المساعد الشخصي الرقمي

مشاهدة النسخة كاملة : كيف تنتج الفواجرا ( الكبد المسمن )



د/ احمد حسام الدين
02-03-2007, 03:56 PM
بسم الله الرحمن الرحيم
اخى الكريم موها تحيه طيبه وبعد اعتذر لك عن عدم ردى السريع لانى كنت مشغول جدا الفترة اللى فاتت ولكن بالنسبه لموضوع الفواجرا فبكل بساطه هو
استخدام ما يعرف ببغال البط وهى ذكور البط للسلالات سريعة النمو خاصى النوع ( مولار او بلانشرد ) وهذة السلالات موجوده فى مصر وهى مستورده من الخارج حيث يتم تربيتها على العلائق العا دية حتى عمر 20أسبوعا وعند ذلك يتم نقلها الى عنابر بها بطاريات حيث يوضع كل ذكر بط فى قفصفردى ويتم تزغيطة مرتين يوميا أى كل 12ساعة بكمية من الذرة المجروشة المنقوعة فىالماء الساخن وهذة الكمية عبارة عن 300جرام /يوم / ذكر مقسمة على مرتين وتستمرعملية التزغيط هذة لمدة شهر يكون كل ذكر قد تناول حوالى 10 كجم من الذرة وعادة ماتتم عملية التزغيط هذة أوتوماتيكيا باستخدام مضخة ومسدس للتزغيط وبعد هذة المدة يتمذبح ذكور البط للحصول على الكبد الدهنى (الفواجرا ) وعادة مايتراوح وزن الكبد بين 450- 750جرام لذكر البط الواحد .
ارجو ان اكون قد افدتك

عروس النيل
03-03-2007, 01:38 PM
الف شكر يا دكتور احمد على هذا الموضوع الرائع

ونرجو المزيد
ولكن هل يمكن ان ينفذ هذا المشروع الصغير على الاوز فعلى ما اعتقد ان الاوز ذو كبد اكبر من البط واعتقد انه سيعطى نفس النتيجة او اكبر قليلا حيث يتم الزغيط لمدة 15_20 يوم على الذرة المطبوخة بصورة اولية مضاف لها ملح الطعام والزيت ويستهلك الطائر يوميا 800_1000 جرام ذرة والزيادة بوزن الطائر 3_4 جرام ووزن الكبد من 500_800 جرام كما باليونان وايطاليا
والله اعلم
يا رايت لو كان فى حاجة مش مضبوطة تنبهنى ليها وهل المشاريع دى موجودة فعلا وفين الاماكن الا تنفذ المشروع ده
يا رايت الافادة
والف شكر

د/ احمد حسام الدين
03-03-2007, 08:18 PM
بسم الله الرحمن الرحيم
اولا احب ان ارحب بالزميله ( عروس النيل ) وارجو ان يطيب مقامك فى المنتدى بيننا
اما بالنسبه للاوز فيجوز معة اتمباع الطريقة ذاتها او الطريقة التى تفضلتى بها ولا مشكله فى ذلك
ملحوظه الاخت عروس النيل تخصصها ايه ؟
اما بالنسبة للمشروع نفسة فهو مش محتاج مكان كبير ولا حاجه ممكن عنبر دواجن عادى وتصنع بطاريات ايواء للطيور والموضوع مش مكلف خالص
وشكرا

عروس النيل
03-03-2007, 10:28 PM
اولا اشكرك على الترحيب
ولكن ليه ما يتمش عمل دراسة الجدوى وترفق بالمشروع لصغار المربين او لمن ليس تخصصهم الدواجن والانتاج الحيوانى حتى تتاح لهم الحكم على المشروع جيدا سواء كان ذلك بواسطة مهندسين زراعيين او بواسطة خريجيين التجارة وبكده بتهيق لى المشروع سيصبح مشجع اكثر وده راى وممكن اى حد يختلف معى فيه

عروس النيل
03-03-2007, 10:31 PM
انا عارفة ان المشروع مش مكلف ولكن الاشخاص العاديين ما يعرفوش ازاى يتم تسويقه ليه ما نرفقش بالموضوع معاه كيفية تسويقه ومنافذ بيعه

peace_right_85
09-03-2007, 05:24 PM
شكرااااا على معلوماتك الاكثر من رائعة
ويارب المزيد من التفوق

د/ احمد حسام الدين
10-03-2007, 12:33 AM
اشكرك على شعورك الجميل اخى الكريم

seifal_amir
13-04-2007, 01:31 AM
بسم الله الرحمن الرحيم
هذه معلومات قيمه اخى العزيز دكتور / احمد ولكن ارجو منك اذا كان لديك معلومات عن كيفية التسويق داخل او خارج مصر لأن هذا هو اهم خطوات المشروع حيث انه بدون تسويق لا فائده من عمل مشروع كهذا
ولك منى جزيل الشكر والأحترام

dr tareef
20-04-2007, 04:20 PM
اعزائى
السلام عليكم ورحمة الله وبركاته وبعد

كل من يريد معرفة معلومات كافية وعلمية عن الكبد الدهني المسمن( foie gras) ان يطالع مقالنا عن هذا المشروع في مجلة دواجن الشرق الأوسط وشمال افريقبا عدد فبراير 2007 او يتصفح موقعنا الإلكتروني www. dawagen.com وسيجد شرح كافي لهذا المشروع مع دراسة جدوي واضحة بالإضافة لمعلومات اضافية عن التسويق والتصدير في نفس الموقع علي منتدي سوق الدواجن ومعلومات كثيرة في جميع مجالات الدواجن. ا.د. طريف شما استاذ انتاج الدواجن بزراعة الأزهر

ahmed-a-m-s
21-04-2007, 11:18 PM
بسم الله الرحمن الرحيم : والسلام عليكم ورحمة الله وبركاته وبعد , وجدت معلومة فى كتاب للسيد المهندس: محمد أحمد الحسينى عن فواجرا الأوز مفادها أنه عند وصول زكر الأوز الى وزن حوالى 3.5 الى 4 ك يمكن تزغيطه للتسمين فى مكان محدد الضؤ والمساحة للحصول على عجينة الكبد التى تباع فى الأسواق بأسم ( الفواجرا ) وهناك خلطة من مطحون الذرة والقمح والشعير بنسبة 1:1:1 مع قليل من الملح تسلق لمدة ربع ساعة وتقسم لقطع مناسبة للتزغيط وبعد شهر تقريبا يصل وزنه الى 5 ك بكبد قد يصل لوزن 1 ك .

ahmed-a-m-s
21-04-2007, 11:24 PM
شكرا للجميع , وللدكتور طريف جزيل الشكر سأقوم بزيارة موقعكم , والسلام عليكم ورحمة الله

شكران
20-10-2007, 12:16 AM
ممكن اعرف بتتاكل دى ولا لهيها استخدامات فى ايه؟؟؟
ولا دى اكل للبط

flander
20-10-2007, 11:20 PM
بغال البط ؟
ناتج من تزاوج ذكور مسكوفي مع اناث بط بكيني هل المعلومة دي صحيحة وهل يمكن استخدامها في انتاج الفواجراه؟

Safwat Anan
19-06-2008, 09:31 PM
شكرا لكل من قدم الافادة فى هذا الموضوع وشكرا لدكتور احمد واستاذى الدكتور طريف ولكن اود ان اضيف ان البط المسكوفى يمكن ايضا استحدامه لهذا الغرض ولكن المولر افضل كما ان من المهم جدا ان تكون عملية التغذية متدرجة حتى لايحدث انفجار فى الحوصلة كما ينبغى ان تكون الطيور المزغطة فى سن معين جيث انها اذا تم تزغيطها عند وصولها لسن النضج الجنسى او بدايته تكون التغذية غير مجدية . وتكون الذكور اكبر وافضل من الاناث فى هذا الشان ويجب الاخذ فى الاعتبار ان هذا المشروع لا يصلح مع البط البلدى لان الدهون الزائدة ترسب فيه تحت الجلد وحول الاحشاء وليست فى الكبد كما فى المسكوفى او المولر المعروف باسم بغال البط .


واريد ان اوضح اخيرا ان هذا الكبد يكون ذوقيمة غذائية عالية حيث ان الدهون تكون فيه غير مشبعة مثل زيت الزيتون

Safwat Anan
19-06-2008, 09:34 PM
اختى المهندسة شكران دى بتتاكل للبني ادمين ومشهورة جدا فى اوربا وتمنها غالى جدا ممكن يوصل لحوالى 60 -70 دولار للنصف كيلو جرام .

رمضان حسنى
15-04-2010, 02:25 PM
لو سمحتم ياجماعه عاوز اعرف الفواجرا ابيعها فين ولا اوصل لتجارها ازاى وكيفية تغليفها لانى عندى 200 بطه بغالى وعاوز اعمل مشروع الفواجرا ياريت حد يفيدنى