السلام عليكم
انا اشتركت فى منتداكم الجميل لتساعدونى فى الاهتمام بهذا النبات
انا جديدة فى زراعة نباتات الزينة و فى الزراعة عامة
عاوزة اهتم بنات العطر ده
و دى اول مرة ازرع نبات زينة
و معرفش اوى فى الزراعة بس بدأت اتعلم
ممكن تفيدونى ؟؟؟؟؟؟؟
نفسى ورقه يكتر و اشوف الزهور بتاعته
و هل لو طول اوى و تربته صغيرة ده يأثر على نموه ؟
اصله عندى كدة
و الزهرة دى بتطلع لما يكبر و لا ايه ؟
بصراحه فى الاول كنت بغرقه و بسقيه كتير
ورقه اصفر و وقع
بس الحمد لله الوقتى بحافظ عليه و ورقه بقى اخضر و جميل بس قليل
و كمان بقى طويل اوى و مفيش ورق تحت لأنه كان وقع لما اصفر فى الاول
كل الورق فوق
و لو اتأخرت عليه برضه بينشف و يقع
ايه افضل طريقة للرى ؟
و كيف اساعد الزرع فى النمو بشكل صحيح ؟
جزاكم الله خيرا
و كيف اهتم به اكثر ؟
يعنى ارويه كم مرة فى الاسبوع و بكمية كبيرة ام صغيرة ؟
لأنى اوراقه تصفر إذا رويته بكثرة
و إذا اصفرت اقطعها و لا لا ؟
و الافضل اقطع جزء منه و ازرعه فى اصيص تانى عشان كبر اوى و لا لا ؟
و لو عملت كدة اقطعه ازاى ؟
بارك الله فيكم
مواضيع مشابهة: