وعليكم السلام ورحمة الله وبركاتة
الله يوفقك ودائما تكون قادر لمساعدة الاخرين
ادعيلي ربنا ييسر الامور في الفترة دي وابدء مباشرة مع بداية الموسم للزراعة ونتعاون باذن الله
شكرا جزيلا لك
to be or not to be
استاذ شيتاكي
عايز اسئل عن كيفية تجهيز البيئه للمحاري
اذا استعملنا مصاصه القصب بدل من القش
يعني برضوا نفس مده النقع والغلي ونفس نسبه الرده والجير المطفي
وكمان سؤال اذا تكرمن ممكن اضيف مواد تانيه مكان الرده سواء في القش او المصاصه
يعني من الاخر عايز القاعده الي بنينا عليها نسبه الرده
مع العلم اني عارف اننا بنضيف الرده لزياده المحتوي الغذائي
وشكرا
السلام عليكم
استخدام مصاصة القصب يستلزم التخمير اولا للتخلص من السكريات الذائبة و التي ستزيد من احتمال التلوث.
اضافة الرده لا تكون الا في اشهر البرودة او الجو المعتدل فقط
القاعدة العامة: اضافة اي مواد مغذية محسنة للانتاج تزيد من احتمال النلوث حتى مع البسترة الجيدة لذلك تضاف بالقدر الذي لا يضر
انا كنت النهارده في ضيافه الاستاذ الكبير الي منور الموسوعه مهندس shiitake
والذي اشكره علي المعلومات اولا وكرم الضيافه ثانيا وحسن المعامله ثالثا
واتمني ان نتقابل تاني قريبا
الي عايز يبدا معمل تقاوي ينضم لينا دلوقتي هنعمل معمل صغير لكل واحد فينا
يلا انا مستني مشاركاتكم علشان نبدا
لو مرديتوش انا هبدا لوحدي
السلام عليكم
انا معك اخ loay ................................... ................................... ز
لا اله الا الله
اخ مؤيد انا سعيد انك معايا
واتمني نستفيد من بعض ونفيد الي هيدخلو الموسوعه ولو بعد سنين
زي ما انا استفدت بمداخلاتك ومداخلات ناس كتير من سنين
اولا المكان
احنا محتاجين مكان يكون نظيف جيد التهويه مدهون ارضيات رخام او سيراميك
به ثلاث غرف او ممكن غرفتين وصاله ومطبخ ثلاث اماكن
واحده للتعقيم والاوتو كلاف وليكن المطبخ كما يمكن ان يخزن فيه الحبوب وتوضع فيه الثلاجه للتخزين او تخزن الحبوب والزجاجات والاكياس ومواد التنظيف وخلافه في الصاله
واحده للحقن بها صندوق العزل ولمبه ال UV ومصدر اللهب امبوبه الغاز مع ارفف علي الحوائط لوضع الحبوب المبستره
غرفه اخيره للتحضين ودي غرفه بها ارفف لوضع الحبوب المبستره بعد تلقيحها
يلا وفروا المكان علشان نكمل واي حد عنده اقتراح للمكان يتفضل
وخدوا بالكوا الفكره معمل باقل التكاليف
شكرا" على الموضوع واسال لماذا لاتظهر الصور
أشهد أن لا إله إلأا الله و أشهد أن محمد رسول اللهاللهم صلي وسلم على أشرف المرسلين سيدنا محمد وعلى آله وصحبه وسلم
الموضوع قديم من سنين لكن احنا ممكن نستفيد والي مش عارفينه نسئل فيه
والي عايزين له صور ممكن نرفعها تاني
المهم تبدئوا من الاول
والي مش عارفينه اسئلوا فيه
الاسئله خلصت ولا ايه؟
مفيش حد زارع يحكيلنا تجربته؟
فين خبرة معتز باشا و مؤيد في الاجاريكس
فيييييييين الدكتوره رانيا ؟ مفتقد النقاش العلمي
لسه يا بشمهندس اسئله كتيييييييير
اولا لو انا زرعت في كيس اكبر من اللازم يعني قطر 60 سم مثلا ايه الي يحصل ((محاري طبعا))
ثانيا لو كميه التقاوي قلت او زادت ايه تاثير ده مع اني اشك انها بتاثر اللهم الا في فترة التحضين((برضوا محاري))
ثالثا لو من غير جبس زراعي او بدره ممكن يحصل ايه((برضوا محاري))
كل سنه وانتوا طيبين
ده رمضان الكام علي الموسوعه هههههههههههه
ربنا يطول في عمركم ويحسن في اعمالكم