حتى صباراتي تعاني من الشمس عملتلها ارفف وستاره !

[بسمه]

بسم الله الرحمن الرحيم
اخوتي واخواتي الاعزاء
وحشتوني جدا وان كنت متابعه من بعيد لكن للأسف قليل
لكن مش معنى اني بعيده اني بطلت ازرع او اقتني نباتات لأ طبعا
حب النباتات في دمي للأبد حتى لو على حساب وقت راحتى
علشان كده لما لقيت صباراتي العزيزات بيعانوا من الشمس الحارقه في البلكونه فكرت في فكره
اشتريت خشب من واحد بتاع خرده قريب
وجبت مسامير وشاكوش وقعدت ورا البيت في الروقان وقعدت اعمل ده هههههههههههه
اينعم مش متقن قوي ولا فن قوي بس حقوق الاختراع بتاعتي طبعا

http://f.zira3a.net/attachment.php?attachmentid=9193&stc=1 http://f.zira3a.net/attachment.php?attachmentid=9194&stc=1

طبعا كده الشكل برضو مش قد كده
جبت قزايز الوان صغننه وقعدت ادهن بقى هههههههههههههههههههههه

والشكل بقى كده دهنت ال .... مش عارفه اسميه ايه رف ولا كرسي ولا ايه ودهنت اصص الزرع نفسها كمان

http://f.zira3a.net/attachment.php?attachmentid=9195&stc=1

لسه الشمس ضاربه فيهم جبت قماش وعملت ستاره صغننه اينعم وقعت تاني يوم من شده الرياح :thinking: بس ان شاء الله ارجع اركبها
وده كان الشكل النهائي ايه رأيكم ؟؟
http://f.zira3a.net/attachment.php?attachmentid=9196&stc=1

[دراسينا]

يسعد مساءك

حلووة الفكرة ياليت نعرف المقاسات لقطع الخشب :) والالوان راائعه مانوعها ؟

[زهرة الصبار]

بسـ الله الرحمن الرحيم ـم


أهلاً بسمة حمداً لله على سلامتك

إن شاء الله تكوني بخير

تسلم إيدك يابسمة

مجهود تشكري عليه

شكلة جميل أنا منفذة نفس الفكرة

بس النجار صمملي مدرجات

[المهندس خليل العسكر]

مشاء الله الله يوفقك ويجعل في نباتاتك خضراء تسر كل من يراها

[هدى نوفل]

مرحبا بسمة

فكرة جميلة و انت شاطرة ماشاء الله لانك نفذتيها بنفسك

و المدرجات بتأخذ عدد كبير راسيا لو المكان محدود .

بالرغم من اننا مازلنا فى الشهر الخامس يعنى الصيف لم يبدأ بعد

انما النباتات الحساسة للشمس و حتى العصاريات اوراقها احترقت او

او اصيبت بلسعات من الشمس .

فهذه السنة انا ظللت النباتات من يومين فارتاحت النباتات مبدئيا حتى تستعيد لونها الاخضر

و تجدد الاوراق التى احترقت

[شيمو حنه]

السلام عليكم حمد لله ع السلامه مبروك النيو لوك مشاء الله ع ليكى وع نباتات جميله

[محمد بولعبيدى]

ماشاء الله تبارك الله ربنا يعينك على رعايتهم

[amani_alemarat]

ماشاء الله حلوه فكرتك انتي فنانة و شجاعة لانك نفذتيها بنفسك و ماخفتي من النقد

[محسن البديري]

عمل جميل جداا وفكره رائعه ..الابداع هو ان نصنع من لاشيئ شيئ جميل وذو فائده من حيث الفكره وتطبيقها العملي ....بارك الله بالجميع....تحياتي

[بسمه]

بسم الله الرحمن الرحيم

حبيبتي دراسينا
موضوع المقاسات ده مقدرش افيدك فيه
انا اشتريت شويه خششب كده ووانا قاعده الفكره جت لى بالي ونفذتها مكنش ليها تصور معين عندي
الالوان اسمها مركزات الوان وانا اصلا مش بفهم في الانواع انا لقيتها اصغر عبوه قمت جايباها

حبيبتي زهره الصبار
ربنا يخليكي ياحبييتي
انا كان نفسي اعمل حاجات تانيه بشكل تاني خالص بس عملت على قد الامكانيات لأن محدش فاضي يجيب نجار يعمللي ارفف للورد ههههههههههههه

باشمهندس خليل العسكر
اشكر حضرتك ربنا يبارك فيك

استاذتي هدى

معاكي حق الصيف السنه دي صعب والنباتات مش قادره تستحمل الحر
وده لاحظته في عدد كبير من الصباريات عندي كانت مزهره وفجأه تحسي انها تعبانه ومش مستحمله ولما عملت الفكره دي لاحظت فرق كبير في يومين تلاته

اختي شيمو حنه
الله يبارك فيكي
حلو موضوع النيولوك ده :)

اخ محمد بولعبيدي
الله يخليك ويبارك فيك

اختى اماني
اشكرك على التشجيع ومعاكي حق
حتى لو في نقد موضوعي اهلا بيه طبعا

اخي محسن

الله يخليك
هو ده بالظبط اللي عملته بقايا خشب بشتريها من تاجر خرده وشويه مسامير وبقت حاجه مفيده وعلى قد تفكيري وامكانياتي

[زهرة الصبار]

:salam:


بسم الله الرحمن الرحيم



حبيبتي زهره الصبار
ربنا يخليكي ياحبييتي
انا كان نفسي اعمل حاجات تانيه بشكل تاني خالص بس عملت على قد الامكانيات
لأن محدش فاضي يجيب نجار يعمللي ارفف للورد ههههههههههههه





ما شاء الله يابسمة

جميل إنك قدرتي تصممي وتنفذي بنفسك:thumb1:

طبعاً مفيش حد فاضي فعلاً بس النجار كان عندي صدفة

بيعمل شغل

وإنتهزت الفرصة وفي وقتها أخد المقاس :-)

[aaly70]

ما شاء الله ، بارك الله لك وفيك وامتعك دائما بنباتاتك نضرة ويانعة

دمت بالف خير

[محمد سكر]

عوداً حميداً أختى بسمة

ما شاء الله لا قوة الا بالله الفكرة رائعة والتنفيذ أكثر من رائع لانه تصميم لك وقمتى بتنفيذه بنفسك فهذا يجعل التصميم لك طعم خاص - سبحان الله انا ايضا بدأت أعد العدة وافكر فى كيفية حماية النباتات هذا العام من الحر فدرجات الحرارة الايام القادمة سوف تصل الى 40 واعلى من ال40 وهذا الامر يؤثر على النباتات تاثير بالغ حتى الصبارات فما بالنا بالنباتات الخضراء والخضر والزينة بارك المولى فى مجهودك وعملك

[بسمه]

بسم الله الرحمن الرحيم
اختى زهره الصبار
احنا علشان نجيب سعاده البيه البرنس النجار ممكن يكون كلل نباتاتي ماتت
وبعدين دي وراثه من بابا ربنا يخليهولي هو لحد النهارده بيحب يعمل كل حاجه بايده وانا كنت دايما المساعد بتاعه فاتعلمت منه النجاره والرسم وحتى فك التليفون الارضي والاجهزه الكهربيه البسيطه وتصليحها اتعلمتها منه :) وعلى فكره هو كمان عمللي قفص للعصافير ان شاء الله اصوره واوريكم

اخي علي
ربنا يبارك لك ومتعك بنباتاتك انت كمان :)

استاذي محمد سكر
شهاده اعتز بيها من حضرتك مع انه شغل بسيط كان نفسي يكون احسن من كده بس ضيق القت والحر خللوني احاول انجز بسرعه
وطبعا شغل حضرتك حيبقى حاجه تانيه خالص ربنا يوفقك وتعملها ونتعلم منها

[AdMur]

ماشاء الله روعه وفكره جميله ومصممه بشكل فني جميل
وافضل كثيرا من ان يأتي النجار لصنعها

تحياتي لك بخالص التوفيق واتمنى ان تمر الموجهه الحاره على اتم خير على الجميع

[بسمه]

بسم الله الرحمن الرحيم
اشكرك على رأيك اخي
ويارب فعلا يعدي النهارده وموجه الحر دي على خير انا سقيت النباتات قليلا الصبح ونقلتهم في الظل وربنا يستر