المساعد الشخصي الرقمي

مشاهدة النسخة كاملة : اصفرار نبات الاجلونيما


تغريد حلمي
18-02-2018, 07:36 PM
اشتريت نبات اجلونيما من حوالي شهر ونقلتها في شاليه اكبر بالتربه اللي حواليها وماكنتش عارفه ان نقلها دلوقتي غلط . كل اسبوع تقريبا ورقه بتبدأ تذبل وتصفر من الاطراف وبعدين تموت . هل في حاجه ممكن اعملها عشان ماتموتش ؟
مهندس معماري /احمد
23-02-2018, 06:50 PM
هو عاده لما بيتم تدوير نبات او نقله من تربه الي اخري بيحصل فقد في المجموع الخضري ثم تدريجيا يعود
احرصي علي وضعها في مكان دافيء ليلا و جو نصف ظليل نهارا ولو هي فبلكونه بليل بتتعرض لسقيع غطيها و ري و تسميد معتدل ان شاء الله ترجع كويسه
محمد سكر
24-02-2018, 10:23 AM
التأكد من وجود النبات في مكان بعيد تماما عن ضوء الشمس فاالاجلونيما نبات ظل ولا يتحمل ضوء الشمس - اما عملية النقل يمكن ان تتم في أي وقت من العام طالما تمت بدون تضرر للجذور
تغريد حلمي
25-02-2018, 12:32 PM
انا حطاها جوه البيت مابتوصلهاش اشعه شمس مباشرة
جزاكم الله خيرا على الرد
محمد سكر
25-02-2018, 02:31 PM
اكثر مشاكل النباتات الداخلية تتأتي من مسألة الري فيجب الانتباه لها جيداً حيث تحتفظ التربة بالرطوبة لوقت طويل فلو تمت عملية الري والتربة مازالت رطبة تكون بيئة مناسبة لنمو الفطريات واعفان الجذور فيجب التأكد من جفاف التربة قبل الري وخصوصا في الشتاء
تغريد حلمي
27-02-2018, 10:44 AM
ان شاء الله اتابع التربه قبل الري
جزاك الله خيرا