فضائح صناعة الحلاوة الطحينية فى مصر
زى مانشرنا سابقا صناعة القشدة الصناعى والجبن الغسالة علشان الزملاء يعرفوا الغذاء الغير أمن لازم نعرف برضه انى كنت جالس مع احد صناع الحلاوة الطحينية|(مصنع كبير) وقال خلى بالكوا اليومين دول الحلاوة بقت تتصنع من شورتنج ومسحوق لوبيا ومسحوق فول صويا وفول سودانى وتيتانيوم داى اوكسيد يارب احمى اولادنا من بطش مصنعى الأغذية فى مصر
جميع المكونات التي تحدثت عنها لاتوجد اي مشكلة منها مسحوق اللوبيا مسحوق فول الصويا واي شئ اخر مش مشكلة المشكلة الكبري المواد الكيماوية المضافة التي تسبب الامراض ولاسيما الامراض الخطيرة مثل السرطان
ويعتبر ثاني اكسيد التيتانيوم من المواد الكيماوية الخطيرة التي اذا زادت عن الحد المسموح باضافتها تسبب امراض خطيرة
وكذلك التاثير التراكمي لها
وللتوضيح يتم اضافة تلك المادة لانها مادة مبيضة للحلاوة وتعطي اللون الفاتح لها لذلك تعتبر الحلاوة الغامقة جيدة من الناحية الصحة
اصدر قرار رقم 114 لسنة 1991م بعدم سماح استخدام المواد الملونة بما فيها ثاني اكسيد التيتانيوم E171) titanium dioxide )
ومنعت السعودية هذة المادة بتاريخ 13- 6 1426 ه وتم اتلاف 11 الف كجم من الحلاوة الطحينية
يا اخي محمد
المشكلة موجودة في كل الوطن العربي و ليست فقط في مصر
والله يا بشمهندس كلامك صحيح وانا لسة كنت بتكلم فية اليوم مع أحد الاصدقاء
القصة أن المستهلك بيدفع فلوس وعاوز منتج يساوي ما يدفع ونظيف أو علي الاقل لايسبب له مرض
لكن الواقع سيئ جدا بسبب الجشع ودخول منتجين جهلة في السوق
من يومين كنت بحلل توتل كوليفورم تخيل 15 أنبوبة اعطت نتيجة
2-4- 5
يعني 10×22
دة بسبب انة لابيبستر وبيعتمد علي
الميكرو فلورا الي اغلبها كولي فورم
طبعا لايخفي عليك مشاكل الكولسترديا في الجبن الجودا ومصير الجبن المنفخ
وحجات كتير جدا ....... وحسبي الله ونعم الوكيل
يعنى هو صح ان الحلاوة اللى هى سمسم وسكروز وثمن الكيلو يعدى15 جنيه تكون فول صويا ولوبيا وشورتنج ليه هو احنا طيور ولا ايه
اخي العزيز اعتقد ان الحلاوة الطحينية يكون انتاجها بظروف غير صحية وكما قال اخي جمال فلا ازيد على ذلك سوى انها مادة ياكلها الفقراء ولا يدرون المخاطر الجمة التي تاتي منها
طيب ماتقولنا على اسم الحلاوة المعيبة دى حتى نتجنب شرائها و اى منتج تعبان يسبب المرض للناس لازم نفضحه و العيار اللى لايصيب يدوش حتى ربنا يجعل لينا مخرج من القرية التى ظلم اهلها انفسهم و حسبى اللهة و نعم الوكيل
واللة حرام ايلى بيتعمل فينا دة احنا محصلناش الحيوانات ايلى فى الدول الاخرى بيخافو عليها اكتر منا هنا حسبنا اللة ونعمة الوكيل فى كل غشاش وظالم
طبعا مستحيل ان الواحد يفشى سر لأنها حتبقى مش امانة منى ولكن انا حاليا استعمل حلاوة حلوانى لأنه من المصانع الى تثق فيها
ايه رأيكم نحاول جاهدين لنشر صناعة الزبادى والجبن الأبيض والقشدة فى المنزل بطريقة سهلة واخوانا فى الصناعات الغذائية يساعدونا فى صناعة المربة والحلاوة والمخلل فى المنزل بطريقة سهلة
على فكرة عندى فى البيت بتعمل مربات اتحدى بيها شركة هيرو العالمية وفيتراك
لو كنا احنا ضيعنا فعلى الأقل ننقذ اولادنا او احفادنا
طبعا شغل البيت يكون احسن وخاصة لو جربت بعض الأعشاب في المربات زي الحبهان و الأورجانو والقرفة والقرنفل والمشمش في الطريق طبعا اسلم بكتير حتي العصاير والكاتشب كلها افكار بسيطة بس امنة وياريت نعمل موضوع للحاجات دي بس علي فكرة لو الواحد عندة كتشن بروسس محترم مع ديب فريزر يبقي حرام مايستغلهاش كويس
منه لله اللى فى زمانه ضاعت أخلاق المصرين و إنعدم ضميره حسبى الله و نعم الوكيل
ياعم مصطفي الطيب احسن ومش عاوزين مشاكل
وزي ما قال المهندس عمرو احسن حاجة الواحد يعمل كل حاجة منزلية يعني كان زمان ايام ولدتي نعمل كل شئ في المنزل الخبز في المنزل البسكويت في المنزل
اللحمة نشتريها بعد ذبحها علي طول من جزار معرفة يذبح ويوزع علي زبائنة والكفتة نعملها في البيت بس دلوقتي طبعا المراءة تعمل واسهل شئ عندها شراء الاكل الجاهز ومش مشكلة اضافات ولاامراض وهي عيشة والسلام وبعدين لولا المصانع الغذائية مكناش اشتغلنا وربينا اولادنا خلينا نعيش يعم مصطفي وكل حاجة اصبحت ملوثة حتي الهواء الذي نتنفسة وربنا يستر علي اولادنا
دعاءك ياعم مصطفي ربنا استجاب له والحمد لله انزاح اللي لوث البلد وربنا يسهل وتنظف البلد من البواقي
التعديل الأخير تم بواسطة جمال عبد العظيم ; 16-07-2011 الساعة 02:18 PM
الأخ جمال يا ريت أيام زمان ترجع قول للزمان إرجع يا زمان أنا مش قصدى مشاكل و لا شىء فعلا كل الناس أنعدم ضميرهم إلا من رحم الله يا راجل فى السوق ست محترم بتشترى سمك و لم يعجبها السمك و مشيت فلحقها البائع بوابل من الشتائم و السب هل هذا يعقل أصبح الشعب عرضه للمهانه من اللى يسوى و اللى ما يسوى أن معيار التقدم للأمم هو معيار الأخلاق و لكن للأسف أصبحت أزمة مصر ليست أزمة أقتصادية و أنما أزمة أخلاق تونى بلير كان أول بند فى برنامجه الإنتخابى العودة إلى الأخلاق و هذه هى الفطرة فقال رسول الله صلى الله عليه و سلم ( إنما بعثت لأتتمم مكارم الأخلاق )
التعديل الأخير تم بواسطة مصطفى ; 15-06-2010 الساعة 04:47 PM
شوف ياأخي المستهلك هو القوة الشرائية يعنى انت لو البضاعة مش عاجباك متشتريهاش
لازم المستهلك تكون عندة ثقافة ماذا يشتري ومع مستهلك جاهل وهيئات رقابية مريضة
يحدث الغش لذالك لازم المستهلك يقرأ ويشم ويتذوق وهو دة مايطلق علية الاستهلاك الايجابي
اقتباس