها

marigold
statice
stock
alyssum
lobelia
celosia
ornametal pepper
impatiente
strawflower

وبذور مختلطه فيها بذور تشبه
cosmos
dahlia
وحاجات تانيه مجهوله لسه
وان شاء الله كل فتره صور اوضح
ادعولي

[ندوة]

عزيزتي بسمة
اسعدتنا الصور الاخيرة . واعجبت كثيرا باصرارك .. وبانتظار اكتمال النمو .. ولو ان بعض هذه الازهار هي شتوية ..

[مهندس معماري /احمد]

الاصرار سلم النجاح .......تجربه ممتعه اتابعها من بدايتها بنجاحها و اخفاقها و من منا لم يخفق؟
لكن في كل ضوء لنجاح نتذكر دائما لحظه قد اخذنا فيها قرار بان نتحمل اصعب المواقف حتي نحقق احلامنا
خالص نحياتي و تقديري العضوه المحترمه بسمه

[بسمه]

بسم الله الرحمن الرحيم

عزيزتي ندوه
انا الاسعد بوجودك ونصايحك
بالنسبه للبذور الشتويه انا كلهم عندي عليهم التعليمات بأن موعد زراعتهم كلهم زي بعض من شهر 2 الى شهر 4 او 5
على العموم اديني بجرب و بتعلم

باشمهندس احمد
اسعدتني كلماتك وتشجيعك
واكيد لو يأسنا في كل خطوه ناخدها في حياتنا مش حنحقق اي نجاح
اشكرك ولك كل تقديري
والحمد لله على كل حال
نبته دوار الشمس التانيه بدأت تطلع زهره هيا كمان
باقي عندي 7 بذور ان شاء الله ألحق ازرعهم قبل شهر مايو

[soso2020]

ماشاء الله
تجربه رائعه بالفعل
وافكار رائعه فكرة الكاسات البلاستيك جديده

ممكن اعرف ايه نوع التربه المستخدمه