مطلوب مساعده لشخص اول مره يزرع

[د.شهاب]

سلام عليكم
دى اول مشاركه ليا ف جروب عن الزراعى واول مره اجرب ازرع
عندى شويه استفسارات واكون شاكر لو حد ساعدنى
مبدأيا :
1-انا قريت على النت انى التربه المستخدمه بيرليت وبيتموس وتراب من الارض
هل البرليت والبتموس دول ممكن الاقى منهم بالكيلو ولا لازم شيكاره والتراب هل ينفع (الشرب(العادى ولا لازم يتجاب من ارض بتزرع
2-انا هبدأ ازرع الاول ف اصص هشتريها او بواقى زجاجات بلاستيك ايه الأحسن وسعر الاصيص البلاستيك كام عشان ميضحكش عليا فيه
3- الاحسن ابدأ بأنى اجيب بذور ولا اجيب شتلات من المشتل وايه الشتلات اللى تبقى مناسبه حاليا انى ابدأ بيها مع العلم انى عاوز اوصل لمرحله الاكتفاء الذاتى من الغئاء والمساحه عندى تقريبا 110 متر سطح بس انا هبدأ بالبلكونه تقريبا 2 متر فى 3 متر
4- عندى مشكله فى تجهيز التربه المناسبه فلو امكن بس حد يوضحلى ازاى اجهز التربه والنسب اللى اخلط بيها
معلش عارف ان بعض الاسئله ممكن تكون بدائيه بس معلوماتى عن الزراعه تكاد تكون منعدمه
شاكر لحضراتكم مقدما

[ahmedeldohiri]

اهلا بيك اخ وصديق معنا
بالنسبة للزراعة طالما انك لم تزرع قبل ذلك يفضل احضار الشتلات جاهزة
وبالنسبة للتربة الشرب ممكن استخدام من اى مكان ويجب ان يكون صالح للزراعة بمعنى بعيد عن ملوثات التربة من مخلفات مبانى وخلافه
بالنسبة للاصيص سعره حسب حجمه ويفضل شرائه من مشتل وان لم تجد
من الممكن الزراعة فى جردل صغير اولا وعند نجاح الزراعة تنقل الى جردل كبير والمقصود جردل او عبوة بحجم الاصيص وتزرع فيها
وعند الزرعة تقوم بعمل اربع او خمس ثقوب بحجم الزلطه وبعد ذلك تضع فوق كل ثقب ظلطه بحيث تكون الظلته تغطى الثقب حتى لا يسرب التربة خارج الاصيص وتضع التربة فوقها بدون عنف لكن بهدوء حتى لا تحرك عبوة الزراعة وبالتالى تحرك الزلط وتجد التربة تسربت من اسفل
وبعد ملو ربع العبوة تضع ماء حتى تشبع من الماء ثم تضع باقى التربة وتروى

[محمد سكر]

وعليكم السلام ورحمة الله وبركاته

نتشرف بوجودك دكتور شهاب معنا في بيتنا الزراعي زراعة نت


نصيحة لك اخي قبل ان تبدا ان تسقط التربة الطينية من حساباتك نهائياً طالما تريد ان تتوسع وتقوم بزراعة خضروات لعدة أسباب منها انها تكون بيئة مناسبة لنمو الكثير من الفطريات خصوصا عند وضعها داخل اوعية او الاصص ايضا يكون بها مسببات امراض فيروسية ومحملة ببذور الحشائش وثقيلة الوزن

فالافضل إستخدام خليط من البيتموس والبيرليت والفيرموكليت بنسب متساوية فهذه الانواع من التربة نظيفة خالية من اى مسببات امراض خفيفة الوزن وتربة خاملة لا تتفاعل مع الاسمدة التى سوف توضع بها بعد ذلك لتغذية النبات .

إذا اتفقنا ان التربة خليط من البيرليت والبيتموس والفيرموكليت ويمكن الاستغناء ع البيرليت بالرمل لانه غالي الثمن والرمل يؤدى وظيفته من عملية التهوية للتربة ورخيص الثمن ولكن يستخدم الرمل بعد غسله جيدا بالماء ليكون خالي من الاملاح الضارة .

شيكارة البيرليت 100 لتر ب65ج شيكارة البيتموس المستورد 400 لتر 195ج شيكارة الفيرموكليت 30 كيلو تقريبا ب35 جنية لو قمت بشراء البيتموس بكمية صغيرة سوف يكون غالي جدا تقريبا يتضاعف السعر افضل ان تقوم بشراء شيكارة كاملة لتستفيد بفرق السعر الكبير بين الشيكارة والقطاعي ولكن متوفر القطاعي فهناك اكياس صغيرة للبيتموس ولكنها تكون غالبا محلية الكيس 20جنية 5 لتر تقريبا .


الاصص مقاس 40 سم ب4.5ج وافضل مكان تشتري منه اصص بسعر كويس مصنع النجمة للبلاستيك موجود بشارع خاتم المرسلين الموازي لشارع الهرم امام محطة استديو الاهرام بجوار شارع الكهرباء .


وممكن تبدأ في اى اوعية متوفرة لديك او حتى الاشولة البلاستيك او الاطباق البلاستيك او الاقفاص او جرادل الدهانات او اى اوعية متوفرة لديك . اقترح عليك ان تبدأ بالورقيات مثل الملوخية والجرجير والنعناع والبقدونيس وهكذا لانك مازلت في بداية الطريق والنباتات الثمرية مثل الطماطم والخيار والفلفل تحتاج الى رعاية اكبر من الورقيات ممكن تبدأ الان بشراء بذور ملوخية وجرجير وفجل وتبدأ بهم الان .


نحن جميعا معك خطوة خطوة لتصل إلى ملئ بيتك بكل الثمار والازهار والخضار

[د.شهاب]

متشكر لحضراتكم جدا الرد السريع ولكن معلش عاوز اسأل ع كام حاجه

1-طب بخصوص التربه النسب اعملها ازاى وازاى اقدر اعمل التربه
2-انا دلوقتى هشترى شتلات من المشتل بنقلها ف التربه اللى هجهزها ازاى ؟؟الشتلات دى بتتروى كل قد ايه ؟؟
3-ولو عاوز انتاج يكفى منزلى من الطماطم على سبيل الخصوص بحتاج كام شتله لانى مستهوينى اوى انى ازرع طماطم وفلفل بالذات فلو ممكن تقلى ايه الرعايه الزياده اللى هتحتاجها لانى حابب اوى ازرع الطماطم
4- انا كده خلاص هشترى البقدونس ملوخيه ونعناع وجرجير وريحان الأحسن اشتريهم بذور ولا شتلات من المشتل
5-لو هشترى بذور احطها ع بعد قد ايه من السطح
متشكر جدا ليكم

- -- - - تم تحديث المشاركة بما يلي - - - - - -


اهلا بيك اخ وصديق معنا
بالنسبة للزراعة طالما انك لم تزرع قبل ذلك يفضل احضار الشتلات جاهزة
وبالنسبة للتربة الشرب ممكن استخدام من اى مكان ويجب ان يكون صالح للزراعة بمعنى بعيد عن ملوثات التربة من مخلفات مبانى وخلافه
بالنسبة للاصيص سعره حسب حجمه ويفضل شرائه من مشتل وان لم تجد
من الممكن الزراعة فى جردل صغير اولا وعند نجاح الزراعة تنقل الى جردل كبير والمقصود جردل او عبوة بحجم الاصيص وتزرع فيها
وعند الزرعة تقوم بعمل اربع او خمس ثقوب بحجم الزلطه وبعد ذلك تضع فوق كل ثقب ظلطه بحيث تكون الظلته تغطى الثقب حتى لا يسرب التربة خارج الاصيص وتضع التربة فوقها بدون عنف لكن بهدوء حتى لا تحرك عبوة الزراعة وبالتالى تحرك الزلط وتجد التربة تسربت من اسفل
وبعد ملو ربع العبوة تضع ماء حتى تشبع من الماء ثم تضع باقى التربة وتروى

تمام متشكر لحضرتك جدا
طب انا لو هشترى الشتلات محتاج بردو اعمل الثقوب دى ف الأصيص قبل ماانقل الشتله ليه

[ahmedeldohiri]

بالنسبة للبيتموس المستورد و والبيرليت والفيرموكليت ممكن احصل عليهم من اين انا من سكان محاقظة الدقهلية وشكرا

- -- - - تم تحديث المشاركة بما يلي - - - - - -

لا اخى الكريم
فهو يأتى جاهز وله ثقوب
اما ان لم تجد له ثقوب وهو شئ نادر
ستجد دوائر اسفل الاصيص افتحها
وشكرا لك

[محمد سكر]

بالنسبة لنسب خلط التربة لو هتستخدم السماد المركب NPK في عملية التسميد تكون نسب الخلط بيتموس 2 إلى رمل او بيرليت 1 إلى كمبوست 1 بمعنى جردلين بيتموس وجردل رمل او بيرليت وجردل كمبوست اما لو هتستخدم المحلول المغذي في التسميد ابتعد عن الكمبوست لانه مادة عضوية سوف تتفاعل مع المحلول المغذي وتغير من تركيبة المتوازن ويفقد جزء كبير من فائدته وتكون النسب في هذه الحالة خليط من البيتموس والرمل بنسب متساوية جردل مقابل جردل او بدلا من البيرليت رمل بنسب النسب .


الري يختلف على حسب نوع التربة التى سوف تقوم بالزراعة بها لذلك افضل ان نسير خطوة خطوة لان كل خطوة مرتبطة بما قبلها ابدأ اولا بإحضار الاصص وبعد ذلك التربة وبعد ذلك نتناقش في الخطوات التالية - في البداية لن تجد الانتاج المتوقع من النباتات الثمرية لانها كما وضحت تجتاح الى رعاية اكبر وخبرة اكبر لن تتوفر معك إلا بعد فترة من الممارسة العملية فمثلا شتلة الطماطم مع الرعاية الجيدة تعطي تقريبا من 4 الى 5 كيلو طماطم وربما تزيد على حسب الصنف اما فى من يزرع الطماطم لاول مرة سوف يختلف الامر كثيراً ولن تعطي هذا الانتاج لذلك لن يصلح ذكر نقطة عدد الشتلات التى تفي بالاكتفاء الذاتي من الان - كل الاصناف التى ذكرتها نقوم بزراعتها عن طريق البذور وليس الشتلات ماعدا النعناع كل ما عليك ان تحضر بعض اعواد النعناع الاخضر وتضعها في الماء حتى تكون جذور وبعد ذلك ننقلها للتربة

- -- - - تم تحديث المشاركة بما يلي - - - - - -

البذور تغطى بطبقة خفيفة جدا من التربة مجرد ان تختفي البذرة

- -- - - تم تحديث المشاركة بما يلي - - - - - -


بالنسبة للبيتموس المستورد و والبيرليت والفيرموكليت ممكن احصل عليهم من اين انا من سكان محاقظة الدقهلية وشكرا


وشكرا لك

يمكنك السؤال عن البيتموس والبيرليت والفيرموكليت في اقرب محل بيع البذور والمستلزمات الزراعية او مشتل كبير وهناك مركز بحوث الزراعية بالمنصورة لو قريب منك بها كل ما تريد من تربة ومحلول وشتلات

[magdy rashad]

ممكن التربة تكون بيتموس ورمل خشن بس !