المساعد الشخصي الرقمي

مشاهدة النسخة كاملة : بعد قضاء 4 أيام فى وادى النطرون



أشرف الشفقى
16-10-2008, 01:13 PM
عدت بالأمس من وادى النطرون بعد قضاء 4 أيام هناك وكانت أول زياره لى وإقامه فى مزرعة صغيره بوادى النطرون.


كم المعلومات التى غمرتنى فى هذه الفرته القصيره جداً كان هائلاً. وبعد هذه الرحله القصيره اتضحت لى أمور كثيره وتجلت مفاهيم عديه منها:

سعر الأرض فى وادى النطرون يتضاعف كل عام. أى أنك إذا اشتريت مثلاً أرضاً فى وادى النطرون بسعر 10 آلاف جنيه للفدان فسوف تتمكن من بيعها فى العام التالى بسعر 20 ألف جنيه للفدان.
الأرض تقوم بشرائها من العرب (البدو) وتقوم بزراعة جزء منها وتقوم بإجراءات تسجيلها تدريجياً وتمر عليك اللجان واحدة تلو الأخرى للتأكد من جدية زراعتك حتى تحصل على التسجيل النهائى فى النهاية أى عقد الملكيه الأزرق. وقبل الحصول عليه يمكنك زراعتها بل وبيعها.
هناك أراضى تكون المياه فيها على عمق 36 متر وبالتالى يكون البئر غير مكلف فى حفره وفى الماتور (المكنه) الذى يرفع الماء منه ويضخه فى شبكة الرى. وكذا معدل استهلاك السولار المستخدم فى تشغيل المكنة وكذا تكاليف صيانة البئر. أما فى حالة أعماق المياه الكبيره مثل 150 أو 300 متر تحتاج إلى تكلفة أعلى فى إنشاء البئر ومصاريف تشغيله وصيانته تكون مكلفه أيضاً فى حالة ما إذا حدث به أى عطل.
هناك من يزرع النجيلة ويكسب منها. تستخدم النجيله من قبل القرى السياحية وتباع بالمتر.
بعد أو قرب الأرض عن الطريق يؤثر بشكل كبير جداً على سعرها. ففى حالة قربها من الطريق يرتفع سعرها بشدة وكلما ابتعدت عن الطريق انخفض سعرها. الأراضى البعيدة عن الطريق تكون صعوباتها كبيره وتكلفة استصلاحها عالية بسبب ارتفاع تكاليف النقل وندرة العمالة وهكذا.
هذه مجرد نقاط سريعة تمثل جزء ضئيل جداً من كم المعلومات المهول الذى انهال على أثناء إقامتى القصيره فى وادى النطرون هذا الأسبوع. سوف أحاول تذييلها بمعلومات إضافيه بإذن الله إن تمكنت من ذلك، وبالطبع أرحب بالأسئله وكذا التعليقات فكليهما يفيد أكثر بكثير من مشاركات الشكر أو المدح.

فى انتظار أى أسئله أو تعليقات بها إضافة للمعلومات.

sun000
17-10-2008, 12:18 PM
شكرا على المعلومات المهمه انا اريد ان اعرف كم من المبلغ مطلوب لشراء الفدان فى مكان قرب الطريق والبئر على بعد 36 وهل ممكن اخذ ارض وعملها مشروع حيوانى ولا لازم زراعى هل الذهاب الى هناك هيجيب همه انت هل ستذهب وتشترى هناك

yasernor
17-10-2008, 12:32 PM
المنطقه دى جميله جدا ياجماعه بس المهم تحاذر من الناس هناك لانهم مستعدين ياكلوك وخاصة اهالى المنطقه نفسهم وحاذر ايضا من الارضى وضع اليد لان عليها مشاكل كتير جدا وفى منطقه اسمها غرد الحنيشات ياريت مفيش حد يقرب منها لانه باكملها تابعه للجيش والجيش نفذ كافة الاجراءات اللازمه لاستعادة ارضه

اسعدالفقى
17-10-2008, 10:22 PM
وماذا عن جمعية العداله ورابطه ابناء الغربيه

متى حدث ذلك بالتحديد ارجو تحديد تاريخ

هل من الممكن تحديد المناطق التى هدمها الجيش ولو ممكن صور لذلك بما ان حضرتك كنت فى هذة الرحلات

yasernor
17-10-2008, 11:07 PM
جمعية العداله دى ارضها كلها تابعه للجيش والجيش ازال ارضها كلها حتى المبانى سواها بالارض


حدث منذ شهر على الاقل او شهرين تقريبا والارض استولى عليها الجيش وهدم مابها من بيوت


والله انا معنديش صور ولكن ممكن حضرتك تروح وتدخل من الكيلو 113 على الطريق الدولى وبعد كده ادخل على الدوران وارجع تانى وادخل يمين وعدى الاسفلت هناك هتشوف اللى انا وصفته بالتفصيل وجبلنا الصور لانى ليا فتره لم اذهب الى هناك تقريبا 15يوم

اسعدالفقى
18-10-2008, 10:21 AM
اخى انت رجل المغامرات والتصوير انا بصراحه معرفش غير العداله من العمق فى الحدود بينها وبين رابطه ابناء الغربيه (رابطه ضباط الشرطة بتاع المستشار ماهر الجندى الله ي..................

abuadnan
18-10-2008, 11:19 AM
هنا تكمن مشكلة الاراضى الصحراوية
البلد سيبة والبدو عاملين دولة لوحديهم وتشترى الارض وتدفع دم قلبك يطلع لك 100000 عفريت وراضى الكل واما تطرد او واجه عصابات شيكاغو او الرصاص فى النهاية والله ياأخون عاملين فردة على الناس اتوات وسلملى على الحكومة

هشام محمد احمد الشافى
18-10-2008, 10:08 PM
يا اخ ياسر عندى سؤل مفيش جمعية حكومية تقوم بتوزيع اسهم جديدة حاليا
وكم قيمة اسهم

احمد مرسى
19-10-2008, 11:26 PM
هنا تكمن مشكلة الاراضى الصحراوية
البلد سيبة والبدو عاملين دولة لوحديهم وتشترى الارض وتدفع دم قلبك يطلع لك 100000 عفريت وراضى الكل واما تطرد او واجه عصابات شيكاغو او الرصاص فى النهاية والله ياأخون عاملين فردة على الناس اتوات وسلملى على الحكومة

:zagree::fight:

أشرف الشفقى
21-10-2008, 12:57 AM
سعيد بهذه المشاركات المفيدة والصحيحة.

بالنسبة للمنطقة التى كنت فيها فى وادى النطرون فهى تسمى بقرية عمر المختار. وللوصول إليها فهى على مسافة حوالى 16 كم من الطريق الصحراوى (مصر اسكندرية).

هناك مناطق كثيرة فى وادى النطرون منها البحر الفارغ (أو الوادى الفارغ) والحمرا وغيرها الكثير.

بالنسبة لموضوع العرب أو البدو الذين هم أهل المنطقة الأصليين وعلاقة الحكومه بهذه المناطق، فما قيل صحيح بالفعل. صيطرة الحكومه على تلك المناطق ضغيفة للغاية ويسود هناك ليس القانون المدنى المصرى بل القانون العرفى البدوى. فإذا ما حدث اختلاف مثلاً بين الشركاء أو الجيران أو أى خلاف أو اختلاف فإن الشرطة لا تكون هى الحل فى هذه الحالة بل يستخدم فى هذه الحالة ما يسمى بقعدة عرب يفصل فيها كبراء المنطقة فى الأمر.

ورغم أن ذلك لا يتوافق مع ما تعود عليه ابن المدينة (وأنا من أبناء المدينة) إلا أن من يفهم قانون البدو وينجح فى التواؤم معه ينجح فى التعامل مع الأعراب والبدو بقوانينهم وبعيداً عن قوانين الدولة والحكومه والتى يصعب تطبيقها فعلاياً هناك.

ولكن يجب قول الحق فى نفس الوقت وهو أن هناك من البدو من يحترم كلمته ويمكن الوثوق بهم. ويتم شراء الأرض من البدو وهى أرض وضع يد بالطبع. ثم يتم تسجيل الأرض على مراحل أثناء مرور اللجان للتأكد من جدية الزراعة. ولكن بالطبع معظم أبناء المدينة لا يمكن لعقلهم الذى تعود على القوانين فى المدينة أن يستوعب بسهولة موضوع شراء أرض وضع يد ثم تسجيلها على مراحل حتى يحصل على عقد التمليك الأزرق النهائى بعد سنوات عديدة أو حتى زراعة الأرض بل وبيعنا من دون حتى عقد التمليك الأزرق النهائى والاكتفاء بتسجيل ابتدائى. ولكن بالطبع من يتمكن من الخوض فى تلك المخاطره يمكن أن يكسب الكثير، أما إن لم يدرك مخاطرها فمن الأفضل أن لا يغامر حتى لا يخسر كل ماله.

خالد البنا
21-10-2008, 05:11 PM
نفهم من كلامك ان الشراء يتم بدون عقود مسجلة وتتم العمليه من واضعى اليد فى المنطقة اى بمفهوم ادق الشراء من من لا يملك

خالد البنا
21-10-2008, 05:13 PM
لابد من تحزير الناس من الانصياع وراء هذة الاوهام والنصب شغال ميهميه هناك

أشرف الشفقى
22-10-2008, 12:18 AM
"... الشراء يتم بدون عقود مسجلة وتتم العملية من واضعى اليد ... واضعى اليد فى المنطقة ... الشراء من من لا يملك"

شكراً جداً يا مهندس خالد البنا على سؤالك القيم والذى يمكن أن يدور فى خلد الكثيرين. وسوف أحاول أن أتلمس الإجابه عليه عن طريق توضيح بعض المفاهيم التى ربما تغيب عن أذهان سكان المدينة مثلنا.

أولاً، بالنسبة لكون الشراء يتم بدون عقود مسجلة فإليك المعلومات التالية. إذا قمت بتسجيل عقد ما فى الشهر العقارى فإن هذا التسجيل يضمن لك الحصول على نسخه من هذا العقد ويثبت أن هذا العقد تم بالفعل كتابته ولكن عملية تسجيله فى الشهر العقارى فى حد ذاتها لا تضمن صحة العقد. وهذه نقطة يغفلها الكثيرون، فالشائع بين الناس هو أن الشهر العقارى هو القول الفصل بينما هو فى الحقيقة مجرد أسلوب لتسجيل أى وثيقة وإثبات وجود هذه الوثيقة ولكنه ليس ضمان لصحة ما هو موجود فى الوثيقة نفسها.

ولذا، فإن شراء الأرض يكون بعقود وعقود مسجلة أيضاً ولكن ذلك ليس ضماناً كافياً لصحة الملكية.

أما بالنسبة لعبارة "واضعى اليد" فالقانون المصرى يجيز تقنين ملكية واضعى اليد استناداً إلى القانون الشرعى الإسلامى الذى ينص على أن من يزرع ارضاً فهى له. وبذا، يجيز القانون المصرى تمليك الأرض عن طريق وضع اليد فى حالة أن يقوم واضع اليد بزراعتها ولو على مراحل. وبالطبع، فإن اللعبة التى يلعبها الكثيرون هى محاولة وضع أيديهم على مساحة كبيرة ثم زراعة جزء صغير منها وربما زيادة هذا الجزء بالتدريج فيما بعد.

وأخيراً، ربما يصعب على أهل المدينة مثلنا تقبل هذه الفكره، ولكن من قال أن الأرض التى عاش فيها أناس لعقود عديدة هى ليست ملكاً لهم؟ بالطبع هناك قانون الدولة، ولكن هناك أيضاً قانون البدو والعرب، فمن الذى يسرى قانونه؟ هل قانون الدولة لأنها تمتلك الجيش والشرطة أم لأننا نحن أبناء المدينة درسنا فى مدارسها وتعلمنا قوانينها وبالتالي نكون متحيزون لقانونها؟ أعلم أن كلامى هذا ربما يكون ثقيلاً على أهل المدينة ومدعاة لهجوم عنيف واستنكار، ولكنه مجرد محاولة لفهم الآخر وتقبله ووضع أنفسنا مكان البدو الذين سكنوا تلك المناطق لأجيال عديدة.

m4m4
26-10-2008, 10:36 AM
السلام عليكم
ممكن ياعزيزى تعطينى بعض المعلومات عن شركة
شركة طلائع الشروق للتنميه الزراعيه باسم ا.د/ محمد لاشين وشركاه
لانى معروض عليه شراء 10 فدادين فى ودى النطرون على بعد 45 كيلو من الطريق الاسفلت
وهى تتبع جمعيةطلائع الشروق الخيريه
الرجاء الرد بسرعه للاهميه

أشرف الشفقى
26-10-2008, 10:49 AM
لا أعرف هذه الشركة

أرجو من من لديه معلومات عن تلك الشركة أن يخبرنا

وادى النطرون كبيره ومتسعة جداً

45 كم من الطريق مسافة ليست بالقصيره، غالباً السعر منخفض للفدان هناك بسبب بعد المسافه

أنصحك بمعاينة المكان والطريق إليه قبل الشراء، يجب عليك وحتماً أن تفعل ذلك

m4m4
26-10-2008, 10:56 AM
فعلا السعر المعروض ما يزيد عن 1000جنيه وفى العرض بيقولو انهم سوف ينفذو ابيار وثمنه با التقسيط على كل 100فدان

خالد ابوعيسى
01-11-2008, 11:10 PM
عدت بالأمس من وادى النطرون بعد قضاء 4 أيام هناك وكانت أول زياره لى وإقامه فى مزرعة صغيره بوادى النطرون.


كم المعلومات التى غمرتنى فى هذه الفرته القصيره جداً كان هائلاً. وبعد هذه الرحله القصيره اتضحت لى أمور كثيره وتجلت مفاهيم عديه منها:

سعر الأرض فى وادى النطرون يتضاعف كل عام. أى أنك إذا اشتريت مثلاً أرضاً فى وادى النطرون بسعر 10 آلاف جنيه للفدان فسوف تتمكن من بيعها فى العام التالى بسعر 20 ألف جنيه للفدان.
الأرض تقوم بشرائها من العرب (البدو) وتقوم بزراعة جزء منها وتقوم بإجراءات تسجيلها تدريجياً وتمر عليك اللجان واحدة تلو الأخرى للتأكد من جدية زراعتك حتى تحصل على التسجيل النهائى فى النهاية أى عقد الملكيه الأزرق. وقبل الحصول عليه يمكنك زراعتها بل وبيعها.
هناك أراضى تكون المياه فيها على عمق 36 متر وبالتالى يكون البئر غير مكلف فى حفره وفى الماتور (المكنه) الذى يرفع الماء منه ويضخه فى شبكة الرى. وكذا معدل استهلاك السولار المستخدم فى تشغيل المكنة وكذا تكاليف صيانة البئر. أما فى حالة أعماق المياه الكبيره مثل 150 أو 300 متر تحتاج إلى تكلفة أعلى فى إنشاء البئر ومصاريف تشغيله وصيانته تكون مكلفه أيضاً فى حالة ما إذا حدث به أى عطل.
هناك من يزرع النجيلة ويكسب منها. تستخدم النجيله من قبل القرى السياحية وتباع بالمتر.
بعد أو قرب الأرض عن الطريق يؤثر بشكل كبير جداً على سعرها. ففى حالة قربها من الطريق يرتفع سعرها بشدة وكلما ابتعدت عن الطريق انخفض سعرها. الأراضى البعيدة عن الطريق تكون صعوباتها كبيره وتكلفة استصلاحها عالية بسبب ارتفاع تكاليف النقل وندرة العمالة وهكذا.
هذه مجرد نقاط سريعة تمثل جزء ضئيل جداً من كم المعلومات المهول الذى انهال على أثناء إقامتى القصيره فى وادى النطرون هذا الأسبوع. سوف أحاول تذييلها بمعلومات إضافيه بإذن الله إن تمكنت من ذلك، وبالطبع أرحب بالأسئله وكذا التعليقات فكليهما يفيد أكثر بكثير من مشاركات الشكر أو المدح.

فى انتظار أى أسئله أو تعليقات بها إضافة للمعلومات.
السلام عليكم والله استازى الفاضل احنة النعمة بين ايدينا بس مكسلين لو حبت افكار الصحرة هبأبة جنة بعض الشباب ربنا اكرمة بذلك والبعض مازال عالة ياريتربنا يعنا لذلك خالد

أشرف الشفقى
01-11-2008, 11:17 PM
أ. خالد، أعجبتنى جداً مشاركتك،

يا ريت تخبرنا بتجربتك فى زراعة الصحراء أو التعامل مع من قام بزراعتها بما أنك تاجر

أعتقد أن هناك من الشباب من هو مستعد لخوض تجربة زراعة الصحراء ولكن ما ينقصه هو الخبرة أو العلم أو أول خيط للطريق، حيث أن المعلومات ليست متاحة للجميع والكثير لا يعلم من أين يبدأ خاصة فى ظل قوانين وضع اليد والمخاطرة المصحوبة بذلك.

يا ريت يا أ. خلد تعطينى من خبرتك وتجربتك فى زراعة الصحراء أو التعامل المباشر مع بعض من قاموا بذلك.

hazemawad
26-11-2008, 08:23 PM
احذروا يا جماعه من المنطقه دى :
اللى فيها من اهل البلد نصابين ويسرقوك بالكلام الناعم والتثبيت لحد مايمصوا دمك وانت مبسوط وكللك ثقه فى اللى بيمص دمك وقرب يمص روحك وماتفرقش سواء كان مسلم ولا مسيحى سنى بدقن خمسه متر ولا بتاع خمره ونسوان ولا حتى عضو مجلس شعب (عطيه مسعود) كلهم دينهم مص الدم..واللى بيقول دول بدو..ولا لهم دعوه بقوانين واعراف البدو والانكت والادهى انهم بيبدلوا على الزبون زى فلم المغتصبون ومايحلوش عن قفا امه الا لما يتاكدوا تماما انه جاب اخر ما عنده وشطب حتى الجاز اللى كان جابه فى اخره!!!!
والصنف التانى...الغريب اللى مش من البلد وده يا اما زبون لسه فيه الروح ولسه بيصرف..او عليه احكام وهربان من قواضى...يامتدارى وسط الناس وزيه زيهم وواكل معاهم وزى ماكان بيتقال للمبى فى فرحه فى فيلم الناظر(دانتو قاتلين سارقين شاربين نايمين مع بعض).
فياجدعان اللى ربنا اداله قرشين وبيقرصوا فيه وامه داعيه عليه احسن له يعملهم صواريخ ورق ويطلع فى البلكونه ويطيرهم فى الهوا بيده احسن مايتثبت ويطلعوا بالاشتغالات ويتجنن ويكلم نفسه والعيال يحدفوه بالطوب ويقولوا المجنون اهه

mostafa_almasri
03-12-2008, 06:50 AM
السلام عليكم الاخوة الاعزاء
انا دى اول مشاركة ليا النهاردة واتمنى التفاعل معاكم على خير ان شاء اللة الكلام اللى اتقال من كل الاعضاء كلام صحيح فيما يتعلق بالتعامل مع الافراد البدو هناك بس الكلام مش على كل الناس لسة فى ناس كويسة ولو انى اغلبهم فعلا بيسرق وبيحور على الواحد عشان يطلع بالفلوس وبعدين يخلع

انا اولا 21 سنة من ساعت الثانوية العامة لغاية دلوقتى وكان كل املى فى مشروع صغير لانى مش بحب اشتغل عند حد ولا اتقيد بقواعد وبمرتب ميعيش حد دلوقتى وطبعا دة بعد عدم امكانيتى لدخول الكلية اللى كنت بحبها فمبقتش فارقة واتجهت للمشاريع الزراعية لاسباب كتير
المهم الموضوع بتاع المشاريع قعد يتاجل ويتاجل وطبعا البحث عن الاراضى ودرسات الجدوى وغيرة كتير والف على الشركات ورؤية الاسعار المبالغ فيها المهم ربنا وفقنى بمساعدة ولدى واتعرفت على شخص من الناس العرب بتوع وادى النطرون والقصة واللة الواحد مكنش مصدق انى ربنا مساهلهالة كدة وكانة فى حلم اتفرجنا على الارض ودى فى الوادى بتطل على مزارع الدبلوماسييين مباشرتا وطبعا كلها شجر مثمر بقالة كذا سنة والمنظر يطمن والارض اللى هناخدها قدمها مباشرتا تانى يوم دفعنا مبلغ والحج عمل توكيل للراجل صاحب الارض عشان ينهى الاجراءات القانونية فى الوزارة وفتح ملف وبكدة تبقى انتا مطمن انى الارض بتاعتك وواخد السكة الصح واتعملنا تسجيل بالعقد البدائى بينا وبين صاحب الارض وطبعا دة عقد وضع يد وبعد كدة بدا الراجل يشتغل على الورق القانونى من الوزارة وتم فتح ملف باسمنا فى الوزارة وخد رقم ونزلت لجنة المعاينة ومهندس المساحة وكل الكلام دة والمهم خلاص فاضل الجواب النهائى بعد معاينة المهندس برفح المساحة وكدة نتملك الارض بس مش نهائى طبعا بس كدة ضمان انى اى حد يقولك اى حاجة تدفنة فى الارض وملهوش دية
وكمان من الطرائف الارض جلها زبون عايز يشتريها سعودى وراح واتاكد من كل اورقها انها سليمة وكدة تبقى مطمن اكتر واحنا حتى لسة مدقناش فيها مسمار
الشاهد يا جماعة انى مش كل اللى بيتعامل على الارض بيبقى حرامى ونصاب واللة احنا حتى مسقلناش عن الراجل ولا اتاكدنا من ورق الارض ولا اى حاجة فى الاول بس ربنا كرمنا بشخص امين وابن حلال اوى طبعا مش بقول كل الكلام دة ولا رغيت كل دة عشان اى حد يعمل زيى انا حبيت بس اوضح انى مش كل الناس هناك وحشة وكمان التعامل مع الناس دى ارحم من التعامل مع الشركات اللى بتمص دم الواحد وهيا فى الاساس مشترية الارض منهم وبتضاعف تمنها لمجر انها وخدا موفقات وهيا متستهلش كل دة
طبعا المنطقة دى زى مقال الاخ منطقة جامدة جدا كفاية انى هيا قريبة وفيها خدمات وقربها من الاسواق وفى نطاق بلد ياعنى مميزتها كتير اوى والاسعار فعلا هناك بتزيد خصوصا لو الارض ليها اوراق
الحيطة والحذر مطلوب طبعا وانا حبيت انقل تجربتى من الواقع واى حد محتاج مساعدة ممكن اساعدة واودية للراجل اللى اشتريت منة وعندة بدل المكان ميت مكان
الف شكر ارجوا انى مكنش زهقتكم بس انا لقيت الكلام على الاراضى كتير اوى فى المنتدى وياربن مكنش تقلت عليكم
مصطفى المصرى

hazemawad
03-12-2008, 09:51 PM
ده بس دعى الوالدين يادرش
بس ياجماعه مابيرحش هناك الا ومفقود:showoff:

ابراهيم فوزى
26-06-2009, 09:12 PM
السلام عليكم الزراعيين الكرام
حد يعرف حاجه عن شركه سما للتنميه الزراعيه بالوادى الفارغ بوادى النطرون وعموما انا اشتريت من الشركه دى عشرين فدان وكتبت عقد مع الشركه ولكننا فى انتظار تقنين الارض