السلام عليكم ورحمة الله وبركاته
بارك الله فيكم اجمعين على هالمجهودات الطيبه والله لا يحرمكم الاجر
حبيت استفسر
حاليا ومن يومين جهزت احواض في البيت بارتفاع 70 سم تقريبا من الارض وبعرض مترين وبعمق متر تقريبا وبين كل حوض والاخر 40سم
وكسرت ارضيه البلاط عشان النباتات توصل للارض
وعبيت الاحواض بتربه خاصه بالزراعه ولسى ماسويت فيها شيئ لا سماد ولا بيتموس <<ما اعرف اسمه
المهم
ابي ابتدي اجهز احواضي للزراعه
هل هذا الوقت مناسب للزراعه ؟
وايش ممكن ازرع فيه ؟
انا ابي ازرع اشياء لها روائح نفاثه ومريحه لان الاحواض مقابل غرفة النوم الرئيسيه
ومقابل دريشه الصاله ؟
اتمنى ازرع
فل
واي نوع متسلق بس يكون دائم الخضره ومزهر غير الجهنميه ؟؟
وابي ازرع ريحان
وهذي الشجره الطويله اللي اوراقها طويله وخضراء
طبيعه المكان مشمس 7الى 8ساعات
فتره الصباح فقط الى الظهر
اعطوني المسافه المناسبه بين كل نبته واخرى
وهل الافضل شتله جاهزه ام بذور
ونفسي ازرع في الاحواض الصغيره للمطبخ نباتات مثل الزعتر والميرميه واكليل الجبل
ابي احد يكون رايق للتساؤلاتي ويجاوبني ولا يبخل علي باستفساراتي الطويله
خاصه واني مبتدئه
النباتات مابيها تكون سامه او خطيره عند الاكل حرصا على سلامة الاطفال
واكيد ماتكون شوكيه
ورشحوا لي افضل نوع للسماد مع الصوره
وكم الكميه اللي تناسب المساحه اللي عندي
كم مره اسقي النباتات في هالفصل
وياليت اسماء الاشهر بالعربي عشان ما احوس اوووم الدنيا
واسال الله العظيم ان يعطي من يرد على استفساراتي عطاء كثيرا غزيرا وان يبارك له فيه
اختكم الوحيدهـ*
مواضيع مشابهة: