المساعد الشخصي الرقمي

مشاهدة النسخة كاملة : قصتي الى النجاح



احمد مرسى
30-09-2008, 07:11 AM
كل منا يريد النجاح
و لكن هناك الكثير من الصعوبات اهمها الاماكانيات الماديه

اليكم قصتى الى النجاح
البدايه بعد التخرج مباشره من كليه زراعه الاسكندريه 28 مايو عام 2000
بصراحه انا معنديش فى الزراعه الا اللى انا درسته و الخبره تعتبر zerooooo بس كان عندى كام كتاب على كام نشره زراعيه من بتوع الوزاره و كان عندنا ارض صحراويه 6 فدان غير مزروعه بالمره و كان فيها بئر مياه لغايه كدا حلو....
المشكله ان انا مش معايا اى تمويل نهائى و لا مليم
استلفت 3000 جنيه من احد اقاربى ( و الله 3000 جنيه بس ) اشتريت منهم شبكه رى بالتنقيط used بالكامل و اشتريت 30 متر مكعب سماد بلدى من اللى مليان نيماتودا و أجرت tractor بالساعه و صلحت فدان واحد من ال 6 فدان و جهزته للزراعه ( طبعا معظم الشغل كنت باعمله بنفسى )
المهم ربنا كرمنى بملغ كمان 2000 جنيه ( سلف طبعا ) اشتريت منه شتله طماطم و كان اسمها سوبر رد
و بعد 3.5 شهر من الزراعه و العمل الشاق جدا جدا و استشارات من كل ناحيه و عايز اقول ان كنت بأفحص الطماطم كل يوم عود عود زى ماتكون ولادى و اكتر شويه
بدأ الانتاج و ثمره جهدى و تعبى بانوا و ربنا كرمنى منها و فعلا حظى كان حلو فى السنه دى من ناحيه السوق
المهم كانت المحصله ايه
تم سداد 5000 جندى
تم استصلاح باقى ال 6 فدان بالكامل
تم شراء شبكه تنقيط كامله ل 6 فدان
تم خدمه ال 6 فدان بالكامل
و و و و ......................
البقيه تأتى اما اشوف ايه رأيكم الاول

ندوة
30-09-2008, 07:16 AM
اخي احمد مرسي
كل عام وانت بخير
الله يبارك في جهودك ونتمنى لك التوفيق فالزراعة بركة ...


العزم والتصميم هي بداية النجاح
واذا عزمت فتوكل

محمودالسيدبدير
30-09-2008, 07:26 AM
اخى احمد كل عام وانت بخير هى دى الفلاحة الصح ورزقك على مقسم الارزاق

م.حنان بيلونة
30-09-2008, 03:18 PM
كل عام وانت بالف خير و الله يوفقك و التصميم و الارادة القوية هي اول طريق النجاح

alaadel157
30-09-2008, 03:29 PM
ربنا يبشرك بالخير ، الى الامام دائما

عبدالله البنا
30-09-2008, 03:33 PM
الاخ العزيز/احمد
السلام عليكم وكل عام وانت بخير ادعوا لك بالتوفيق فهذا هو الاجتهاد وما دام عندك هدف فربنا يكون بجانبك
فقصة كفاحك درس للاخرين و المهندسين المنتظرين شغل الحكومة فاريد معرفة باقى مشوارك وبالتوفيق والنجاح اخوك فى الله
م/ عبدالله البنا

mrdmohamed
30-09-2008, 03:49 PM
السلام عليك اخي العزيز
احيكي علي روح المغامرة .. ولكل مجتهد نصيب
لكن احب اعرفك ان

الجبل محتاج 5 اشياء

*توفيق ربنا
*كنز سيلمان
*حكمه لقمان
*صبر ايوب
*عمر نوح

اتمني ان تكون وصلتك الرساله جيدا

ودائما خذ من الوقوع قوه للوقوف
وكلما تقع كلما تستطيع ان تجري بسرعة

وفقنا الله ووفقكم جميعا لما فيه خير لنا ولامتنا

احمد مرسى
30-09-2008, 07:44 PM
الاخوه الاعضاء
مشكورين جدا على التفاعل مع الموضوع و خاصه اننا كلنا مشتركون فى نقطه معينه الا و هى العزم و الاصرار على مواصله المشوار

و كلمه الاخ عبد الله البنا
عن اللى منتظرين شغل الحكومه و ده فعلا يعتبر درس ليهم و خاصه اذا عرفنا ان هناك الكثير على استعداد لان يدفع مقابل الحصول على وظيفه فى الحكومه و لكن لابد ان يكون لكل منا مبدأ فى الحياه
و على كل حال فالوظيفه الحكوميه فى مصر ( و دى حقيقه لابد ان يعيها الكل ) هى عباره عن بطاله مقنعه و لا تزيد من خبراتنا شيئ و لا تزيد من انتاجنا شيئ
انا اكون فى حاله زهول عندما ارى احد الشباب خريج احد الكليات و يعمل فى موقف سيارات اجره كل اللى عليه يشخبط على ورقه و يديها للسائق
او يحاول احد الخريجين ان يحصل على وظيفه بمؤهل ادنى و يكفيه انها وظيفه حكوميه
و الامثله كثيره على ذلك و اعتقد ان كل المصريين عارفين كدا

اما الاخ mrd mohamed
فأقول له ان رسالته واصله من زمان و احب ان اؤكد اننا كشباب عندنا كل الصفات اللى ذكرتها
فالتوفيق من عند الله موجود لكل من اراد النجاح و عمل عليه و و كنز سليمان موجود فقد اعطاه الله السلطان و المال و فوق ذلك العلم و نحن لدينا العلم و هو سلاح يجب ان نستعمله و حكمه لقمان انما نكتسبها بالعلم و العمل لا بالنوم و الكسل و التواكل اما صبر ايوب فحدث و لا حرج فإذا لم نكن صابرين فمن يكون اذا ؟؟؟
اما عمر نوح فإن الاعمار بيد الله و اذا بدأنا المشوار فسيكتمل و كل عام يكون هناك جديد دائما و يكون مَن بعدنا خَلف لنا فى تكمله ما بدءناه او قل اننا نكمل ما بدأه مَن قبلنا
ارجو ان يعى كل الشباب هذا الدرس جيداً
و الى اللقاء مع الحلقه الثانيه فى سيناريو قصتى الى النجاح

احمد مرسى
30-09-2008, 08:52 PM
موضوع الزراع و استصلاح ارض جديده كل منا يضع فى حسبانه انه موضوع شائك جدا و يحتاج الى مجهود ومال كثير جدا و هذا لا يجعلنا نتواكل و ننام و ننتظر من يضع لنا الطعام فى افواهنا فكل عمل ايا كان يحتاج الى مجهود و ببعض التفكير نستطيع ان نتغلب على اعظم المشاكل و اليكم الحلقه الثانيه من مسسلسل سنبل او رحله المليون
اود ان نعمل مع بعض فلاش باك و بعدين نكمل
.
.
كان اختيار الفدان اللى انا هازرعه اهم نقطه فى العمليه و خاصه انى انا محدود الامكانيات جدا و كان لابد انى احط هذا فى الاعتبار فكان امامى عده نقاط يجب الاخذ بها عند اختيار هذا الفدان اولها ان يكون قريبا جدا من مصدر الماء و ده هيوفر على تكاليف شبكه الرى و ثانيا كان لابد ان اختار افضل قطعه ارض من حيث الاستواء و ده هيوفر تكاليف الاستصلاح و التسويه و هناك ايضا نقطه اخيره و هى ان الارض صحراء و مش كلها زى بعضها فيها مشاكل عديده من حيث نوعيه التربه ففضلت قطعه ارض تبعد عن مصدر الماء بحوالى 50 متر و كانت شبه مستويه و ارضها كانت رمليه سلتيه و على عمق حوالى 1 متر كانت هناك طبقه صماء ( الطفله ) و دى بصراحه انا محطتهاش فى الاعتبار لانها على ما يبدو لى كانت فى ال save range و احتاجت منى قليل من التسويه و دى كانت مرحله لما بعد الزرعه الاولى لانى كنت مخطط انى ازرع محاصيل اخرى بعد كده محتاجه رى غمر فكان لابد انى اعمل للارض تسويه على مراحل و دى مميزاته كتير
اولا انى احافظ على الطبقه السطحيه لانها اعلى خصوبه من الطبقات الاعمق و ثانيا عشان التكلفه تتوزع على مدى عده زرعات مختلفه
و تسويه الارض اعطتنى فرصه كبيره لان ازيد من خبراتى فى التعرف عن قرب على انواع الات الحرث و التسويه و استخدامنا للمحاريث المختلفه فاستخدمت فى البدايه محراث حفار لتفكيك سطح التربه لتقليل تكاليف عمليه التسويه و كان المحراث عباره عن سبعه اسلحه فى صفين 3 فى الامام و 4 فى الخلف و عرفت ان ده له سبب مهم جدا فهو يقلل من مقاومه التربه للمحراث فالمحراث فى بدايه العمل يقابل التربه ب 3 اسلحه و هى فى البدايه ارض غير مفككه ثم يقابل التربه المفككه بعد ذلك بالعدد الاكبر



http://www.lowerymanufacturing.com/images/SHANKALLPURPOSE%20PLOW.jpg

و بعد ذلك بدأت مرحله اخرى كانت لها مميزات مهمه و تعرفت منها على نوع جديد من الخبرات و ده اللى هانتكلم عنها فى الحلقه القادمه ( طبعا بعد ما نشوف ردود محفزه على المواصله )

ابو يزن
30-09-2008, 09:13 PM
تابع يااستاذ احمد احنا متابعينك وياريت الكل يستفيد من هذه التجربة

alaadel157
30-09-2008, 10:30 PM
تابع والله شوقتني لاني سأمر بنفس التجربة ، وربنا يسهل

ALais
01-10-2008, 03:56 AM
السلام عليكم ورحمه الله وبركاته،،،،
أستاذى الفاضل ..أشكرك من قلبى عن كلماتك التى أتفق مع باقى اخواتى أن الاراده والاصرار هما أكبر عوامل النجاح
ولكن ...بكل أسف كل الظروف تغيرت الان ليصبح واقعنا اليوم أشد صعوبه
كلما بدأنا السير فى طريق تجد فيه من يضع أمامك حائط سد
لكن مع ذلك كلام حضرتك وكل من له نفس فكر ك بيعطى امل لكل واحد فينا انه ممكن يحققق شىء عظيم فى يوم من الايام
وكل عام وسيادتكم بوافر الصحه والسعاده

mido awad
01-10-2008, 06:07 AM
السلام عليكم يابشمهندس احمد ..

جميل جداً الى الان لكن نريد نعرف لما زرعت الفدان طماطم ماهى .......؟
1- عدد البذور للفدان وتكلفته.
2- الانتاجية تقريباً كام كيلو جرام.
3- تكاليف التسميد والمكافحة.
4- تكاليف الايدى العاملة.
5- وايه كان اخبار التسويق والاسعار حينها.

احمد مرسى
01-10-2008, 12:23 PM
اشكر جميع الاعضاء على التفاعل الحى و الكلمات الجميله و التى تعطينى دائما دفعه قويه للامام لتكمله كتابه القصه التى عشتها فعلا و انا احب ان اوضح نقطه هامه لابد منها الا و هى لماذا اردت كتابه قصتى؟
اولا اثارنى موضوع اعتقد انه يستحق منا وقفه جميعا الموضوع مرسل من الاخ ابو عمر و موضوعه عدم تمليك الاراضى للشباب المصرى (http://f.zira3a.net/showthread.php?t=7712) و لاحظت انه من اسباب ذلك بعد الشباب انفسهم عن استصلاح الاراضى الصحراويه لخوفهم الشديد من المرور بالتجربه الامر الذى ادى الى بعد الهيئات الحكوميه عن تمليك الاراضى للشباب او ربما يكون هناك اسباب اخرى تجعل الحكومات تبتعد عن توزيع اى قطع اراضى لشباب الخريجين ( يعنى من النهايه دا سبب ومش عايز ادخل فى تفاصيل اكتر لان الموضوع ها يخرج من سياقه الى النواحى السياسيه )
الامر الثانى فى اسباب كتابه هذا السيناريو هو انى اردت ان اجعل للموضوع هدف اخر ذو بعد اجتماعى زراعى و ذلك لانه على ما أُريد سيتناول قضايا اجتماعيه مهمه حدثت لى و سيكون ذكرها تفصيلا فيما بعد اما من الناحيه الزراعيه فقد اردت ان اضع كل خبراتى التى اكتسبتها نُصب العين الجميع و هناك جانب مهم هو الجانب الترفيهى الذى يجعل من الموضوع الزراعى البحت فى صوره قصه شيقه نتحاور جميعا فى تمثيل شخصياتها و هذ يعتبر سبب لجعلى اتمنى ردود و تفاعل جميع الاخوه مرتادى المنتدى
و مما زادنى اصرار على مواصله المشوار هو رسائل الاخوه الاعضاء و و كلمات الشكر التى ارسلت لى و خاصه من الاخ عونى الطحش مدير الموقع و تثبيته للموضوع اعطانى دفعه قويه للتكمله
و احب ان ارد على الردود التى اعتبرها بحق مميزه لما فيها من معانى اعتقد اننا فى حاجه الى الوقوف عندها و تأمله للحظات

احمد مرسى
01-10-2008, 12:52 PM
اردت هنا ان افرد رد خاص للاخت Alias

و الذى اثرت في كلماته كثيرا فهى تعبر فعلا عن واقع يمر به الكثير من الشباب و خاصه فى بلد يزداد فيها معدل البطاله الى حد يجعل الفرد يفكر فى اشياء تصل الى حد امتهان الكرامه فى احيان كثيره و يصل الشاب الى مرحله الإحباط و الإكتئاب
كل فرد منا يريد ان يعمل و الكثير يريد ان يكون صاحب عمل و لكن القليل هو الذى ينجح فى الوصول الى ما يريد و الاسباب كثيره جدا و لكن علينا ان ننظر الى القليل الذى نجح و نفكر كيف و لماذا نجح و ان نضع نُصب اعيننا الاسباب الايجابيه التى دفعته الى النجاح و ان نترك من لم يحققو اهدافهم جانبا مع كثرتهم لانهم انما يولدوا لدينا الشعور بالإحباط فلو كل واحد منهم ذكر سبب واحد لفشله لوجدنا اننا امام مجلدات ضخمه من الاسباب الفاشله و التى لا تزيدنا الا فشلا
احب ان اضيف انه لا يوجد شئ اسمه مستحيل و لكن هناك شئ صعب ضع هذا دائما امام عينيك
و على سبيل المثال من منكم يستطيع ان يكتم نَفَسُه لمده 3 دقائق الكل يراها مستحيله اما انا فلا فهناك اصحاب ارقام قياسيه فى ذلك و صلت الى ما فوق ال 9 دقائق
و من كان يظن ان هناك احد يرتاد الفضاء او يغوص فى اعماق المحيط و ....
لابد ان نعطى الثقه فى انفسنا حتى نحقق طموحاتنا

ليس من العيب ان يكون هناك بطاله و لكن من العيب ان نظل متمسكين بأسباب واهيه تجعلنا نعيش فى فكر دائم نتيجته هى الاحباط و ان نظل متمسكين بهذه الاسباب !!! فلابد ان يكون لدينا ثقه بالنفس و نقول لا للبطاله و نحاول مره و مرات حتى ننجح فى احداها
اما بخصوص الظروف التى تغيرت كما يقول فأنا اوافقه على ذلك و لكنى اعرف بل متأكد انها تغيرت للاحسن قديما لم تكن هناك كهرباء و لا بترول و لا و سائل اتصالات و كان ابى و ابيك و جدى و جدك يعيشون و الحياه ميت فل و 14
الفرق هو ان الاباء كانو يستغلون ما لديهم من امكانيات اما نحن فنضع امام انفسنا العراقيل
و النصيحه للجميع ان يتفائلوا و ان يضعوا امام اعينهم انه لا مستحيل

احمد مرسى
01-10-2008, 02:03 PM
الاخ mido awad بإذن الله سيتم شرح كل شئ فى وقته و عشان القصه كمان ما تنحرقش
و اليكم حلقه اخر من السيناريو
الاول نراجع مع نفسنا الحلقه اللى فاتت عشان نكمل
.
.
احنا كنا وقفنا عند عمليه الحرث و عرفنا مع بعض نبذه مختصره عن المحراث الحفار و الان بعد عمليه الحرث كان لزاما علينا ان ندخل فى عمليه جديده مهمه جدا و هى عمليه تسويه سطح التربه و نعرف مع بعض اهميه التسويه و هى بالنسبه للفدان اللى انا زرعته كان لها هدفان اول هدف انها تعتبر عمليه تسويه مبدئيه و تدريجيه تتم على عده زرعات مختلفه للوصول الى سطح مستوى فى خلال فتره معينه و سبب انها تدريجيه اولا لعدم كشط كل الطبقه الطحيه الخصبه دفعه واحده و ايضا للتكلفه العاليه فى وجود امكانيات شبه معدومه
الهدف الثانى و ده سبب انا رأيته من وجهه نظرى انه سيعمل على ضبط الضغوط فى خراطيم الرى بالتنقيط و خاصه حين نعلم ان شبكه الرى المستخدمه هى شبكه قديمه صحيح حالتها كويسه و لكن الامر ما يسلمش
و بصراحه عمليه التسويه كانت تجربه رائعه لى لانى اول مره فى حياتى كنت اركب جرار http://www.traderstrove.com/images/categories/tractor.gif و اتعلم السواقه عليه طبعا بعد الحاح منى لصاحبه و كان لازئ جنبى طبعا مش عشان انا مش بعرف اسوق nooo عشان ما بهدلش الارض باله التسويه ( القصابيه ) و التى كانت محتاجه فعلا لمهاره من سائق الجرار امتى يرفع و امتى ينزل القصابيه و طبعا انا كنت طالب قصابيه من بتاعت الناس الغلابه الليزر طبعا ( اوعو تصدقوا )
القصابيه دى كانت عباره عن لوح من الحديد المقوس و نهايتها به شفره من الصلب تشبه السلاح فى القطع و كانت مثبته على ثلاث محاور فى الجرار و تعمل بجهاز الرفع الهيدروليكى للجرار
طبعا فى الات تسويه اخرى دقيقه جدا و تعمل بصوره اوتوماتيكيه عن طريق شعاع الليزر و لكنها كانت مكلفه جدا عندنا ففضلت انى استخدم القصابيه العاديه مع العلم انها تحتاج الى وقت اطول للوصول الى نفس الدقه

بعد عمليه التسويه قمت بتخطيط الارض للزراعه و كان التخطيط على اساس ان الزراعه هاتكون على نظام الرى بالتنقيط و ان الصنف اللى هازرعه كان هجين طماطم سوبر رد و ده صنف غير محدود النمو و يفترش الارض فى دائره و صلت معى اكثر من 75 سم فى القطر و كان لزاما على ان اجعل المسافه بين الخطوط ما بين 1.5 : 1.75 متر يعن ان الفدان كان 28 خط بطول 100 متر و تم التخطيت بمحراث يشبه الصوره التاليه

http://media-2.web.britannica.com/eb-media/74/8374-004-FADAAB82.jpg

و كان عمق التخطيط حوالى 50 سم و ده عشان نعرف نضيف السماد البلدى و الاسمده الكيماويه الاخرى و كانت عباره خليط من الاسمده السوبر فوسفات و سلفات النشادر و الكبريت الزراعى و ايضا اضفت ماده اخرى مهم جدا نعرفها

سنعرفها المره القادمه بعد ان نرى منكم الردود اللى هاتحفزنى انى اكمل المسلسل

cut

mido awad
01-10-2008, 10:26 PM
السلام عليكم يابشمهندس احمد ..

جميل جداً الى الان لكن نريد نعرف لما زرعت الفدان طماطم ماهى .......؟
1- عدد البذور للفدان وتكلفته.
2- الانتاجية تقريباً كام كيلو جرام.
3- تكاليف التسميد والمكافحة.
4- تكاليف الايدى العاملة.
5- وايه كان اخبار التسويق والاسعار حينها.

حضرتك ما رديت يابشمهندس

alyhaby
02-10-2008, 02:53 AM
اخى العزيز
بسم الله ماشاء الله لاقوة الا بالله

فعلا لكل مجتهد نصيب

ومشوار اللف ميل يبدا بخطوة

ان الله لايضيع اجر من احسن عملا

وكما اخبرنا رسول الله صلى الله علية وسلم ( من اخذ اموال الناس يريد ادائها ادى الله عنة )

وبل
02-10-2008, 03:20 PM
ما شاء الله تبارك الله الله يزيدك من فضلة ويرزقك .

متابعين معاك الموضوع للأخر ...

احمد مرسى
03-10-2008, 04:00 PM
الاخ mido مش عارف ليه انت مستعجل و خاصه انى عايز كل حاجه تبقى فى ميعادها عشان اقدر افتكر كويس لان البدايه زى ما قلت كانت سنه 2000
و عامه انا هاقولك
الفدان اخد شتله طماطم صنف سوبر رد عدد 6000 عود تقريبا و كانت مزروعه فى صوانى فوم 209 عود فى الصينيه x عدد 30 صينيه لزوم الزراعه و الترقيع معا
الانتاجيه كانت عندى انا بالورقه و القلم 1900 عبوه x وزن 20 كجم يعنى اللهم مصلى عالنبى حوالى 38 طن للفدان
اما تكاليف التسميد و المكافحه فدى مش ثابته لان انت عارف ان الاسعار اتغيرت من سنه 2000 للان ( زادت حوالى 4 مرات ) يعنى انا كنت باشترى شيكاره نترات النشادر ب 23 جنيه الان عدت ال 100 جنيه و على كل حال انا هابقى احسبها معدلات بعد كده و انت اضرب فى سعر السوق
و ايضا تكاليف الايدى العامله اتغيرت كتير بس اعمل حسابك ان اثر احتياج للعماله كان عند الجمع و دى هاتكون بسيطه لان هايكون فيه ايراد
اما التسويق فكان بيعتمد على العرض و الطلب يعنى مش احنا اللى بنتحكم فيه و بصراحه ده مواله كبير و هايخد منى شرح كبير بس انا او انتاج لى بعته ب 45 جنيه للعبوه 20 كجم و ده كان سعر محترم جدا لكن ليس بالضروره انه يكون السعر ده هو اللى ماشى دلوقت
ارجو انى اكون وضحت الصوره بقدر الامكان

و لو فيه اى اسئله تانيه او اى حاجه عايز تستفسر عنها كلمنى

احمد مرسى
03-10-2008, 04:03 PM
اشكر الاخ وبل و الاخ alyhaby على المشاركه فى الموضوع و التفاعل معنا

مهندس محمد عبد الله
03-10-2008, 07:41 PM
اللهم ما اصبح بى من نعمة أو بأحد من خلقك فمنك وحدك لا شريك لك فلك الحمد ولك الشكر
نتمنى التوفيق اكتر واكتر من عند الله وربنا يزيدك يا بشمهندس احمد

ALais
04-10-2008, 05:31 AM
السلام عليكم ورحمه الله وبركاته،،،
شكرا لك أستاذى \ احمد مرسى
اتبعك باهتمام وتركيز شديدين
فهو فعلا مهم جدا لنا خاصه فى بدايه الطريق وانعدام الخبره والممارسه بالطبع حتى اثناء فترات الدراسه التى من المفترض ان تكون عمليه
ف حديث سيادتكم ..كانك تتحدث عنى حلم حياتى ولكن لابد من العمل لاكتساب الخبره لولا
ولكن....هناك شيئا صادفنى لم انتبه اليه الا مع بدايه حديث سيادتكم
لاحظت ان هناك من ذوى الخبره من يبخل بها حتى لا يظهر من الشباب من يقفز على كتفيه ليسحب من تحت ارجله البساط ويتفوق عليه
فسبحان الله حقا !!!
تابع عرض اجازاء مسلسل رحله نجاح فهو لالان مكتسح مسلسلات رمضان

انس مسلاتي
04-10-2008, 12:17 PM
السلام عليكم يا شمهندس
هذا فضل من الله ولكل مجتهد نصيب
واسباب النجاح
1-توفيق رب العالمين
2-المتابعة والاهتمام
3-الاخلاص في العمل
4-وان يكون العمل خالص لوجه الله عز و جل

تمنياتي لك بالنجاح الدائم و اعلم ان الله مع العبد الصالح

gehad_hoss
05-10-2008, 10:15 PM
جزاك الله خيراً
................................... ...............

احمد مرسى
06-10-2008, 06:32 PM
اشكر الجميع على الاهتمام و شكر خاص للاخ ( الصفوه الزراعيه ) على التفاعل معنا و مشاركته فى الموضوع
و اقول للاخ انس و انا متفق فعلا على اسباب النجاح التى ذكرتها
و اشكر الاخ جهاد على التواجد بالمنتدى
و احب ان اسأل الاخت أليس سؤال فى الجغرافيا
و هو اين تقع بلاد العجائب و ما هى عاصمتها ؟؟

احمد مرسى
06-10-2008, 07:31 PM
اليكم حلقه جديده من مسلسل قصتى الى النجاح

عايز بس افتكر احنا وقفنا فين و نرجع نكمل
.
.
.
اوكى

كنا وقفنا عند انتهاء عمليه التخطيط و اضافه الخدمه للارض قبل الزراعه و كانت الخدمه عباره عن 30 متر سماد بلدى تام التحلل و 200 كجم سوبر فوسفات الجير و 200 كجم سلفات نشادر و تم اضافه هذه الخلطه الى التربه و تم عمل تقليب لهم ثم تغطيه للتربه حوالى 10 سم فوق السماد و لكن قبل ذلك اضفت احد اخطر المبيدات على الاطلاق للتربه و بصراحه هى ما كانتش غلطه لانها كانت مقصوده 100 % لان هذا المبيد كان مسموح به وقتها
انا بصراحه مش عايز اقول اسمه
المهم
قمت بفرد شبكه الرى على المساحه بالكامل و تم اضافه الماء للتربه حوالى8 ساعه على مدى يومين اى بمعدل 4 ساعه فى اليوم و كانت كافيه لعمليه تخمير التربه و هذه العمليه مفيده جدا قبل الزراعه ليه؟
نقول
اولا تجعل وسط الزراعه رطب ثانيا يتم طرد كميه كبيره من الاملاح بعيدا عن منطقه غرس الشتله ثالثا يتم تقليل المسافات البينيه بين حبيبات التربه و رابعا حتى نصل بنسبه الرطوبه فى التربه الى حد السعه الحقليه
اما شبكه الرى فكانت مكونه من خط مواسير PVC رئيسى 4 بوصه متفرع منه خطين فرعين 50 مم و بالتالى تم تقسيم الفدان الى 4 اجزاء متساويه طول كل جزء 25 متر و كانت نوعيه خراطيم الرى من النوع ذو المنقط الذاتى ال GR و تصرفه 4 لتر فى الساعه و كانت المسافه بين النقاطات 50 سم
و بعد عمليه التخمير قمت بعمليه الزراعه و ذلك بعد اعطاء ريه خفيفه للارض حوالى 0.5 ساعه و تمت الزراعه و لكن هناك نقاط كان يجب مراعتها
وضع صوانى الشتله فى مكان ظليل و عدم تعريضها للشمس مباشره , ترطيب الشتله فى الصوانى و ذلك لتسهيل نزعها من الصينيه , التأكد التام من ان الشتله تمت عمليه التقسيه لها فى المشتل
و عند الزراعه تم بعمل جور صغيره بعمق حوالى 15 سم و ذلك باستخدام عصا خشبيه صغيره و يتم وضع الشتله و كبس التربه حولها برفق

http://tinyfarmblog.com/wp-content/uploads/2007/05/spr2007_tomatoes_to_the_field.jpg

و بعد الزراعه مباشره تم رى التربه لمده حوالى 1 ساعه اخرى
و بصراحه انا فاكر ان هذا اليوم كان يوم شاق جدا جدا بس هناك شيئ كان بيخلينى اكون مبسوط مع التعب دا كله و هو انى كنت بازداد خبره يوم عن يوم
و لو تعرفوا ان المكان اللى انا كنت فيه ده كانت امكانياته محدوده للغايه لدرجه ان فيه ناس كتير جدا شبهونى انى بأنحت فى الصخر و فعلا انا كنت كده!
و كان من مميزات و عيوب مكان الاقامه فى نفس الوقت ان مافيش كهربا ولا وسائل ترفيه بالمره اللهم ما إلا راديو صغير و صحبه جميله من الجيران نتقابل يوميا لنتبادل الاراء و الخبرات
و الصحبه دى كانت مكونه منى و 5 اخرين احدهم سواق جرار و و صاحب محل صغير يبيع كل شئ تحتاجه من البقاله مرورا بال الاسمده و حتى الجاز ( السولار والكيروسين ) و الكيروسين كان مهم طبعا لزوم اللمبه الجاز :) اللى قرأت علي ضوئها كتب كتير
و كان لى هوايه كنت باحب امارسها كتير جدا جدا و خاصه فى الليالى الحالكه السواد و هى ان كانت هوايه بس انا برضه اتعلمت منها شئ انا اراه غايه فى الاهميه
الهوايه هى مراقبه النجوم و الله انا كنت غاوى فلك من زمان وكان نفسى اطلع عالم فلك بس تقول ايه !
الحمد لله
المره الجايه اكمل حكايتى مع النجوم و ازاى كنت باحدد الابراج فى السما على الطبيعه و ازاى حددت النجم القطبى ( كان صعب جدا ) كلفنى اكتر من 6 اشهر و خاصه انى مش خبير
هاكمل لما اشوف رأيكم طبعا



http://www.alkoon.alnomrosi.net/galaxy/GALimages/NGC6946.jpg

ابو يزن
06-10-2008, 08:55 PM
الله يعطيك العافية . على سيرة لمبة الكاز(الكيروسين) ذكرتني بنفسي لما درست الثانوية كلها على لمبة جاز بس صدقني احلى ذكريات. تابع يا استاذ والله انك مكافح.

ALais
07-10-2008, 03:49 AM
السلام عليكم ورحمه الله وبركاته،،،
أستاذى الفاضل\ احمد
بالطبع اكرررلك شكرى على مدى الاستفاده التى تمدنا بها مع كل حلقه من مسلسل النجاح
ثم اجيب سيادتكم على سؤالك...
تقع بلاد العجائب فى * كل بلاد الدنيا
وعاصمتها * كل مدينه للخير والسلام
((( خاصه مصر بلاد العجايب)))
وبعدين حكايه الفلك دى ممتعه جدا..
وانا عن نفسى مهته بيها جدا بلاقى فيها فرصه للتأمل فى عظمه مخلوقات الخالق
ولك مزيد احترامى،،،،

mido awad
07-10-2008, 09:26 AM
شكراً لك أستاذ أحمد على إستجابتك وردك على الأسئلة
ننتظر تكملة باقى القصة
تحياتى لك ...؛؛

مهندس محمد الشيمي
07-10-2008, 01:34 PM
من جد وجد ومن زرع حصد - وما أحلي ألنجاح بعد ألكفاح
بارك ألله لك
تحياتي --- الشيمي

moatazelkashef
07-10-2008, 03:42 PM
بارك الله فيك أخى /أحمد و بارك الله لك وجزاك خير الجزاء
:bravo:
اشكرك على هذا الموضوع لعله يكون دافعا لمن يعيشون حياتهم بلا امل وهم فى ريعان شبابهم
استصعبوا العمل و الكفاح و ابتدعوا العراقيل ومنهم من لا يعرف حلال الرزق من حرامه و استمرؤا ذلك.
ولذلك ارجو من سيادتكم إظهار كم المشقه و الصعوبات التى واجهتك كما تظهر النقاط العلميه حتى يعلم الجميع انه لا نجاح بدون عمل وكفاح وصعوبات وليس النجاح بالجلوس فى المقاهى والنوادى وانتظار صفقات العمر.....
أكمل قصتك و أمتعنا بها ولك جزيل الشكر

الاسكندرانى2000
07-10-2008, 04:08 PM
بارك الله فيك وزاد من امثالك واعلم ان لكل مجتهد نصيب

احمد مرسى
07-10-2008, 05:27 PM
الله يعطيك العافية . على سيرة لمبة الكاز(الكيروسين) ذكرتني بنفسي لما درست الثانوية كلها على لمبة جاز بس صدقني احلى ذكريات. تابع يا استاذ والله انك مكافح.

اولا اشكر لك مداخلتك و بالنسبه للمبه الجاز فأغلب علمائنا الافاضل قد ترعرعوا فى نورها فى اوقات لم تكن متوفره غيرها و مع ذلك نجحوا نجاح حير لعالم كله
اللهم اجعلنا مثلهم

احمد مرسى
07-10-2008, 05:48 PM
السلام عليكم ورحمه الله وبركاته،،،

أستاذى الفاضل\ احمد
بالطبع اكرررلك شكرى على مدى الاستفاده التى تمدنا بها مع كل حلقه من مسلسل النجاح
ثم اجيب سيادتكم على سؤالك...
تقع بلاد العجائب فى * كل بلاد الدنيا
وعاصمتها * كل مدينه للخير والسلام
((( خاصه مصر بلاد العجايب)))
وبعدين حكايه الفلك دى ممتعه جدا..
وانا عن نفسى مهته بيها جدا بلاقى فيها فرصه للتأمل فى عظمه مخلوقات الخالق

ولك مزيد احترامى،،،،


مهم جدا ان نعرف ان مصر فعلا بلد العجايب ففيها الاهرامات و تمثال رمسيس و كوبرى قصر النيل و مشروع ابنى بيتك و البيت بيتك و ناسها كويسين و عايشين كلهم فى شرم الشيخ و الساحل الشمالى
:)
على فكره انا بحب جدا مسلسل أليس فى بلد العجائب

احمد مرسى
07-10-2008, 05:51 PM
شكراً لك أستاذ أحمد على إستجابتك وردك على الأسئلة


ننتظر تكملة باقى القصة

تحياتى لك ...؛؛

شكرا ميدو على اهتمامك و متابعتك

احمد مرسى
07-10-2008, 06:01 PM
شكرا مهندس محمد الشيمى
شكرا اخى الاسكندرانى
على المشاركه معنا فى احداث المسلسل

احمد مرسى
07-10-2008, 06:05 PM
بارك الله فيك أخى /أحمد و بارك الله لك وجزاك خير الجزاء
:bravo:
اشكرك على هذا الموضوع لعله يكون دافعا لمن يعيشون حياتهم بلا امل وهم فى ريعان شبابهم
استصعبوا العمل و الكفاح و ابتدعوا العراقيل ومنهم من لا يعرف حلال الرزق من حرامه و استمرؤا ذلك.
ولذلك ارجو من سيادتكم إظهار كم المشقه و الصعوبات التى واجهتك كما تظهر النقاط العلميه حتى يعلم الجميع انه لا نجاح بدون عمل وكفاح وصعوبات وليس النجاح بالجلوس فى المقاهى والنوادى وانتظار صفقات العمر.....
أكمل قصتك و أمتعنا بها ولك جزيل الشكر

:bravo::zagree:

العراقي انا
07-10-2008, 07:20 PM
اخي الغالي احمد فكرتك بطرح هكذا موضوع هو محل اعجاب وتقدير الجميع ومنهم انا لما فيه من نكران للذات بتقديمك تجربة حياتية عملية خضتها بنفسك للاخرين من اجل الفائدة وليس الاطراء وقد كنت اتابع الموضوع وانا ارى فيه قصة حياة انسانية لشاب كافح من اجل النجاح وهو نموذج لكثيرين في مجتمعنا العربي ولكن على النقيض مع الاسف تجد الكثير من الشباب قد اختار لنفسه طريقا اخرا معتمدا على الغير وراميا باعباء فشله على الاخرين ومنهم الحكومات التي يجب ان تجد له مكتبا يجلس خلفه كأي كاتب عرائض ليغوص في عالم الاداريات والبيروقراطية البغيض مبتعدا عن جوهر عمله الفعلي وهو الحقل مع حبي وتقديري للكثيرين من زملائنا الناجحين والمثابرين في العمل الحكومي.
بارك الله لك في عملك ومجهودكم ابو حميد بالتوفيق ان شاء الله

وعندي اقتراح بسيط ارجو ان تجيبني عليه:-
___________________________________ _

لكي لا يموت مثل هذا الموضوع القيم ويضيع مستقبلا بين الصفحات ارجو منك دعوة اي عضو من المنتدى ليعطينا فكرة عن رحلته مع العمل , انجازاته , اخفاقاته, طموحاته, من اجل الاستفادة منها من قبل اخواننا والذين هم في طور الدراسة او بناء المستقبل وكذلك لمزيدا من التعارف وتبادل الخبرات .
وبعد ان يكون هذا العضو بطلا لمسلسله الخاص ويكمل حلقته الاخيرة يقوم بدعوة بطل اخر على طريق النجاح او حتى الفشل لاباس فالجميع يمر بالفشل والنجاح وهكذا تتوالى المسلسلات حتى تصبح لنا موسوعة من التجارب الشخصية للاعضاء والامر لك اخي الغالي.

تحياتي اخوك ابو عبد الله

احمد مرسى
12-10-2008, 08:44 PM
اخي الغالي احمد فكرتك بطرح هكذا موضوع هو محل اعجاب وتقدير الجميع ومنهم انا لما فيه من نكران للذات بتقديمك تجربة حياتية عملية خضتها بنفسك للاخرين من اجل الفائدة وليس الاطراء وقد كنت اتابع الموضوع وانا ارى فيه قصة حياة انسانية لشاب كافح من اجل النجاح وهو نموذج لكثيرين في مجتمعنا العربي ولكن على النقيض مع الاسف تجد الكثير من الشباب قد اختار لنفسه طريقا اخرا معتمدا على الغير وراميا باعباء فشله على الاخرين ومنهم الحكومات التي يجب ان تجد له مكتبا يجلس خلفه كأي كاتب عرائض ليغوص في عالم الاداريات والبيروقراطية البغيض مبتعدا عن جوهر عمله الفعلي وهو الحقل مع حبي وتقديري للكثيرين من زملائنا الناجحين والمثابرين في العمل الحكومي.
بارك الله لك في عملك ومجهودكم ابو حميد بالتوفيق ان شاء الله

وعندي اقتراح بسيط ارجو ان تجيبني عليه:-
___________________________________ _

لكي لا يموت مثل هذا الموضوع القيم ويضيع مستقبلا بين الصفحات ارجو منك دعوة اي عضو من المنتدى ليعطينا فكرة عن رحلته مع العمل , انجازاته , اخفاقاته, طموحاته, من اجل الاستفادة منها من قبل اخواننا والذين هم في طور الدراسة او بناء المستقبل وكذلك لمزيدا من التعارف وتبادل الخبرات .
وبعد ان يكون هذا العضو بطلا لمسلسله الخاص ويكمل حلقته الاخيرة يقوم بدعوة بطل اخر على طريق النجاح او حتى الفشل لاباس فالجميع يمر بالفشل والنجاح وهكذا تتوالى المسلسلات حتى تصبح لنا موسوعة من التجارب الشخصية للاعضاء والامر لك اخي الغالي.

تحياتي اخوك ابو عبد الله











و الله بجد فكره جميله
و اعتبر هذه دعوه للجميع للمشاركه بفكره عن رحله الكفاح الخاصه به و دعوه خاصه للاخ الغالى احمد التميمى ليشاركنا بأحد المشاهد فى مسلسل قصتى الى النجاح
فابدأ يا ا/ احمد بارك الله فيك

العراقي انا
12-10-2008, 11:38 PM
السلام عليكم ورحمة الله

اخي الغالي احمد مرسي شكرا لقبولك الاقتراح ولكني لم اتوقع ان ترتد علي فكرتي بان تدعوني اولا فكل توقعاتي كانت تشير نحو المدير اخونا عوني او الاخ الحبيب جمال ابازيد معذب قلوب الكثيرين في المنتدى ولكن هذا ما جلبته لنفسي ملبيا لدعوتك صديقي العزيز بان اكون الاول من بعدك متمنيا ان لا تكون قصتي كالقصص المدبلجة الطويلة والمملة لهذا ساحاول ان اكون مختصرا للاحداث .

ولدت في 1/1/1970 في مدينة الديوانية - محافظة القادسية جنوب بغداد الحبيبة ب 180 كلم مدينة يشطرها الفرات الى نصفين عرفت بالزراعة واشتهرت بها لكني بصراحة لم احب الزراعة او افكر بالعمل بها يوما وكان جل طموحي ان اكون مهندس كهرباء او مدرسا للرياضة لشغفي بكرة القدم.

شاءت الصدف ان اقبل في كلية الزراعة جامعة بغداد في العام 1989 نتيجة خطا في ملأ استمارة القبول وبضغط من والدي كوني الابن الاكبر له قبلت الدوام بالكلية رغم كرهي لها.
السنه الاولى كانت الاجمل بحياتي وحياة العراقيين اجمعين نهاية حرب الثمان سنوات كانت محطة استراحة وسلام قبل حرب التسعين والحصار حيث بدات مرحلة جديدة من المعاناة والدراسة في ظروف شبه المستحيلة كنت راغبا بترك الدراسة في كل لحظة لمساعدة اهلى والعمل لكن اصرارهم على الاستمرار كان ما يمنعني دائما .
في العام 1994 تخرجت من الكلية - قسم الثروة الحيوانية بعد ان ضاعت سنة للتاجيل في المرحلة الاخيرة لغرض العمل بعد ان باع والدي كل مايملك لضمان ان نكمل الدراسة انا واخوتي الثمانية.
العام 1995 اكملت خدمة العلم مبكرا نتيجة الخدمة الحسنة.
العام 1996 عملت بشركة خاصة لانتاج بيض المائدة مسؤولا لاحد حقول الدجاج البياض ثم مسؤولا لمعمل انتاج العلف في الشركة. تركت العمل بعدها كون راتبي كان يعادل 3 -4دولار في الشهر لا في اليوم لايكفي لشراء قوت يومين في الشهر لكن السبب الاهم هو كرهي للروتين والدوام المنتظم.
عملت بعدها في بيع الاجهزة الكهربائية المستعملة وتنقلت في اعمال اخرى بعيدة عن الزراعة.
منتصف العام 1997 بدات رحلتي الحقيقية مع الزراعة حيث اجرت محلا صغيرا لبيع المواد الزراعية اجيز من قبل نقابة المهندسين الزراعيين ولكن انتبهوا رجاءا لحد هذه اللحظة انا اكره الزراعة بشكل لايصدق.
تعرضت خلال هذه البدايات الى خداع زملائي بالمهنة اكثر من مرة مستغلين جهلي باسعار المواد المختلفة والذين باعوني اياها باسعار خيالية اكثر من مرة.
علماً ان راس المال لصديق يعمل بتصليح السيارات وكان شريكا لي بالنصف ومجمل المبلغ لا يتعدى حينها 150 $ مائة وخمسون
( اليس مبلغا ضخماً!!!!!!!!!! ههههههههههههههه )
اضطررت الى ان ادخل مزيدا من الشركاء حتى وصل العدد 7 شركاء في محل صغير واصبح راس المال بحدود 1200 $ كان يجب علي ان اقسم الارباح المتواضعة شهريا على 7 حسب النسب لان مبالغهم كانت مختلفة.

انتهت الحلقة الاولى من ليالي الحلمية انتظروني في الحلقة الاخيرة.
اسف غلبني النعاس.

تحياتي وتكرم عيونك احمد مرسي

اخوكم ابو عبد الله

العراقي انا
13-10-2008, 03:11 PM
الحلقة الاخيرة
_________________

كان لي شريك وصاحب فضل كبير علي بهذه الفترة وهو معلم كبير ومتقاعد
ابو قيس رحمه الله توفى منذ عامين دائما ما يخبرني ان ( الامين شريك الناس باموالهم ) فلم اقتنع في البداية بكلامه لكن سرعان ما ادركت صدق حكمته
واصبحت جميع الشركات الزراعية والاجنبية تفضلني على الكثيرين ممن سبقوني في العمل التجاري كوني كنت جادا وصادقا بمساعدة المزارع واخراجه من دائرة الاستغلال التي كان يتعرض له بسبب فقره وجهله فاصبحت وكيلا او ممثلا لاغلب التجار الكبار والشركات الزراعية في البلد .
وهنا احسست بقيمة عملي واصبحت فرحا وانا اسمع اني اصبحت حديثا يتداوله الفلاحين وتحول مكتبي الصغير الى مركز ارشادي يقيم السفرات ويطبع المنشورات الزراعية المختلفة ويختبر البذور والهجن في الحقول التجريبية قبل اعتمادها من قبل المزارعين كانت انشطة اضافية تتطلب مصاريف وجهد ولكنها اتت بثمارها فيما بعد وللامانه كان معي اخوان لي كان لهم الفضل الاكبر في نجاحي منهم اخي المهندس احمد علوان وهو عضو جديد معنا الان في المنتدى والمرشد الزراعي ناظم احمد واخي محمد حيث بدا عملي بالتوسع بشكل سريع لاكون تاجرا للجملة اجهز المحال في مدينتي وبعض المدن المجاورة بالاضافة لتجهيز المزارعين واصحاب البساتين والحدائق بكل مايحتاجوه من بذور واسمدة ومبيدات ومعدات وانشاء البيوت المحمية وغيرها .
في الواقع لم اتصور يوما ان انتقل هذه النقلة النوعية بفضل الزراعة التي كرهتها يوما ولكني بفضل من الله عز وجل ودعم اخواني ومساندتهم لي ودعوات المزارعين البسطاء لي بالخير تحولت الى انسان اخر على كل المستويات مادية كانت ام معنوية وما توفيقي الا بالله .
هذا لا ينفي اني تعرضت لنكسات بسبب جشعي احيانا في محاولة لادارة اكثر من عمل في ان واحد معرضا نفسي لخسائر مادية لا معنى لها ولكن ان هي الا دروس تعلمت منها الكثير.

والان اذا سئلني احد ,اذا رجع بك الزمان يا احمد فماذا تختار ان تكون ؟
واجيب على الفور لن ارضى غير ان اكون مهندسا زراعيا ولا احب غير الزراعة مهنة لي ؟

اسف للا طالة وتحياتي للجميع

اخوكم ابو عبد الله

العراقي انا
13-10-2008, 03:28 PM
والان يبدا مسلسل جديد مع الاخ الرائع جمال ابازيد ( لا اعرف ماذا فعلت ياابا زيد ليحاول الجميع ومنهم انا مشاكستك ) ليسرد لنا قصته بشروط

تعودنا صراحتك لذلك غير مسموح لك بالهروب هذا اولا
السرد يكون بلغة بسيطة ( احنه مش قدك ) عاوزين نفهم تجربتك العملية في الحياة كيف بدات واين انت الان
انتقدت التعامل بالثقة في التجارة اشرح لنا بالضبط ما يخيفك من التعامل مع الاخرين
هل تحب عملك في الزراعة ؟ ام هو شئ فرض عليك
المهم كل شئ تحب البوح به تحس ان فيه فائدة للشباب في صناعة مستقبلهم او حتى اصحاب الخبرة ( يمكن نسرق خبرتك هههههههههههههه )


اخوك المحب ابو عبد الله

ابو يزن
13-10-2008, 10:20 PM
ابو عبداللة , بارك الله لك ولكل مجتهد نصيب.:bravo:

العراقي انا
14-10-2008, 12:47 AM
شكرا اخي ابو يزن جزاك الله الف خير وبارك لك في ما تحب

بيت الخبره
18-10-2008, 01:44 AM
والله الكفاح جميل يا جماعه وخاصه لما تتعب وبعدين تلاقى نتيجه تعبك سواء مكسب مادى كسبته او معلومه جديده عرفتها او خبره اكتسبتها او انسان محترم عرفته او غلطه اتعلمت منها ,بس المشكله ان الشباب دلوقتى مش عايز يتعب وفيه اللى خايف يتعب لحسن تعبه يروح عالفاضى و ايه المشكله لو تعبت و مجهودك راح عند البشر تاكد انه مش هايضيع عند ربنا و هايعوضك فى مره تانيه مجهود المرتين الاولى و التانيه والله حصلت معايا كتير والحمد لله ان مش كل الناس زى بعض زى ما فيه الوحش فيه الحلو وفيه اللى ما بيقدرش تعب الواحد وفيه اللى بيقدر اقل مجهود .وأسف ع الاطاله م هانى البابلى

احمد مرسى
19-10-2008, 11:09 PM
اشكرك اخى ابو عبدالله على سردك الرائع لقصه نجاحك و التى اتمنى ان يعتبر بها من يريد النجاح بدون عمل جاد
و اقول للجميع توكلوا على الله ثم ابدأوا و ستجدون من يقف جانبكم و يشجعكم
و الان فكرتك جعلتنى ان اتمنى من الجميع ان يشاركوا بقصص نجاحهم لتكون عبره للجميع و هدف
و اتمنى من الجميع المشاركه بقصه نجاح مروا بها فى حياتهم

احمد مرسى
19-10-2008, 11:15 PM
والله الكفاح جميل يا جماعه وخاصه لما تتعب وبعدين تلاقى نتيجه تعبك سواء مكسب مادى كسبته او معلومه جديده عرفتها او خبره اكتسبتها او انسان محترم عرفته او غلطه اتعلمت منها ,بس المشكله ان الشباب دلوقتى مش عايز يتعب وفيه اللى خايف يتعب لحسن تعبه يروح عالفاضى و ايه المشكله لو تعبت و مجهودك راح عند البشر تاكد انه مش هايضيع عند ربنا و هايعوضك فى مره تانيه مجهود المرتين الاولى و التانيه والله حصلت معايا كتير والحمد لله ان مش كل الناس زى بعض زى ما فيه الوحش فيه الحلو وفيه اللى ما بيقدرش تعب الواحد وفيه اللى بيقدر اقل مجهود .وأسف ع الاطاله م هانى البابلى

و الله تحليل ممتاز لجوانب و ابعاد شخصيات كثير من الشباب
مشكور على المشاركه معنا
:bravo:

نايف2008
20-10-2008, 12:57 PM
استاذنا احمد مرسي
شكرا على موضوعك وشرحك الجميل
عندى ملاحظة فقط بسيطة وهي ان كل شخص يكمل موضوعة كامل ويفضل ان يكون شرح للعمليات الزراعية التي تتم اثناء الفترة الزراعية والتجارب الناجحة ولو بعدها تكرم احد من المشرفين والمهندسين بتقيم هذه التجربة او هذا الكفاح ليكون بشكل علمي افضل ولك جزيل الشكر
اخوك ابو نايف السعودية

yasernor
20-10-2008, 03:17 PM
سؤالى ليك يابشمهندس احمد
اولا هل مازلت تواصل العمل فى مزرعتك التى سردت لنا قصتها
وكم مساحة المزرعه الان
وما المحاصيل التى زرعتها بالفعل ونجحت فى زراعتها
وايضا سؤال لعله تطفلى وهو هل تمارس عملك بجانب عملك فى مزرعتك
وايضا اذا كانت مزرعتك نجحت بالفعل فما الذى يجعلك تفكر فى العمل الخاص ولديك عملك فى مزرعتك
وكم يعمل لديك من العمال
اى بمعنى اخر ماالاثر او الهدف الذى حققته من مزرعتك هل حليت بيها مشكلة عدد من الشباب مثلا الذين يعانون من مشكلة البطاله
ارجو ان تجيب لى على اسئلتى وليس فرضا عليك الاجابه
تقبل تحياتى

ahmed_a_g85
26-10-2008, 07:05 AM
كلامك جميل يا بش مهندس لكن اليومين دول كل شي في الغلاء وسعره بيزيد

الا البني ادم وانت عارف كده كويس ............

انا واحد من الناس جالي احباط من كل حاجه في مصر............

يمكن اكون متشائم شويه بس هو ده الواقع


واعذروني لكلامي بس بجد انا نفسيتي وحشه جدا

خالد ابوعيسى
04-11-2008, 10:11 PM
اخي احمد مرسي
كل عام وانت بخير
الله يبارك في جهودك ونتمنى لك التوفيق فالزراعة بركة ...


العزم والتصميم هي بداية النجاح
واذا عزمت فتوكل
والله انا دائما معجب بصرحتك ا مهندس احمد مرسى تجريبتكجميلة وكلها كفاح كلة ثواب دى هوة العمل وربنا يكرمك وانا ان شاء الله هنفزها وقريبا على هذا الموقع الا بحبةوجميع مافية حكيها لكم
خالد ابو عيسى

صحراوية
12-11-2008, 11:30 PM
جزاك الله كل الخير واعطاك الصحة ورزقك رزقا حلالا طيبا

ام شكيب
23-11-2008, 01:01 AM
الحقيقة كان جرأة منك ان تستلف المبالغ والمشروع مو اكيد النجاح بس صدك الاصرار وعدم قدرتك على التفكير بالتراجع هو اللي وصلك ونريد منك تفاصيل اكثر

موحان جواد
23-11-2008, 12:46 PM
السلام عليكم ورحمة الله وبركاته.شكرا لك مهندس احمد لقد طالعت اليوم جميع الصفحات(قصة الكفاح والنجاح) واعجبتني جدا جدا واحسست بقربي منك لتعاطفي مع تجربتك الثرية بكل المعاني وبالهمة والاصرار احرزت التقدم والنجاح ان شاء الله يبقى ملازما لك مع الحظ والتوفيق وانفتاح السبل والفرص امامك.اضيف لكل منا قصص وليست قصة واحدة لكون قلة من البشر الذين يولدون وفي افواههم ملاعق من ذهب وازيدك علما اغلب المشتغلين في القطاع الزراعي(وخاصة المهندسين الناجحين) هم من الطبقات الفقيرة او اعلى قليلا (مكافحين)ولااريد ان اقول مجاهدين حتى لاادخل بالسياسة المقيتة وكذلك انجبت كليات الزراعة من يصلح ان يكون كاتب قصة او شاعر او ممثل كوميدي او عارف بالفلك(جديدة) او عملاق بثقافته كل ذلك من اثر التجارب المرة والكفاح الطويل...للكلام بقية

موحان جواد
23-11-2008, 02:21 PM
شكرا لك اخ مهندس ابو عبدالله لقد سبحت عكس التيار وخاصة تيار رغبتك البعيدة عن الزراعة واخيرا اصبحت مبدعا زراعيا تطمح نحو الاكثر وهذا ابسط حقوقك.اتمنى ان التقيك اولا وابارك فيك همتك واصرارك وموفق ان شاء الله واستسرك بسر لااريد احدا ان يعرفه(شاكر الشمري سيتزوج يوم 3/12).اخبرك والاخوان لاني بدات احس كاننا عائلة لاتفصل بيننا المسافات بسبب هذا الجهاز.شكرا لك ابو عبدالله وانت مدعوا ومخول بدعوة كل الاخوة داخل العراق مع تحياتي

shadi75
23-11-2008, 02:47 PM
ربنا يوفقك يا بشمهندس وما يضيعلكش تعب بس الدنيا هيك نبدها بالعمل والاصرار على العمل
ارجو منك البقاء بنفس العزيمه اللي بدات بيها . اتعلم منا كيف الثبات والبقاء في الارض رغم كل المضايقات من قبل السفاحين المغتصبين ( اليهود) وعمايلهم , كل ما يخلعوا شجرة بنزع الف شجرة وكل مايخربوا سم من الارض بنعمر فدداديين

f_khairy
24-11-2008, 06:33 PM
ننتظر منكم الرد علي أسئلة المهندس ميدو عواد السابقة .
وأظن أن الكثيرين يتطلعون اليها أيضا .
تقبل من الجميع الشكر والتحية

المهندس303
24-11-2008, 09:24 PM
ربنا يكرمك ان شاء اللة ويوفقك لانك انسن ناجح

متكي
25-11-2008, 01:03 PM
ماشاء الله ........ لا قوة إلا بالله

محمودابوخليل
27-11-2008, 11:42 PM
انا مهندس زراعي في مجال تنسيق احدائق وشبكات الري وانا موجود في قطر واتمني اعمل مشروع بمصر اتمني الشراكة وارجو الرد

اسعدالفقى
28-11-2008, 08:05 AM
الاخ محمود ابو خليل ترجع بالسلامه الاول وبعدين ان شاء الله هايكون الخير

اسعدالفقى
28-11-2008, 08:11 AM
حقا قصه مشرفه وتكررت كثير ولكنها ليست فى مجال الزراعه فقط لكن الاهم كما قال الاخوة هو الاصرار وليس النجاح وفقط والاهم هو ان يكون هناك امل وعزيمه واصرار لتحدى الظروف وعدم الوقوف مكتوفى الايدى وبدلا من ان نقرر الرجل بكل صغيرة وكبيرة كان الاولى كما فعل غالبيه الاخوة ان نتحاور مع الاخ الحبيب احمد مرسي ونعتبرة قدوه لنا والله برافو عليك يا استازى

احمد مرسى
09-12-2008, 08:55 PM
جميع الاخوه مشكورين على الردود المحفزه و لكن اعتذر لكم لتأخرى بالردود نظرا لإنشغالى ببعض الاعمال و بإذن الله سيكون الرد عن قريب
تقبلو تحياتى
وكل عام و انتم بخير بمناسبه عيد الاضحى المبارك
انتظرونى فى المره القادمه

ابوهتوف
10-12-2008, 03:21 AM
بالتوفيق يا احمد مرسي ويالي ماتطول علينا

نقطة ماء
11-12-2008, 04:56 AM
قرأت قصة كفاح جميلة ومشوقة ومحفزة
ما ألذ ثمرة الكفاح !!!
في انتظارك أخي الكريم تكمل قصة نجاحك
وياحبذا تصور لنا مزرعتك الآن..
وعين الحسووود فيها ألف عووود

DEADYOR
29-12-2008, 06:35 PM
الاخ احمد مرسي نسال الله لك التوفيق
طرحك جميل لقصة النجاح ومنها نستفيد لعدم وجود الخبرة الكافية في المشاريع الزراعية

نسال الله لك التوفيق....

بحراجاج
18-01-2009, 12:39 PM
ربنا معاك ويكرمك
تجربه شجاعه و انت فعلا مثال لشاب مصرى (جدع)
ومنتظرين الباقى

بارك الله فيك وفى كل شباب العرب

احمد عبدالرحمن
06-02-2009, 08:03 PM
اهنيك باش مهندس على العصاميه - وعلى فكره التصميم والهمه العاليه واضحه على قسمات وجهك المضيء - تمنياتي لك بالتوفيق - واتمنى يكون بيننا تواصل على الخاص - عندي امور اود بحثها معك

احمد عبدالرحمن
06-02-2009, 08:05 PM
اين التكمله لرحة نجاحك باش مهندس احمد

geme
08-02-2009, 02:53 AM
كل عام وانت بخير المنهدس / احمد مرسى

الفلاح النشيط
14-02-2009, 03:14 AM
ناجح و مكافـــــــــــــــــــــــــــــــ ــــــــــــــــــــــــح
بارك الله فيك

د. ياسر التلمسانى
26-05-2009, 12:35 AM
الحقيقة شىء يشرف أى حد اللى أنت عملته و أهم حاجة أنك بتحكيه بدون أى عقد.

ربنا يبارك لك و يزيدك من فضله.

geme
26-07-2009, 09:45 AM
ربنا يكرمك كمان وكمان ويوفقك وكل مجتهد نصيب

مصطفى الديلمي
26-07-2009, 01:45 PM
أخي الكريم أحمد السلام عليكم ورحمة الله وبركاته

بارك الله فيك على هذة القصة الرائعة والتي أضافت لي الكثير ولكن بارك الله فيك أكملها فأنا أنوي أن شاء الله القيام بنفس العمل وأحتاج معرفة تجربة من سبقني
أخي الكريم لو ممكن أريد تليفونك أو كيفية الاتصال بك والتحدث معك

مصطفى الدليمي
26-07-2009, 03:04 PM
السلام عليكم أخي الكريم أكمل بارك الله فيك

مصطفى الدليمي
31-07-2009, 06:35 AM
الاخ الكريم انت لم تكتب منذ سبع شهور يبدو أنك مشغول ولكن لو امكن ان تكمل موضوعك سنكون جميعا ممنونيين لك وفقك الله

حوري شمسي باشا
13-08-2009, 08:00 PM
ربنا يبارك فيك وبعملك ولاتنسى ان تسأل الله عز وجل ان يوفقك لما تزرع به اخرتك

ضياء الحق
08-09-2009, 10:48 PM
الاخ احمد جزاك الله عنا خيرا على ما اودعته فى انفسنا من الثقة بالنفس والتفاؤل والشعور بانه لامن شئ اسمه مستحيل ولكن هناك شئ احب ان اضيفه اننى لا احب الاعتماد على نفسى وفقط بل انى ابذل جميع الاسباب ثم افعل الاهم وهو الدعاء لله عز وجل فعندما اسمع قوله تعالى:
(ان الله لا يضيع اجر من احسن عملا)اوقن بان الله لا يضيع مجهودى هباءا
وعندما اسمع قوله تعالى :
(قل ما يعبؤ بكم ربى لولا دعاؤكم)
اى اننالا قيمة لنا عند الله الا بالدعاء فما هى قيمة كل واحد منا؟......

هويدا المصرى
08-10-2009, 10:12 PM
ماشاء الله ربنا يوفقك وتكون قدوه للشباب الكسلان اللى مستنى الوظيفه والا مستنى يشتغل فى تخصصه مع انك اشتغلت فى تخصصك الحمد لله لكن فى اللى تتوفر له اعمال غير تخصصه ويرفض ويفضل البطالة

abbo
28-10-2009, 03:51 PM
الاخ احمد ..........
انتظر بقية القصه كما ينتظر غيري
ارجو ان المانع خير ولك التحية

AGRO
20-11-2009, 11:02 PM
ممتاز اخ احمد اتمنى ان تواضب على هذا المنوال

محمد زهجر الدين
22-11-2009, 08:18 PM
بصراحه معجب بجهودك ومش عارف اقولك ايه بس استمر وهتوصل ان شاء لله

sereen_0011
11-01-2010, 09:40 PM
اولا احب اهنيك على قوة ارادتك
تانيا ودا الاهم انت فين كمل القصة وقفت التشويق دا ليه
قبلهم كلهم
ربنا يوفقك ويرزقك رزقا طيبا مباركا

sesa2000
15-02-2010, 05:09 PM
السلام عليكم
م/ أحمد أين أنت نتمنى ان تكون بخير
ونريد تكملة لقصتك الرائعة

مهندس سعودي
15-03-2010, 07:41 PM
ماشاء الله تبارك الله

ربنا يزيدك ويوفقك ويجعل عملك عونا لك في طاعة الرحمن

أنت وينك يا رااااااجل ... لا تكون أصبحت مليونير ونسيتنا يا عم :)

ربنا يحفظك من كل مكروه

رابح ش
12-04-2010, 06:11 PM
مشكور اخ احمد على موضوعك الهام واصل بالتوفيق ان شاء الله

totfrut
07-07-2010, 06:44 PM
أخي الفاضل احمد صاحب الموضوع والاخ الفاضل أبو عبد الله
قصصكم تعطى بداخل الشخص شعورا بأنه أيضا لابد أن يغير وضعه وحاله ولا يستسلم لظروفه ولا ينتظر من يعطيه
ولكنها تشحذ الهمم
اشكركم جدا على قصصكم
والمستفاد من هذه القصص هو الاتي
ان كلا منا يمتلك مقومات النجاح ولكنه لم يستطع ان يلمسها او يتعرف عليها
الاستاذ احمد كان يمتلك قطعة ارض صحراوية واستطاع منها ان تكون مشروعا ناجحا له
الاخ ابو عبد الله ايضا استطاع ان يكون شركاء لمشروع صغير وبراس مال قليل ولكن مع المثابرة والتحمل والتخطيط والصبر صار الان مشروع حياته الذي يعطيه الكثير
اقصد اننا لا نقرأ مثل هذه القصص ونستمتع بها فقط ولكن علينا ان نحذو حذو هؤلاء الشباب الذين صبروا وتحملوا وتعلموا وعملوا بجد ختى حصدوا نتيجة ذلك
والكل منا يجب عليه أن ينظر حوله فلابد انه سيجد فرص امامه ولكنه غافل عنها
ومشوار الالف ميل يبدأ بخطوة - فعلينا انا نبدأ بالبحث عن ( من أين أبدأ الخطوة )
وتمنياتي للجميع بالتوفيق
وان شاء الله سوف اسرد لكم قصتي في موضوع خاص عن مشروعاتي ونجحاتي

اسعدالفقى
20-07-2010, 02:54 PM
ما اجمل ان تكون التجارب هى الحقائق وما اجمل ان يحكيها الانسان ليتعلم منه اخيه وليحذو حذوة لكن دون تباطىء او خذلان وفقك الله سيدى الفاضل وبارك فيك وفى تجربتك والله الموفق

ابوعبدالعزيز
04-10-2010, 01:06 AM
الله يوفقك والا الامام ولكل مجتهد نصيب والزراعه بركه وخير

a2009
09-10-2010, 07:53 PM
شي رائع جزاك الله كل خير واحسن اليك

الضياء
29-10-2010, 03:19 AM
تجربة رائعة ارجوا ان تكون نهايتها سعيدة

ولكن لماذا توقفت فجأة عن إكمال القصة
أرجو أن يكون المانع خير

والله شي غريب هذه القصة الثانية التي يبدأها صاحبها ولايكملها ويتوقف فجأه ... كل الذي يهمني أن تكون بخير ،،،
ارجوا من يعرف صاحب الموضوع يطمنا عليه
تحياااتي

لؤلؤة الخليج
21-11-2010, 09:09 AM
ماشاء الله

الله يديم عليك النجاح

موفق ان شاء الله

أبو رامز
25-01-2011, 12:07 AM
الله يعطيك العافية .. والتوفيق دائماً من الله عز وجل ولكن يحتاج إلى عزيمة وإرادة وتصميم على أن الذي نعمله فيه خير لنا وللآخرين
والله يوفق الجميع
وهذا ما أنت عمل عليه ووفقك الله في ذلك ... وأشد على يدك وعلى يد كل من يريد ان يحقق ذاته وأنه قادر على تحقيق هدفه وبتشجيع من الآخرين مع أنه هناك الكثيرين ممن يشككون في تحقيق ذلك ...
والله يوفقنا جميعاً في أعمالنا

السائل
11-02-2011, 02:47 PM
اخي الغالي امل منك النصيحه فانا اريد اعمل بيت محمي وازرع فيه باميه هل ينفع وانا ماعندي بير بل خزان اسقي فيه بالوايت من شيب قريب مني بخمسين ريال الوايت والخزان ياخذ اثناعشر وايت وكل وايت 12طن كم ياخذ مع الخزان هل يكمل الموسم مع العلم الن البيت الذي اريد اعمله9*40 افدني جزاك الله لك خير فانا متحمس واريد من وراه تجربه واسد الحال والله يوفق الجميع اخوك في الله السائل من الرياض

السائل
11-02-2011, 06:27 PM
اشكر الجميع وارجو الرد على اسئلتي لكي استفيد لمشروعي الجاي والله في عون العبد مادام في عون اخيه الباميه هي حبيبتي

السائل
15-02-2011, 08:20 PM
الااخوان الاعزاء انا لي اسبوع اسئل ولم اجد احد يرد على اسئلتي افيدوني وجزاكم الله الف خر والله في عون العبد المسلم مادام في عون اخيه ولكم الشكر والتقدير اخواكم السائل عاوز اتعلم من خبراتكم وشكرا يااخوان

السائل
16-02-2011, 06:38 AM
الااخ الغالي الاساذ احمد حفظك الله اخي اريد اعمل بيت محمي وازرع فيه باميه ولاكن ماعندي مبلغ كبير وماعندي خبره في هذا المو ضوع هل ممكن اعمله من خشب او مواسير سباكه ارجوك افادتي بماتراه مناسب لااني عليه دين لناس وعاوزر اعمل حاجه تعطيني مردود كويس واسددهم اخيك في الله السائل من الرياض وشكرا لك حبيبي والله في عون العبد مادام في عون اخيه

gradawia
14-05-2011, 12:03 AM
كل منا يريد النجاح
و لكن هناك الكثير من الصعوبات اهمها الاماكانيات الماديه

اليكم قصتى الى النجاح
البدايه بعد التخرج مباشره من كليه زراعه الاسكندريه 28 مايو عام 2000
بصراحه انا معنديش فى الزراعه الا اللى انا درسته و الخبره تعتبر zerooooo بس كان عندى كام كتاب على كام نشره زراعيه من بتوع الوزاره و كان عندنا ارض صحراويه 6 فدان غير مزروعه بالمره و كان فيها بئر مياه لغايه كدا حلو....
المشكله ان انا مش معايا اى تمويل نهائى و لا مليم
استلفت 3000 جنيه من احد اقاربى ( و الله 3000 جنيه بس ) اشتريت منهم شبكه رى بالتنقيط used بالكامل و اشتريت 30 متر مكعب سماد بلدى من اللى مليان نيماتودا و أجرت tractor بالساعه و صلحت فدان واحد من ال 6 فدان و جهزته للزراعه ( طبعا معظم الشغل كنت باعمله بنفسى )
المهم ربنا كرمنى بملغ كمان 2000 جنيه ( سلف طبعا ) اشتريت منه شتله طماطم و كان اسمها سوبر رد
و بعد 3.5 شهر من الزراعه و العمل الشاق جدا جدا و استشارات من كل ناحيه و عايز اقول ان كنت بأفحص الطماطم كل يوم عود عود زى ماتكون ولادى و اكتر شويه
بدأ الانتاج و ثمره جهدى و تعبى بانوا و ربنا كرمنى منها و فعلا حظى كان حلو فى السنه دى من ناحيه السوق
المهم كانت المحصله ايه
تم سداد 5000 جندى
تم استصلاح باقى ال 6 فدان بالكامل
تم شراء شبكه تنقيط كامله ل 6 فدان
تم خدمه ال 6 فدان بالكامل
و و و و ......................
البقيه تأتى اما اشوف ايه رأيكم الاول

أم وسام
19-05-2011, 08:27 PM
مشكوووورين ويعطيكم 1000 عاااافية وإلى الأمااااااام

Omar othman
28-05-2011, 03:52 PM
ربنا كلل تعبك بالنجاح لأنك بذلت مجهود وعرقت فى ارضك وهدفك خير .. تعرف ان كل نبته وكل شجرة بتسبح لله عز وجل ويضاف هذا فى ميزان حسناتك بأذن الله .. ان شاء الله هتبقى مزرعتك 60 بل سته وربنا يوسع رزقك مانتساش تدى حق ربنا فى الحصاد وتصلع الزكاة وربنا هيبارك فى القليل وهيخليه كتير ... استمر وان شاء الله فى ظل ثورتنا مش هتلاقى اى عقبات .. واتمنى ان تدعى لى واحقق ما انشدة فى مزرعتى المكونة من 5 افدنة
اخوك عمر

سمسمهE
03-06-2011, 07:12 PM
السلام عليكم قصتك تبشر اي حد مبتدئ بالخير ويتمني يعمل زيك ربنا يوفقك اكثر واكثر

rawe
14-06-2011, 08:02 PM
مشكوووور وماقصرت ***لـــك مني آجمل تحيه
.:باالتوفيق:.

أب مصرى
14-07-2011, 10:29 AM
آمل ان نقرأ باقى القصة و ان يكتمل النجاح بأمر الله

احمد مرسى
28-09-2011, 08:22 PM
الشكر كل الشكر لجميع مشاهدى هذا التوبيك
و لكل الذين اضافوا اليه بالمشاركة
و ابلغ الجميع ان
.........قريبا بإذن الله هنكمل...........

ABO ALROOD
30-09-2011, 11:46 AM
تجربتك رائعة و روح المغامرة عندك جيدة
اتمنى لك التوفيق من كل قلبي

المهندس الحديث
17-02-2012, 06:06 PM
ربنا يكرمك ياهندسة
ولكل مجتهد نصيب وشكرااااا

م/عارف محمد بشلي
17-02-2012, 06:50 PM
لكل مجتهد نصيب ................................... . وان الله لايضيع اجر من احسن عملا

haitham aly
17-04-2012, 11:48 PM
بارك الله فيك اخى احمد قرأت بعض من القصه وزادتنى ثقة وعزيمة بفضل الله وان شاء الله اتابع القصه يوميا لتجديد الحماس

بسمة حسن
10-05-2012, 07:38 AM
ربنا يبارك لك التوفيق من الله ومن جد وجد اهم مبررات النجاح ان تحب العمل وكدلك الحكمة في ادارته ولا تنسي بركة دعاء الوالدين\

zinger20020
22-05-2012, 07:31 PM
الله يطمنك - اللى عنده عزيمة وصبر يقدر يعمل اى حاجه وكله ماشى بتوفيق من ربنا وببركة دعاء الوالدين

مش الموضوع المحبط بتاع مشاكل الاراضى اللى فى قسم العرض والطلب يخلى الواحد يقول يلعن ابو الزراعه
الانسان يقدر يعمل اى حاجه طالما عنده ايمان قوى

بستان الحياة
24-05-2012, 03:28 PM
السلام عليكم و رحمة الله و بركاته
أولا انا سعيدة جدا لانضمامي لهذا المنتدى الرائع
شدتني كثيرا قصتك يا استاذ احمد مرسي للاسف انك لم تكمل لنا القصة حتى النهاية و اتمنى ان يكون المانع خيرا
تحياتي لكم

روحي الورد
30-05-2012, 08:36 AM
انشاء الله ربي يوفقك الى كل خير ...................

روتى فروتى
14-09-2012, 03:47 AM
ماشاء اللة
قصة كفاح منتظرين البقية

سليم45
29-12-2012, 01:08 AM
بارك الله فيك احمد مرسي وابو عبد الله على قصصكم المشجعة والمحفزة
وبارك الله في جميع الاعضاء
قريبا سأسرد مشروع نجاحي

ان لم تزد شيئا على الدنيا كنت زائدا عليها

sara68
12-05-2013, 09:17 PM
موضوع قرأته بكل إمعـان واستمتاع تمنيت لو كنت رجلا وأبدأ رحله خاصه بي في عالم الزراعه

اسامة
30-05-2013, 04:11 PM
السلام عليكم ورحمة الله و تعالى وبركاته شكرا لك اخي على الإفادة

mera
01-06-2013, 10:41 PM
احلى حاجه الرضا والتصميم عن تحقيق الهدف

- -- - - تم تحديث المشاركة بما يلي - - - - - -

احلى حاجه الرضا والتصميم عن تحقيق الهدف

عبد الله 1
22-06-2013, 04:18 PM
السلام عليكم ورحمة الله

هكذا تكون الرجال بارك الله لك اخى على هذا العمل الرائع

mzhraa
18-07-2013, 06:26 PM
ما شاء الله لكل مجتهد نصيب بارك الله لك

- -- - - تم تحديث المشاركة بما يلي - - - - - -

في تكمله كلامك المزيد من الفائده في انتظارررررررررر المزيد

- -- - - تم تحديث المشاركة بما يلي - - - - - -

في تكمله كلامك المزيد من الفائده في انتظارررررررررر المزيد

عبد العزيز بسيونى
24-04-2014, 03:14 PM
جميل جدا ربنا يوفقك ... لولا هذه الروح والعزيمة ما اصبح لدينا ملايين الافدنة بالظهير الصحراوى تزرع وتنتج الان .. تجية لكل من غامر وتحمل الصعاب فى استصلاح هذه الاراضى التى لولااها الان لاصبح فى مصر عجز كبير جدا فى معظم الخضروات والفواكهة حقيقى شيئ يدعو للفخر عندما تمر على صحراء مصر وتجدها خضراء ما يدعو للتفائل والتصميم ان هذه الاارضى كانت تباع ب5000 الاف جنيها للفدان منذ فترة والان سعر الفدان بها يتعدى 250 الف فى بعض المناطق مما يعنى انه بخلاف الاستصلاح الزارعى والمكسب المادى من المشروع فهو استثمار جيد جدا طويل الاجل

omarprogramer
03-09-2014, 10:51 PM
شغل جميل ومغامرة قوية , احيانا الحهل بالمخاطر يضيف علينا شجاعة اكبر ويعطى فرصه للمحاولة

الفهري
03-09-2014, 11:07 PM
بالتصميم والارادة والاتكال علي الله سبحانه وتعالي يحقق الانسان كل شي والشي الاهم هو ان يبتعد الانسان عن الحرام ومن جد وجد ومن زرع حصد ووفقك الله

شيمو حنه
04-09-2014, 01:45 AM
السلام عليكم ما شاء الله مجهود رائع والله وحلو العزيمه والايمان بالله ان الله يجعل الخير مدام نفعل خير

mosezz
23-09-2014, 03:14 AM
الامل يصنع المعجزات
والسعى بقوة نحو الاهداف الحقيقية من اهم اسباب النجاح

استاذ توفيق
30-09-2014, 04:05 PM
طيب والنيماتودا مكنش قلقان منها ؟
اتهيالى انك اضفت مبيدت قاتل او ضد النيماتودا
ولا هذه الافة الملعونة لا تعيش فى رمال الصحراء ؟
ممكن الرد ؟
عشان انا بخاف احط سماد بلدى بتاع دواجن الى الزراعة

Time_Man
04-11-2014, 12:36 PM
السلام عليكم ورحمة الله وبركاته
أخي الكريم والفاضل شكراً لك على نقل خبرتك لنا وقصتك التي قد تعني الكثير بالنسبة للكثيرين
وأسأل الله أن تكون في أكمل صحة وعافية وأن تكون بيننا قريباً بخير
وواضح من معظم الردود أن الجميع قرأ الموضوع بكل أهتمام وإمعان بما فيهم أنا شخصيا
وواضح لأسباب لا يعلمها أحد من المنتدى أنك توقفت عن إكمال القصة ولذك أدعوك لأكمالها لنا
كما قال رسول الله صلى الله عليه وسلم
إذا عمل أحدكم عملاً فاليتقنه
صدق رسول الله
ننتظرك جميعاً فلا تعلم من بسبب قصتك قد تكون له حافز للقيام بأمور قد يضع الله كامل ثوابها في كتابك
الله الموفق والمستعان
أخيك وليد حنفي (Time_Man)

EmanMohamed
19-10-2015, 11:46 PM
ما شاااااااااااااااااء الله :) ربنا يوفقك

Bio_me
18-03-2016, 02:13 PM
والله ماشاء الله تبارك الله . لكل مجتهد نصيب

kawlany
17-06-2016, 01:12 AM
ما شاء الله تبارك الرحمن تجربة ناجحة ومغامرة جميله الله يفتح لك ابواب رزقه

شيمو حنه
05-08-2016, 04:12 PM
السلام عليكم ماشاء الله تبارك ربنا يبارك ويزيد

ahmedawwad
18-12-2016, 01:21 PM
الله يوفقك ان انشاء الله

ااااااااااااااااااا

حمادة0
30-12-2016, 01:28 AM
الله يبارك في جهودك ونتمنى لك التوفيق

ميساءء
08-02-2017, 02:27 PM
جزاك الله خيرااااا
بالتوفيق يااااارب

- -- - - تم تحديث المشاركة بما يلي - - - - - -

باارك الله فيك
ومن تقدم الي تقدم ان شاء الله

- -- - - تم تحديث المشاركة بما يلي - - - - - -

منتظرين نجااج مستمر وسعي افضل نحو التقدم
تحيااتي

محمود فوزي
12-12-2017, 08:37 PM
بسم الله ما شاء الله من نجاح لنجاح امين