اراضى وادى النطرون

[ahmed12]

الاخوة الاعزاء هذة اول مشاركة لى معكم وارجو ان تفيدونى بخبرتكم فى مسالة اراضى وادى النطرون لانة معروض علية 50 فدان فى منطقة تسمى الربع الخالى سعر الفدان 500 جنية ومسجل وسااعاين الارض بغد اسبوع وسؤالى عن المنطقة ونوعية اراضيها وكذلك السعر واشكركم

مواضيع مشابهة:

• بخصوص اراضي وادي النطرون
• ارض فى وادى النطرون
• [عرض]  فرص جيده للاستعلام عن اراضي وادي النطرون
• [عرض]  وادي النطرون
• أرض فى وادي النطرون

[اسعدالفقى]

مستحيل مستحيل مستحيل ان يكون للارض اى اوراق اطلاقا" لان السعر المطلوب فى الفدان لا يكفى حتى اجراءات تسجيله وامتلاك عقدة فكيف يكون ذلك اخى تمهل ولا تجرى وراء الوهم واحكى لك ما ستجدة ان شاء الله قبل المعاينه وستتذكر كلامى
اولا" ستجد صحراء جرداء لا زرع فيها ولا ماء وان سألت عن ذلك ستجد الاجابة المفرحة لحضرتك المتستر وراها الآلام والاوجاع والصداع بعد الضياع بالنص ايوة يا استاذ اصل الترعة هاتعدى من هنا وكمان جنبك مش عارف مين واخد 5000 فدان وها يدخل الكهرباء قريب وكمان احنا مش ملاحقين على الطلبات وواحد ياخدك على جنب ويقولك الحق قبل الفرصة ما تعدى وخد بالك المياة على عمق بسط حوالى 50 متر واقل مبلغ يطلع لك بحر مياة ما تستطيع ان تقف امام هذا النهر من المياة واحنا الارض دى لها ملف فى الهيئة ومقننه و و و و وو الخ يعنى حضرتك هتلاقى مليون اجابة لاسئلة حضرت بس نصيحة استعن باصحاب الخبرة فى هذا المجال ولا تاخذ ارض الا بعد تحليل التربة وتعرف مشاكلها من عدمة وكمان لو عمق المياة بعيد ستنفق اموال طائله على علم الغيب وهل ياترى ما هى ملوحة المياة التى فى علم الغيب التى ستكلف الكثير والكثير الله اعلم بالباقى اخى نحن ننصح وليس اكثر لابد ان يكون كل شيء باسلوب علمى ومنطقى مدروس فلقد رأيت بعينى العجب العجاب فى تجاربى فى تلك المناطق

[yasernor]

اخى الكريم كلام المهندس اسعد هو الحقيقه فعلا خاصة فى هذه المنطقه
وفعلا مستحيل تجد ارض فى هذه المنطقه بذلك السعر وتكون منتهيه واحذر من النصب