جزاك الله خيرا يا دكتور ياسر..بجد انت نورتنا كتير جدا جدا جدا و ربنا أكيد هيجعله فى ميزان حسناتك..
أنا مع الإخوة اللى اتكلموا عن مزارع لاند مارك و أفرو لاند.. فأرجو إن حضرتك تساعدنا على الأقل فى التعرف على مدى مصداقية الشركات دى لإن بصراجه انا شايف ناس كتير بتتعامل معاهم و بس الله أعلم بمدى المصداقية و قانونية الوضع..هما بيقولوا عندهم أراضى مقننه و أراضى مسجله..فهل حضرتك ممكن تتحرى عن الموضوع ده بنفسك لإن أكيد بخبرتك تقدر تدلنا على الحل السليم..لإن معظمنا لا يعرف محاميين ولا متخصصين..و فى كتير من الشباب نفسهم فى مشروع زى ده و هياخدوا قروض عشانه و أنا منهم..فحضرتك ربنا بعتك لينا عشان تقولنا نعمل ايه مع الشركات دى..و كمان بما يخص الموقع و جودته و مستقبله.... و هل عدم وجود الخرائط للأرض يقلق؟
و الطلب التانى و معلش لو كنت تقيل على حضرتك..أراضى جمعية الأرض الخضراء و جمعية الفيوم الجديدة..موجوده فى الكيلو 45 و 52 و 66 فى طريق أسيوط الغربى و الرى نيلى من ترعة وهبة و ترعة المريوطبة حسب علمى..و فيها كهرباء و الفدان بيبدأ سعره من 20 ألف جنيه..أعتقد لو حضرتك تحريت أيضا عن الموضوع ده هتوفر على ناس متاعب و مشاكل كتير بس تعب حضرتك هيظل فى ميزان حسناتك دنيا و اخره..لإن الإعلانات دى ماليه النت..و مهما شوفنا من أوراق فمش هنعرف زى ما يكون حد ليه خبرة زى حضرتك..
أتمنى يكون طلبى مفيهوش إثقال على حضرتك بس الواحد تعب من اللف و القلق و مش عارفين ناخد قرار حتى فى الحاجات المضمونه و السليمة...و محتاجين اللى يحطنا على الطريق و احنا هننطلق بإذن الله...و فى انتظار رد حضرتك و خد وقتك فى التحرى و احنا كلنا مع حضرتك ان شاء الله