السلام عليكم ورحمة الله وبركاتة
انا كنت عايز اسأل المتخصصين عن مستخلصات او مستخرجات التوابل والاعشاب العطرية الطبيعية اجيبها منين
- والخضروات الجافة اية معناها برضو هى هى الاعشاب ولا يقصدو اية - نشا المعدل - ونشا البطاطس - الطعم الطبيعى natural flavor - طعم الفراخ واية الفرق بينهم انا عايز اعرف بس اجيبهم منين والنسب معلش انا مش فاهم حاجة بس ساعدونى انا عايز اعمل مشروع صغير
حاجة تانية واهم علشان متسببش فى كارثة
عايز اعرف مونو صوديوم جلوتاميت - فوسفات صوديوم او غذائى زى ما بيتكتب - ملح الليمون - بيكربونات صوديوم - مالتوديكسترين - كورن سيرب جاف او صلب - سيليكات الكالسيوم ينفع نشا البطاطس يكون بديل لها عايز اعرف اجيبهم منين والنسب بتتحسب ازاى من فضلكم علشان اعرف ان بعض المواد هنا لو زادت عن حدها خطر
يعنى اية سيليكات الكالسيوم تمنع التكتل اية التكتل دة
وبعض المنكهات المختلفة والمميزة اللى بتستخدم فى الطعام زى المقالى و المشاوى و الصوصات
مفيش اى كتب عن الحاجات دى طريقة العمل والنسب وتركيب المواد دى
والكورن سيرب او شراب الذرة برضة اجيبة منين هو وسائل التدخين او منكهة التدخين من فضلكم ساعدونى بخبرتكم واى كتاب فى معلومات تفيدينى بشان الاسئلة دى ياريت تحطولى نسبة او معيار امشى بية بحيث انى ملخبطش الدنيا واضر ناس
اسئلة كثيرة ومتشعبة وغير مركزة في شئ ارجو ان يكون سؤالك واضح انت عاوز تشتغل في اية بالضبط ولاعاوز تعرف معلومات عامة ارجو التركيز في الاسئلة لان كل سؤال موضوع لواحدة وسوف يكون لك الرد انشاء الله
شكرا مهندش جمال عبد العظيم الحقيقة انا كنت عايز اعمل Breading للحوم والدجاج والسمك
يعنى اولا عايز اعرف اجيب الحاجات المذكورة منين + معلومات عامة وعايز اعرف النسب المحددة لكل من مونو صوديوم جلوتاميت - فوسفات صوديوم ( غذائى ) - مالتوديكسترين - سيليكات الكالسيوم وازاى احسب مثلا 5000 جزء فى المليون دى مش فاهمها او الشركات اللى ممكن تصنع لى حاجة زى كدة شكرا مهندس جمال
جزء في المليون في الفيزياء والكيمياء (بالإنجليزية : PPM أو parts per million) يستعمل للتعبير عن نسب صغيرة جدا من مادة في مادة أخرى. فعلى سبيل المثال : نفترض 1 متر مكعب من الماء وهو يتكون من 1 مليون سنتيمتر مكعب من الماء (100 سم في 100 سم في 100 سنتيمتر = 1.000.000 سنتيمتر مكعب)، وأذبنا فيه 1 سم مكعب من الملح، فاننا نقول أن الماء يحتوي على ملح بنسبة 1 في المليون
بالنسبه للنسب مونو صوديوم جلوتامات وبولي فوسفات اولا يتم اضافتهم بنسب حسب مواصفة البلد وكذلك حسب المنتج المضاف الية
مواصفة مصرية للبورجر
=============
املاح الفوسفات ---------0.5%
مونوصوديوم جلوتومات -------5000 جزء في المليون
حمض السوربيك -------------500 جزء في المليون
حمض الاسكوربيك ---------- 500 جزء في المليون
وبرضة ملح الفوسفات =5 جرام لكل لتر او كيلو جرام
طيب يعنى على اساس اية النسبة تختلف من بلد لبلد او حسب مواصفات المنتج تقصد اذا كان جيد او ردئ يعنى الموضوع مش مقيد ومش خطر وممكن احدد النسبة اللى انا عايزها ولا فى حد معين مينفعش اتجاوزة زى مثلا 5000 و 0.5 % بالنسبة للمواصفات المصرية
بالنسبة للحد في المواصفات تجاوزة اولا تعرض المستهلك للضرر ثانيا تعرض نفسك للمسائلة القانونية لان المواصفة للبلد عبارة عن قانون يحمي الغذاء والمستهلك والتاجر من الضرر
خاصة المواد الكيماوية المضافة اجزاء من المليون تؤدي الي التسمم والوفاه
لذلك يجب علي مراقب الجودة ومدير الانتاج ان يتقي الله في عمله ويلتزم بالنسب والميزان والمواصفة في منتجاتة