المساعد الشخصي الرقمي

مشاهدة النسخة كاملة : استفسار حول الطريقة الصحيحة لري النباتات


Menna Muhammad
15-07-2016, 09:10 AM
1- هل فعلا غلط أرش المياه على أوراق النبات لأني على طول برش الورق بالبخاخة علشان التراب وعلشان يزيد كفاءة التمثيل الضوئي؟
2- هل المفروض أصب المياه في حوض التصريف اللي تحت الإصيص ولا أرش المياه على سطح التربة؟
3- ايه أفضل ميعاد لسقاية التربة؟
4- أصب الكمية كلها مرة واحدة ولا على فترات في نفس اليوم؟

شكرًا مقدمًا
مهندس معماري /احمد
15-07-2016, 05:23 PM
1- هل فعلا غلط أرش المياه على أوراق النبات لأني على طول برش الورق بالبخاخة علشان التراب وعلشان يزيد كفاءة التمثيل الضوئي؟
2- هل المفروض أصب المياه في حوض التصريف اللي تحت الإصيص ولا أرش المياه على سطح التربة؟
3- ايه أفضل ميعاد لسقاية التربة؟
4- أصب الكمية كلها مرة واحدة ولا على فترات في نفس اليوم؟

شكرًا مقدمًا
1- لا مش غلط طالما كان مش وقت حر - و معتدل هو بيحافظ علي نظافه الاوراق و التخلص من التراب لكن التوقيت و الكميه هما المهمين
كمان لو المكان عندك رطب مفهوش شمس لا انصح بالمره لان الرش بيسبب حشرات قشريه مع الرطوبه الموجوده
2- قرات معلومه سابقا في منتدي اجنبي ان ري النبات من الاسفل ( حوض صرف المياة الزائده ) افيد لانه بيسمح بصعود المياه بالخاصيه الشعريه و لكن عن تجربه شخصيه انا بروي ريه جيده او غمر ممن اعلي التربه - و اول متبدا التربه في الجفاف بروي الريه التانيه ......اماكن الصرف في الاحواض علي الاقل الموجوده في السوق المصري سعتها قليله جدا علي ري منتظم للنبات .....
- الخلاصه الري من اعلي في وجهه نظري افضل مع متابعه الري بانتظام عند بدايه جفاف التربه و عد الافراط للبعد عن الفطريات و خلافه
3- افضل معاد في راي بعد المغرب معدل البخر هيبقي قليل - الحراره بدات في الانكسار .....ووقت مناسب للي بيروي كمان
4-مره واحده و ري منتظم ذي مذكرنا سابقا -تبدا -الريه الاولي/ سطح التربه في الجفاف اروي الثانيه