ممكن سؤال يا بسمة انتي بتجيبي البذور منين
ممكن سؤال يا بسمة انتي بتجيبي البذور منين
بسم الله الرحمن الرحيم
والله يا اخ محمد انا كنت شفت اكتر من عضو هنا بيقولوا انها من كارفور
فرحت كارفور اسكندريه ملقيتش
فوصيت واحد قريبتي تجيبلي معاها من كارفور من السعوديه بس انا مش عارفه هيا جايباها من اي مدينه
لو انت من القاهره متهيألي حتلاقي في كارفور القاهره ان شاء الله بس لأنها بعيده عني معرفتش اروح
لاإله إالا الله وحده لا شريك له ,له الملك وله الحمد وهو على كل شيء قدير
السلام عليكم ورحمة الله
بسمه حبيبتي مبارك نجاح الازهار وبتعرفي انك فرحتيني كتير كتير فأنا مشتاقه لحديقتي كتير ومشتاقه ازرع فلما شفت ازهارك الجميله كأني زرعت انبسطت كتير فعلا حلوه ما شاء الله لا قوة الا بالله
جهد واضح وتنظيم ومثابره وان شاء الله من زايد لأزود يا قمر
بسم الله الرحمن الرحيم
وعليكم السلام ورحمه الله وبركاته حبيبتي ام اسعد
انا الاسعد بوجودك ويارب ترجعي حديقتك الجميله بكل خير
وتخليها اجمل واجمل مما كانت
تسلمي على روحك الجميله ياست الكل
شكرا يا بسمة وانشاء الله هنزل كارفور
شكرا ليكي جداً يا أستاذة بسمة علي إلهامك لينا و صبرك و إبداعك و انا شخصيا أول مرة أزرع من شهر فشلت أول مرتين و بحاول المرة الثالثة اهي
بسم الله الرحمن الرحيم
اخي godfather
يارب تكون وفقت المره التالته وعلى العموم انا كمان فشلت كتير في تجربتي مع الموسميات وكانت دي المره اللي نجحت وعلى فكره بدأت تاني ازرع موسميات اليومين اللي فاتوا من البذور اللي نتجت من نياتاتي
السلام عليكم
ان شاء الله نجد الزهور . وموفقه . باذن الله
بسم الله الرحمن الرحيم
ربنا يخليك اخي العزيز استاذ محمد سكر
الحمد لله كل شيء تمام لكن نباتات هي اللي كانت فيها مشاكل
كتير من نباتاتي ماتت للأسف منها بعض اللي اشتريتهم ن معرض زهور الربيع وخاصه السجاد والنعناع والكروتون والقرنفل الصيني والعادي .. وكمان نباتات كنت جبتها من بيتنا في كفر الشيخ لبيتي في القاهره ..منها اللانتانا المحببه لقلبي والخبيزات ( ودي اول مره تحصل لعلمي بتحمل الخبيزات للظروف عموما) ونوع من الصبار والبوتس والعطر والجازانيا ..بجد كنت زهقانه وماليش نفس ادخل حتى اسقي الزرع كل يوم ادخل البلكونات الاق واحده بتموت ... لكن الحمد لله تغبت على الحاله دي واشتريت انواع جديده وبدأت في الزراعه من جديد وان شاء الله ربنا يعوضني عن اللي خسرتهم
اخي فيس نت .. اشكرك شكرا جزيلا
الحمد لله انكم بخير -- أما بالنسبة للنباتات فما حدث هو العادى او الطبيعى الذى يحدث مع غالب محبى النباتات وغالباً النباتات اللى ماتت عندك ماتت عندى أيضا بعدما اشتريتها من المعرض فقد غبت عنهم فترة كبيرة أثناء العمرة ففقدت الكثير منها النعناع والقرنفل الصينى والعادى والكروتون لقيت فأر حافر حفرة كبيرة بجوار الجذور وبعدها ذبلت وماتت وحتى اللاتانا ماتت فى ظروف غامضة لا اعرف كيف والجارونيا او الخبيزة فعلا تتحمل كثيراً ولكنها ايضا كثيراً ما تموت أيضا فى ظروف غامضة فبعض الاحيان اجد الساق بدأ فى السواد ويغمق ثم يتلف ويتعفن ممكن يكون مرض فطرى او بكتيرى او فيروس الله اعلم بحالة اما العطر ايضا ضعيف بعض الشئ ولا يتحمل كثيراً معى خصوصاً كلما احضرته يموت -- على فكرة حالات الزهق والملل من النباتات تقريباً تاتى لكل محبى النباتات فى أوقات معينة خصوصاً عندما يجد نباتاته فى حالة يرثى لها ولكن سرعان ما يجدد نشاطه بموضوع جميل يحفزه او صديق يهديه نبات جميل فيجدد من نشاطه ان شاء الله تستعيدى نشاطك وحماسك الزراعى ونرى تجاربك الجميلة فى اقرب وقت