سرقوا البلد

[gamal amin amin]

اخوانى واخواتى الحقم البلد بتسرق
انتم فين
دول باعوا كل حاجه
وسمعت ان فى مناقصه نازله قريب على المصريين
بس مع كل اسف ليهم مش لاقين شارى
واحد جاى من بره وحاطط قناع مخبى وشه
انا حسيت انه مش مشترى ده جاى يسرق
اصل القناع للحراميه
ومش اى حرامى
اصله من دوله صديقه
انتم تصدقوا ان الدوله دى صديقه
اه مش سامع انتم ساكتين ليه
خايفين وخايفين من ايه
ما انتم ميتين ميتين
متقوليش ان الكبار فاهمين
هو الفاهم يبيع وهو عارف ان الشارى ابليس
ومتقوليش وانا مالى انا عندى عيال
انت فاكر انهم هيكبروا
ابدا واللهى دول هيفضلوا صغيرين وعاملين مش فاهمين
ماانت ربتهم مش فاهمين
انا اسف يا اخوانى على الكتابه بالعاميه
اصل لو كتبت بالفصحى هتعملوا مش فاهمين

مواضيع مشابهة:

• متى يزرع نوى البلح
• استخدامات نوى البلح
• حفظ البلح
• نخيل البلح
• نخيل البلح

[ابو رمزي]

تحياتي يا مسكين الاوطان العربيه كلها عم تنباع والانسان رح يبيعوه
قول يارب تسونامي يوحد البحار حتا نخلص وعلينا وعليهم
وغير هيك ما في حل ربنا لازم يتدخل؟؟؟

[mahmoud1512@gmail.com]

لا حولا ولا قوة الا بالله العلى العظيم

[مريم يوسف]

السلام عليكم ورحمة الله وبركاته
استاذ جمال العيب مش على الصديق اللى عامل صديق وجاى يشترى . على الاقل لما يشترى الصديق يبقى ارحم من الغريب
بس العيب الحقيقى فينا . والموضوع فكرنى بتتر مسلسل ( قضية رأى عام ) اللى بيقول
( العيب علينا وفينا ولا دى غلطة مين......... اشجع ما فينا جبان وكلنا ضايعين)
انا لله وانا اليه راجعون

[شيبو]

يا أستاذنا العيب علي أهل البلد اللي عاملين نفسيهم مش فاهمين ربنا يسترها علينا و علي الأطفال اللي طالعه للدنيا

[ALais]

حسبنا الله ونعم الوكيل
كل شى اخى الفاضل يزداد قيمته مع مرور الايام
الا الانسان الوحيد الذى تقل قيمته
ويستهان به
اصبحنا اخى خلاص متعودين على ما يحدث
ولكن لا يغير الله ما بقوم حتى يغيروا ما بانفسهم

[gamal amin amin]

شكرا لك ابو رمزى وشكرا استاذ محمود ومرحب بك بالمنتدى وشكرا اختى الفاضله مريم وشكرا لك اخى شيبو ومروركم زادنى شرفا وابهاجا

[gamal amin amin]

خلاص الموضوع انتهى يا جماعه البلد مازالت بتسرق
امبارح سمعت انهم جيبين مستثمرين كتير
وانهم سابوهم يلفوا على اى شئ يتباع بالدولار
زاروا الاهرام والمتحف وقيموه وكمان زاروا الطريق الصحراوى وتقريبا باعوه
ناقص البشر بس يا خساره ماعرفوش يشتروه
فقرروا يذلوه

[هيما]

يزلوه لحد مايشتروه
بس اكيد مش هيقدروا يشتروه
مهما ذلوه

[gamal amin amin]

طبعا هيما كله الا الذل
اشكرك على مرورك

[إسلام]

يا جماعه مدخلوش السياسة في المنتدي خلينا احسن في العلم والمعرفه وكله هيجي بعدين لو كل واحد عمل اللي عليه صدقوني ده احسن منفضل نفتكر اوجاعنا ونحبط بالظروف المحيطه لان ده لا هيقدم ولا هيأخر
وتذكرو قول الحبيب محمد عليه السلام( كلكم راع ومسئول عن رعيته )عبيه الصلاة والسلام

[gamal amin amin]

اخى الفاضل اى اس9192
انه نبض الشارع اتكلم فى كل ما تحب ان تتكلم فيه طالما انك لن تجرح احد بكلامك وبعدين موضوع السياسه
با اخى هو الطريق الوحيد ليعبر فيه الشباب عن ما يجرى حولهم ..هو المنتدى.. وانت وغيرك وكل الناس من حقها ان تعبر عن رايها فى قضايا الوطن
وشكرا اخى الفاضل لمرورك

[عامر البريدي]

أخواني الكرام بحكم أنني مشترك باسمي فما رح اقدر أتكلم بالسياسة لأنو بيعفطوني و لا رح أقول أن أحد المسؤولين ميزانيته 4 مليار دولار و صرح منذ شهر تقريبا أنه يتحدى أكبر واحد و يقول / يعملوا لجنة تحقيق منذ 1971 الى الآن حول ثروتي و مصادرها ما علي أي شبهات/ طبعا صاحبنا الآن بأوربا يتنقل بين قصوره المتعددة.

[gamal amin amin]

اخى عامر للمعلوميه فقط سواء مشترك باسمك او وهمى من السهل معرفه الكاتب او المعلق ..
وتعليقى الا متى نخاف لن تتحرر الشعوب يا اخى بدون ضحايا ولكن التاريخ سيذكر الضحايا كابطال ومحررين وسينسى الباقى
وشكرا لمرورك

[gamal amin amin]

عموما لو كنتم خايفين يبقى بلادنا عليها السلام ...والاحسن نسكت لان العيب بقى فينا...
الشباب هم الامل فى بكره
الشباب هم الامل فى التغير
الشباب هم الامل فى غد افضل
الشباب هم الامل لثبات الامه ورفعتها