من فضلكم عاوز علاج لنباتاتى

[sherif bakr]

بسم الله الرحمن الرحيم
يا جماعه لاحظت وجود مرض على نباتاتى وتقريبا بعد البحث على النت اشك ان اسمه البياض الدقيقي
من فضلكم عاوز علاج له مع العلم ان كل مزروعاتى فى اصص وليس تربه
واتمنى يكون علاج غير كيماوى يعنى علاج طبيعي على قدر المستطاع لانى وجدت من خلال بحثى كلام عن ان ممكن العلاج بالصابون والتوم وبيكربونات الصودا والبيكنج باودر بتاع الكيك
بس معرفتش هل الكلام دة مُجدى ولا لاء والنسب قد ايه والاستخدام ازاى
ياريت لو حد يعرف يجاوبنى واكون من الشاكرين
سؤال اخر .. فهمت بردوا ان الكبريت الزراعى بيفيد فى كتير من الامراض كوقايه
السؤال بقى هل الكبريت مضر زى باقى الكيماويات ولا لاء وازاى استخدمه و اهم سؤال بقى ينفع استخدم الكبريت الزراعى عى الخضراوات الورقيه زى الخس والجرجير ولا هايكون مضر صحيا للناس اللى هاتاكل الخس والجرجير دة
اسف على الاطاله ودى صور لنباتاتى المصابه

ودة الجزر


http://i63.tinypic.com/ipzkp5.jpg

http://i63.tinypic.com/2ni5ogo.jpg

..

ودى الطماطم

http://i65.tinypic.com/24kw5qg.jpg


http://i68.tinypic.com/ravvpi.jpg


http://i63.tinypic.com/5n64pc.jpg

...........
ودة النعناع
http://i65.tinypic.com/apgvvk.jpg

[م جمعة عطا]

نوصى برش كبريت ميكرونى بمعدل 2.5 جم على كل 1 لتر ماءويكرر مرة كل اسبوعين
تحياتى...............

[شيمو حنه]

السلام عليكم ربنايعافى مزروعاتك اخى ان شاء الله لو سمحت م جمعه هل اسئل عنه فى محل المبيدات والادوات الزراعيه وطيب كيفيه استخدامه وشكرا

[sherif bakr]

شكرا يا باشمهندس على الرد
معلش سؤال تانى هو الكبريت الميكرونى دة هو الكبريت الزراعى ولا شئ مختلف
وشكرا


نوصى برش كبريت ميكرونى بمعدل 2.5 جم على كل 1 لتر ماءويكرر مرة كل اسبوعين
تحياتى...............

[محمد سكر]

الكبريت الميكروني غير الكبريت الزراعي العادي الذى يستخدم تعفيراً فالاول يرش على الاوراق أماالثاني فيتم التعفير به