السلام عليكم ورحمه الله وبركاته ..
كنت عاوز استفسر عن مشروع تسمين الدواجن في بعض النقاط
أولا .. هل ينفع أعمل المشروع دا وأنا معنديش أي خبره عن الدواجن ومليش أي احتكاك بالمجال دا لا من قريب ولا من بعيد اللهم إلا ما قرأته من على صفحات الإنترنت
ودراسات الجدوي المنتشره على المنتديات الزراعيه ومنتديات المشاريع الصغيره ، يعني حتى لو هبدأ بإني أجيب عامل يكون فاهم في الموضوع دا وأبدأ أتعلم منه
وخصوصا إن كل اللي قريته على الإنترنت مش شايف إنه فيه صعوبه اوي والعمليه كلها مجرد ممارسه وبالنسبه للإشراف الطبي بيكون فيه دكتور بيعمل زيارات للمزرعه .
ثانيا .. بالنسبه لرأس المال فهل مبلغ 70 ألف جنيه مصري مبلغ كويس إني أبدأ بيه ويعود عليه بربح كويس علماً بأني امتلك قطعه أرض زراعيه في منطقه زراعيه
هل ينفع أعمل عليها المزرعه ولا لازم تراخيص وحاجات من دي وهل المزارع اللي بتتبني في أراضي زراعيه بيجي عليها مخالفات بناء في ارضي زراعيه ولا لئه يعني ينفع اعمل
المزرعه على قطعه الأرض دي ولا فيها مخالفات قانونيه ؟؟
ثالثاً ودا الأهم .. هل فعلا الربح اللي بيتكتب في دراسات الجدوي اللي منتشره على الإنترنت حقيقي وبيتحقق في الواقع ولا دا مجرد كلام على ورق بيضيع على أرض الواقع
يعني أنا شايف إن معظم دراسات الجدوي اللي منتشره لو كانت مثلا المزرعه بطاقة 5000 كتكوت فالربح بيعدي ال 15 الف جنيه مصري في فتره زمنيه لا تتعدى شهرين وفي حين
إن رأس المال لا يتعدي ال 80 ألف جنيه مصري ودا طبعا ربح كبير مش متوفر في كتير من المشاريع المشهوره بإنها مربحه .. يعني زي ما بيقولوا كدا "مكنش حد غلب"
وأخيرا لو فيه أي نصايح تقدموها ليه كمبتديء فجزاكم الله كل خير .. وآسف للإطاله
و عليكم السلام و رحمة الله و بركاته
فيه تنبيه اخي حبذا ياخذ بعين الاعتبار
انت بين اخوانك و في هذا المنتدى القيم اعلم ان الكثير يخدمه حبا في هاته الثقافة لانشاء المزارع سواءا نباتية او حيوانية
و فيه مهندسين و اساتذة قيمين و ذوي اخلاق الله يبارك فيهم
و لي نصيحة اخي اذا احببت صنع اي امر على بالتوكل على الله فلا تدع اي امر هكذا ياتي و يروح وحده و انما كما قال النبي صلى الله عليه و سلم اعقلها و توكل فبالسؤال و التواصل مع المنتدى تجد مبتغاك لا محال
2 فيه امر في مشروعك نسال الله ان يوفقك لما يحبه و يرضاه و امر يجب اخذه بعين الاعتبار كذالك
اذا اردت امرا من الامور فلا تقل سوف اخسر . ما تكون نتيجة . البورصة نزلت . العمل ناقص
و هنا امر لك و لنا جميعا اعضاء المنتدى و زوارها الشيطان يعد الفقر و يامر بالفحشاء
فلا نحط ببالنا اننا نصنع و نكسب و نشتري و نبيع ابدا لان الشيطان و الافكار التي تهبط النفس تحسه بالشئ القليل الغير مبارك فيه .
فما عليك الا التوكل على الله تعالى و العلم و التعلم من المنتدى و اصحاب الخبرة فلا في المنتدى مصريين و الحمد لله قمة في الاخلاق و قمة في النباهة العلمية فسلهم تجد ما تريد
و الوقت يمضي و يسير و ما عليك الا التشمير لترى النتيجة البهية
استاذ محمود جوده تحيه طيبه
اتفق مع اخى العزيز عبد السلام الجزائرى فى التوكل على الله والاعتماد على ذو الخبره من منطقتك
فى البدايه المشروع ممتاز وهو كما تقول له نسبه ربح قد تتعدى العشره فى المئه
ولكن يا صديقى ليس دائما ...والبدايه هى الاصعب ففى الشتاء تتدنى الاسعار لأدنى مستوى ويكون التسويق صعب بعض الشئ والخساره اقرب من الربح اما فى الصيف فبعد توفيق من الله والتوكل عليه الربح مضمون وقد يزيد عن العشرين فى المئه
اهم ما فى الموضوع الا تعتمد على نفسك وانت قليل الخبره...الفنى الشاطر يبقى فى المزرعه طوال الشهر والنصف بمرتب الف وخمسمئه الى الفين جنيه (الشاطر)وهو غالبا لديه خبره بأمراض الدجاج وكيفيه التعامل معها بخبره ودرايه
احسن مكان لتربيه الدواجن هو فى المناطق الجافه البعيده عن تلوث المدن ..ولكن تكلفه بنائها كبيره ...بمعنى ان العنبر ل 5000 فرخه قد يتعدى مئتين الف جنيه وان الدوره فى الصيف قد تصل الى مئه الف لأنك تعلم ان اسعار العلف عاليه فى مصر
ارجو ان اكون افدتك
اخى السلا عليكم ورحمه الله وبركاته
كما قال لك اخوانك توكل على الله قبل كل شىء وحط حاجه فى دماغك بالذات فى المجال دة
ما ينفعش دراسه جدوى اليومين دول لان دى تجارة ارواح ونسبه النفوق مش مضمونه خصوصا مع كثرة الامراض فالكل فى المهنه دى بيتوكل ويتعشم خير فى ربنا ويعمل اللى عليه
اما عن انك تبداء من غير خبرة فدة غلط لازم يكون فيه اشراف من اهل خبرة ممكن تخلى حد يشرفلك على القطيع قصاد مقابل مادى
اما عن المشروع عموما فلو ربنا كرمك فى دفعه واحده ممكن تعدى الربح دة باضعاف الاضعاف ولكن فى نفس الوقت يجب ان تضع احتمال الخسارة الانها اولا واخيرا تجارة
ولاى استفسار ممكن تكلمنى على الرقم دة
01285371646