المساعد الشخصي الرقمي

مشاهدة النسخة كاملة : إنتاج القمح فى الاراضي الصحراوية (تجربه شخصيه)



yasernor
28-03-2008, 04:41 PM
اولا انا قلت لاخوانى فى المنتدى انى كنت شغال فى مزرعه متكامله ودا كان فى مشاركه فى موضوع القمح المصرى
احب اعرفكم ان الدوله ممكن تقضى على مشكلة القمح تماما ومش محتاجه مجهود من الدوله الدوله هتمول فقط ودا هيكون بعد اختيار الاداريين اللى هيقوموا بالمشروعات دى
المزرعه المتكامله هى المزرعه التى بها الارض اولا ثم المعدات الزراعيه الكامله وهى عباره عن














1-اجهزة الرى واكيد انها الرشاشات المحوريه لاننا بنتكلم عن الصحراء والمساحات الشاسعه 2- الجرارات الزراعيه وكان عندى 4فقط 3-الماكينات التى تستخدم فى الرى 4-قطع الغيار للمكائن وةالرشاشات المحوريه 5-لودر 5- الوقود 8- نثاره للسماد 9-المحاريث الحفاره 2 10- محراث تحت تربه 11- محراث قرصى2 4- تريلة ديزل لنقل الوقود للماكينات 6-الاداره الجيده للمشروعات 7-السطارات كان عندى 3 فريق العمل كان معى -
عدد المسمى الزظيفى







ولهم اعمال اخرى ممكن منهم اللى هيحرص المزرعه ليلا ومنهم اللى هيشغل او ينظف المهم كله كان يعمل
المزرعه مساحتها 5400 فدان
عدد الرشاشات المحوريه كان 30رشاش
عدد المكائن كان 32ماكينه 30شغالين و2 احتياطى للاعطال
عدد السيارات 6 سيارات
المشغلين للرشاشات 3 نهارا و2 ليلا
الصيانه للمكائن 2
للرشاشات 2
المزرعه بها 30بئر عمق البئر 400الى 450متر
هى دى المزرعه المتكامله لو الدوله هتنشا مزارع زى كده ممكن فى العام الواحد تعمل بدل ال30رشاش 300او 3000رشاش لان امكانيات الدوله غير الافراد
ملحوظه انا بتكلم عن الدول اللى بتدور على شعبها وبتدور على الاكتفاء الذاتى ليها
المزرعه اللى كنت بديرها كانت بتنتج 14000طن قمح فى العام الواحد لاحظوا الدوله ممكن تعمل ايه بالقمح اللى هيدخلها من المزارع دى
العمل لا يتدخل به اى شخص اخر غير المهندس الزراعى فقط وكنت انا مسؤول مسؤوليه كامله والحمد لله كنت قد المسؤوليه وقدرت ادير المشروع
انا وضحت فكره عن المزرعه وارجو من الله ان اكون قد وفقت فى هذاالتوضيح وانا بانتظار اراءكم
وانا هاعرض لكم كل التفاصيل من حيث طرق الزراعه والاعداد للزراعه والاصناف وكل شئ باذن الله 1 مهندس المشروع 1 كهربائى رشاشات+مساعد 4 قيادة الات وبعد الانتهاء من موسم الحرث اصبحوا مشغلين للرشاشات 1 سائق ينقل الوقود للمزرعه 1 سائق يقود اللودر فى موسم توريد القمح وله اعمال اخرى يعنى ممكن يشتغل حاجه تانيه فى حالة عدم وجود عمل ليه 12 عامل مقسمين على حسب طبيعة العمل طوال الموسم اثناء موسم التسميد يقومون بالتسميد 1 ميكانيكى+مساعد ميكانيكى

mesry
28-03-2008, 09:27 PM
السلام عليكم
تحياتى للكيميائى ياسر نور
و شكراً لأهتمامك بالموضوع
و فى انتظار باقى الموضوع

و لقد ذكرت حضرتك ان مساحة المزرعة 5400 فدان ، فهل كلها مستخدمة فى الزراعة ؟
بمعنى اخر ما هى المساحة المخصصة لكل رشاش ؟ و ذلك لكى نتصور كمية الانتاج الناتجة من كل رشاش ؟

yasernor
28-03-2008, 09:36 PM
المساحه دى كلها بالفعل مزروعه وانا حسبتلكم المساحات ماتحت الرشاش المحورى فقط وماتتم زراعته فقط لان المساحات الغيرمنزرعه ليها اقتراحات اخرى وهنستفيد من زراعتها بطرق اخرى انا هاعرض تجربتى ودراستى فى المشروع ده بالكامل عشان الكل يستفيد
ومساحة الرشاش تختلف بحسب طول الرشاش واللى كان معى من الرشاشات كلها 9ابراج شامله برج القاعده ومساحته 180فدان اما ان تقل 5افدنه او تزيد 5 افدنه ولكن دا المتوسط

كل رشاش ينتج من 400الى 480طن قمح

وعلى فكره انا اسلام ومش ياسر ياسر اخويا وهوكيميائى وانا بدخل المنتدى باسمه فقط

إسلام
28-03-2008, 10:51 PM
شكرا يا اخ اسلام علي المعلومات الجيده دي مع تمنياتي لك بالتوفيق

سيناوى
29-03-2008, 07:14 AM
موضوع جميل
الدولة لو تريد حل المشكلة حتحلها
كما قال الصحفى مصطفى بكرى/ الدولة لما بتعوز تعمل حاجة بتعملها
المزرعة مكانها فين النوبارية - توشكى

yasernor
29-03-2008, 07:43 PM
بداية عمليات خدمة وزراعة القمح
بعد عرض المتوفر من الادوات وامكانيات المزرعه هنبدا بالزراعه والاعداد للزراعه وانا هاعرض التجربه بالكلام العادى جدا وهاعرض الاسمده بالشيكاره للهكتار ومش هاقول بالوحده والمبيدات هاعرض النسب للرشاش واى توضيح بعد كده اواستفسار انا جاهز بس بعد مااخلص الموضوع ربنا هواللى يعلم انا بكره الكتابه جدا ولكن لابد من عرض الفكره دى عشان الجميع يستفيد
بداية لزراعه من المتوقع ان الارض الصحراويه محتمل فيها كل شئ محتمل وجود اعشاب او حشائش ومحتمل وجود ملوحه ومحتمل وجود مرتفعات ومنخفضات بالنسبه للمرتفعات والمنخفضات فهى ليست ذات اهميه وتاثيرها بسيط جدا لان الرشاش يتغلب على 90%من هذه المشكله
اما بالنسبه للاملاح واالاعشاب فيتم بداية تشغيل الرشاش قبل موعد الزراعه وفى شهر اكتوبر بالتحديد تشغيله لمدة 15 يوم وذلك للتخلص من الرملوحه فى الطبقه السطحيه من التربه وهنلاحظ ظهور الحشائش ان وجدت فى هذه الفتره
بعد ذلك يتم حرث التربه بالمحراث الحفار والايكون الحرث عميق يكون الحرث سطحى يعنى تقريبا من 15 الى 20سم
ويتم الحرث بالمحراث القرصى ويراعى ترك فتره بين الحرثتين من 5الى 10 ايام
اذاكانت الحشائش التى نبتت فى اول مره كثيره يراعى تشغيل الرشاش 15 يوم اضافيه لتنبيت مابقى من حشائش فى التربه
واذاكانت النسبه ضئيله يتم تجهيز التربه والاعداد للزراعه
الاعداد للزراعه
حرث التربه مرتين متعامدتين مع عدم المساس بطريق الرشاش فى اول مره طريق الرشاش يقصد به الطريق الذى يسيسرعليه الرشاش وبيكون بعددالابراج كل برج له طريق
يتم الحرث بالمحراث القرصى بعد ذلك مره واحده
يتم نثر السماد الفوسفاتى او السماد المركب ويفضل الداى امونيوم فوسفات المركب (18-46-0)
وتكون اضافة السماد بمعدل من 250الى 300كجم الهكتار
ثم بعد ذلك حرث التربه بالمحراث القرصى مره اخرى
بعد ذلك يتم تنعيم التربه باستخدام ماسوره للتسويه على ان يكون وزنها ثقيل وذلك لكى تعمل على تفتيت حبيبات التربه بالكامل وتنعيم التربه كاملا
احنا خلاص انتهينا من الخدمه واحنا مش هنضيف سماد عضوى خالص عشان محدش يفتكرنى نسيته لان تكلفة السماد العضوى ونقله الى الصحراء مكلف اكتر من السماد الكيماوى
الارض حاليا جاهزه للزراعه هاكمل معاكم غدا ان شاء الله من طلبية المشروع للاسمده الازوتيه والتقاوى وباقى المستلزمات
وغدا ان شاء الله هنتكلم عن ضبط كمية التقاوى وكيفية ضبط السطاره ;dt

mesry
29-03-2008, 09:40 PM
شكراً اخى اسلام على المعلومات القيمة و فى انتظار باقى الموضوع
و نرجو منك التكرم بالتسجيل فى منتدانا بأسمك لأنه يشرفنا ان تكون معنا دائما

هيما
30-03-2008, 08:18 PM
موضوع رائع اخى الكريم
وشكرا لاهتمامك بهذا الموضوع الهام والحيوى والذى يمس شعوب العالم العربى جميعها
تقبل تحياتى

yasernor
30-03-2008, 11:34 PM
السلام عليكم اخوانى وشكرا على الردود الجميله
نكمل الموضوع باذن الله تعالى
المره دى هنتكلم عن كمية التقاوى وكيفية توزيع التقاوى على الرشاش المحورى
الارض الصحراويه ارض نقدر نقول عليها ارض قاسيه شويه بطبيعتها لذلك السبب الزراعه فى الاراضى الصحراويه تحتاج الى زياده فى معدلات التسميد وزياده فى معدلات التقاوى الازمه لكل قطعه زراعيه
والرشاش المحورى عباره عن اله تستخدم لتوزيع المياه على الارض الزراعيه والرشاش مكون من ابراج وممكن يكون توزيع المياه على الابراج غير ممتساوى ودا اكيدلان البراج الداخليه تعتبر دورتها سريعه شويه عن الابراج الخارجيه وبالتالى كمية المياه تزيد بالداخل عن الابراج الخارجيه وبالتالى هيكون معدل نمو القمح فى الابراج الداخليه افضل من الخارج ومعدل تفريع القمح بيكون اعلى فى الابراج الداخليه عن الخارجيه وداجربت طريقه ونفعت والحمد لله وتغلبت على المشكله دى هناك علاجين للمشكله دى
اولا زيادة كمية التقاوى فى الابراج الخارجيه عن الداخليه انا كان عندى الرشاشات 9ابراج شامله برج القاعده اوبرج الماكينه كما يقول البعض قمنا بزراعة الخمس ابراج الداخليه بمعدل تقاوى 180كجم للهكتار (الهكتار يساوى 2.38فدان)والثلاثة ابراج الخارجيه بمعدل 250كجم للهكتار ومش هتصدقونى لو قلتلكم ان كثافة القمح فى الابراج الداخليه برده كانت اعلى من الابراج الخارجيه
ملحوظه العيب ده مكنش عيب من مقاسات الرشاشات او البخاخات اللى فى الابراج احنا كنا مبرمجينها على الكمبيوتر وبالتالى اصبح عندنا فى الرشاش حوالى 40هكتار تزرع بمعدل تقاوى 180كجم و40هكتار اخرى تزرع بمعدل تقاوى 250كجم
الات الزراعه
المساحات الكبيره دى اكيد لازم نستعمل السطاره او البذاره كما يقال فى السعوديه
كان نوع السطارات عندى تيوم
ضبط السطاره انا هاقول طريقه بسيطه ومش محتاجه اى قوانين اوعمليات حسابيه
توجد انابيب زراعه اسفل السطاره عددهم تقريبا32 انبوبه تلسكوبيه ( مثل التلسكوب ) وكانت اعطالها كتيره جدا واتغلبنا عليها بفضل من الله ثم بجهودنا هنتكلم عليها بعدين
المهم الانابيب دى فى حاجز حديدى بيتحكم فى دخول القمح الى الانابيب وممكن من خلال الحاجز ده نمنع نزول التقاوى الى الانابيبوتنزل الحبوب اوالبذور فى الحاجز نفسه ودا اللى هنعمله واحنا بنظبط السطاره
هنبص فى جانب السطاره هنلاقى بكره فى الجنب عليها ارقام من 0الى 9 وهنلاقى قفل ليها مثبت فى جسم السطاره هنحل القفل ونبدا نظبط عدد الدورات واعمل حسابك هتبدا بالصفر من عند القفل ولما توصل القفل بالصفر كده هيكون لفه واحده
ابدا اختار بقى لفه اواتنين او تلاته
اخترت خلاص قيس عرض السطاره هتلاقيه 4 متر تبدا تقيس طول المسافه اللى هنختبرفيها وهى 25 متر ونمشى السطاره الى نهاية ال25 مترونشوف كمية التقاوى اللى احتجزها الحاجز كام مثلا لقيناها 1.8 كجم نضرب فى 100يدينا 180كجم ودى ظبطية الابراج الداخليه
ليه هنضرب *100لان مساحة الهكتار 10000متر واحنا عندنا عرض السطاره 4 *25متر طول =100اذا الكميه اللى احتجزها الحاجز فى ال100متر كانت 1.8 كجم اذا الهكتار فيه كام 100متر فيه 100اذا ال1.8 هنضربهم *100يديما الكميه الازمه للهكتار
بعض النقاط الواجب مراعاتها
يراعى فحص السطاره كل برج ونشوف الانابيب هل بها انسدادات ولا لا
ويراعى ايضا فحص خزانات السطاره ونشوف هل التقاوى انتهت فىها ولا لا
وفى مجموعات تروس فى كل سطاره يراعى ايضا فحصها وفحص وسائل نقل الحركه فى السطاره
الشغل دا مهم جدا
ان شاء الله نكمل يوم تانى ولو فيه اى استفسار او اى توضيح انا مستعد بس فى نهاية الموضوع الى ان ناتى الى الحصاد باذن الله واذااستفسار ضرورى داايميلى ممكن تراسلونى عليه islamelkelawy[at]yahoo.com وانا مستعد لاى استفسار على الايميل اثناء الموضوع ده
والتجربه دى انا باعرضها كتجربه عمليه ومفيهاش اى حاجه نظرى او اى معلومات املائيه
والسلام عليكم ورحمة الله وبركاته

yasernor
02-04-2008, 02:13 PM
بسم الله الرحمن الرحيم
نستكمل اخوانى زراعة القمح فى الاراضى الصحراويه تحت الرشاشات المحوريه
طبعا المشروع ده مشروع هام للقوميه العربيه وممكن من الحكومات دى انها تحقق الاكتفاء الذاتى من القمح وهاترك ليكم الحكم بعد انتهاء الموضوع
انا اقصد ان الحكومات دى تقدر توفر جميع المستلزمات الخاصه بالانتاج من رشاشات وماكينات وجميع المعدات لان دى الدوله او الدول اللى بتنشئ مش الافراد
التعليق ده عشان انا شفت وزير الزراعه المصرى بيتكلم عن الموضوع ده فى برنامج البيت بيتك عن المشكله دى بس البرنامج مش هينجح فى حلهابالطريقه اللى انا شفتها المشكله دى عايزه وقفه جاده واقعيه وليست حوارات ولقاءات تليفزيونيه
رغم ان انا شايفها مش صعبه للدرجه دى المشكله دى ممكن المجتمع نفسه يحلها بس ادينى الامكانيات وادعم الافراد وهما يتخلصوا من المشكله دى بانفسهم
المهم نكمل موضوع القمح
بعد الانتهاء من الزراعه نبدا بالرى نبدا بتشغيل الرشاشات المحوريه ولو المزرعه بها عددكبير من الرشاشات يراعى عدم تشغيلهم مره واحده وذلك لسهولة عمليات الخدمه للمحصول فيما بعد وتنظيم هذه العمليات
يتم تشغيل الرشاش ومش هاقدراحدد كام يوم يعمل الرشاش وده لان كل منطقه تختلف عن الاخرى فى الاحتياجات المائيه المهم احنا هنشغل الرشاش الى ان تمتلئ البذور وتبدا بالانبات ويكون رى غزير ثم نبدا بتخفيف المياه قليلا الى حين بداية ظهور النباتات ثم عند اكتمال التبيت يراعى الرى بحرص وممكن تشغيل لرشاش المحورى يوم ويوم
مع اكتمال الانبت واخضرار الارض باذن الله نبدا بالتسميد الازوتى وهاعملكم برنامج تسميد انا هاعرض الكميات كلها حاليا وبعدين المره القادمه هاعرضلكم البرامج كلها
الارض الصحراويه تحتاج نسب تسميد معتدله وخاصة اذا كانت الارض خصبه
والرشاش المحورى هيحتاج مننا الى 25طن سماد يوريا ناعمه سريعة الذوبان لانها هتنضاف بالسمادات ويحتاج 8 طن سماد يوريا محببه هنستخدمها بالنثر بنثارة السماد
لوحسبنا الكميه هنلاقيها بمعدل 2.7 شيكارة يوريا للفدان الواحدواعتقد ان ده اقل من ارض الدلتا
اوعدكم بتكملة الموضوع قريبا ان شاء الله

Citrus
03-04-2008, 11:20 AM
سلام عليكم
شكررررررررررررررررررا جزيل الشكر م / ياسر نور على تجربتك الشخصيى فى مجال زراعه القمح فى الاراض الصحراوية
حيث يقف عائقان غالبا هم ندرة الماء او ملوحة الارض وملوحة ماء الرى
بارك الله فيك واتمنى لك مزيد من التقدم بانتاجك وارجو ان تستمر فى موضوعك للاجابة على اسئلة مزارعى القمح لدينا
تحياتى
http://www.hawaaworld.com/up/get-4zejwvp4.gif

yasernor
04-04-2008, 06:28 PM
http://img140.imageshack.us/img140/2225/57905045zy5.jpg (http://img140.imageshack.us/img140/2225/57905045zy5.jpg)بسم الله الرحمن الرحيم
تكملة الموضوع نستكمل التسميد
عند اكتمال انبات جميع النباتات نبدا باضافة السماد الازوتى وهنتكلم عن الازوت فقط
بس فى نقطه مهمه عند اكتمال الانبات يراعى تصويم النباتات فتره من 5 الى 10ايام حسب حرارة منطقة الزراعه
وذلك لتكوين مجموع جذرى قوى للنباتات
بعد فترة التصويم دى بنبدا نضيف السماد الازوتى
اول شهر من عمر النبات نبدا نضيف 20شيكارة سماد فى كل دفعة تسميد وتكون المدة بين الدفعات 5ايام ويراعى عدم زيادة الكميه عن 20شيكاره حتى لا يحدث احتراق فى اوراق النبات بمعدل 5.5 كيلو يوريا للفدان ف الدفعه الواحده
لان النبات فى الفتره دى حساس جدا
عندما يكتمل عمر النبات 35 يوم يتم اضافة اليوريا المحببه (المخصوص) بمعدل 45كجم للفدان والداب (داى امونيوم فوسفات )بمعدل 65 كجم للفدان وتتم الاضافه باستعمال النثاره مع ضرورة اعطاء النباتات ريه غزيره جدا لتسهيل عملية الذوبان للاسمده دى
ويراعى ايضا ايقاف الرى بعدانتهاء التسميد لمدة لا تقل عن 12 ساعه ولاتزيد عن 24 ساعه لعدم غسيل الاسمده من الطبقه السطحيه
ثم بعد ذلك نبدا فى زيادة الكميه الى 32 شيكاره ويكون ده لمدة 5 دفعات بين الدفعه والاخرى 5 ايام ايضا بمعدل8.8 كجم للفدان فى الدفعه الواحده
ونعطى دفعتين تسميد غزيرتين يكون كل دفعه40شيكاره وبين الدفعه والاولى والثانيه 4 ايام فقط بمعدل 11.12كجم للفدان
ثم نقلل الكميات مره اخرى لنعود بها الى 20شيكاره فى الدفعه الواحده نضيف 8 دفعات من السماد بين الدفعه والاخرى 5 ايام ويراعى متابعة المشروع فاذا ظهرت اماكن تحتاج الى تسميد نقوم باضافة السمادليها وذلك عن طريق العماله
ملحوظه الاسمده كلها بنضيفها عن طريق مياه الرى وذلك باجهزة حقن السماد
وافضلهم نظام الحقن الفنشورى ويراعى تقليب السماد جيدا فى التوانك قبل عملية الحقن فى الرشاش المحورى ودا بيكون بالنسبه لسماد اليوريا والاسمده الذوابه والاسمده الورقيه والبوتاسيوم
اما سماد الداى امونيوم فوسفات او السوبر فوسفات فتضاف عن طريق النثاره وكذلك اليوريا المحببه او المخصوص اللى بستخدمها والنبات عمره 35 يوم
اى ملحوظه برجاء ابلاغى لعلى لم اوفق فى توضيح بعض البيانات واشكر كل من شارك باى رد على موضوع القمح

yasernor
10-04-2008, 01:33 PM
بسم الله الرحمن الرحيم
بالنسبه للاسمده الاخرى التى تتم اضافتهاللقمح اسمده ذوابه وتكون قسمين 1 اسمده 10-52-10

سماد البوتاسيوم وهو سماد ضرورى جدا للارض الصحراويه سلفات البوتاسيوم 60%او 48%
ويكون بمعدل 3.5كجم للفدان
والاسمده الذوابه تكون بمعدل 6.5 فى القسم الاول 10-52-10وكذلك فى القسم الثانى 3-75-0
ويجب عدم اهمال العناصر الصغرى وتكون بمعدل 1.5 للفدان
ملحوظه الاسمده الورقيه فى منها معلق وفى منها اسمده ذوابه والذوابه افضل من المعلق لانها بتوفر فى العماله
بنبدا فى اضافة الاسمده الورقيه عند عمر 30الى 45 يوم من عمر النبات
والسماد البوتاسى يتم تقسيمه على دفعتين اول دفعه عند عمر 70يوم والثانيه عند اكتمال ظهور السنابل كلها فى القمح ويفضل اضافة العناصر الصغرى فى نفس موعد السماد البوتاسى
الاسمده الذوابه والبوتاسى والعناصر الصغرى اذا صادف يوم تسميد يوريا تتم اضافتها مع اليوريا ولاتوجد اى مشكله من الخلط
كده انتهينا من التسميد كله باقى برامج الرش الحشرى والبرامج الفطريه نستكملها فى يوم تانى ان شاء الله
ارجو من يلاحظ شئ فى الموضوع او اى خلل فيه الابلاغ فورا
السلام عليكم ورحمة الله وبركاته 2اسمده تركيزها3-75-0

yasernor
18-04-2008, 07:31 PM
السلام عليكم ورحمة الله وبركاته
المبيدات الحشريه التى يتم استعمالها ومواعيد استعمال هذه المبيدات
يتعرض محصول القمح لعدة اصابات حشريه ومنها واهمها المن ثم ناخرات الاوراق ودبور الحنطه المنشارى وبعض الحشرات لايكون لها اى تاثير مباشر على القمح
تتم المكافحه باعطاء رشه وقائيه ويكون ذلك عند عمر 45 يوم من عمر النبات ويكون الرش بالدايمثويت او الملاثيون ويكون الرش بالرشاش عن طريق جهاز الحقن الفنشورى او اى جهاز اخر
اذا ظهرت اى اصابات بعد الرش يتم الرش فورا مع مراعاة تغيير المبيد
ثم عند عمر 80الى 85 يوم يتم الرش مره اخرى بمبيد اخر سيبر مثرين الاصناف دى مجربه وجابت نتايج جيده
ويكون الرش بمعدل 1 لتر مبيد لكل هكتار (2.38) فدان فى كلا الرشتين ويجب المتابعه الجيده عند فترة اطلاق السنابل لان دى اهم فتره فى عمر النبات وتكثر الاصابه فيها بحشرة المن مما يضر المحصول ضرر بالغ
ان شاء الله نستكمل المبيدات الفطريه فى مره اخرى

shereifsaber
18-04-2008, 08:48 PM
جزاكم الله خيرا

yasernor
19-04-2008, 12:52 PM
http://img382.imageshack.us/img382/4972/78955503hy5.jpghttp://f.zira3a.net/%5BURL=http://img382.imageshack.us/my.php?image=78955503hy5.jpg%5D%5BI MG%5Dhttp://img382.imageshack.us/img382/4972/78955503hy5.th.jpg%5B/IMG%5D%5B/URL%5Dبسم الله الرحمن لرحيم
الامراض الفطريه ومكافحتها فى القمح
يتعرض القمح الى بعض الامراض الفطريه وتذداد الاصابه بالامراض الفطريه فى نظام الرى بالرش وذلك لتوفر العوامل المساعده على انتشار الامراض الفطريه من ارتفاع نسبة الرطوبه وكذلك العوامل الجويه الصحراويه وارتفاع درجة الحراره
يصاب القمح بالامراض الاتيه التفحم -الفيوزاريوم -سبتوريا لفحة السنابل -الاصداء
ويجب الاهتمام بمكافحة هذه الامراض بل وقاية النبات من هذه الامراض
الرش الوقائى يبدا من عمر 40يوم للنباتويتم الرش بمبيد فطرى وقائى ويفضل ان تكون الماده الفعاله كاربندازيم او هكساكونازول وقمت انا بتجربة مبيد الكاربندازيم وتيلزول
الرش ده وقائى
اذا ظهرت اى اصابات لاقدر الله يتم الرش بمبيد جهازى فعال وقمت انا بتجربة مبيد ركس سوبر وكانت النتائج جيده واذا لم تظهر اصابات يتم الرش مره اخرى وقائيا عند عمر 80يوم بمبيد جهازى ايضا ويكون كده اتخلصنا باذن الله من الامراض الفطريه واتجنبناها تماما
اذا كانت هناك اماكن قد سبق وظهر فيها اصابات فى المواسم السابقه وخاصة مرض الذبول او الفيوزاريوم يجب الرش بعد زراعة البذور وبداية الانبات باحد المبيدات الجهازيه وذلك لتفادى اصابة البذور بالمرض وبالتالى تصعب المقاومه بعد ذلك والطريقه دى جربتها فى 180فدان اى رشاش بالكامل وزاد المحصول باذن الله تعالى ثلاثة اضعاف عن المواسم السابقه للرشاش انتهينا من البرامج الزراعيه الخاصه بالقمح باقى بعد النقاط الواجب مراعاتها والحصاد
انا مستعد للاجابه عن اى اسئله فى المنتدى وشكرا:showoff::grin:

yasernor
21-04-2008, 10:04 PM
بسم الله الرحمن الرحيم
النقاط الواجب مراعاتها فى زراعة القمح
تجنب الرى فى اثناء هبوب الرياح وذلك لتفادى الرقاد للمحصول وبالتالى تزيد نسبة الخساره جدا لان فى المساحات الكبيره يتم الحصاد بالات الحصاد والالات دى من الصعب جدا انها تحصد القمح اللى بيه رقاد (نوم)
لابد من تعطيش القمح فى نظم الرى بالرش فى اول عمر النبات عند عمر30الى 40 يوم
يتم ايقاف الرى قبل التسميد بيوم وبعد التسميد بيوموذلك لتفادى غسيل الاسمده من الطبقه السطحيه اللى بيها جذور النبات
الاهتمام بمكافحة الامراض الفطريه والحشريه قبل ظهورها لانها اذا ظهرت وانتشرت يصعب مكافحتها وخاصة الامراض الفطريه لانها بتنتشر سريعا فى الرى بالرش
متابعة النبات يوميا وتكون المتابعه جيده ويفضل ان تشمل اكبر قدر ممكن من المشروع بانظر مباشرة
متابعة توزيع المياه على مدار الموسم فى كافة ابراج الرشاش المحورى وخاصة الابراج الخارجيه وممكن نعرف الابراج اللى كمية المياه بها قليله عن طريق تقزم النباتات وعند ظهور السنابل نلاحظ الاماكن التى تكون كمية المياه بها قليله تسرع فى ظهور السنابل للمحافظه على النوع
المحافظه على نظافة الارض من الحشائش وخاصة الزمير وديل القط والفجل البرى منتشر جدا فى الزراعات الصحراويه وايضا حشيشة الهيبان والبرومس والشوفان لانها بتسبب نقص شديد فى المحصول
عدم زيادة كمية المياه عن الازم فى نهاية عمر النبات وذلك لتلافى الرقاد ويحدث اعفان ف ىالجذور وايضا تزيد الامراض الفطريه
انا هتكلم المره القادمه عن عملية الحصاد ان شاء الله والاشياء الواجب اتباعها اثناء فترة الحصاد

yasernor
24-04-2008, 07:41 PM
http://img93.imageshack.us/img93/8158/fieldharvestingopxa1.jpg:showoff:بس م الله الرحمن الرحيم
تعتبر فترة الحصاد من اهم الفترات الواجب الاهتمام بها جيدا يتم حصاد القمح ف الاراضى الصحراويه او المساحات الكبيره بالات الحصاد الذاتيه يعنى تقوم الحصاده بالضم والدراس والتذريه وكل شئ
علامات نضج القمح تغير اللون وتحوله للون الاصفر وكذلك السيقان
وهناك بعض العلامات الاخرى وهى تقوس السنابل ويتم التعرف على وصول المحصول لمرحله يمكن الحصاد خلالها عند تقوس نسبة مالايقل عن 80%من السنابل
ايضا يجب عدم الانتظار كثيرا عند النضج وذلك لتلافى زيادة نسبة الفرط فى القمح وبالتالى خساره كبيره ف المحصول
تختلف الحصاده عن ماكينات الدراس العاديه من حيث الميكانيكيه
الحصاده تعمل على نظام درافيل يتم ن خلالها الضغط على السنابل وبالتالى يتم مايسمى بسرت السنابل
اما الماكينه العاديه فتعمل على نظام سكاكين تقوم بتقطيع اجزاء القمح ةكذلك السنابل
يتم الحاد فى اى وقت من اليوم ويفضل ان يتكون من الساعه التاسعه صباحا او عند تبخر نسبة الرطوبه من على النباتات وهناك امور فنيه يجب عملها من المهندس المختص
عند بداية الحصادتتم مراعاة عدة امور اولها يتم فحص الة الحصاد جيدا والتاكد من خلوها من اى كسور او شروخ فى الاجزاء المتحركه فيها ومن خزانات القمح التى يتم تخزين المحصول بها
يتم ضبط نسبة ضغط الهواء وكذلك يتم ضبط فتحات الغرابيل وضبط مقاساتها جيدا
يتم التاكد من واجهة الحصاده والتاكد من وجود جميع شفرات الحصاده التى تقوم بتقطيع المحصول
يتم التاكد من جميع الرولمانات فى الاجزاء المتحركه ف الحصاده والتاكد من سلامتهاجميعاوذلك لتفادى اى حريق لاقدر الله من الاحتكاك
هذا كله قبل العمل
اما بعد بدء عملية الحصاد
يتم معاينة خزانات القمح والتاكد من نظافة القمح جيدا
يتم التاكد من خلو التبن من الحبوب والتاكد من تمام فرط السنابل جيدا
تختلف انواع الحصادات ومنها حصادات نيوهولاند وحصادات كيسى انتر ناشيونال وحصادات جون دير وحصادات كلاس وحسب تجربتى مع الكيسى والنيوهولاند فالكيسى افضل بكثير فى الاراضى الموبؤه بالحشائش والنيوهولاند افضل فى الاراضى النظيفه
كده انتهينا تماما من موضوع القمح الى الحصاد باذن الله تعالى هاعمل موضوع عن الرشاشات المحوريه وعن صيانتها وعن انواعها وعنالمحاصيل التى تجود زراعتها تحت الرشاش المحورى http://img368.imageshack.us/img368/3831/152342296xejwlhthgs7.jpghttp://img296.imageshack.us/img296/9479/2421075393671a0a76a2gw4.jpg:grin:

LOUGMIRI
02-05-2008, 01:35 PM
شكرا
على الاسهاب في الشرح

yasernor
02-05-2008, 06:42 PM
شكرا اخى الكريم على مرورك

osamaet
18-05-2008, 10:43 AM
جميل جدا بل رائع امال فين الصعوبة طالما عندنا شباب مثللك اكيد فية امل ربنا يبارك للك

yasernor
18-05-2008, 10:41 PM
شكرا اخى الكريم على مرورك وبلدنا مليانه بمن هم اكفأمنى أيضا

محمداحمد
26-05-2008, 12:14 AM
د.محمد عبادي في المؤ
أن يد الحكومة وحدها لا تكفى لحل أزمة رغيف العيش وان أزمة الغذاء العالمية تتطلب عقد لقاءات عاجلة بين القيادات والعلماء والمنتجين لوضع حلول سريعة لإنقاذ العالم من مجاعة محتملة في استمرار ندرة المياه وارتفاع الأسعار واستغلال الحبوب في أنتاج مصادر الطاقة .

ويقول د / عبادي أن مصر الآن مطالبة بزراعة حوالي 20 مليون فدان سنويا لسد احتياجاتها من الغذاء والوفاء بالحصص التموينية وان كمية المياه المتوفرة في مصر لا تسمح إلا بزراعة 11 مليون فدان فقط. وان المخرج الوحيد في مصر للتغلب على الأزمة هو التعامل مع التقنيات الحديثة في استنباط أصناف جديدة من البذور تضمن مضاعفة إنتاجية الفدان بجانب تعديل أساليب الري للحفاظ على المياه كما أن لوزارة الزراعة دورا هاما في تحديد الدورات الزراعية ونظام تعاقب المحصول على المستوى العام والخاص وتحديد الزراعات المطلوبة من المحاصيل الزراعية وخاصة الحبوب بدلا من الزراعات التقليدية ( مثل لب القذقذة ) وفى ظل أزمة الحبوب يجرم كل من يخالف هذه الدورة الزراعية وذلك لا يجاد حلول لازمة رغيف العيش فيجب على وزارة الزراعة أن تعقد لقاءات دورية مع المزارعين لترشيد استخدام الأرض والمياه ووعى المزارعين ليتعاملوا مع الأزمة بأفكار متطورة ورفع إنتاجية وحدة المساحة وضمن مقترحات د/عبادي يقول ويؤكد على إخلاء ارض الدلتا من الزراعات التقليدية ونقلها الى الاراضى الصحراوية واستبدال هذه الاراضى بزراعة المحاصيل الاستيراتيجية مساهمتا فى حل أزمة الحبوب

yasernor
27-05-2008, 01:17 PM
انا مازلت ارى ان حل مشكلة القمح مازال فى ايدينا بس محتاج مننا وقفه حاسمه من كل الاطراف التى تحب هذاالبلد والحلول كثيره والخبرات فى مصر لا حصر لها والارض متوفره والمياه متوفره ايضا ان اسمع ان منطقة الواحات بمفردها بها مياه 50الف مليار متر مكعب من المياه الجوفيه

yasernor
27-05-2008, 01:18 PM
وشكرا ليك يادكتورمحمد على مورك الكريم فى موضوعنا القومى واتمنى منك المزيد من المشاركات فى الموضوع ده

أشرف الشفقى
27-05-2008, 07:31 PM
فى رأيك يا بشمهمدس، هل زراعة القمح زراعة عضوية ضرب من الخيال؟ (بسبب ارتفاع التكلفة الناتجة عن انخفاض الإنتاجية).

yasernor
27-05-2008, 08:32 PM
اخى الكريم انا مش فاهم قصدك من السؤال ولكن اللى اقدر اقوله انى مفيش شئ مستحيل والزراعه العضويه افضل شئ بس ليها تكلفتها الخاصه ومفيش امكانيات ليها فى مصر حاليا تغطى المساحات اللى احنا محتاجينهاوارجو منك التوضيح اكتر

أشرف الشفقى
27-05-2008, 09:43 PM
أعتقد أنك رديت على السؤال بالفعل.

سؤالى هو هل يمكن أن نقوم فى مصر بزراعة القمح زراعة عضوية لكى يكون آمن تماماً على صحة البشر والحيوان والأرض، أم أن ذلك سوف يكون رفاهية زائدة لا نقدر عليها ويرفع من سعر القمح بشكل يزيد من الأزمة الحالية فى أسعاره.

سيكم أحد الشركات القلائل فى مصر التى تزرع بعض الأشياء زراعة عضوية، ولكن منتجاتها للتصدير وتستهدف فئة معينة فى مصر بسبب ارتفاع ثمن منتجاتها نتيجة استخدامها طرق الزراعة العضوية.

yasernor
28-05-2008, 12:06 AM
اشكرك اخى الكريم على اهتمامك بالموضوع ده واتمنى منك المزيد من المداخلات فى هذاالموضوع القومى احنا محتاجين نجمع اكبر قدر من المعلومات حول هذا الموضوع وياريت اللى عنده اى اقتراح او فكره فى هذا المجال لايبخل بها عنا

أشرف الشفقى
28-05-2008, 12:34 AM
بس مكان الزراعة ده كان فين، يعنى فى النوبارية ولا الصالحية ولا فين؟

هيثم عماد الدين
28-05-2008, 04:18 AM
الأسلأم عليكم الأخ العزيز ياسر ، نتمنا لكم المزيد من التوفيق ، ونشكرك علي المعلومات الشخصية العملية ، ويشرفني ان يكون لي صديق باحث في زراعة القمح ورفع انتاجية الفدان من القمح في القربي العاجل باذن الله ، اما عن مشكة القمح في مصر العشوائية ففي الحقيقة مصر مظلومة والقمح مفروض، مصر لأتحتاج الحكومة مصر تحتاج الي مجاعة لكي تتخاص من الجشع والنفوز ويظهر حين اذن شباب مصر لينتجو 40 اردب /الفدان مثل الأرجنتين . اشكرك اخي العزيز علي احساسك بمشكلت العرب ( القمح )
م/ هيثم عماد الدين
haitham_emadeldin[at]hotmail.com

yasernor
28-05-2008, 12:09 PM
مكان الزراعه كان فى المملكه العربيه السعوديه فى المنطقه الشماليه الجوف طبرجل بسيطا واعتقد ان احنا عندنا وفره عنهم فى كل شئ عماله واداريين كفاءات ومياه وتربه خصبه وكل شئ

yasernor
28-05-2008, 12:11 PM
اشكرك اخى هيثم على مرورك الكريم فى موضوعنا ولى طلب عند كل من يرى هذا الموضوع الايترك الموضوع دون ان يضيف عليه اى معلومه او فكره او اقتراح لديه

yasernor
25-06-2008, 11:31 AM
http://f.zira3a.net/showthread.php?t=6558موضوع الرشاشات المحوريه

على حسانين
26-06-2008, 08:32 AM
موضوع جميل جداااااا يبشمهندس بس عاوز اعرف بعد القمح بيزرع ايه تحت الرشاش فى الصيف وعلى فكره انا عندى 300 فدان على صحراوى اسيوط وعاوز ازرعهم بالرشاش بس عاوز اعرف تكلفتهم لو هزرع منهم 150 فدان ولك جزيل الشكر

yasernor
26-06-2008, 10:12 AM
بعد القمح مممكن نزرع ذره شاميه او ذره اعلاف رودس وسورجم او ممكن نزرع بطيخ الزراعات متنوعه جدا تحت الرشاش المحورى
وتكلفة ال150فدان انت تحتاج لرشاش عدد 8 ابراج وتكون مساحته 120فدان او تزرع رشاش 9ابراج وتكون مساحته 180فدان سعر الرشاش ال120فدان جديد تقريبا 400الف جنيه ومستعمل فى حدود200الى 250الف جنيه وممكن تستورده من امريكا وبيكون اوفر بكتير ويوصل سعره مستعمل الى 150الف جنيه شامل الشحن لحد اى ميناء فى مصرراسلنى على الايميل ده islamelkelawy[at]yahoo.com

yasernor
26-06-2008, 08:05 PM
للاتصال مع الاخوه او لاى استفسار تليفونى رقمه0020166566351
او الاتصال عن طريق الايميل islamelkelawy[at]yahoo.com

yasernor
05-07-2008, 02:28 PM
الموضوع القادم ان شاء الله عن زراعة محصول البطاطس وجميع عمليات الخدمه من الزراعه الى الحصاد

m_motlak
09-07-2008, 08:01 PM
السلام عليكم

ياريت تدينا معلومات اكتر
التكاليف الكلية لبيفت واحد والمعدات والمكن اللازمة لبيفت واحد
وطبعا كمية الوقود لان البيفت شغال بالكهربا
والعائد

وشكرا

yasernor
10-07-2008, 12:13 AM
http://groups.google.com/group/z_sahra
مجموعة زراعة الصحراء ادعوكم للانضمام

هانى احمد
10-07-2008, 11:39 AM
شكرا اخى على هاذا الموضوع

yasernor
13-07-2008, 07:34 PM
التكاليف الكليه لبيفوت واحد تختلف لو هتشترى من مصر او هتستورد من الخارج والاستيراد ارخص بكتير من الشراء من مصر راسلنى على الايميل

abtheep
13-07-2008, 08:07 PM
لقد قرأت الموضوع , وأعجبتنى الفكرة .

وأعتقد أنه في مصر مساحات شاسعة للزراعة وياليت تستغل هذه المساحة
وبيني وبينك فكرت كذا مرة بأن أعمل مشروع في مصر ...
(ذيبب)

أشرف الشفقى
14-07-2008, 12:39 PM
حبيبى، مش حكاية مساحات شاسعة للزراعة، ما هيه المساحات الشاسعة إلى بتقول عليها ده مزروعة فعلاً بس بحاجات تانية، لو زرعناها قمح حنمنع زراعة الحاجات التانية ده.

لو عاوز مساحات شاسعة فعلاً روح على السودان، هناك مش بسه مساحات شاسعة ده كمان رى سهل (اسمه رى انسيابى) وتربة خصبة وأسعار رخيصة جداً ومساعات شاسعة للغاية، يعنى 70 مليون فدان يمكن زراعتها بدون أى مجهود! فعليك وعلى السودان أفضل لو عاوز المساحات الشاسعة يعنى.

م/ فوفو
17-07-2008, 01:10 PM
موضع جميل جدا

ومادة علمية غنية

وعرض شيق

تقبل تحياتى

yasernor
17-07-2008, 08:23 PM
عفوا اخوانى اعتقد انى نسيت شئ مهم وهو مكافحة الحشائش اذا ظهرت فى القمح هناك انواع عديده من الحشائش ولكنها تختلف من منطقه الى اخرى ففى مصر تظهر حشيشة الزمير والسلق وديل القط والعديد من الحشائش مكافحة الزمير تكون بالرش بمبيد توبيك والحشائش عريضة الاوراق بمبيد جرانستار وديل القط بالتوبيك او بالبوما سوبر
الحشائش فى المملكه العربيه السعوديه منها الهيبان والشوفان والبرومس والفجل البرى
الفجل البرى مكافحته تكون بالجرانستار
اما الشوفان والبرومس تكون بمبيد اتربيوت
الهيبان هناك العديد من المبيدات له مثل الفارس والهوسار وشاهين
وهناك مبيدات يتم استعمالها بعد الزراعه وقبل الانبات مثل الفنجس وله نتيجه جيده جدا

alyhaby
02-08-2008, 11:23 AM
الموضوع جميل
والردود جميلة
وماشاء الله لا قوة الا بالله

yasernor
14-08-2008, 11:38 PM
الاخوه فى المنتدى انا مستعد لعمل اى دراسة جدوى للاراضى الصحراويه ولجميع المزروعات التى تزرع فيها
وتليفونى 0020166566351
islamelkelawy[at]yahoo.com (http://f.zira3a.net/islamelkelawy[at]yahoo.com)

abbo
16-08-2008, 05:50 PM
السلام عليكم اهنئك علي الموضوع وحقيقه القمح مهم جدا لغذاء الشعوب وادعو المستثمر الذي يريد الاستثمار في السودان الا يتأخر فهناك هجمه استثماريه علي السودان وخصوصا المناطق الزراعية التي تجود بالقمح في الشمال وهناك سد مروي الذي ينتظر افتتاحه في 2009 والذي سيروي مساحات شاسعه من الولاية الشمالية وهي الولاية الاولي في انتاج القمح محليا

abbo
16-08-2008, 05:58 PM
رغم ان الواحد يتألم انو الشركات السودانية تغض الطرف عن الاستثمار في هذا المجال الا ان النمو الحاصل في الاقتصاد السوداني يجعلنا نعيش علي أمل ان يتم النهوض بهذا المجال في السودان قريبا ان شاء الله

yasernor
16-08-2008, 09:49 PM
الاستثمار فى المجال الزراعى اصبح فى الفتره الحاليه هو وجهة ومحل نظر كل مستثمر وانا تابعت عدة مشاريع تحت الانشاء فى السودان وفى مصر وحاليا اعمل فى مشروع فى وادى النطرون تحت الانشاء ونامل تحقيق فائده منه للوطن العربى جميعا وليس لمصر فقط وان شاء الله هاعرض افكار المشروع وطموحاتنا منه فى القريب العاجل وان انصح اى مستثمر بالدخول فى المجال الزراعى لانه فى وجهة نظرى هو الاستثمار الامن والناجح على المدى البعيد والقريب ان شاء الله
ولكن الدور حاليا على الدول فى اعادة تنظيم وتخطيط للصحراء وكان من المفروض ان يتم وضع الخطط سابقا قبل انشاء اية مشاريع دور الدول فقط ارى انه يكمن فى توفير ولو على الاقل طرق فى الصحراء وامن للاستثمار
اما عندكم اخى فى السودان فايضا هناك اعاقات من الحكومه لبعض المستثمرين وعدم قبول لبعض شروط المستثمرين وهذا حدث امامى بالفعل ومع مستثمرين اعرفهم شخصيا اتمنى من الدول العربيه تسهيل عمل المستثمرين حتى ننهض بانفسنا

تاتاي1
16-08-2008, 11:51 PM
موضوع مميز ولكن السودان محتاج الى الدعم اللوجستي للمشاريع الزراعيه الكبيرة ومشاكل الحصار الاقتصادي من الدولة المتحكمة بالعالم وكذلك توفر الكهرباء لتشغيل المكائن ونظام الري المحوري والتي لو استخدمنا مولدات الكهرباء تكون التكلفة عالية.
انت لا تتحدث استثمار مليون او مليونبن ان تتحدث عن رؤوس اموال اكبر من ذلك لهذا النوع من الزراعة الحقلية لتكون ذات جدوى تجارية .والموضوع يطول
تقبلوا ودي

abbo
17-08-2008, 03:08 PM
انا لا اريد ان اسوق للمستثمر ولكن الحق يقال ان القانون الاستثماري في السودان وذلك حسب الخبراء من اكثر القوانين تساهلا في المنطقة ومشكله الكهرباء اخي اسألني عنها في منتصف 2009 وهي محلولة انشاء الله بعد اكتمال سد مروي الذي ينتج 1250 ميقاواط حسب ماهو مخطط ونسأل الله التوفيق للجميع

yasernor
18-08-2008, 03:42 PM
الى اى مستثمر يريد زراعة القمح فى هذا العام عليه بانهاء جميع مستلزماته لان الموسم على وشك الاقتراب لانه تبدا عمليات خدمة الارض لمحصول القمح فى المزارع الكبيره او المساحات الكبيره من اكتوبر

أشرف الشفقى
19-08-2008, 02:56 PM
تاتاى، ولماذا الرى المحورى فى السودان؟ السودان ليست صحراء حتى نستخدم الرى المحورى. فى السودان، يمكن استخدام الرى الإنسيابى بكل سهولة على أكثر من 70 مليون فدان هناك! فالمياه متوافرة بغزارة ولله الحمد ناهيك عن التربة شديدة الصخوبة ودرجة الحرارة الملائمة.

yasernor
19-08-2008, 03:05 PM
الرى المحورى ليس بالضروره ان نستخدمه فى الاراضى الصحراويه الرى المحورى نظم رى حديث اول هدف منه استغلال اقل قدر من المياه لزراعة اكبر قدر من المساحه دى وجهة نظرى الشخصيه فى هذا النظام من الرى المحورى
وايضا هذا النظام هو الافضل والاوفر لاى مستثمر او حتى المزارع العادى ولا اقصد بالعادى صاحب فدان او اتنين ولكن لو مزارع يبدا برشاش محورى واحد ويزرع به مايشاء من الارض وهو نظام متوافق مع الكثير من المناطق وهو الاتجاه الحالى فى كافة المشاريع الزراعيه الكبرى وهل تقصد بالرى الانسيابى الرى بالغمر

تاتاي1
19-08-2008, 10:45 PM
السلام عليكم اخي اشرف النجاح في اي عمل في العاالم والحصول على اعلى العوائد منه ان يكون عمل مرتبط بخطة عمل ومدة زمن وهذه الامور مطلوبة في الزراعة حيث ضبط عمليات الري وكذلك التسميد والمبيدات من خلال هذه المنظومة الالية للري فلذلك نظام الري المحوري ممتاز ولكن مشكلته في سعره العالي جدا.وتقبل ودي
ملاحظة: الاخ ياسر نور وضح وجهة نظري في موضوع الري المحوري

yasernor
19-08-2008, 10:59 PM
الحمد لله ان وجهة النظر واحده بينا وبين بعض اتمنى المزيد من المشاركات فى الموضوع ده

lovebird
20-08-2008, 09:47 AM
للاسف الحكومه ليس عندها هدف الاكتفاء الذاتى من زراعة القمح والدليل ان غالبية المنتجعات الصحراوية كان تخصيص زراعى وتحولت كلها الى منتجعات للكبار
وياريت الحكومة تتعلم من تجربة بوركينافاسو فى تحقيق الاكتفاء الذاتى من القمح
هناك اناس من مصلحتهم استيراد كل شئ

yasernor
20-08-2008, 02:17 PM
والله ياجماعه انا قابلت مستثمرين هنا فى مصر وكان هدفهم الشغل فعلا بس بعد ماوصلوا هنا وسمعوا اللى بتقال عن الاستثمار هنا رفضوا رغم ان الامور فى مصر مش سيئه للدرجه دى بس اول شئ كان بيدوروا عليه المواصلات والطرق المتاحه للاراضى الصحراويه يعنى انا شفت منطقه اسمها غرد الحنيشات فيها مساحة اراضى كبيره جدا بس بعد الناس مازرعو الجيش قال الارض دى بتاعتى والنتيجه كانت هدم البيوت وردم الابار وتقليع الزرع يعنى خراب وحل على المنطقه كان فى اليوم ده مستثمر جى شاف المنظر رفض يزور الارض ورجع على المطار فورا

yasernor
04-09-2008, 06:56 PM
تاتاى، ولماذا الرى المحورى فى السودان؟ السودان ليست صحراء حتى نستخدم الرى المحورى. فى السودان، يمكن استخدام الرى الإنسيابى بكل سهولة على أكثر من 70 مليون فدان هناك! فالمياه متوافرة بغزارة ولله الحمد ناهيك عن التربة شديدة الصخوبة ودرجة الحرارة الملائمة.
اظن اخى اشرف ان الاتجاهات حاليا للحفاظ على المياه اكتر لاننا بحاجه شديده اليها بس الرى الانسيابى تكلفته بسيطه بس لو حسبنا كمية المياه المهدره تلاقى ان تكلفته مرتفعه جدا جدا

عبد الله شعبان
05-09-2008, 10:56 AM
السلام عليكم ورحمة الله وبركاته مشكورين اخوانى الافاضل وبارك الله فيكم ولاكن اطلب من حضراتكم بعض المعلومات الاتيه اولاا انا اشتريت 10 افدنه صحراويه وعملت بها بير والمياه حلوه جدا ولله الحمد ولاكن اريد ان ازرع هذه المساحه قمح وسيكون الرى انشاء الله غمر لان نسبة المياه كثيره فارجو من حضرتكم ان تدلونى على الطريقه الصح فى كيفية زراعة هذه المساحه وجزاكم الله خير

yasernor
05-09-2008, 02:55 PM
اخى الكريم
اول شئ يتم عمله من اجل الرى بالغمر هو تسوية الارض ولابد من ان تكون التسويه دقيقه ويفضل عمل تسويه بالليزر ثم يتم رى الارض اولا وغمرها بالمياه جيدا هذه الطريقه لارضك الصحراويه فقط وذلك لغسيل الاملاح من الطبقه السطحيه وتكون هذه الريه فى منتصف اكتوبر ويتم حرث الارض بعدها مرتين مره بالمحراث الحفار ومره بالديسك ثم التزحيف ثم اضافة سماد السوبر فوسفات والديسك مره اخرى ثم تزحيف مره ثانيه ثم الزراعه ولابد من تقسيم الارض الى قطع فى الرى ولتكن كل قطعه 5افدنه ويتم تقسيمها الى قطع صغيره وتكون كل قطعه فى حدود نصف فدان وذلك لتسهيل عملية الرى

عبد الله شعبان
06-09-2008, 09:36 AM
السلام عليكم ورحمة الله وبركاته اخى الكريم الفاضل مهندس اسلام الكيلاوى بارك الله فيك وجزاك الف الف خير على ردك على رسالتى ونفع الله بعلمك البلاد والعباد وكل عام وحضرتك بالف صحه وخير وعافيه

yasernor
10-09-2008, 11:05 PM
شكرا ليك اخى الكريم وانا مستعد لمساعدتك فى اى شئ واى استفسار عندك اتصل بيا على الفور
تليفونى 0020166566351
والايميل islamelkelawy[at]yahoo.com

علوان المصري
18-09-2008, 05:25 AM
اؤيد اخي ياسر نور ان الرش المحوري يوفر في المياه وهي ثروة ثمينة ومفقودة في وطننا العربي الصحراوي القاحل .
فاذا كان في السودان وفرة مياه فعلينا ان يكثف الزراعة فيها لا ان نهدرها بالري السيحي .
بعد السودان هناك مؤشرات الى العراق الان حيث وزارة الزراعة هناك تعطي المرشات وجميع المعدات لاي مستثمر بعشر قيمتها الحقيقية وبالتقسيط على اربعة مواسم . مع توفر مياه جوفية بكميات كبيرة ووجود صحاري كبيرة .
المشكلة الان امنية ولكنها يبدو انها في طريقها للانقشاع .

أليس بدل الارهاب علينا ان نزرع ارضنا لنأكل القمح بدل ان نستورده من امريكا وكندا واستراليا ؟ من يريد أن يتخلص من امريكا عليه ان يزرع بدل ان يفجر نفسه الى جهنم ويقتل المسلمين الابرياء كما يحدث في الموصل وتكريت والرمادي وغيرها . فاذا زرعنا صحرائنا فقد تخلصنا من هيمنة امريكا وغيرها.
هل يعلم شبابنا العربي ان مصر الفرعونية كانت شبة سيدة في البحر المتوسط لأنها تصدر الحبوب الى اوربا وتجني بدله الذهب الذي ملئت به خزائنها .

عبد الله شعبان
18-09-2008, 09:58 AM
مشكورين اخوانى على المعلومات العظيمه وجزاكم الله خير الجزاء

mohammed123
22-09-2008, 02:05 PM
الموضوع فى غاية الاهمية بالنسبة لناكمناطق جافة
شكرا جزيلا على هذا المجهود المضنى

yasernor
24-09-2008, 12:25 AM
شكرا اخى محمد على مرورك الكريم على موضوع القمح الهام الاستراتيجى لكل دول العالم

yasernor
31-10-2008, 09:48 AM
اخوانى بالمنتدى بدا موسم زراعة القمح بالفعل فى مصر
ويبدا حاليا الاعداد للزراعه فى المملكه العربيه السعوديه وهناك مناطق تزرع حاليا بالمملكه ايضا

اليتيم
31-10-2008, 02:33 PM
هل يمكن زراعة القمح بمياه مالحة وفي منطقة بحرية جدة مثلا

خالد ابوعيسى
13-11-2008, 11:05 PM
السلام عليكم الاستاز المهندس اسلام بعد التحية والسؤال عن صحتك جميل جدا هذا الموضوع البناء وانت قد برعت فية وابدعت ياسلام لوكان معايا مايكفى عمل هذة المزرعة لعملتها والله بجد اكرمك الله
مهندس اسلام :thanks:

اخيك ابوعيسى

خالد ابوعيسى
13-11-2008, 11:33 PM
السلام عليكم الامل فى الله اكتر والموضوع ممكن مع التعاون باى وضح كان موضوع ممتاز ا مهندس اسلام استاز اسلام موضوعك ممتازة وخطيرة وووووووووو ريت حدا من المسؤالين فى الدولة يقرأ هذة الموضوعات ويكون بحب شعبة اوحتى اهلة المهم بلاش شحاتة من امريكا والمعونة ووووووووووو
ولا بلاش موضوع ممتاز مهندس اسلام ابو عيسى

خالد ابوعيسى
13-11-2008, 11:41 PM
الاخوه فى المنتدى انا مستعد لعمل اى دراسة جدوى للاراضى الصحراويه ولجميع المزروعات التى تزرع فيها
وتليفونى 0020166566351
islamelkelawy (http://f.zira3a.net/islamelkelawy)[at]yahoo.com
فعلا الرجل دة على خلق وعلم انسان صريح متعاون عن تجربة
ابو عيسى

yasernor
14-11-2008, 09:00 AM
والله يااخ خالد الكلام بخصوص الاكتفاء الذاتي من المنتجات الزراعيه اصعب من التطبيق ويمكن دى اول مره تسمع الكلمه دي ان الكلام اصعب لكن دي الحقيقه وانت شايف الناس نفسها تعمل ايه وحضرتك واحد من الناس دي اللي عايزين يشتغلوا وينتجوا لبلدهم وللعالم كله
واحنا عندنا الارض والمياه بس كيف نستغلها هنا تكمن المشكله كيف نساعد الشباب علي الزراعه كيف ندعم المستثمرين الذين يريدون العمل فى المجال الزراعي
اكيد المشكله مش فينا احنا المشكله فى القيادات الزراعيه فى مصر
ومش فى قيادات الدوله كمان
نحن نريد عمل دعوه للمسؤولين من أجل تسهيل اجراءات الزراعه فى مصر

yasernor
14-11-2008, 09:04 AM
فعلا الرجل دة على خلق وعلم انسان صريح متعاون عن تجربة
ابو عيسى
اشكرك اخى خالد على هذه الكلمات الجميله
http://vb.arabseyes.com/uploaded/36207_1179154361.gif

خالد ابوعيسى
30-11-2008, 11:24 PM
السلام عليكم دة امل نتمنا تحقيقة على ارض الواقع لنا ولك وللمسلمين جميعا خالد ابو عيسى مصتصلح جديد

بنت المدينة
13-01-2009, 09:50 PM
يأهل طلبي منكم مرض التبقع العيني الحادة في القمح
سسسسسسسسساعدون ابغى جدا ضرورررررررر

اكلاوي
02-02-2009, 05:00 PM
بالنسبة الي تسميد القمح يلاحظ بانه وفي الاراضي الخصبة اوبلغة اخري الاراضي الزرقاء او السمراء يتم التركيز من قبل اصحابها علي الاسمدؤة الازوتية في حسن فاحتياجات النباتات تتفاوت منها وعليه فلن مد ها مثلا وخلال مرحلة طرد السنابل وتكوين البذور بالبوتاسيوم باختلاف صور توافره سوف تساعد علي زيادة الانتاج كما ونوعا ولقد تواجدت انواع منه بطيه الذوبان ومحببه كما ان اضافته الي اراضي الاستصلاح وفي نفس العمر من المحصول تودي الي نتائج رائعه وتتوفر الان تلك الاسمدة التي تحوي عناصر الاساسيه (NPK)وتدعي بالفريمكس وهي بطيئة الذوبان ايضا

msamas
03-02-2009, 10:33 PM
يااخى بارك الله فيك
طريقة الزراعه اللى انت شرحتها والمعاملات دى لا يمكن القيام بها فى مصر من رش حشائش وفطريات ورش حشرى
لايمكن تنفيذ هذه العمليات لانها تؤدى الى خساره ماليه فادحه
ولا يستطيع عمل هذه العمليات الا الدوله
لى طلب عندك لو سمحت ممكن تشرح مراحل نمو القمح وفسيولوجيا القمح
بارك الله فيك

ALI_ABDUALAZEEZ
14-02-2009, 05:52 PM
كفيت ووفيت يا اخ اسلام وبارك الله فيك ...
على فكره بما انه اسمك اسلام واخوك ياسر وانت كنت تستخدم اسم اخوك بلغ الاداره بتغيير اسمك يمكن يستطيعون يساعدوك
جزيل الشكر لما قدمت

ALI_ABDUALAZEEZ
14-02-2009, 08:31 PM
اؤيد اخي ياسر نور ان الرش المحوري يوفر في المياه وهي ثروة ثمينة ومفقودة في وطننا العربي الصحراوي القاحل .
فاذا كان في السودان وفرة مياه فعلينا ان يكثف الزراعة فيها لا ان نهدرها بالري السيحي .
بعد السودان هناك مؤشرات الى العراق الان حيث وزارة الزراعة هناك تعطي المرشات وجميع المعدات لاي مستثمر بعشر قيمتها الحقيقية وبالتقسيط على اربعة مواسم . مع توفر مياه جوفية بكميات كبيرة ووجود صحاري كبيرة .
المشكلة الان امنية ولكنها يبدو انها في طريقها للانقشاع .

أليس بدل الارهاب علينا ان نزرع ارضنا لنأكل القمح بدل ان نستورده من امريكا وكندا واستراليا ؟ من يريد أن يتخلص من امريكا عليه ان يزرع بدل ان يفجر نفسه الى جهنم ويقتل المسلمين الابرياء كما يحدث في الموصل وتكريت والرمادي وغيرها . فاذا زرعنا صحرائنا فقد تخلصنا من هيمنة امريكا وغيرها.
هل يعلم شبابنا العربي ان مصر الفرعونية كانت شبة سيدة في البحر المتوسط لأنها تصدر الحبوب الى اوربا وتجني بدله الذهب الذي ملئت به خزائنها .

ما احلى تفكيرك ...
سنعود اسياد العالم لو فكرنا بهذه الطريقه

yasernor
03-03-2009, 01:07 PM
يااخى بارك الله فيك
طريقة الزراعه اللى انت شرحتها والمعاملات دى لا يمكن القيام بها فى مصر من رش حشائش وفطريات ورش حشرى
لايمكن تنفيذ هذه العمليات لانها تؤدى الى خساره ماليه فادحه
ولا يستطيع عمل هذه العمليات الا الدوله
لى طلب عندك لو سمحت ممكن تشرح مراحل نمو القمح وفسيولوجيا القمح
بارك الله فيك

اخى الكريم لو قرات الموضوع من اوله هتجد انى اوجه الموضوع الى الدوله فى المقام الاول وثانيا الى المستثمرين الذين يملكون الملايين بل المليارات ولا يقومون بعمل مشروعات تفيد البلد وتفيد شبابها وتحل مشاكل عديده منها البطاله وازمة رغيف الخبز
وفى النهايه هؤلاء المستثمرين لاينفقون اموالهم فى هذه المشروعات بل يعطونها الى الناس ليستثمروها لهم مثل امثال البوشى حاليا التى تملا قضاياه صفحات الجرائد
البلد قادره على تنفيذ هذه المشروعات وقادره ايضا على رعاية الاشخاص الذين يقومون بعمل هذه المشروعات ولكن لا نستطيع تحميل الدوله الوزر فى كل مانعانى منه وهذا ماجلى لى بالوقت لابد من تكاتف الجميع للوصول بهذا البلد الى الامام والى الاكتفاء الذاتى من اكله على الاقل

البرناوي
23-04-2009, 12:42 PM
الحقيقة كفيت ووفيت سيادة المهندس أسلام حقا لنا أن نفتخر بأمثالكم أتمنى لك المزيد من التقدم في ظل الثورة الزراعية وتقبل فائق احترامي:thumb1:

i love agriculture
23-04-2009, 03:16 PM
كل مشكلة ولها حل الا ازمة الضمير ليس لها الا اعادة تربية الامة ولو كان هناك اخلاص من المسؤلين الكبار وهناك وقفة جدية من الشعب كل شيء ينحل لاكن لا حياة لمن تنادى.

yasernor
09-05-2009, 04:27 PM
اسعار القمح فى البحيره تجارى
220الى 225 جنيه للاردب
واسعار التبن 30الى 40جنيه لقيراط التبن

كلاوي
12-06-2009, 03:54 PM
زراعة القمح بالتنقيط في خطوط البعد بينها متر بين الخطين هل هي اقتصادية ام لا

yasernor
12-06-2009, 08:11 PM
زراعة القمح بالتنقيط في خطوط البعد بينها متر بين الخطين هل هي اقتصادية ام لا
لا زراعة القمح بهذه الطريقه غير اقتصاديه بل مخسره فى اغلب الاحيان وقام احد اصدقائى بتجربتها فى الخطاطبه سابقا

شيماء5
24-06-2009, 12:55 AM
تحياتي أستاد ياسر
موضوعك غاية في الروعة أنت حقا مثال يقتدى به، واتمنى لو تتكرم علينا بدراسة جدوى اقتصادية لمثل هكدا مشروع
تحياتي

yasernor
31-07-2009, 11:47 AM
http://www.youtube.com/watch?v=CBNLLFe-pbc

waelkretam
11-08-2009, 10:31 PM
موضوع رائع بارك الله فيك ........... اللهم أمين

المنصف11
17-08-2009, 12:46 PM
ما قصرت اخي على المشاركه

نريد منك المزيد

م.مروان يوسف الفرجانى
21-08-2009, 12:03 PM
م.اسلام

شكرا على المعلومات المفيدة ولكن لدية بعض الملاحظات وهى :-

1- انك لم تحدد السعة الحقلية للارض

2- ان رى الارض لمدة عدة ايام هو اهدار للموارد المائية علما بأن هناك مراحل فسيولوجيةمعينة هى التى

يحتاج فيها النبات الى الرى

3- لاحظت ان المياة الجوفية لديكم بعيدة جدا (400- 450 ) متر اليس هذا تكلفة إضافية بينما هناك مناطق تكون المياة على عمق 30 -40 متر

م.مروان يوسف الفرجانى
20-09-2009, 08:49 PM
ارجو اكمال موضوع زراعة القمح فى الاراضى الصحراوية

ولكم جزيل الشكر

اخوكم / ابو زياد

احمد عطيري
16-10-2009, 08:14 PM
الاخ ياسر نور اريد معلومات عن مشروع النطرون

احمد عطيري
16-10-2009, 08:17 PM
الفرجاني 00000 زراعة القح في المناطق الصحراوية طويل انت ماذا تريد ان تعرف واين انت تزرع

احمد عطيري
16-10-2009, 08:34 PM
لمن يريد معلومات عن منظومات الري بالرش المحوري ميكانيكية او تشغيلية او معلومات عن زراعة القمح في المانطق الصحراوية وكذلك اسعار المنظومات ومناشئها وايهما افضل هذا عنواني ahmedotayri [at]yahoo.com

yasernor
16-10-2009, 08:54 PM
م.اسلام

شكرا على المعلومات المفيدة ولكن لدية بعض الملاحظات وهى :-

1- انك لم تحدد السعة الحقلية للارض

2- ان رى الارض لمدة عدة ايام هو اهدار للموارد المائية علما بأن هناك مراحل فسيولوجيةمعينة هى التى

يحتاج فيها النبات الى الرى

3- لاحظت ان المياة الجوفية لديكم بعيدة جدا (400- 450 ) متر اليس هذا تكلفة إضافية بينما هناك مناطق تكون المياة على عمق 30 -40 متر
اخى الكريم اسف للتاخر فى الرد على سؤالك
بالنسبه لسؤالك الاول وهو عن السعه الحقليه للارض
هنا السعه الحقليه للبيفوت الذى تحدثنا عنه هى 180فدان الفدان 4200متر مربع البيفوت من نوع زيماتيك او فالى
عدد الابراج 9 +وصله فى الزيماتيك *52.5متر طول البرج فى الزيماتيك
عدد الابراج 9 فقط فى الفالى *54.5متر طول البرج
السؤال الثانى
نعم بالطبع توجد ايام يتم التوقف فيها عن المياه وقد يستمر التوقف لمدة اربعة ايام فى بعض مراحل النمو وقد يمتد الى اسبوع فى بعض الاحيان
وايضا المياه والرى والجو بالتاكيد تختلف من منطقه الى الاخرى
وايضا هناك ايام لايمكن فيها التوقف نهائيا عن رى القمح وقد يستمر تشغيل البيفوت لمدة ايام متواصله
بالنسبه للسؤال الثالث
هذا ليس عمق المياه وانما عمق البئر ككل
انما المياه حاليا بشمال المملكه تتراوح على اعماق من 70الى 120متر

م.مروان يوسف الفرجانى
16-10-2009, 10:26 PM
الاخ الكريم
بعد التحية...................

اقصد بالسعة الحقلية كمية المياه اللازمة لتشبع الارض او الفترة الزمنية اللازمة لتشبع الارض بالماء

الامر الذى سيؤى الى المحافظة على المياه الجوفية علما بأن الفترة الزمنية هذه سوف تقل عن أول مرة

فى الرى اى على حسب عمود الماء فى التربة .................


الله يوفقك....................

م جمعة عطا
04-11-2009, 07:25 PM
معلومات قيمة الله ينور عليك يا بشمهندس

duosrl
14-01-2010, 11:58 AM
Thank you very much.....................

هيومي فيد
23-01-2010, 03:29 PM
الله يعطيك العااافيه اخوي على هالموضوع الشييق
نتنظر منك الافضل باذن الله

وائل عزازي
31-03-2010, 12:46 AM
موضوع رائع


جزاك الله خيرا

بو_احمد88
13-06-2010, 07:50 PM
القــمــح ثـروه عظيـــــمه ، انا ابي ازرعه في الكويـــــــــــــت شلون الطريقه وكم المساحه المطلوبه
وابي كل التفاصيــــــــــــــــــــــــل ............ اخوكم من الكويت

yasernor
29-07-2010, 11:56 AM
زراعه القمح تعتبرها العديد من الدول زراعه استراتيجيه من الدرجه الاولى ولكن فى الدول الغربيه فقط ولا تجد ذلك فى وطننا العربى

أسامه عباس
29-07-2010, 04:22 PM
شكرا على نشر التجارب الخاصة بزراعة القمح والحمد لله أوم بزراعة القمح بالصحراء منذ 14 عام ولى بها خبرة والحمد لله وسوف أقوم بالتعليق على برنامجك كل خطوة :
- بالنسبة للزراعة فالسطارة افضل طريقة للزراعة كما تفضلت وسردت الطريقة وهى طريقة صحيحة
- لم تذكر الأصناف التى يجب زراعتها من القمح لأن هناك أصناف لا تصلح للأرض الصحراوية فهل ذكرت لنا الأصناف التى قمت بزراعتها فأنا مثلا زرعت سخا 93 وجيزة 168 وجميزة 9
- ذكرت بالنسبة للتسميد أن دفعات الكيماوى من اليوريا والمعروف أن اليوريا تزيد من ال ph للتربة وموصى بعدم التسميد بها والمفروض التسميد بنترات النشادر وسلفات النشادر
- ذكرت بعدم الاستعانة بالسماد البلدى وهو مهم جدا لأغراض كثيرة بالتربة فأنا لن أزرع قمح وخلص ومن المعروف أن القمح من المحاصيل المجهدة للتربة فلو فعلت تسميد كيماوى فقط ستتأثر الزراعة التى تلى القمح فى الفترة الصيفية
- بالنسبة لفكرة تبنى الدولة لهذا المشروع فهو واجب وطنى ودينى بحت فمن ملك قوته ملك حريته
وسوف أتابع البرنامج الخاص بالرش وأقول ملاحظاتى وأرجو أن تراعى برنامج القضاء على الحشائش لأنه هام بالنسبة للقمح 0000 وشكرا

yasernor
14-09-2010, 11:15 PM
باذن الله سيكون القمح محصول مربح جدا العام القادم أتوقع يتم تسعيره ٣٥٠جنيها للأردب كأقل سعر لذا ننصح بزراعته الموسم ٢٠١٠-٢٠١١

yasernor
14-09-2010, 11:22 PM
أخي الكريم أولا التجربه في السعوديه وهناك لايوجد نترات نشادر او سلفات نشادر
بالنسبه للصنف فهو يوكوراروجو وهو غير موجود بمصر
اما بالنسبه التسميد البلدي يبقي مش هنزرع حتي أراضي الدلتا لانه مش موجودوما تقدر تغطي الأراضي الصحراويه بيه
اما بالنسبه لبرنامج الرش للحشائش فهو موجود وتقدر تبحث عنه ف الموضوع

yasernor
19-10-2010, 12:21 AM
تم تحديد سعر القمح للموسم الجديد ٢٠١١ بان السعر لن يقل عن ٣٠٠جنيه للأردب(الاردب =١٥٠كجم) وانه يتم صرف السماد والتقاوي بالاجل علي ان تخصم عند التوريد وسعر التقاوي المحدد من قبل الوزاره ١٠٠جنيه لشيكاره زنة ٣٠كجم ولكنها حاليا تباع بالجمعيات التعاونيه بسعر ١١٥ جنيه
فهل ياتري هيتم التلاعب ايضا بالسعر للاردب بعد ذلك؟
اعتقد لا لان السعر ده هيكون اقل م العالمي واتوقع وصوله ٣٥٠جنيه كاقل سعر باذن الله

مدرس جامعي
22-10-2010, 09:30 AM
حبيبي الغالي
جوهدك كانت ممتازة وعملك رائع جدا لكن هنا يجب ان ناخذ بنظر الاعتبار الامكانيات التي يجب توفرها لشراء الالات وحبيت انوه لنقطة مهمة على رغم ان استغلال الاراضي الصحراوية شي يحتاج الى جهد جبار الا ان في البلدان توجد الكثير من الاراضي الزراعية غير مستغلة او مستغلة بشكل غير صحيح....مع التقدير

hanin55
23-10-2010, 03:12 PM
جزاكم الله خيرا مجهود فعلا ممتاز وتناول للموضوع بسيط ومميز ومفهوم حتى للمبتدئين وانا منهم وعندى رجاء اتمنى منكم تناول هذا الموضوع بنفس هذه الطريقة الرائعة ولكن فيما يتعلق بالارض الزراعية الطينية الموجودة فى نهاية الجيزةحيث اننى لم اخض هذه التجربة من قبل واتمنى بأذن الله ان اوفق فيها فى انتظار الرد للاستعداد قبل موسم الزراعة وجزاكم الله خير الجزاء

yasernor
24-10-2010, 10:28 PM
السلام عليكم
أشكرك اخي مدرس جامعي ع المرور الكريم
وفعلا حقيقة ان العديد م الاراضي الزراعيه غير مستغله وليست الاراضي فقط بل كل الموارد العربيه غيرمستغله
أختي حنين انا اتابع المنتدي م الجوال وللأسف لايمكنني اضافة مواضيع جديده حاليا اذا في اي استفسار رقم جوالي موجود بالتوقيع

Tamertamer
27-10-2010, 06:29 PM
السلام عليكم
موضوع ممتاز وخبرة عظيمة
أنا عندى سؤال
أنا معروض على 100 فدان فى الداخلة,وعاوز ازرعهم قمح وبعدين محصول صيفى مناسب وسريع العائد.
مشكلتى انى مهندس زراعى قديم دفعة 83 -هندسة زراعية لكن خبرتى كلها فى النحكم الآلى(ليزر وخلافة).
طبعا هدف حياتى من أول ماأتخرجت هو الزراعة,ولكنى لم أمارسها.
قرأت موضوعك عن القمح وفية كل تفاصيل الزراعة من التمهيد حت التخزين(تسميد ومقاومة وخلافة).
ما يجعلنى متردد انة يوجد عاملين آخرين لهم تأثير فى برنامج الزراعة:
-المناخ:ممكن معة تأخير أوتقديم الرى والتسميد والمقاومة.
-الأفات: ماهى الأصابة والمبيد المناسب(مع الوضع فى الأعتبار ان كثير من المبيدات فى السوق بها المادة الفعالة قليلة أو منتهية الصلاحية).
الأرض رملية -الملوحة مناسبة-تم زراعتها بالبرسيم الحجازى من قبل-مساحة المزرعة 1000فدان-بها 2 بير و pivot.
ال 100فدان بها مياة غمر أو ممكن عمل نظام رى مناسب.
أنا مش مستعجل أزرع الموسم دة لكنى عاوز أخطط كويس قبل أى حركة.
اية رأيك

أبو عبدالرحمن المصري
12-01-2011, 04:43 PM
لو سمحت بما إنك كنت شغال فى مزرعة تسمع عن برنامج اسمه جوله فى مزرعة بقناة الزاعة الفضائية

yasernor
14-01-2011, 11:43 PM
أخي الكريم بالفعل أسمع عن البرنامج وأتابعه في أغلب الأوقات وأتابع أغلب برامج القناه

moustafa mahmoud
20-04-2011, 02:56 AM
جزاك الله خيرا
وربنا معاكم ويوقفك كلكم

Nachaat1
04-07-2011, 10:27 AM
الحمد لله أنا سعيد بهذا الموضوع وسعيد بك مهندس /اسلام الكيلاوى وبعلمك ومجهودك جزاك الله الخير

mohie mohie
23-02-2012, 02:45 AM
ايها الساده المحترمين,
عاوز أزرع قمح ولكن خايف من الملوحه لأنها تقريبا تصل الى 3000 جزء فى المياه ....فهل تصلح لزراعة القمح ؟
وما هى درجة ملوحة الأرض المناسبه لزراعة القمح ؟ وكام نسبتها ؟

ابومحمدالطائي
07-01-2014, 11:18 PM
السلام عليكم كم هي مصاريف زراعة الدونم الواحد(2500متر مربع
)من بداية الموسم الى نهايته(تحضير التربة تعفير البذور كمية السماد كمية البذور المكافحة اليدالعاملة الى مرحلة الحصاد) ؟بالدولار الامريكي مع الشكر الجز

ابوإسحاق
09-06-2014, 12:55 AM
السلام عليكم ورحمة الله، اريد ان اسأل عن علامة آلة الرش المحوري، اعني الأحسن من ناحية النوعية المردود والسعر، يوجد علامات كثيرة إسباني، إيطالي، فرنسي وحيت صيني،علما انه يراد لاستعماله لسقي ارض صحراوية، 100 هكتار بالصحراء الجزائرية. زراعة قمح وذرة. شكرًا مقدما.

ahmedawwad
25-12-2016, 09:26 PM
موضوع رائع جدا بالتوفيق ان شاء الله