المساعد الشخصي الرقمي

مشاهدة النسخة كاملة : فضيحة شركة فيفا للألبان



abo FaReS
01-07-2008, 12:33 PM
خبر قرأتة كالصاعقة
الشركة المصرية لمنتجات الألبان (فيفا - إيدافكو ) تقوم بطرح منتجات منتهية الصلاحية من العصائر والألبان بعد مسح تواريخها وطبع تواريخ جديدة على العبوة

ونحن نعطى اطفالنا سموم فى عبوات اللبن والعصائر

جريدة العربى اليوم العدد 1114 29-6-2008 الصفحة الرابعة
http://file9.9q9q.net/preview/24628774/Boycott-Viva.JPG.html

http://file9.9q9q.net/Download/24628774/Boycott-Viva.JPG.html

http://file9.9q9q.net/img/24628774/Boycott-Viva.JPG (http://file9.9q9q.net/preview/24628774/Boycott-Viva.JPG.html)

amonaa
02-07-2008, 12:03 AM
شكرا لك ................لاحول ولا قوة الا بالله العلى العظيم

م- عمرو نجيب
04-07-2008, 12:12 AM
على فكرة دة شيئ عادى جدا والي بيحصل العن من كدة والناس مش فهمة وبتاكل وخلاص

إسلام
04-07-2008, 12:01 PM
حسبنا الله ونعم الوكيل كله ده بسبب الاهمال والفساد الذي طال الجهات الرقابية

حسبى ربى
04-07-2008, 03:55 PM
ان كان فيه غلط مش ح يكون اولا و اخيرا من الشركه ...هما ناس عايزه تكسب بطرق غير مشروعه و محرمه .. العيب على رقابه الجوده و وزاره الصحه و الهيئات الاخرى اللى دورها تكشف الناس دول و تحمينا منهم

abo FaReS
04-07-2008, 06:41 PM
اشكر الجميع على الردود الجميلة
وياريت يكون الموضوع مهم

وكما قلتم المشكلة فى الرقابة وكما كتب فى الخبر الصحة تتعامل بطريقة شيلنى واشيلك

وانا اتصلت بأحد اصدقائى وهو يعمل فى نفس الشركة واكد لى ان الموضوع جارى التحقيق فيه و ان العمال تحدثوا عن اشياء اخرى كثيرة مثل وضع الصودا الكاوية على الحليب لتقليل الحموضة و اشياء كثيرة مخالفة

المهم اين ادراة هذة الشركة المحترمة والخبر الأخر الذى سمعتة من مصدر موثوق انها تم بيعها لمجموعة الصفاة الكويتية وهى مجموعة استثمارية كبيرة فى شتى المجالات وكذلك تضم شركات كبيرة للأغذية مثل دانة الصفاة للأسماك ومطاعم شرمبى وغيرها
ولكن اين هؤلاء من التسيب والفشل داخل الشركة

م/ طارق أنور
08-07-2008, 02:05 PM
على فكرة دة شيئ عادى جدا والي بيحصل العن من كدة والناس مش فهمة وبتاكل وخلاص

:happy::happy::happy:


والله يا باشمهندس عمرو أنا كنت عايز أقول كده برضه وبعدين حذفت المشاركة علشان ماحدش يتصدم ............

ALais
25-07-2008, 09:34 PM
فعلا اخوانى لقد تابعت هذه القضيه على صفحات الجرائد
ولكن.....
وكما تعلمون تنتهى الاحداث الى لا شئ يفيد المستهلك
اى النهايه اللطبيعيه التى نعلمها جيدا
كلمتين وكام خبر لتهدئه الرأى العام
وبعدين خلاويص شطبناوخلصت الحكايه

م/ فوفو
25-07-2008, 09:48 PM
يا جماعة انتو مستغربين لية

دى كلها حاجات عادية

والشعب المصرى شعب أصيل
معدته تهضم الزلط زى ما المسؤلين دايما بيقولو

وبعدين الخبر دا لاهو الول ولا الخير من نوعة دا فية منه الالاف يوميا البان ولحوم ولعب أطفال ودواجن ومبيدات مسرطنة وغيرها وغيرها وزى ما أحد الزملاء قال

انه دايما الفاعل مجهول والملف يتقفل وكأن مافيش اى حاجة حصلت

وطبعا احنا اللى غلطانين فى الأول وف الأخر

لانة المسؤلين كان الله ف عونهم مش فاضيين للتفهات دى وكمان عمرهم مابيغلطو

يعنى عيب نقول ع المسؤلين المحترمين بتوعنا كدا ........ !!!!!!!!!

دا حتى عيب اوى يعنى!!!!!!

العمودي780
26-07-2008, 07:46 PM
حسبنا الله ونعم الوكيل

shitos
27-07-2008, 01:00 AM
كيف تسرب هذا الخبر الفظيع ، و اذا الناس عرفت مفيش حالات تسمم حصلت ...

maro g
28-07-2008, 02:35 AM
فعلا الحجات دى بقت عادى وعادى جدا كمان علشا الفساد انتشر فى كل حتة فى مصر والعالم كلة
حسبنا الله ونعم الوكيل
والغلابة فى الاخر هما الضحية يلا اهة تخف الكثافة السكانية اللى عملة ازمة للحكومات

abo FaReS
28-07-2008, 02:44 AM
أخوانى أعضاء منتدى زراعة نت
طبعا ردا على سؤال الأستاذ shitos فطبعا محدش سمع عن حالات تسمم لو محدش بلغ اساسا لان الكيماويات المضافة للعصائر والألبان تظهر على المدى البعيد وتسسب امراض فى الكبد والكلى وربنا يستر
وثانيا الموضوع اتعرف من قبل بعض العامين فى الشركة الذين اعترضوا على اضافة مثل هذة المواد والتى كانت مبالغ فى اضافتها نظرا لسوء جودة اللبن الخام او اطاله فترة الصلاحية للعصائر واكيد اخواننا فاهمين كلامى
فقامت الشركة بفصلهم بدون مستحقات وبالتالى توجهوا إلى الشرطة و الصحة و الصحافة بالمستندات والصور والفيديو لإثبات الموضوع واستعادة حقوقهم

وهذا رابط لبعض الشكاوى
http://www.al-araby.com/docs/article2142177228.html

http://upload.9q9q.net/file/SVRjhgkKJWR/Save_Edafco.doc.html

محمد شديد
28-07-2008, 11:59 AM
إخوانى الأعزاء ما تتحدثون عنه واقع وحدوث أكثر من ذلك أمر حقيقى والفساد الذى طال الجهات الرقابيه ( هذا لاينفى وجود قله من الشرفاء ) ,هذا واقع يحتاج إلى تحرك شعبى من دعم وتقوية المنتديات و الجمعيات الأهليه فى مختلف المجالات , المنتديات والجمعيات الأهليه تزيد وعى المواطن وهى تحتاج إلى دعم مادى من رجال الأعمال الشرفاء و دعم معنوى من المواطنين بمساندتهم بالمشاركه الجاده فى المنتديات والمؤتمرات وتقديم المعلومات الآزمه , مع زيادة الوعى الدينى والإلتزام بالتعاليم الدينيه التى تنهى عن الغش وتضع الخوف من الله نصب الأعين ,طبعا النتيجه ستكون على مدى طويل نسبيا ولكن هذا هو (حسب إعتقادى ) الحل القوى الذى يكون بعده المجتمع صاحب وعى ورأى مؤثر على الحكومات وعلى الجهات الرقابيه والتنفيذيه .

"إن الله لا يغير ما بقوم حتى يغيروا ما بأنفسهم"
" ومن يتقى الله يجعل له مخرجا ويرزقه من حيث لا يحتسب"
قولو
لا إله إلا الله سيدنا محمد رسول الله

ابوعبد الرحمن
28-07-2008, 12:04 PM
الهم من اراد بنا سوء
فقسم ظهرة
مشكوووووووووووووووووووور جزاكم الله خيرااااااااااااااااااااااااااااااا

معتز
29-07-2008, 10:42 PM
شكرا الك على هذا التنبيه المهم ونا استغ
رب ماتقوم به مصانع الالبان بجمع المنتوجات التي ينتهي تاريخها وتقوم بتصنيعو من جديد

abo FaReS
30-07-2008, 02:14 AM
يا جماعة انا جبت إميلات الشركة وكمان الفاكس لمشاركة الموضوع مع المسئولين وارسالهم رابط الموضوع حتى يتم اخبارهم بما يحدث وما نعلم عنهم ليتقوا الله عن افعالهم

edafco.asstgm[at]edafco.com (edafco.asstgm[at]edafco.com)

edafco.export[at]edafco.com (edafco.export[at]edafco.com)

فاكس 002015410498

رانيا الشامى
30-07-2008, 02:34 PM
هو يا جماعة الكلام دى حقيقىطب فى صور او فيديو للكلام دىياريت لوفى ياجماعة ابعتولى سلام

رانيا الشامى
30-07-2008, 02:48 PM
السلام عليكم
هو يا جماعة الكلام دى حقيقى
طب هو الاسباب من دى لية
وعرفت اذاى
ياريت يا جماعة اعرف تفاصيل اكتر عن الموضوع
وشكرا

abo FaReS
30-07-2008, 06:19 PM
الأخت رانيا الشامى
طبعا الكلام حقيقة والا ما كانت الجريدة نشرتة وعرضت نفسها للمسائلة القانونية
سؤال الموضوع دة اتعرف ازاى انا شرحت الموضوع فى مشاركتى وردى على نفس السؤال من الأخ shitos
اما بالنسبة للمستندات والصور والفيديو انا على اتصال بالجريدة وربنا يسهل وممكن اقدر احضر كل المستندات او بعض منها

وعايزيين نشوف نتائج حماسك

yasernor
03-08-2008, 10:46 AM
نتمنى التاكد من الحقائق دى قبل مانقول اى شئ وياريت اللى يملك ادله يقدمها لاى جهه لاتخاذالازم