انا من الناس الى دخلت مجال الزراعة من كام شهر انا معنديش ارض وبزرع فى قصار على السطوح والقصة حصلت لما واحد اخدنى مشتل وحسيت انى فى الجنة من الروايح الجميلة وقلت لبتاع المشتل انا اول مرة ازرع فقالى خد نعناع وريحان وبالفعل الحمد لله طول فترة الصيف والخريف النبات كان زى الفل والموضوع زاد وجبت روز مارى وبردقوش معلشى طولت المهم لما دخل الخريف واحد نصحنى انى اغطى النبات عشان الساقعة فنزلت جبت مشمع خفيف وغطيط النباتات كلها بس بدأت الاحظ ان نمو الريحان مش زى الاول والنعناع بردك وبحث ان الاوراق كانت فى الاول واقفة وجميلة فجأة لقتها زى متكون نزلة لتحت مش مرفوعة وجبت سماد خضرى نوع امريكى عضوى بس الاواق فترة وفترة بحس ان هيا زى موقلت مش واقفة فأنا عامل حاجة غلط ولا ده طبيعى عشان الشتا
معلشى سؤال كمان انا لما جبت النبات فى الاول كنت بغرقة مية كنت لسة مبتدا والحمد لله الفترة عدت على خير لحد ما واحد قالى الجزور ممكن تعفن فبدأت اظبط الرى بس جيت بحط صبعى فى التربة من مده فصبى مدخلشى فكنت قريت ان التربة كده ممكن تكون محتاجة تتغر بس انا جبت سكينة وقعدت اغرسها فى التربة على اساس ان كده اهويها وافكها شوية من تماسكها فهل ده يموت النبات ولا انا بعك وبهبل؟
- -- - - تم تحديث المشاركة بما يلي - - - - - -
سؤال تانى معلشى انا مبتدأفية حاجة عضوية احطها فى التربة تزود نمو النبات بسرعة سماد مثلا بس يكون عضوى يمد النبات بالغذاء يعشان يكبر بسرعة وينمو بسرعة ؟
- -- - - تم تحديث المشاركة بما يلي - - - - - -
هوه التسميد الخضرى ده ارشة كل قد اية انا تقريبا اسبوعيا برشة ده صح ولا غلط
- -- - - تم تحديث المشاركة بما يلي - - - - - -
معلشى هوه لية الريحان الاحمر ورقة بعد ما كان احمر اخضر؟
مواضيع مشابهة: