زراعة ورود من البداية

[Mohamed f. Hamam]

انا هبدا زراعة ورود بس مش عارف ايه اللي انا محتاج اشتريه وكمان البذور صعب اني الاقيها في اسيوط وكمان محتاج اعرف انواع الورد اللي الزهرة بتاعته شبه الورد البلدي او الورد الجوري وكمان انواع اورد اللي ليها روائح جميلة ونفاذه وكمان ازاي اهتم بيها بعدين 

[AhmedMarwan]

عليكم السلام
انا مبتديء في الموضوع بس سبقتك بشوية
هقول مثلا عليك بالفل والياسمين والورد البلدي وممكن مسك الليل وفي بعض المناطق بيقولو (ورد النسر) شبه الورد البلدي او الجوري
وممكن جهنمية لو عندك مكان
وبالنسبالي انا وانت كمبتدئين نشتري شتلات احسن من البذور ودى هتلاقيها في اي مشتل قريب ليك
واعمل حسابك في ورود بتبقى حولية (بتزهر في مواسم معينة) وفي زهور تانية بتزهر معظم السنة
ده من واقع تجربتي البسيطة ومعلوماتى السطحية ان شاء الله الناس هنا يفيدوك اكتر

[محمد سكر]

السلام عليكم
أقترح عليك اخي الكريم ان تختار نبات محدد تريد إقتناءه في موضوع مستقل ونبدأ في الحديث عنه ونستفيض ثم ننتهي ونبدأ في نبات جديد وهكذا حتى ياخذ كل نبات حقه في النقاش والمعلومات

[Mohamed f. Hamam]

انت من اسيوط اخ احمد ولا منين لاني صعب الاقي الانواع دي في المشاتل اللي قريبة وانا سالت قالولي اني ممكن الاقيها في كلية زراعة وكل ما اروح اسال يقولو لي تعالى بعد اسبوع واروح وما بلاقي ف لو انت تعرف مكان في اسيوط كويس نروح نجيب شتلات وانا بس مش بعرف الاسعار تتراوح من كام ل كام

- -- - - تم تحديث المشاركة بما يلي - - - - - -

شكرا ليك اخ محمد وانا من رايي اركز على نوعين ممكن البلدي والجوري لو حضرتك عندك معلومة عن الاتنين افدنا

[شيمو حنه]

السلام عليكم اخي ممكن تبدي بنباتات من المشتل احسن فل ياسمين ورد بلدي عتر حاجة بسيطه وحضرتك كل متروح المشتل هتتعرف على نباتات جديد وممكن تشتري منها البذور ممكن حضرتك تبدا من بذور الخضر حضرتك تشتريها من السوق او عند العطارين انا عملت كده اول مبتدأ ازرع وربنا يوفقك ان شاءالله

[Mohamed f. Hamam]

شكرا لك شيمو حنة ان شاء الله هبدا في ده وده ��