السلام عليكم ورحمه الله وبركاته
كيفكم اعضاء المنتدى الكرام
عدت لكم بعد فتره من تجميع الخبرات من هنا وهناك
وقبل فتره شفت موضوع لسميي هواي الزراعه ههههه عن زراعه الملوخيه وتحمست للفكره
وطبعا تعلمت من خطاء قديم لي خططت لي وضبطت كل شي وما سئلت عن البذور او الشتلات ولم اجد المطلب
فورا اتصلت بالمشتل وسئلت هل يوجد عندك ملوخيه قال نعم وكانت تقريبا الساعه 4 العصر
فجلست افر فر في النت وابحث وكيف العنايه وكذا لقيت انها ما تحتاج عنايه كبيره وسهله الزراعه وكذا معلومه عن الحش وكذا
وكان عندي وقتها كرتون موز حجمه متوسط وسفره وقلت الميدان يا حميدان ورحت خذيت البذور ومع البذور خذيت جهنميه الشجرهه الخليجيه (لتحملها لدرجات الحراره العاليه )
فسميت بالله وخذيت البذور وحطيتها في كوب ماء ولين كملت تقريبا 24 ساعه فخذيتها وحطيتها على الكرتون والتربه كانت رمل مع بيتموس والنسبه تقريبا متساويه
وحطيت البذور وغطيتها بالزايد من السفره
ومر يوم وفيه اشياء بيضا بدت تضهر وكانت بدايه النمو
واليوم الثاني طالت الاشياء هاذي وثبتت بالارض
اليوم الثالث ارتفعت وبدت تضهر الاوراق واليوم هو الرابع
والصور بمشاركه ثانيه ان شاء الله
والجهنميه هي باليوم الرابع لها
ويوم جبتها مافيها ولا ورده
وكل يوم تبين ورده و اليوم وانا راجع من المدرسه تفاجائت فيها 3 وردات و2 صغننين ففرحت فررح
فقلت وصلت لمرحله اوريكم كل خطوه وخطوه وتكونو معي ان شاء الله وتقولوي اخطائي
والصور بعد شوي
- -- - - تم تحديث المشاركة بما يلي - - - - - -
معليش على التاخير رحت مشاوير
الزبده هاذي صوره جرجيري بيومه 12 (ماله دخل ادري)
وهاذا ملوخيه تربتها احسن من الي قبل معها قشور بيض
وهذي الملوخيه المخفيه موههاهاهاها
وهاذي هي
الجهنميه
وردها
وهاذي نبته الجاتروفا ورد على شكل مجموعات شكلها جميل ولونها احمر
وفيها بقع حمرا اسفل الورق بدت تسبب لي قلق
واسف على الحوسه الي وراء
وهذا ورقها
وينبطق الكلام على باقي اورقاها
- -- - - تم تحديث المشاركة بما يلي - - - - - -
اخواني وانا كنت رايح شد انتباهي جهنميه لون وردها برتقالي مائل للاصفر
شدت انتبهاي بقوه !!
وكان شكلها جميل وجلست افكر كيف اشتلها واخلي لها جذور هل ينفع بالماء او بالغرس المباشر او او او
يا ليت الي عنده معلومات يقولي لنها عجبتني جدااا
مواضيع مشابهة: