على رأي المثل

[مهندا]

هناك الكثير من الامثال حبيت اجمعلكو شوية امثال شوفو كدة

ضربوا الاعور على عينه قال اهى خسرانة.
الشئ اللى ما يهمك وصى عليه جوز امك.
خد من عبدالله واتكل على الله.
زى القبر ما يرجعش ميت.
زى الميت ما يخرجش الا بالكفن.
الساهى تحت راسه دواهى.
حمارتك العرجة تغنيك عن سؤال اللئيم.
جحر ديب يساع ميت حبيب.
حبيبك يمدغلك الزلط وعدوك يتمنالك الغلط.
بين عذرك ولا تبين بخلك.
تبات نار تصبح رماد لها رب يدبرها.
اللى يفتح بابنا ياكل لبابنا.
ادى العيش لخبازه ولو ياكل نصه.
اطبخى ياجارية كلف ياسيدى.
اللى بعيد عن العين بعيد عن القلب.
اللى ما يرضى بالخوخ يرضى بشرابه.
ان كان جارك فى خير افرح له.
البركة فى كتر الايادى.
بنت الاكابر غالية ولو تكون جارية.
الجعان يحلم بسوق العيش.
استنو لسة فى امثال كتير ................

الى اللقاء

[مهندا]

امثال مصرية

عدو زمان ملوش امان
على ما ينقطع الجريد يفعل الله ما يريد
عند البطون تتوه العقول
الضرب فى الميت حرام
الطمع يقل ما جمع
احرص دايما على صلة الارحام
فى اعماق الرجل قرد وفى اعماق المرأة بغبغان
ضل راجل ولا ضل حيط
شمعة الكداب ما تنورش
العين ما تكرهش الا احسن منها
فرحة ما تمت خدها الغراب وطار
القاضى ان مد ايده كترت شهود الزور
كبير القوم خادمهم
كدب مساوى ولا صدق مبعزق
المتغطى بالايام عريان
زى الفول النابت خالع من باطه
زى المنشار طالع واكل نازل واكل
الساكن عدو ماكن
الشخص يفنى والمبدأ باق
الفكر والحب محلهما القلب والعقل معا
وللامثال بقية....................

[مهندا]

وتكملة للأمثال الشعبية اللى بدأناها

الحداية ما ترميش كتاكيت
خدو جوز الخرسة اتكلمت
زى القرع يمد لبرا
اللى ياكل العسل يصبر على قرص النحل
خليك ورا الكداب لحد باب الدار
شعيرنا ولا قمح غيرنا
تكون فى ايديك وتقسم لغيرك
اذا اشتد الكرب هان
المكتوب على الجبين لازم تشوفه العين
اعمش وعامل صراف
طول ما انت طيب تكتر اصحابك
بركة ياجامع اللى جت منك ما جت منى
العشرة ما تهونش الا على قليل الاصل
كل صدفة خير من ميعاد
قاعد على نخ وعمال يجخ
كتر الضرب يعلم البلادة
عند السعد النملة تقتل التعبان
الطول ع النخل والتخن ع الجميز
حبيت انقل لكم الامثال اللى قمنا بجمعها ولسة فى امثال تانية.

[مهندا]

نكمل امثالنا المصرية

اذا اخترت الدنيا ستخسر الكثير
الصحة رحمة فلا تفرط فيها
ضبط النفس مهارة حاول التحلى بها
لا تبنى لنفسك او لغيرك قصور فى الهواء
معرفة المرأة تؤدى الى الجنون او السجن او الموت
النساء مصابيح البيوت
من يضع نفسه فى مواضع التهم لا يلوم من اساء الظن به
حاسب على نفسك فليس لهذه الحياة بديل
اول الغضب جنون وآخره ندم
تنظيم العمل يوفر نص الوقت
لكى تعيش يجب ان تعمل
لا يجتمع حب وخوف فى قلب واحد
اعمل ليوم لا يبقى لك به الا عملك
كل ممنوع مرغوب
الدنيا تطلب الهارب منها وتهرب ممن يطلبها
اصدقاء السوء يضرون اكثر ممن ينفعون
عند الشدائد تعرف الاصدقاء
انظر لامسك وتعلم منه وانظر لغدك واعمل له
تحية الى الماضى واهلا بالمستقبل
سلام...........

[مهندا]

باقى الامثال.....

جد الرفيق قبل الطريق
احيانا راحة الجسم فى قلة الطعام
اختار اصدقائك حتى لا تكون ضحية لهم
اجرى جرى الوحوش غير رزقك لن تحوش
الجار لجاره
تختار انت الصديق اما اخاك فيفرض عليك
فكر قليلا قبل ان تثق كثيرا
تحية الى الماضى واهلا بالمستقبل
الخسارة اللى تعلم المكسب
الحيطة لها ودان
الحذر ما يمنعش قدر
جفن العين جراب ما يملأه الا التراب
اللى يقول لمراته ياهانم يقبولوها على السلالم
البرميل الفاضى بيرن
اللى تخلفه الجدود تفنيه القرود
اللى ما يعرفش يقول عدس
اللى ياكل على درسه ينفع نفسه
فى كتيييييييير بس ده اللى عندى واللى عنده امثال تانية يبعتها

[د/ احمد حسام الدين]

اختى الكريمه فى امثال تانى كتير
منها ايش ياخد الريح من البلاط
باب النجار مخلع
فى مثل مصرى بيقول لا تعيرنى ولا اعيرك الهم طايلنى وطايلك وفى مثل سورى زيه بيقول خبز بذره وخيزه بذره ليه المعايره
اللى يقول لمراته يا هانم وقفوا لها على السلالم
الاعمى يتمنى قفت عيون
اللى ما يشوف من الغربال يبقى اعمى
يا مأمه للرجال يا مأنه للميه فى الغربال
اقرع ونزهلى
كفايه كده لما افتكر تانى ابقى اكمل
سلامى

[د/ احمد حسام الدين]

اه افتكرت
الى تحسبه موسى يطلع فرعون
اختار الجار قبل الدار
الفاضى يعمل قاضى
حرص ولا تخون
اللى يخاف من العفريت يطلعله
قال مالك يا مشط ما بتسرحش ليه قال فين الشعر اللى هامشى عليه
اعمى وساعاتى
القرد فى عين امه غزال
خنفسه شافت ولادها مرصوصين على الحيط قالت لولى وملضومين فى الخيط
الحلو حلو لو لسه قايم من نومه والوحش وحش من يومه
الميه متجريش فى العالى
خلاص كده خلصوا سلامى

[مهندا]

لأ لسة ما خلصوش دى فى من ده كتييييييييييييييييييييييييير وأكيد حضرتك عارف المصريين اللى عندهم ما بيخلصش
عالعموم شكرا جدا ليك وكل الامثال اللى قولتها تقريبا سمعتها بس اعمل ايه فى النسيان ورايا 100 حاجة
ربنا يكون فى عونىوعونكم

[sally]

فكر قليلا قبل ان تثق كثيرا

الخسارة اللى تعلم المكسب



صح خااااااااااااااااااااااااااااااالص

تسلم ايدك على الموضوع العسل ده

[مهندا]

مرسى ليكى ياسالى وشكرا على مرورك الكريم

[شيبو]

ضربوا الاعور على عينه قال اهى خسرانة.
الخسارة اللى تعلم المكسب
اللى ياكل على درسه ينفع نفسه
أمثال كتير بس اللي يعرف يجمعها بقي يا مهندا و المصريين مفيش أكتر من أمثالهم
بس موضوع حلو و جميل

[مهندا]

شكرا على مرورك الكريم يا شيبو
وكل سنة وانت طيب
وبعودة الايام