الاخت بسمه
بسم الله مشاء الله ما اجمل الزهور بلونها البديع
بالنسبه لهذه النباتة اسمها (دارنتا ليمونى)
اما بالنسبه لهذه النباتة اسمها (شجروفل) وهو نبات متسلق لهو رائحة جميله عند الازهار
الاخت بسمه
بسم الله مشاء الله ما اجمل الزهور بلونها البديع
بالنسبه لهذه النباتة اسمها (دارنتا ليمونى)
اما بالنسبه لهذه النباتة اسمها (شجروفل) وهو نبات متسلق لهو رائحة جميله عند الازهار
نعم كانت عندي...
كبروا أولادها وأرادت أن تحمل مرة أخرى وخفت أن اقصر تجاههم في توفير الطعام لهم خاصة وأن أعدادهم بدأت تتزايد بسرعة
وكذلك لدي أخوات يخفن من كل كائن حي سواء يطير أم يمشي ودائمات التذمر من القطط
فقررت أن اذهب بهم لحديقة عامة مليئة بالقطط وكذلك يزورونها الناس بكثرة ويجلبون معهم غدائهم وعشائهم إليها فتأكل منه القطط
ألا أيها الليل الطويل ألا انجلي
بصبحٍ، وما الإصباح منك بأمثلِ
بسم الله الرحمن الرحيم
الاخ دموع الورد الف شكر على المعلومه بس ياريت لو الاسم العلمي للشجروفا لو حد يعرفه يقوللي او تقولولي اي معلومات عنها
احسن دي مش بتعمل اي حاجه في حياتها خالص نبتت كام ورقه اول ماجبتها وبعدين سكتت... جايز في حاله سكون علشان الشتا
بس نفسي اعرف شكل وردتها ايه
والدرانتا كمان ياريت الاسم العلمي ليها
نيجي للصور الجديده سوري على التأخير
اول حاجه زرعهتا في بيتي
اعتنيت بيها فتره طويله بس للأسف مكنتش بصورها وفي الاخر ماتت وزعلت عليها جدا كانت طلعت 12 فرع ورد اموت واعرف هيا ايه
بعد ماماتت تطورت شويه وزرعت بصله وبطاطس وعدس ولوبيا وجرجير وفجل وكوسه وخيار وجزر واكل العصافير
وبما انى ماكنتش عارفه اي حاجه زرعت الكوسه والخيار لازقين في بعض وكانت النتيجه انهم تشابكوا وكتير منهم مات وزهقت ورميتها وللأسف كانوا ازهروا بس ماصبرتش عليهم لاني مكنتش فاهمه ان الازهار بعده الثمار :(
ده كان حوض سمك مكسور استغليته ولازلت استغله
العدس على اليمين واكل العصاافير على الشمال
وجوه الحوض الفجل والجرجير والكوسه والخيار
الكوسه والخيار في بعض
البصله والبطاطس والجزر بعد ماكبروا
ماطلعش ولا بططسايه على فكره بس الجزر طلع ورد كتييييييييييييييير
دول ورد بلدي كان عندي وللأســــــــــــــــــــــــــــــ ـــــــف الشديد ماتوا :(
كنت اعشق الورده البرتقاليه
لونين من الخبيزات اللي عندي والحمد لله ماشيين كويس جدا
دي صوره لنباتاتي الجديده اول ماشتريتها
من اليمين :
مسك الليل
لانتانا كمارا
ريحان
لانتانا كمارا متسلقه بنفسجي
والورده البلدي اللي ماتت
وانتظروا شكلهم حاليا قريبا ان شاء الله
التعديل الأخير تم بواسطة بسمه ; 30-05-2012 الساعة 01:59 AM
بسم الله ما شاء الله , دائماً متميزة ونشاطك غير عادى
وفكرة الحوض المكسور جميييييييييييييييييييلة , ألهمتنى بأشياء كثيرة
أدامها الله عليك نعمة
ولكن سؤال : كيف تمكنتى من زراعة الخضروات ( الخيار - الكوسة - البصل - الفجل - الجرجير - بطاطس - عدس - لوبيا ) فأنا أرغب منذ مدة بزراعتهم لكن لست أدرى كيف ؟؟؟؟؟؟؟؟؟؟؟؟؟؟
---------------------------------------------------------------------------------------
رب إجعلنى مقيم الصلاة ومن ذريتى ربنا وتقبل الدعاء - يا شباب لا تتركوا الصلاة
ماشاء الله
كم احب الجوري و الزهور ترجع البهجة الى النفس وايضا اجمل شي الخضراوات المزرعة بالمنزل او بالحديقة يكون لها طعم خاص
بسم الله الرحمن الرحيم
اخ محمد
شكرا على تواجدك وذوقك
بالنسبه للخضروات دي ليها قصه طوييييييييييله
فيها كتير من الفشل وفيها الحمد لله النجاح
بالنسبه للعدس والفول ( زرعته فيما بعد وطلع قرون صغيره جميله بس نقلته من مكانه فمات تاني يوم ) اتضح انهم بيتزرعوا في الشتا يعني اليومين دول
هات عدس بجبه ( اللي لسه بغلافه البني ) وحطه مباشره في التربه وان شاء الله يكبر .. والفول هات فول ناشف وانقعه لمده يوم او لحد ما يبدأ الجذر يطلع وبعدين ازرعه بس في مكان
واسع شويه
اللوبيا زرعتها في الصيف وانبتت وطلعت لوبيا جميله بس بكميه قليله لاني كنت زارعه يا دوب 8 وحدات كتجربه وطريقتها نفس طريقه الفول
البطاطس مره نفعت ومره لأ
هات بططسايه مدرنه ( او حط بططسايه في كيس لمده يومين تلاته لحد ماتطلع درنات ) وازرعها في مكان واسع
البصل بقى مش حيطلع بصل هوا حيطلع ورد تاخد منه بذور البصل - ده لو زرعت بصله في التربه - والجزر عندي كان نفس النظام
انما لو جبت بذورهم ممكن تزرعهم في مكان واسع برضو
الخيار والكوسه من البذور بس متهيألي ليهم استعدادات ونظام معين في التسميد
اللي نجح عندي حتى الان لكن مستنيه النتيجه النهائيه هما الطماطم والفلفل الاحمر والقصب
كان في موضوع مفيد جدا حدورلك على الرابط بتاعه عن كيفيه استخراج البذور من الطماطم وبعض الخضروات التانيه ونجح معايا في الطماطم والفلفل الاحمر
وان شاء الله قريب حجربه في الباذنجان والفلفل الاخضر الرومي
عموما باختصار هات طمطمايه وافتحها وخد القلب اللي فيه بذور ويستحسن تكون طمطمايه بنت ناس كده وشكلها يفتح النفس
وحطها في طبق وسيبها يومين تلاته لحد ماتتعفن
بعدين اغسلها كويس في مصفاه ضيقه وسيبها تنشف
بعدها بيوم او اتنين ازرعها وسيب مسافه كويسه بين كل بذره والتانيه وان شاء الله تنبت
نفس الطريقه مع الفلفل والباذنجان واالخيار والكوسه
كمان جربت ازرع الكمون والكزبره
الكزبره ماشاءالله كانت جميله وتفتح النفس وحطيت منها على السلطه كمان
اما الكمون فنقلته من مكانه(شلته من الاصيص وحطيته في واحد اوسع)
بعد فتره ومات للأسف بعد ما كان بدأ يزهر
بس دول خدوا فتره طويله شويه على مابدأ الانبات مع انى كنت نقعاهم في ميه كمان قبلها فمش تيأس منها لو زرعتها
ارويها وان شاء الله تنبت
ايييييييييي تانى؟؟؟
اه زرعت باميه بس حظها معايا سيئ مش فاضل منها غير واحده بس لما نشوف حيحصلها ايه
اخر حاجه هيا القصب
العود متقسم كذا عقله بقص من فوق ومن تحت بالورب وحتلاحظ على العقله بروز طالع لفوق حط العقله في التربه وخلي
يادوب طرف البروز هوا اللي باين
ده حيطلع منه ان شاء الله العلي القدير العود الجديد
وان شاء الله حوافيكم بالصور للتجارب دي قريبا جدا
سوري على الاطاله بس قلت يمكن تفيدك تجربتي بحاجه
-----||-- الدمج الآلي للمشاركات المتعاقبة - المشاركة التالية أضيفت الساعة 09:51 PM -----||----- المشاركة السابقة أضيفت الساعة 09:46 PM --||-----
بسم الله الرحمن الرحيم
شكرا ليك يا اخي احمد واكيد طبعا الخضروات المزروعه بالبيت ليها طعم وفرحه تانيه خاااااااالص
التعديل الأخير تم بواسطة بسمه ; 22-10-2011 الساعة 10:49 PM سبب آخر: تكبير الخط شويه
واااااااااااااااااااااااااااااااااا ااااااااااااااااااااااو
مرجع كامل ومتكامل للتجارب والانشطة
حقاً . . . . . . . أرفع القبعة لهذا الاداء المتميز
لك منى الوعد بتجربة كل ما سبق على مدار الاسبوعين القادمين إن شاء الله وموافاتك بالتطورات والصور
ولا تنسينى بالرابط المذكور
أشكرك كل الشكر أختى الطيبة وتقبلى تحياتى
ماشاء الله نباتاتك جميله
تتهني فيهم
السلام عليكم ورحمة الله وبركاتة
اختي الغالية (نسمه)اسف علي تاخري
الشجروفل هو ينتمى الى عائلة الياسمين...
الاسم العلمي ليها(الياسمين العرائلي او Lonicera japonica)
نبات متسلق مستديم الخضرة
متسلق بالتفاف الأفرع ويرتفع حتى 6 أمتار زهرته أنبوبية الشكل بيضاء سمنية تتحول إلى الأصفر
وتتدلى ولها رائحة عطرية زكية وشديدة وفترة إزهارها طويلة خلال الربيع.
الورقة بيضاوية متقابلة، مغطاة بأوبار على سطحها السفلي يتكاثر النبات بالعقل، بالترقيد، بالخلفات
وتنصح زراعته في المناطق المعرضة للشمس.
الري : يروى النبات بغزارة خلال أشهر الربيع والصيف.
اختي الغالية (نسمه)
تحياتى لكي و لبسيوني.....
بسم الله الرحمن الرحيم
الاخ محمد ....
شكرا ليك
انا كل ما الاقي حاجه في المطبخ تنفع تتزرع اروح زرعاها على طول
وكان ليا تجربه مريره مع الكركديه نسيت اقولهاك
اشتريت كركديه وطلعت في دماغي افرده على رخامه المطبخ يمكن الاقي بذور وفعلا لقيت حوالي 8 او 10 مش فاكره
وزرعتهم وطلعت واحده وكنت فرحانه بيها جداااااااااا
وفي يوم دخلت البلكونه ببص لقيت بسيوني بيبلع حاجه وبدور لقيت العلبه اللي كنت زرعاها فيها فاضيه
كانت لسه بادره صغيره يادوب بورقتين
الله يرحمها وبالهنا والشفا يا بسيوني افندي ههههههههه
المهم اللينك اهو حيفيدك ان شاء الله جدا
http://www.zira3a.net/leaflets/spring_1/spring6.htm
*********************
اختى اقحوان
تسلمي والله يبارك فيكي
*********************
اخي دموع الورد
الف شكر على المعلومه وادعيلي انها تكبر بقى احسن زهقتني من بطئها
على فكره الاسم بسمه مش نسمه
النقطه تحت
بسمه...
معلش انا اسف جدااااااااا.....
نباتاتك روعه يا بسمه , ربنا يحفظهملك , شكرا ع الموضوع
بسم الله الرحمن الرحيم
اخي دموع الورد ولا يهمك بحصل كتيييييييييييير
اختى نسمه
شكرا ليكي ياجميله نورتيني
وان شاء الله حتابع الموضوع تانى بباقي النباتات اللي عندي
بسم الله الرحمن الرحيم
بقالي كتيييييييييييييييييييير مكتبتش في الموضوع ده ولا حطيت صور جديده
اخر مره كانت من 6 شهور تقريبا
وتقريبا كل حاجه اتغيرت في حياتي في ال6 شهور دول
نباتات ماتت ..نباتات جديده اشتريتها.. بذور زرعتها .. كل حاجه اتغيرت
حتى المكان والاشخاص اللي عايشه معاهم حتى انا نفسي اتغيرت
سبحان الله
6 شهور فاتوا منهم اربع شهور متواصلين تركت نباتاتي في بلكونه بيتي ومكنتش اعرف مصيرهم ايه
ولما رجعت لمده يوم كانت نباتات كتيره ماتت
الفله العزيزه جدا على قلبي
الوينكات كلهم الورد البلدي الجهنميه الفوشيا والاصفر الطماطم على سطح البيت
الفلفل الحار الدرانتا الليموني ست الحسن مسك الليل الياسمين الريحان
كله مات
محدش حيصدق ولايتخيل اني كنت ببكي عليهم
لدرجه اني كنت بنام بحلم بأني رجعتلهم ولقيتهم لسه عايشين
اكتر حاجه كانت مزعلاني هيا الخبيزه والصبار والسجاد واللانتنا كمارا والفله ومسك الليل
كنت بدعي ربنا ليل ونهار انهم يكونوا لسه عايشين
ولما دخلت البيت مكنتش عايزه ادخل البلكونه
لاني كنت عارفه اللي حلاقيه
لكن سبحان الله
فجأه لقيت لون اخضر
ومن كتر منا مش مصدقه نفسي خدشت ساق الصبار علشان اتأكد انها لسه عايشه
وفجأه لاحظت ان الصبار وجميع الخبيزات واللانتنا كمارا والسجاد لسه عايشين
ومعاهم الجهنميه البيضاوالزيتون
اربع شهور ومحدش كان بيحط لهم نقط مياه
لكن ربنا سبحانه وتعالى كان بهم وبي رحيما
كنا في فصل الشتاء وكان اتجاه الامطار دائما على نباتاتي
ودي صورهم بعد ماجبتهم باسبوع
السجاد
الصبار ( او ما اعتقد انه صبار )
واحده تانيه
اتنين لانتانا كمارا
لانتنا كمارا متسلقه
احدى الخبيزات ( اقدم نبات عندي)
الجهنميه البيضاء
ودي كانت احلى هديه ربنا بعتها ليا واكتر مره حسيت ان ربنا تقبل دعائي ونصرني على من ظلمني
اللهم لك الحمد كما ينبغي لجلال وجهك وعظيم سلطانك
انتظروا صورهم الجديده ريبا ان شاء الله
لاإله إالا الله وحده لا شريك له ,له الملك وله الحمد وهو على كل شيء قدير
حزنت جدا في البداية ولكن ما إن وصلتي إلى نباتاتك ووجدتيها بخير غمرتني السعادة
مفاجأة جميلة جدا
الحمدلله الذي حفظ لك نباتاتك والله يخليهم لك ويخليك لهم
لكن ما أخبار بسيوني قطك السيامي؟ ^_^