المساعد الشخصي الرقمي

مشاهدة النسخة كاملة : إلحئوووني ياجماعة



محمدالشرقاوي
08-01-2008, 12:35 AM
بسم الله الرحمن الرحيم


السلام عليكم ورحمة الله وبركاته

في الحئيئة إلي عاوز أؤلو إن أنا تعبت أوي أوي أوي في مكافحة الصرصور الألماني

يعني أنا في الحئيئة تعبت خااالص

بف باف أشتريت وفعلا فعال أوي إنما المشكلة إني كنت حموت من كتر الرش والريحة لا تطاق دنا منت حاتكتم من الريحة

جبت البودرة بتاعة البايجون وأبدا والله العظيم كأن اللي حطيتو مكانش سم انما دقيق أمح

أنا تعبت أوي موش عارف أعمل إيه

أولولي
أنا كنت زمان أشتريت عجينة من واحد بيعملها لينة ولونها برتئاني وكانت تتحط عالورء وكانت فيها حرارة وسخنة انما ياه كانت فعالة جدا

دلوئت مش عارف أعمل إيه مع الصراصير الالمانية دي لا في عجينة ولا يحزنون

لأ وإيه ودلوئت الحاجة الجديدة ايه الصراصير ابتدت تظهر صغننة اوي يعني يادوبك عمرها يوم او اتنين
أعمل إيه أولولي

ارجوكم إدوني حل

bee
08-01-2008, 07:04 PM
والله كانت عندنا نفس المشكلة دى صراصير صغير جدا وكتير بس كان صرصور امريكى مامتى ربنا يكرمها جابت مبيد توكسافين ووضعت كمية قليلة منه مع الكيروسين ويرش فى اماكن تواجد الصراصير مع مراعاة الاحتياطات الامنة للماكولات والادوات المنزلية يجب غسلها جيدا عند الاستخدام لان توكسافين مبيد قاتل

alyhaby
09-02-2008, 03:53 PM
اخى العزيز
صحيح ان مكلة الصرصور الالمانى كبيرة لكن ليها حل فعال ومستديم
واياك والمبيدات المحظورة
اسمع هات بودرة حامض البوريك
واخلطها مع بعض الدقيق واللبن البودر وعصير البصل واخلط الحامل مع بعضة فى الخلاط
واياك تضيف الحامض فى الخلاط
هيكون عندك عجينة ضيف له 2 صفار بيض وشوية سكر بودر
واخلطهم فى كيس مع بعضوضيف الحامض
واستعمل جوانتى ووزعة فى الاماكنالمحتمل اختباء الصرصور فيها

ارجوك اعذرنى فى التعبير ( تخيل نفسك صرصور)
علشان تكون عملية المكافحة فعالة وعلى كل حال ضيف الكرات الصغيرة من الخلطة دى تحت الحوض ووراء البوتجاز وتحت عيون البوتجاز
ودائما حاول عدم استعمال الجرائد كمفارش فى الطبخ
وبالتوفيق باذن الله
ارجوك بلغنى بالنتيجة

ندى الزهور
13-02-2008, 09:58 PM
مشكور يا اخى حابى هى فعلا نتيجة مضمونة ميئة فى الميئة
لانى جربتها عندى ونجحت نجاح كبير قوى
لك تحياتى وتقبل مرورى

alyhaby
13-02-2008, 10:35 PM
اشكرك يا اخت ندى
اللهم علمنا ما ينفعنا وانفعنا بما علمتنا انك انت علام الغيوب

mohamed11
27-05-2011, 01:18 AM
استعمل مبيد كيروكس( عبوه خضره 500 مل) . ده اثره في الارض لمده 3 شهور وبيبيد اي زاحف سواء نمل او براغيت او صراصير حتي لو غسلت الارض مكانه . ويفضل رشه في الاماكن اللي بيتواجد فيها الصراصير والممرات. يعني بعيد عن الاكل كل ما امكن .. جربه وشوف وانسي الصراصير نهائي