ايه رأيكم بموضوع الدجالين ؟؟!!

[م/ فوفو]

نسمع منذ صغرنا بالدجل والدجالين خاصة بين غير المتعلمين
والأن صار بين المتعلمين أنفسهم حيث نرى من تأخر سن الزواج عندها تذهب الى احدهم لتسأله عن سبب ذلك فيجيبها على الفور بالرد المعروف انتى يابنتى عليكى عفريت وهو مش حيخليكى تتجوزى لانة هو بيحبك .

ومن يبحث عن عمل ولا يجد- طبعا دا بسبب الظروف الاقتصادية اللى العالم كله فيها -يروح للبية الدجال يقوله دا انت يابنى معمول لك عمل بوقف حالك .

فكرت مرة ياجماعة انه الدجال دا لو كان يقدر فعلا انة يجوز اللى اتاخر جوازها
ويشغل اللى مش لاقى شغل لو هو يقدر يعمل دا فعلا طيب مانطلب منه يوقف الحروب اللى شغالة بين الدول

واللا حتى يطلع الاستعمار من الدول المحتلة واللا بلاش كدا
يمكن هم مش بيحبو يروحو أماكن الحروب
طيب ممكن مثلا يصلحو الظروف الاقتصادية للبلاد

يا جماعة احب اسمع رأيكم فى الموضوع دا ممكن؟

[هيما]

ههههههههههه
موضوعك حلو بجد يافوفو
بس زى ما الرسول بيقول
كذب المنجمون ولو صدقوا
دة طبعا كلام تخاريف وكلام فاضى
تحياتى

[شيماء نبيل حسين]

السلام عليكم ورحمة الله وبركاته
موضوع مهم جداً وأنا في رآيي إن كل من يذهب إلي الدجال فهو معندوش إيمان بالله ولا بيرضي بنصيبه.
ومن المفترض إن كل من يواجه مشكلة ما إنه يتأكد إنها قدر ومكتوب وإختبار من الله سبحانه وتعالي وكل إللي عليه إنه يتقرّب من الله أكثر ويدعيه من كل قلبه . ( الدعاء )
فكما قال الله تعالي ( وإذا سألك عبادي عني فإني قريب أجيب دعوة الداعِ إذا دعانِ فليستجيبوا لي وليؤمنوا بي لعلهم يرشدون )
ـ ولكن من يستسهل ويذهب للدجال فهذا كله تخريف في تخريف ( كذبَ المنجمون ولو صدقوا ) فالذهاب إلي الدجال يعتبر عادة خاطئة توارثتها الأجيال .

[امان الضاري]

انا اقول بصراحة لو سمحو لي الاخوات في المنتدى لولا النساء لما استطاع دجال ان يحصل على درهم واحد فهو يعيش على الكذب وخداع النساء بان زوجها لايحبها او يحب اخرى غيرها ولو قال لها زوجكي يحبك فى داعي للذهاب الى الدجال انه يصنع المصيبه ويعيش على جيفتها ولو لاحظتم ان اغلب الدجالين يعيشون في بيئه فقيرة ومتقعه لو كان يقدر ان يصلح شيء فليصلح حاله الاولى له ويخرج من الاماكن التي يعيش فيها .واهم شيء في الموضوع قول الله سبحانه وتعالى (كذب المنجمون ولو صدقوا ) صدق الله العظيم
شكرا لكي اختي على طرحكي للموضوع الدقيق هذا

[م/ فوفو]

أشكرك هيما على الرد
أشكرك شيماء على الرد
أشكرك أمان على الرد
معاكم حق طبعا
وبالنسبة لكلام مهندس أمان فعلا كلامك صيحيح جدا
أنا بأعيش فى منطقة ريفية وظروفى خلتنى أشوف حالات كتيرة من النوع دا بس للأسف فشلت كل وسائل الاقناع ليهم بأن دا حرام بغض النظر عن أنه نصب لكن مفيش فايدة هم الستات أس المصايب دى كلها
والله ياجماعة لدرجة انى شفت واحدة رافضة تودى بنتها للدكتور وهى كان عندها التيفويد اعتقادا منها ان كل اللى هى فية دا علاجه مش عند الدكتور وكل دا لأنها راحت للدكتور مرة واتنين وما خفتش واحنا طبعا عارفين التيفويد مش بيتعالج من يوم ولا اتنين
هم بقى مش عايزين كدا والله على دكتور صديق هما عايزين الدكتور يرقيها تروح سليمة ههههههههههه
من غير علاج طبعا

بالنسبة لكلامك هيما أنا موافقاك جدا بس هو الحديث تقريبا والله أعلم " كذب المنجمون ولو صدفوا " بالفاء لأنهم لن يصدقو لكن قد يصدفوا
والله أعلم
تحياتى للجميع

[amedo111]

السلام عليكم ورحمة الله اخواني وشكرا على موضعك الهائل م/فوفو
فيجب دائم ان نفصل بين السحر والدجل .فالسحر موجود و له اثاره الكبيرة من قبل عصر الاسلام وحتى وقتنا هذا و هناك رجال من ديننا الحنيف من يقومون برده وهؤلاء من فتح الله عليهم فقد سحر رسولنا الكريم صلى الله عليه وسلم من قبل اليهود وفي هذه الحالة يعجز الطب عن مداواة المريض و الامثلة كثيرة و لكن الطالب للسحر فهو الذي يقع عليه الوزر و ليس المريض اي من يذهب لاحدهم بنية عمل سؤ لاخيه فهو من يقع عليه الوزر اما من يذهب لاحد بغرض الشفاء منه فلا جناح او اثم عليه والله اعلم .