المساعد الشخصي الرقمي

مشاهدة النسخة كاملة : هعمل زراعة عنب بطريقة مش عارف صح ولا غلط بس مطر أعمل كدا سعدوني


tefa_0
28-12-2015, 01:21 PM
السلام عليكم
كل سنة وانتم بخير
أولاً انا عايز أعمل تكعيبة عنب علي السطح وعندي شوية شتلات حلوة بجزورها عنب بناتي ودا الميعاد للزراعة تقريباً
جهزت عندي 3 براميل كبيرة الزرقا التربة بقا الصالحة للزراعة هتتكون من ايه علي حسب مفهمت من المنتدي هنا
هبدء من قاع البرميل :-
1- بنحط حصلي فخار وكسارة طوب أحمر في الأسفل وبعد كدا عمل فتحات للتهوية وتصريف الماء الزائد
2- احط شوية سبلة + رمل + تراب خارج من أرض زراعية + شوية نشارة خشب ... وده سهل بالنسبة ليا لإن دول متوفرين في المنطقة عندي
*** الكميات بقا قد ايه ؟؟؟؟؟ والخلطة دي كدا صح ولا ايه ؟؟؟؟
*** وطريقة الزراعة بقا الشتلة دي أحطها زي مهيا كدا ولا اعرزها أكتر ولازم أكون ماليه ميه كتيير قبل الزراعة ولا ايه ؟
أفيدوني يارجالة لاني السطح عندي في الدور الخامس
tefa_0
29-12-2015, 10:57 AM
ايه انا قلت حاجة غلط ولا ايه ياجماعة محدش عايز يرد علياً ؟؟؟
محمد سكر
29-12-2015, 02:05 PM
صبراً ياحاج tefa فلكل منا ما يشغله وفقك المولى لكل خير

المكونات التى ذكرتها رائعة جدا ومناسبة لخليط التربة ولكني افضل عدم وضع تربة الحقل ضمن هذا المخلوط فقط نشارة خشب ناعمة ثم مخلفات طيور او حيوانات متحللة تامة التحلل وهذه النقطة هامة ثم رمل مغسول جيداً وتكون النسب متساوية وتخلط مع بعضها بشكل جيد ولكن قبل الخلط أضف ملئ الكفين كبريت زراعي وسوبر فوسفات اثناء خلطك للتربة واخلط المكوات جيداً ثم قم بتعبئة البرميل بعد وضع طبقة الحصى وعمل فتحات الصرف بعدد كبير فى القاع وبعد الملئ اترك مسافة 10سم من الاعلى بدون تربة لعملية الري احفر للشتلة بحيث لا يدخل فى التربة إلا منطقة الجذور وتعرف ذلك بلون غامق على الساق تزرع حتى تصل اليه ولا تزيد على ذلك ثم تروي مباشرا حتى يخرج الماء من فتجات الصرف وتضع البرميل فى مكان به شمس مباشرة
tefa_0
29-12-2015, 02:24 PM
شكراً علي ردك واتمني لك الخير ان شاء الله وجاري العمل علي هذا وربنا يكرم ان شاء الله ....
ولاكن ليه مضفشي تربة حقل في البرميل ؟...؟؟
محمد سكر
29-12-2015, 04:41 PM
شكراً علي ردك واتمني لك الخير ان شاء الله وجاري العمل علي هذا وربنا يكرم ان شاء الله ....
ولاكن ليه مضفشي تربة حقل في البرميل ؟...؟؟

تربة الحقل تكون بيئة مناسبة لنمو الفطريات والبكتيريا خصوصاً عندما توضع فى اوعية ضيقة او اصص عكس وجودها فى الحقل وتكون ايضا موبوئه بالكثير من الامراض والحشائش والديدان انت فى غنى عن مشاكلها بعد ذلك فيفضل الابتعاد عن تربة الحقل فى زراعة الاوعية او الاصص
tefa_0
17-03-2016, 10:20 AM
حبيت أشكر حضرتك جدا جدا وفعلا التجربة نجت عندي والنبات رائع جدا جدا وان شاء جاري تصوير النبات ورفع الصور
واحب أعرف خطوات التسميد هيكون ازاي ؟؟؟؟ وشكرا ليكم مرة أخري

- -- - - تم تحديث المشاركة بما يلي - - - - - -

http://f.zira3a.net/attachment.php?attachmentid=9729&stc=1
دي النتيجة كنت عايز أعرف بقا خطوات التسميد ممكن حد يقلي بقا ؟؟؟
محمد سكر
17-03-2016, 10:59 AM
مبارك عليك التوريق وخروج الاوراق الجميلة

التسميد تقوم بشراء سماد npk مع العناصر الصغرى يباع بهذا الاسم سماد npk مع العناصر الصغري ويكون متوازن 20-20-20 او 18-18-18 وتقوم بتسميد البراميل مرة واحدة كل 10 ايام يوم التسميد تقدر المياه التى يحتاج اليها كل برميل ولنفترض 5 لتر ماء تضع عليهم خمسة معالق شاي صغيرة ممسوحة من السماد المتوازن npk وبعد تمام الذوبان تروى النباتات به
tefa_0
17-03-2016, 11:17 AM
شكراً لحضرتك جدا ولمساعدتك
انا محتطشي كبريت زراعي وسوبر فوسفات
ثانياً :- npk هلاقي في كمية صغيره مثال كيلو منه عن بتوع المبيدات ولا فين ؟؟؟
محمد سكر
18-03-2016, 10:25 AM
فعلا يباع بالكيلو بباب الخلق خلف مديرية امن القاهرة منطقة تحت الربع - الكيلو ب40ج وممكن تجد نصف كيلو ويمكن شراء كيلو سوبر فوسفات واخذ مقدار ملئ اليد للبرميل وتخلطه على سطح التربة والكبريت الزراعي يعفر على الاوراق مرى كل اسبوعين