ازاي ؟؟؟

[Me$h Me$h]

السلام عليكم ورحمه الله وبركاته عليكم كلكم

اه ده اول موضوع ليا بس يارب يعجبكم

احتمال كبير ان كلنا شفنا فيلم تيمور وشفيقه حتقولو فيلم ايه وبتاع ايه بس اسمعوني للاخر
شوفتو ازاي شفيقه بقت دكتوره ووزيره للبيئه في فتره قصيره اوي وهو تقريبا نفس تخصصنا كلنا طيب ليه احنا مش نعمل زيها عشان نوصل للي وصلتله انا عن نفسي ومن غير كدب بذاكر في ايام الدراسه بس عشان انجح واجيب تقدير دي الصراحه ومعظمنا بيعملو كده فا انا نفسي كل الي يشوف الموضوع يقترح علينا اقتراح يخلينا نستفيد من دراستنا وننجح زي شفيقه يارب الموضوع يعجبكم ومستنيه ردودكم
سلام

[محمودالسيدبدير]

ابنتىMesh Meshانا مشفتش الفيلم لانى راجل عجوز ومليش فى الافلام لكن هقولك حاجة ( اذا لم تكن ماتريد فلترد ماتكون) بمعنى ابسط حبى نفسك حبى حياتك حبى اى شئ تفعلية سوف تجدى كل ماحولك جميل ومدمتى لسة طالبة زراعية احب اقولك نصيحة اب لابنتة حولى دائما ان تربطى مابين جميع العلوم وانت بتذكرى اوعى تقولى احنا بمدرس العلم دة لية ( الطبيب الشاطر - المهندس الشاطر - الزراعى الشاطر
هو اللى يقدر يربط العلوم ببعضها ويسخرها لحل اى مشكلة علمية تقابلة وبكدة تبقى احسن من شفيقة اللى انا مشفتهاش :clap::clap:

[Me$h Me$h]

السلام عليكم استاذ محمود وشكرا ليك جدا على الكلام الجميل والكبير ده
وعلى النصحيه الغاليه دي
واني زي بنتك ده حاجه كبيره جدامش حنساها عمري

[منى الشريف]

السلام عليكم ورحمة الله وبركاته . كل عام والجميع بخير ورمضان مبارك

اختي العزيزة مشمش انا مع العم محمود السيد بدير فلتكوني انتي فقط صحيح الطموح حق لكل انسان لكن ليس شرط ان تتوفر لكي الظروف التي كانت مع الاخت وزيرة البيئة ان تكون معك اعملي ادرسي فعلا كل العلوم متعلقه مع بعضها لعلمك اختي حتى علم النفس له علاقة بالزراعة ادرسي على طموح انكي ستكوني وليس فقط النجاح كما يفعل اغلب الطلبة لانه لو تصورتيه هو فشل بحد ذاته . عيشي حياتك بما يرضي الله ويرضي ضميرك وحاسبي نفسك على كل خطا ارتكبته ليس عيبا ان تعترفي بخطاك لانه الطريق الى النجاح . تعرفي اختي مضت اسابيع لم اغادر غرفتي بين مجموعه هائلة من الكتب اصبحو وسادتي ومنامي ليس لشيء غير اني اريد ان اكون منى الشريف وارد دين لوطني الذي عشت فيه ومن خيراته ان ارى وطني اخضر يزهو بنخله .والذي اقسمت اني ساخدمه باي شكل كان عاملة والا فلاحة والا استاذه ليس شرط ان اكون وزيرة كل يؤدي الامانه باسلوب خاص . تمنياتي لكي بالموفقيه والنجاح

[Me$h Me$h]

السلام عليكم يا اخت منى وكل رمضان وانت بخير

اشكرك اوي على كلامك وعلى طموح وعزيمتك وانا اوعدكو باني احاول اخلي دراستي هي موضوع مش عشان بس انجح
وربنا معاكي ويحققلك كل امنياتك واحلامك

[محمودالسيدبدير]

اكرر ابنتى / لاشكر على واجب لاب تجاة ابنائة وبناتة والكلام دة كنت دائما ماارددة على اولادى وعلى فكرة اولادى فعلا اكبر منك سننا وكنت معاهم اب ديموقراطى وكنت اوجة فقط ولهم حق الاختيار بشرط الحرية المسؤلة وانا بخبراتى وتجاربى فى الحياة مع هذا السن تحت امرك لاى استفسار حتى فى الدراسة

[Me$h Me$h]

الله يخليك استاذ محمود والله مش عارفه اقولك ايه بجد لو احتجت اي حاجه حرجعلك ان شاء الله
وربنا يخليك لاولادك يارب

[nona]

http://img233.imageshack.us/img233/6533/556alsallamnc2.gif
أولااااااااا :
أهلاااا بك مشمشتى فى منتدى زراعة نت
بداية موفقة:roll:


ثانياااااا :
بصراااحة عندك حق .... انااا عن نفسى فى وقت الدراسة بذاكر للنجاح
بس قبل الدراسة ما تبدأ يعنى قبل السنة الجديدة بيكون عندى طموح كبيييير و بقول أنا السنة دية هكون حااااجة تاااانية
حتى وقت الدراسة لما بحس ان أنا مش بذااااكر و أن أنا مقصرة مووووت بقول لأ أناااا لازم أذاكر و أتفوق فى دراستى و أحقق طموحى
بس للأسف مش عارفة ايه اللى بيحصل ؟؟!!!!
بتكون المذاكرة فى الأخر خاااااااالص خااااااااالص قبل أمتحان الفينل :inconveni:inconveni



بس إن شاء الله السنة ديه هتكون حاااااجة تانية خااااااالص هتكون جد موووووت
خاصة أن السنة ديه أول سنة تخصص إن شاء الله


و يلا بأة أقولك يا مشمش و أقول للمنتدى
أزاااى هتكون السنة الدراسية الجديدة حااااجة تانية يعنى أنا هعمل أيه فيهاااا !!!!!!!!


1- إرضاء الله سبحانه و تعالى ... يا رب كلنا نقدر نرضى الله سبحانة و تعالى


2- تحديد الهدف و الطموح اللى أنا عايزة أحققه


3- عمل خطة للتمكن من تحقيق طموحى


4- تنفيذ الخطة بجد و أجتهاااد .. فمن جد وجد
قال تعالى : ( قل هل يستوى الذين يعملون و الذين لا يعملون ))


5- أحب عملى و أحب دراستى و كليتى بجد بجد
( حب ما تعمل حتى تعمل ما تحب )
و بكدة إن شاء الله هتكون المذاكرة سهلة مش هحس أنها شئ مرهق بالعكس إن شاء الله هحس أنهااا شيقة و مسلية و حاجة حلوة أووووووى ..
و كمااان علشان المذاكرة مش تكون كتيييير
لازم المذاكرة اول بأول ... لأن فى مرض خطييييييييييييير بيخلى المذاكرة مرهقة اوى و صعبة أوى مرض وحش مووووووت بجد
و هو ( تراااااااااكم المنهج )
.. بس على فكرة الوقاية منه سهلة إن شاء الله .... ( المذاكرة أول بأول )


نسيت حاااااااااااااااااااااااااااااااااا جة لااااااااااااازم تتنفذ إن شاء الله كمااااااان و دى هتساعد فى المذاكرة يعنى هتكون وقاية للمرض الخطير ده و بالتاااالى هتساعد على تحقيق الهدف و هى :
حضور جميع المحاضرات و السكشنس


6- انا كمااان عايزة أفرح بابا و ماما و تفوقى هيفرحهما كتيييييير كتييييير فيهاااا أيه بأة لما أتعب شوية صغيرين علشان افرحهما



يااااااا ريت يا مشمش نساعد بعض على كده
و ياااااااا ريت المنتدى كله يعمل كده
طبعااا أنا أكيد فى حاجات كتيييير أن نسياهااااا


ربنا يوفقنا ياااااااا رب
ربنا معانا يااااااا رب


بجد يا مشمش أشكرك على الموضوع ده
لأنه بجد موضوع مهم جدااااااا جداااااااا


جزاك الله كل خير
و ياااا رب اشوفك شفيقة


سورى كلامى كتيييييييير:dconfused:dconfused
http://img233.imageshack.us/img233/5987/1051thanksabeermahmoudsqr0.gif

[Me$h Me$h]

السلام عليكم نونتي

ميرسي كتير على المدح ده مع ان ده اول موضوع ليه ويارب الناس تكون اتبسطت منه وبتمنى كل الناس ترد عليا
وتدي افكار كتيره ميرسيييييييييييييييي
وربنا يوفقك ويوفقنا كلنا ان شاء الله

[ندوة]

عزيزتي مشمش
نحاول دائما ان نكون نحن ... ولا ننظر الى تجارب الاخرين الا لنستنبط منها العبر ...فهي دروس للحياة ومن الحياة ..

[Me$h Me$h]

شكرا اختي ندوه على النصيحه دي
وانا اديت المثل ده عشان على الاقل نغير منها ونحاول نعمل زيها يارب نكون احنا دايما
وما نقلدش حد