مش عارفة لو التوقيع فعلا هايقفل غرف البالتوك اللى بتسب الاسلام وتهزأ منه اكيد مفيش مسلم هايتأخر
ولكن اسمحولى انا ليا راى اتمنى انكم تتقبلوه
البالتوك برنامج فيه غرف كتير منوعة ومن ضمنها غرف اسلامية معتدلة وحوارية ولكن فى المقابل فى غرف كتير جدا غير معتدلة ومن ضمنها الغرف المسيحية اللى بتسب فى الرسول عليه الصلاة والسلام
وافضل فتوى قريتها فى الموضوع دا ان المفروض الانسان المسلم لا يتواجد فى اى مكان يتم فيه سب الرسول او الاسلام او الاستهزاء منه
اما اننا نقفل الغرف دى بعدد معين من التواقيع اعتقد ان دا شىء مش صحيح لانها مش غرفة ولا اتنين
لكن الجانب المشرق ان فى غرف اسلامية كتيرة وبتحاول الرد على اى شبهات باسلوب معتدل ومهذب
وطبعا فى غرف تانية للشيعة والسنة وكل جانب بيشتم فى التانى هل ياترى الخلاف الغير معتدل بين الشيعة او السنة وتبادل الاتهامات والسباب بينهم مقبول ؟ انما دا غير مقبول من الغرف المسيحية بس ؟؟؟
انا رايى ان مبدأ السباب والاستهزاء من اى دين او عقيدة مرفوض واضعف الايمان انى مش اشارك فى حاجة كدا
واسفة على الاطالة