لما المحافظ يتأخر عن مواعيده ساعتين ونصف .. يبقى الرئيس يعمل ايه

[م/ فوفو]

أحد السادة المحافظين المحترمين كان عندة ندوة وكان محدد لها موعد الساعة الحادية عشرة صباحا
وطبعا كالمعتاد الناس تيجى من الساعة 10 ويسيبو مشاغلهم وأحوالهم عشان يشوفو السيد المحافظ حيتكلم عن اية النهاردة
وفضلو قاعدين مستنيين سيادتة

ساعة ...........

ساعتين ..............

ساعتين ونص...............

بعد مايقارب الثلاث ساعات
حضر سيادتة
بالسلامة

فى الساعة الثانية الا الثلث

ولم يقدم حتى كلمة اعتذار للناس

ويبدأ الندوة عادى جدا
ويبدأ يتكلم هو والسادة الضيوف اللى معاه
وبعدين الناس خلاص تعبت
وزهقت من الكلام المكرر
كان عندهم أمل انه يكون فية جديد
غير الوعود الوردية

تخيلو اية اللى يحصل

يتم منع الناس من الخروج من الندوة بالقوة

تقفل الابواب

وتهديدات بقى
سمعتها بأذنى والله

تخيلو .........
ممنوع حد يخرج الا بعد ما سيادتة يخرج

عشان المنظر العام وكدا

وفى النهاية اضطر سيادته لعدم اكمال الندوة والغاء أهم جزء فيها
اللى هو الجزء الخاص بالمناقشات وطلبات الموجودين
وقفل الندوة

وكل عام وأنتم بخير

................

مستنيين تعرفو اية تانى ماخلاص كدا

ماهو طبعا عارف اللى فيها

وعارف اية اللى الناس حتطلبه

[هيما]

ههههههههههههه
مالوا بس المحافظ يافوفو
دة المحافظين بتوعنا هما الخير والبركة برضوا
بس بجد مش كلهم مضيعين كدة
احنا عندنا محافظ بجد راجل ممتاز
تحياتى

[MOHSEN_M055]

الاخت العزيزة فوفو لو المحافظ والمدير والمسؤول و و و و اتو على الموعد ماصار بينا اللي صار
تحياتي

[م/ فوفو]

المشكلة مش ف تأخيره

كلنا ممكن تحصل لنا ظروف ونتأخر بسبب ظروفنا

المشكلة كلها فى اللا مبالاة وعدم احترام المواعيد

أو يمكن عدم احترام الناس اللى هيقابلهم

تفتكر لو كانت الندوة دى موعد مع الرئيس مثلا

كان هيكون نفس الموقف من التأخير

و عدم تقديم مجرد اعتذار للناس

؟؟؟؟؟؟؟!!!!!!!!!!!!!!!!!!

[م/ فوفو]

أشكر ردك هيما

على فكرة أنا ماقلتش انه كل المحافظين أو كل المسؤلين كدا
بالعكس
فية ناس كتير يضرب بيهم المثل
كان عندنا مهندس أحمد الليثى مثلا رجل يضرب به المثل ف احترام الأخرين والتواضع
فعلا رجل بمنتهى الاخلاق
كان محافظ وبعدها بقى وزير وفضل على نفس المستوى من التواضع وبدليل بسيط جدا
كنت تشوف ترحيب الناس بيه لما جه زيارة للبحيرة بعد توليه الوزارة رغم انه ساب المحافظة وبقى ف مكان أعلى بس برضة مانسيهومش

أنا بس حبيت أوضح صورة لبعض المسؤلين اللى مابيحترموش مواعيدهم لدرجة تأخير ساعتين ونص واكتر

هيما لو انت موجود مع الناس اللى ف الندوة دى وحصل الموقف دا حتعمل اية

بالذمة مش حاجة تنرفز

[م/ فوفو]

أشكر ردك أخى محسن

تقبل تحياتى

[Jamal_Abazid]

السلام عليكم ورحمة الله

مسا الخير / فوفو

أنا لحد الأن لم أعرف لماذا أنتي متضايقة و عصبية لهذه الدرجة مما حصل .!!

الحادثة أمر عادي جدا جدا .. بصراحة سيادة المحافظ ما تأخر عن الموعد ولكن أنتم شعوب تعلمت التذمر من كل شيء .. وتعلمت الشكوى من كل أمر يحصل ..

يا ست فوفو يا ست فوفو ... سؤال متدحرج لحد تمازج العصبية مع قمة السكون ...

يعني لو المحافظ وصل بالوقت المحدد سوف يكون حديث المدينة أن المسؤول وصل بالوقت المحدد ؟...

ولذلك وبناءا على ما ذكر سالفا فأن المحافظ ظلم بكلامك لأن المحافظ يحافظ على هيبة المسؤول العربي والبرستيج الحكومي للموظف ذو المقام العالي ...

فياااااا ست فوفو لو أني مكانك لا أتذمر .. لا أعصب ... لا أغضب ... قبل أي أجتماع من هل الأجتماعات المملة أذهب وأشتري كيلو بزر ( بالسوري ) لب ( بالمصري ) فصفص ( بالخليجي ) ,, واتسلى فيهم الى أن ينتهي المحافظ ...

اللهم أحفظ المحافظ ...

والسلام

جمال أبازيد ..

[م/ فوفو]

ههههههههههههههههههه


تعليق ممتاز أستاذ جمال

وتفسير مقبول جدا مع مرتبة الشرف

والله أنا ماكنت متضايقة لنفسى

أنا بالفعل كنت موجودة بالاجتماع بس مافيش ورايا حاجة الحمد لله واحدة فاضية لاعندى شغل أتأخر عنه

ولا عندى أولاد يكونو بيعيطو

أنا كنت زعلانة ع الموقف نفسة

والناس اللى فعلا ظروفهم ماتسمحش انهم ينتظرو كل الوقت دا

ومش بس كدا

يعنى هم مش كتر خيرهم استنوه كل الوقت دا

لا دول كمان كانو بيهددوهم بحاجات غريبة كدا

وللأسف الشديد جدا الناس خافت فعلا

بجد موقف يخليك ف منتهى الأسى والحزن

[هيما]

أشكر ردك هيما



على فكرة أنا ماقلتش انه كل المحافظين أو كل المسؤلين كدا
بالعكس
فية ناس كتير يضرب بيهم المثل
كان عندنا مهندس أحمد الليثى مثلا رجل يضرب به المثل ف احترام الأخرين والتواضع
فعلا رجل بمنتهى الاخلاق
كان محافظ وبعدها بقى وزير وفضل على نفس المستوى من التواضع وبدليل بسيط جدا
كنت تشوف ترحيب الناس بيه لما جه زيارة للبحيرة بعد توليه الوزارة رغم انه ساب المحافظة وبقى ف مكان أعلى بس برضة مانسيهومش


أنا بس حبيت أوضح صورة لبعض المسؤلين اللى مابيحترموش مواعيدهم لدرجة تأخير ساعتين ونص واكتر


هيما لو انت موجود مع الناس اللى ف الندوة دى وحصل الموقف دا حتعمل اية



بالذمة مش حاجة تنرفز




طبعا حاجة تحرق الدم
انا عن نفسى لما بيكون فية ندوات او لقاءات او اى شىء من هذا القبيل
يدوب بوصل اشوف اية النظام وربع ساعة كدة وللخلف دور على بيتنا
لانى بتخنق من الندوات واللقاءات الى مالها لازمة
فاحسنلك لما يكون فية حاجة زى كدة
اما انك ماتروحيش اساسا
او انك تروحى تبصى بصة وعلى بيتكم جرى
وبعدين طالما المسئول اتاخر تستنية انتى لية
يعنى خلاص هييجى وجايب معاة حل لمشاكل مصر
تحياتى

[sabry_kebeish]

بعد التحية / فوفو

معلشي لما الحضور يتأخر شويه في أنتظار سيادة المحافظ الله يكون في عـونه مشاغله كتير وبيتعب انما احنا مش ورانا حاجه خدي الموضوع ببساطة وروح رياضية.

ولاتنسي المثل اللى بيقول الحكومة في خدمة الشعب والشعب يقلع عينه وأعضاءه ولو في حاجه تانيه ممكن يقلعها علشان خاطر الحكومة والسيد المحافظ.

[م/ فوفو]

لا الحقيقة الله يكون ف عون سيادتة طبعا

أحنا طبعا ياجماعة مانقصدش حد من هنا خالص

الراجل كتر خيرة
اتعطف وحن وشرفنا بالحضور
لو حد غيرة طبعا ماكنش جه من أصلة
بس نقول اية
حنية وطيبة قلب

أشكر ردك م/ صبرى

[العراقي انا]

السؤال اختي فوفو هو الذنب ذنب المحافظ ام ذنبكم
وانتم تحضرون الندوة اساسا ليه
ايه الجديد
مناقشة _ تطوير _ تنمية _ ابداع _ سماع الاراء _ حل المشاكل _ ابداء المساعدة _ بحوث _ تجارب _
كلمات غير موجودة في قاموس الندوات الرسمية العربية.
ولكن اذا اردت
التاخير _ الاهانة _ التسلط _ التملق للمسؤول _ المجاملات والضحكات الزائفة _ الوعود الكاذبة _ فضائيات تبشر بالانجازات الوهمية _ كذب مفضوح _ سرقة جهود الخيرين _ والقائمة تطول
تحياتي

[م/ فوفو]

السؤال اختي فوفو هو الذنب ذنب المحافظ ام ذنبكم

وانتم تحضرون الندوة اساسا ليه
ايه الجديد
مناقشة _ تطوير _ تنمية _ ابداع _ سماع الاراء _ حل المشاكل _ ابداء المساعدة _ بحوث _ تجارب _
كلمات غير موجودة في قاموس الندوات الرسمية العربية.
ولكن اذا اردت
التاخير _ الاهانة _ التسلط _ التملق للمسؤول _ المجاملات والضحكات الزائفة _ الوعود الكاذبة _ فضائيات تبشر بالانجازات الوهمية _ كذب مفضوح _ سرقة جهود الخيرين _ والقائمة تطول
تحياتي


ههههههههههههه

والله معاك حق

احنا فعلا اللى غلطانين
اننا نحضر حاجة مش فاهمينها
ولا عارفين لزمتها اية
بس تقول اية بقا
بشر
وكان عندنا لسة امل

وعموما انا بقدم اعتذارى للراجل اللى انا غلطت ف حقة

هو فعلا ماغلطش

الغلطة غلطتنا فعلا

ونستاهل كل اللى يحصل لنا

شكرا لك أخى أحمد التميمى

[mora_227]

تحياتى اختى فوفو
المحافظ مثل ضيف الشرف يجب ان يأتى متأخرا ، و يجب ان يفعل هذا اللقب بأن يكون ضيف شرف فعلا
للاسف المحافظ الذى يؤدى دوره كمحافظ غالبا ينقل و يأتى مكانه محافظ اخر يخرب ما انجزه فى محاولة للمنافسة و اثبات نفسه ، او على الاقل يكون ضيف شرف

[خالد ابوعيسى]

السلام عليكم ورحمة الله وبركات
احتا العزيزة الغالية هو بس الا بتأخر دة مجرد واحد والموظفين والعمال وادخلى قطاعات الدولة المختلفة الموضوع مش عمل دة تسيب بس مين يحاسب فين السئل عن المسؤول معلشى بنتكلم يعنى افوض امرى الى الله أن الله بصيرا بالعباد
شكرا اختنا العزيزة الغالية على موضوعك الرائع
تقبلى تحياتى فى امان الله

[Eng. Ahmed Moustafa]

انا لله و انا اليه راجعون

ربنا يهديهم