المساعد الشخصي الرقمي

مشاهدة النسخة كاملة : أسئلة حول الصوب الزراعية



mohamed hegazi
30-01-2009, 01:37 PM
بسم الله الرحمن الرحيم


الحقيقة يا جماعة أنا مهندس زراعى جديد لسه خريج دفعة 2008 المنصورة قسم هندسة زراعية

والحقيقة مطلوب منى أمسك أرض سوف تزرع صوب وزى مانا لسه قايلكم أنا لسه جديد جدا

وخبرتى العملية بسيطة جدا والنظرية طبعا مالهاش لازمة جنب العملية

فيياريت لو حد يقدر يساعدنى ويجاوبنى عن بعض التساؤلات المهمة بالنسبة ليا

1 - الأرض حتبقى فى المنطقة بين كفر الشيخ وجمصة وهى أرض جيدة وستزرع صوب
حد يقدر يدلنى فى البداية على أسعار الفدان هناك ولو تقريبيا ومنين (الجمعيات اللى أقدر أجيب منها بسعر أرخص ) أجيب

2 - بالنسبة للأرض هى حتتزرع صوب مجمعة منين أقدر أشترى الصوب المجمعة دى وسعرها وأيه الفرق بينها وبين الصوب المفردة ( أنا من المنصورة فيارييت تحددولى فى المنصورة والأرض حتبقى 5 فدادديين ) والسعر اللى حتقلوه حيبقى شامل خدمات ايه

3 - بعد استلام الأرض ايه الخطوات اللى أقوم بيها بالضبط من ساعة استلام الارض لحد الحصاد وايه الحجات اللى اخد بالى منها وياريت بأدق التفاصيل وشامل كل شئ وياريت تحديد الأسعار لكل حاجة

4 - أيه المحصول اللى تنصحونى أنى أستخدمه ويكون أفضل مع العلم أن الأرض جيدة لحد كبير

( يا جماعة أنا عارف أنى بتعبكم بس أنا أسف أنا مزنوق ومحتاج مساعدة
وياريت الاجابات تكون واضحة أوى لأنى عايزكم تعتبرونى واحد ميعرفش أى حاجة مطلوب منه يمسك أرض مساحتها5 فدادين حتتزرع صوب ياريت تقفوا جنبى وتساعدونى فى مستقبلى )


ولكم فائق الشكر وجزيل الاحترام

ندوة
30-01-2009, 02:06 PM
محمد حجازي اهلا بك معنا في هذه البقعة الخضراء وان شاء الله تستفيد من خبرة الجميع ..
بداية ادعو لك بالتوفيق .

واجيبك على ما استطيع مماسألت عنه :
السؤال الاول ليس من اختصاصي بالطبع :
اما بخصوص سؤالك عن الصوب وكيف تشتريها فيوجد شركات تجهيز وهذه سهلة جدا وستكون حسب طلبك من حيث مساحتها .وارجو من الاخوة المصريين ان يمدوا يد المساعدة لتعريفك بالشركات الموجودة في مصر .
هذه الصوب تكون حسب الطلب من حيث التجهيزات فهي تكون ممكن مجهزة بنظام ري بالرش او بالتنقيط وفيها مفرغات هواء وتكون احيانا مكيفة .

اما اجابة السؤال الثالث من حيث المباشرة بالعمل فتكون اول الخطوات
تنظيف الارض مما فيها من ادغال وانقاض
فحص التربة
مصادر المياه وقربها من الموقع
حرث الارض وتعديلها وتسويتها بشكل جيد
مكافحة الادغال الصعبة مثل الحلفا ( اذا موجودة في الارض ).

اما المحاصيل فيستحسن الخضر مثل الخيار والطماطة والفلفل والباذنجان
وتبقى الاختيارات مفتوحة امامك وحسب المنطقة التي يقام عليها المشروع .ز
اتمنى ان اكون اوجزت لك وقبل اقطاع الكهرباء ..........

mohamed hegazi
01-02-2009, 05:08 AM
يا جماعة شكرا جزيلا على ردودكم اللى بعتز بيها جدا

وجزاك الله خير يا بشمهندسة ندوة

بس للاسف مافيش حد جاوبنى اجابة محددة

1 - الصوب المجمعة أفضل ولا الصوب المفردة ( أيه الفرق بينهم )
2 - أسعار الصوبة المجمعة ( لمساحة 5 فدادين وياريت اللى يكتب السعر يقول شامل ايه وغير شامل ايه )
3 - أسامى شركات (فى المنصورة ) أققدر أشترى منهم أو على الأقل أعرف منهم السعر

( ياريت يا جماعة الردود تكون واضحة ومحددة جزاكم الله خير )

ولكم فائق الأحترام

mohamed hegazi
02-02-2009, 11:28 AM
إيه يا جماعة ما حدش عايز يرد عليا ليه

أنا حستلم الأرض أخر الأسبوع و ياريت حد يقولى أيه أول خطوة أعملها

سامى سعد الدين محمد م
02-02-2009, 05:55 PM
بسم الله الرحمن الرحيم
والصلاة والسلام على رسولنا الكريم وعلى صحابته أجمعين
إلى أخونا العزيز - وفقه الله إلى ما يحب ويرضى .
الصوب الزراعيه تعتمد فى تكاليفها إلى حد كبير على المواد المستخدمه فى الإنشاء ونوعية حديد الآرشات ونظام الرى داخل الصوب والذى يعتمد إلى حد كبير على قدرة مصدر المياه ومساحة الأرض المزمع الإنشاء عليها وهل ترغب فى الإنشاء الجاهز أو المصنع ( والأخير أوفر بالطبع ) ، أحسبك أخى العزيز تتعب قليلاً وتنزل القاهره ، شارع السبتيه فستجد هناك ما ترغب إن شاء الله .
أما عن الشركات التى تقوم بإنشاء الصوب فهى كثيره ومختلفة الأنشطه .
*ملاحظات عامه فى الصوب :-
- تكاليف الإنشاء عاليه نسبياً .
- تستطيع أن تزرع فيها جميع فصول السنه شرط أن توفر المناخ الملائم لنمو الزرع المناسب والذى يحتاجه من درجة حراره ونسبة رطوبه وساعات إضائه ... الخ .
- دائماً خطط لتزرع داخل الصوبه أكثر من موسم نمو لكى لا تضطر إلى تغيير الخدمه ( حرث وتخطيط أو تسطيب أو إضافة السماد البلدى ... الخ ).
- إختار حجم الصوبه المناسب إقتصادياً وفى نفس الوقت لإجراء عمليات الخدمه المختلفه .
- ستضطر فى نظام الصوب أن تقوم بتغيير الغطاء البلاستيك ما بين موسم الصيف والشتاء .
- فى نظام الرى بالتنقيط إختار خراطيم ال 16مم بحيث يسهل صيانتها وخاصة النقاطات .
وأخيراً أرجوا منك ( وخاصة أنك ذكرت أنك خريج جديد ) - وإن توفر لك - أن تزرع مكشوف أولاً فهذا سيكسبك خبرات أولاً .
والله يوفقك .

mohamed hegazi
04-02-2009, 10:32 AM
جزاكم الله خير على ردودكم الجميلة والمفيدة

طيب أنا حستلم الارض الاسبوع الجاى أيه أول خطوة أعملها

وبعدين تنصحونى أزرع أيه أنا محتار بين الطماطم والفلفل ياريت تقلولى الفرق بينهم وخاصة إنى سمعت أن فى بذور بيكون الرش فيها لأعلى وبذور الرش فيها لأسفل

mohamed hegazi
04-02-2009, 10:41 AM
جزاكم الله خير على ردودكم الجميلة والمفيدة

طيب أنا حستلم الارض الاسبوع الجاى أيه أول خطوة أعملها

وبعدين تنصحونى أزرع أيه أنا محتار بين الطماطم والفلفل ياريت تقلولى الفرق بينهم وخاصة إنى سمعت أن فى بذور بيكون الرش فيها لأعلى وبذور الرش فيها لأسفل

mohamed hegazi
04-02-2009, 10:44 AM
وبعدين هل لازم حرث الارض من جديد بعد 6 شهور سواء زرعنا نفس المحصول أو تم تغييره

ali ahmed
04-02-2009, 12:36 PM
السلام عليكم
الله يوفقك الخطوة الاولى عند اختيار الارض ان تعرف مصدر المياه ودرجة الملوحة اذا كانت ابار ونوع الارض رملية او طينية ودرجة الملوحة بها
وفى زراعة الصوبات يفضل الارض الرملية
بالنسبة ممكن تصنيع الصوب عن طريق شركات سوف ابعث لك اسماء شركات بذلك وممكن تشترى صوب مستعملة ويوجد صوبات 240 م و540 متر ويوجد صوبة تركب على فدان وانا انصح بالصوب 240م لانها تساعد فى التهوية اما المحصول ارشح لك الخيار والله يوفقك

mohamed hegazi
04-02-2009, 02:56 PM
جزاك الله خير يا بشمهندس وياريت لة تبعتلى عناوين الشركات او ايميلتها او تليفوناتها

رامى محمد احمد
08-02-2009, 05:15 PM
السلام عليكم
اخى العزيز ياريت تستعين بأحد المختصين افضل كثيرا جدا نصيحة لان هذا سيوفر عليك الكثير جدا من المشاكل اتمنى لك التوفيق
والسلام عليكم

رامى محمد احمد
08-02-2009, 05:18 PM
نصيحة اخرى
حاول تتقابل مع الدكتور طه الجزار ضرورى وتكلمه فى هذا الموضوع هوا موجود بقسم البساتين كلية الزراعة جامعة المنصورة والسلام عليكم
تليفونى 0115118559
لو احتجت منى شئ اتصل عليا انا طالب دبلوم تكنولوجيا المحميات الزراعية والدكتور طه درسلى وهوا خبرة كبيرة جدا جدا جدا
والسلام عليكم

aahmed0055
08-02-2009, 09:11 PM
اخى الفاضل اسئل اللة التوفيق لك
اما بالنسبة للصوب الزراعية يوجد لدينا صوب زراعية صغيرة وكبيرة حديد اسمر ومجلفن جميع المقاسات
فى بوصة بعرض 6 متر وبطول 40 متر اسمر ومجلفن ويوجد بعرض 9 متر 2 بوصة و1.5 بطول 40 متر او اكثر
وانا تحت امرك فى اى شئ

abcdef
26-02-2009, 11:50 PM
اخى الفاضل انا مزارع صوب اكثر من خمس سنوات وعلى نطاق واسع ولا انصح بان تبدا بالزراعة المحمية لان التكلفة عالية جداوالاسواق الان غير مضمونة حاصة انة ليس لديك خبرة اقول لك ذلك وانا اعتبر نفسى خبير فى هذا المجال وقدعانيت من خسائر كبيرة

احمد البلونى
24-03-2009, 02:48 PM
ارجوا منكم الافادة عن الصوب الزراعية

القلب الحزين
14-04-2009, 04:48 PM
الاخ العزيز
محمد حجازي

لو انتا محتاج امااكن تشتري منها البيوت المحمية انا انصحك تشتري البيوت المجمعه وفي الغالب تنزل علي طريق مصر اسكندرية الصحراوي اسأل هنااك شركات كتير وانصحك لو فكرت تشتري اشتري المستعمله اللي حالتها تكون كويسه هتلاقي ناس كتير بتعرض دا للبيع ولما تيجي تجيب الغطاء البلاستيك فيه شركة موجودة علي المشاية في الجامعه لمهندس اسمه احمد حسنين من المنصورة اما بخصوص التقاوي فسهل انك تجيبها من اي شركة زي شركة المير ودي موجودة في المنصورة برضوا بخصوص اخر جزئية انا انصحك تجيب حد فاهم في الموضوع دا كله يدير لك الشئ دة وانتا حاول تتعلم منه وتاخد الخبرة وتبداء واحدة واحدة معاه وبعد فترة ابداء انتا لوحدك وفيه دكاترة جوة كلية الزراعه من دكتورر جزار او غيرهم كويسين جداا انا اسف للاطالة بس حبيت افيدك لو انا كنت بداخل مصر كنت قدرت اتواصل معاك لكني لاسف خارجها في عمل الان لك كل التوفيق اما عن النصحية للبزور فانصحك تنوع يعني تعمل قطاع خيار وقطار للفلفل بمعني اعمل 3 فدان خيار لان انتاجيته سريعه واعمل 2 فدان فلفل وحاول تنوع بين الفلفل ازرع الفلفل الااصفر او الاحمر لان تمنه بيكون غالي وربحيته عاليه لك كل شكرا

د. ياسر التلمسانى
25-05-2009, 03:01 PM
الأخ السائل، أنصحك بمراجعة الرابط التالى لكى تتعلم كيف تحقق لنجاح:



http://f.zira3a.net/showthread.php?t=7763 (http://f.zira3a.net/showthread.php?t=7763)

احمد حسام شريف
05-04-2010, 07:05 PM
اخي العزيز انا طالب في اخر سنه هندسه زراعيه جامعة بنها وحضرتك قولت انك اتخرجت من جامعة المنصوره وفيه عندكم دكتور اسمه صلاح عبداللطيف رئيس القسم هو يقدر يقيدك اكتر في اسئلتك

amanym2009
04-06-2010, 09:27 PM
عندى تصميم مطلوبة فعلة :
ارض بمساحة 20فدان فى منطقة النوبارية وهى ارض رملية مستوية تماما وهى تزرع بمحصول الفول السودانى وتزرع بالتنقيط ومسافات الزراعة 1.5متر وهى ابعادها 420*210ويوجد طريق فى منتصف الارض عرضة 5متر وطولة 420متر ومصدر المياة يبعد 3متر عن الطريق وهو يوجد على الحدودبالضبط ومصدر المياة هى طرمبة هندى تصرفها 40:45متر مكعب على الساعة وضغطها 3بار .
اريد رسم مفصل للشبكة وعمل كشف المهمات كامل بكل الاحتياجات للشبكة واريد رسم مجاميع الحديد للمضخة والفلاتر والمحابس وياريت لو فى صور توضخ هذة التوصيلات من الواقع .
معلشى انا بتعبكم معاية بس بجد انا نفسى اتعمل موضوع التصميم بالتفصيل خصوصا ان فى الكلية مخدناش كل حاجة بالتفصيل.
وجزاكم اللة خيرا.

al_3dlawy
05-06-2010, 01:09 AM
وانا ايضا انصح بعدم المغامرة بزراعة الصوب بالبدايه و قبل ان تتقن العمل الميداني بالحقل لكن يمكن ان تبدا بصوبة واحدة صغيرة اما اذا اردت اي الصوب افضل فانصحك بالصوب المجمعة لكنها عالية التكاليف ويمكن ايضا تجهيزها جيدا بالتكيفات اللازمة وربنا يوفقك وارجو الانتباه فان المنطقة التي وصفتها عالية الملوحة وليست كما تقول عليك ترتيب وتجهيزوغسيل التربة فترة طويلة قبل ان تغامر بزراعة الخضر

aahmed0055
05-06-2010, 08:41 PM
السلام عليكم
لكم منى فائق الاحترام
اختى الفاضلة طالبة الجامعة
انا تحت امرك كل جميع الموصفات البيوت المحمية (الصوب الزراعية )
موجودة
انا بس لية وجهة نظر ممكن اعرضة على حضرتك
لو خبرت حضرتك ضعيفة ممكن تستعينى ببعض الاخوة لكى تزدادى خبرة فى هذا المجال على الطبيعة
فى طبعا حجات اساسية الابد ان تكون فى الاعتبار
مثل المياة تكون اقل او 400 جزء فى المليون
وطبيعة التربة وتحديد الصنف
اما بالنسبة للتصميم انا تحت امرك من الاف الى الياء
تلفونى موجود وتوضيح المطلوب
وشكرا

اسعدالفقى
20-07-2010, 02:42 PM
ارجوا منكم الافادة عن الصوب الزراعية
الاخ احمد لو حضرتك تحدد ما تريد بفضل الله استطيع ان افيدك ان شاء الله