المساعد الشخصي الرقمي

مشاهدة النسخة كاملة : شوية رومانسيه جامدين اللي مش عارف يقول رومانسيه يدخل



شيبو
12-05-2008, 09:46 PM
http://t.farok.3.googlepages.com/Tarek_logo3.gif

شـويّـة رومـانسيـة

هي لازم تفهم اني مش مَدَبّ
كنت جالس بجوار صديقي على المقهى
امسك لي الشيشة بيد و اشيح بالاخرى في وجهه
انا مش مَدَبّ.. انا مش عارف هي جابت الكلام ده منين؟
اهدى بس -
كل ما اقولها حاجة.. تقولي انا مَدبّ.. حمارة مبتفهمش في المشاعر
احكيلي ايه الي حصل -
*******
قاعدين في الكافيه
قاعدين على ترابيزة مدورة وهي قدامي
قولتلها أديني جايبك حتت نضيفة اهه ماروحتيهاش قبل كده
طلبنا برتقان و موكاهازلنت.. وبكلمها يا عم وعمّال اقولها الكلام الكبير بتاع المشاعر
و هي غاية في الغباء
عمال المّح لها و اقولها انا بتصل بيكي كتير وبكلمك كتير.. و بسأل عليكي
لكن مش معنى كده اني مهتم بيكي
انا بعمل كده مع الناس كلها.. علشان انا مهتم بالانسان مش بيكي انتي بس
علشان تفهم اني اجتماعي
و هي آخر غباء
اقولها انها تخنت والمفروض تقلل من البيبسي وتبطل أكل شوية بالطفاسة اللي هي فيها دي علشان تفهم اني مهتم بيها وبرشاقتها و خايف عليها من كتر الاكل
و هي آخر حمورية
أقولها حاولي تلبسي لنسيز علشان النظارة دي مبيناكي عجوزة ومش حلوة على وشك وخصوصا انه مش حلو قوي
علشان تفهم اني باخد بالي من التفاصيل
ودي اللي طالع عليها بتخلّف
*******
اقولها ان بعض تصرفاتها مش عجباني و انها بترغي كتير في الموبايل
تقولي: ما انا بكلمك برضه
اقولها ماهو ده قصدي.. انتي بترغي وبتكلفيني كتير في الفاتورة
علشان تفهم اني مدبر واقتصادي
و هي آخر جهل
لما جه الشيك علشان ندفع
كانت حاتدفع فأخدت منها الشيك وقولتلها انا اللي حادفع
وضحكتْ وقلتلها مافيهاش حاجة لما أدفع ده كمان.. ما احنا المرتين الي خرجنا فيهم انا اللي صرفت عليكي
علشان تفهم اني جدع معاها
و هي نازل عليها بغباء
قعدت تحكي في القراءة والثقافة
و انت عارف محسوبك تقيل في الحاجات دي
لغاية ماقالتلي على الكاتب اللي بتقراله دلوقتي ومدى حبها ليه وبكتاباته
قولتلها انه حمار واللي بيقروله بهايم
علشان تفهم اني مثقف وداري بما يدور في الساحة الثقافية
ومطلع على جميع الكتاب و الاصدارات
ولا حياة لمن تنادي
*******
دفعنا الشيك و خرجنا
سيبتها عند الباب ولما قالتلي مش حتوصلني
قلتلها لأ طبعا
سيبتها في الشارع و ركبت العربية ومشيت
علشان تفهم اني مش مدلوق عليها
حلو لحد كده يا عم؟
عاطفة و اشواق وحب على أبوه من الأصلي
هي دي الرومانسية
شوف بقي غباوتها اللي جايه
قلت أكلمها بالليل و انهي الموضوع و اقولها إني معجب بيها والكلام الكبير ده بتاع الارتباط والحب والجواز
و انها هي الكسبانة والموضوع حيقع عليّ بخسارة
كلّمتها وقلتلها الكلمتين
قالتلي اني ظريف وطيب بس هي عايزة واحد رومانسي
ضحكتْ و قلتلها انتي حمارة بقى.. ههههه.. كل ده ومش رومانسي
انتي لازم تعملي اختبار ذكاء.. ههههه.. غباء غريب
دا انا وديتك اماكن ماروحتيهاش وصرفت عليكي
و كلمتلك عن وشك وجسمك يا تخينة.. هههههه
دا احنا مثقفين زي بعض وبلاش كده
ولاّ لازم تحملي مني علشان نتجوز.. هههههه
عجبتني قوي اخر جملة دي.. رحت عدتها تاني
سكتتْ كتير
و قعدت أقول: الو الو الو.. ومحدش رد
قفلت واتصلت بيها ومحدش رد
وفي الاخر البني آدمة تبعتلي مسج تقولي
انت مدب.. مدب.. ومبتحسش.. انت مدب.. مبتفهمش
شفت اخرتها
انا مدب
بنت غبية.. مبتفهمش.. مبتفكرش
*******
في حموريّة و غباء كده.. قولي
في حد كده ؟

شيبو
19-05-2008, 08:19 PM
مش عاجبكم الموضوع و لا ايه ؟

الملاك
22-05-2008, 04:25 PM
جميل جدااااااااااا يا شيبو ايه اللى مش عاجبنا ده

لا طبعا جميل كالعاده

بس تلاقى الاعضاء اتفجعو من كتر الرومانسيه دى

شيبو
22-05-2008, 08:19 PM
شكراً يا الملاك علي كلامك الجميل

sally
22-05-2008, 10:59 PM
موضوع عسل يا شيبو انت مش بتعمل موضوع مش حلو خااااالص انت كل مواضيعك جميله جدااااااااا


انا بشكرك على موضوعك الحلو بجد عجبنى جدااااااااااااا

ويارب ما نتحرمش من مواضيعك الحلوه دى اللى مخليالنا المنتدى احسن منتدى

شيبو
23-05-2008, 01:24 AM
ربنا يكرمك يا سالي علي كلماتك الرقيقه و الجميله و بجد أنتي كلامك أحسن من مواضيعي لأن كلامك كله رقه و إحساس علي عكس مواضيعي اللي كلها كوميديا ممكن تكون مواضيعي كوميديا بطبيعه شغلي في المسرح لأنهم بيقولوا عليا كوميديان بس أنا مش حاسس كده خالص
بس بجد شكراً ليكي يا سالي علي كلامك الرقيق و الجميل

م/ فوفو
17-06-2008, 09:30 AM
اية ياعم الرومانسية دى
بصراحة جمييييييييييييييييييييييييل اوووووووووووووووووووووووووووووووووو وووى
صحيح رومانسى
وبيسألو البنات بتعنس لييييييييييية!!!!!!!!!!!!!
ماهو من كتر الرومانسية

شيبو
18-06-2008, 03:52 AM
لأ أنا عامل الموضوع ده تريأه مش بجد يا م/ فوفو
بس الموضوع عجبك و لا لأ؟

leo85
18-06-2008, 02:34 PM
انا انسطلت من كثر الرومانسيه
شو هاااااااااااااااااااااااااي
ده مش مدب ده حمااااااااار
حمااااااااااااااار
ده عشر حمير ببعض
يلهوووووووووووووي


هههههههههههههههههههههه

عنجد خلاني عصب شو شايف حالو هاااااااااااااااا؟؟؟؟؟؟؟؟؟؟؟؟؟؟؟؟؟؟ ؟؟؟؟




ههههههههههه
يسلمووووو شيبووووووو

م/ فوفو
19-06-2008, 12:07 AM
ما انا عارفة ما انا كمان بأتريق
حتى على نفسى
وما احبش انه حد يزعل من كلامى

جميل بجد والله ياشيبو

بس تعرف انه فية ناس كدا فعلا
ياترى دا حسن نية منهم ؟

واللا سوء تصرف ؟

واللا عدم فهم ؟

واللا اية بالضبط ؟

alyhaby
19-06-2008, 10:36 AM
يا عم خف الرومانسية شوية
وحاول تكون جامد

شيبو
20-06-2008, 03:07 AM
حاضر يا علي باشا أنت تأمر و أنا أنفذ
بس علي فكره أناجامد يعني متقلقش

جاسر
20-06-2008, 05:38 AM
لا


لا


لا


اكيد





مدب

دبل رمانة
20-06-2008, 07:34 PM
اية دة والله كان العنون حلو
لية التغير خربت لي اعصابي :shoot::shoot::shoot:
مش ممكن انا ريحا اشرب كاس شاي وبندول
:angry:

شيبو
21-06-2008, 01:12 AM
هو مين اللي أكيد مدب ؟
شكراً أستاذ جاسر علي ردك
و معلش يا رمانه أنا أسف علي أني تعبتلك أعصابك و المره الجايه أوعدك أن هعملك موضوع يريحلك أعصابك و يعجبك
شكراً رمانه علي ردك الجميل و الرقيق و اللي عجبني

HOBA
22-06-2008, 12:05 AM
ياااااااااااااااااااااااااااااااااا ااااااااااااااااااااااه
ايه الرومانسية الفظيعة دى مش مصدقة انه لسه فى حد رومانسى اوى كدا
بس جزاك الله خيرا انك عيشتنا فى الجو الرومانسى ده مش عارفة لو فى اتنين عندهم نفس الرومانسية دى كان ايه اللى حصل هههههههههههههههههه
بهزر اوعى تزعل منى انا طبعا معرفش يبقى عندى خفة الدم اللى عندك دى

شيبو
22-06-2008, 02:59 AM
ده من ذوقك يا HOBA وربنا يخليكي و ربنا يكرم و يكون دمنا خفيف علي كل الأعضاء زي ما أنتي حسيتي أننا دمنا خفيف
شكراً HOBAعلي ردك الجميل