مبدأيا المصانع حاليا بدأت تستخدم البادئات اللى تنشط لجيل واحد فقط وبالتالى لو حضرتك حبيت تستخدم زبادى الشركات كبادئ هايديك قوام ضعيف وطعم ضعيف ايضا . ممكن تستخدم الزبادى البلدى بس يكون انتاجه حديث ولو انت قريب من زراعة القاهره هناك بيعملوا زبادى بلدى كويس فى الوحده اللى عندهم او لو فى اى معمل قريب منك بيعمل زبادى بلدى قوامه وطعمه كويس ممكن تستخدمة كبادئ وتضيفة بنسبة 3 % (30 جم للكيلو - 300 جم لـ 10 كجم - 3كجم لـ 100 كجم لبن ) بعد هرسه مع كميه من اللبن وتصفيه فى شاش علشان تستبعد اى تكتلات وبعدين تضيفة للبن المدفئ مسبقا وتوضعه فى الحضان على حرارة لا تقل عن 37 ولا تزيد عن 40لمدة تتراوح ما بين 3 الى 4 ساعات وبعدين طلعة من الحضان للتهويه ثم ضعه فى الثلاجه
اهم حاجه قبل ده كله لازم تتأكد ان اللبن اللى بتستخدمه جودته عالية ومن مصدر موثوق
كل اللهم مالك الملك تؤتى الملك من تشاء وتنزع الملك من من تشاء وتعز من تشاء وتزل من تشاء بيدك الخير انك على كل شئ قدير