المساعد الشخصي الرقمي

مشاهدة النسخة كاملة : أسعار الدواجن الى أين؟



هشام ياسين
06-01-2008, 08:32 PM
السلام عليكم ورحمه الله وبركاته

اولا. اود أن ابعث سلامى واحترامى لكل القائمين على هذا المنتدى وفعلا منتدى جميل وجزا الله خير كل القائمين عليه وكل المشتركين فيه

ويشرفنى أن أكون واحد من أعضاء هذا المنتدى المفيد جدا.


ثانيا . لاحظنا كلنا طبعا وشيفين بعنينا انخفاض الاسعار الهائل الى فيه الدواجن ومش عارفين هايستمر لحد امتا وطبعا كل انسان بيقوم مصدر عيشه على الدواجن اكيد بيواجه خساره اليومين دول
وربنا يكون فى عون الجميع وصبر أصحاب المشاريع الكبيره فى الخسائر الفادحه

ولو أى عضو عنده تعليق على الاسعار او أى معلومات تفيد فى أسعار الدواجن ياريت مايبخلش علينا
بجد انا نفسى أعرف الاسعار هاتستقر أمتا لانى محتار والله لو قمت بعمليه البيع الان هاخسر بس خساره مقنعه وخايف استمر اكتر من كدا الخساره تكبر وخايف أبيع من هنا الاقى الاسعار ارتفعت تانى

طبعا كل دى أرزاق بس احنا بناخد بالاسباب .

فلو يتكرم أحد الاعضاء بمعلومات أكيده عن مشكله الاسعار أكون عاجز عن شكره

والسلام عليكم ورحمه الله وبركاته

وبارك الله فيكم وفى القائمين على هذا المنتدى وجعله فى ميزان حسناتكم .

aouniat
07-01-2008, 08:38 PM
أهلا بك أخي هشام. أسعار اللحم الأبيض (الدجاج خصوصا) في لبنان إرتفعت في الآونة الأخيرة بعد الحرب كثيرا. أحببت أن أقول هذا خاصة وأنني أسمع من حضرتك أن أسعار الدجاج في مصر ينخفض بإستمرار.

mesry
07-01-2008, 11:43 PM
السلام عليكم
مع انتشار الانفلونزا بصورة شديدة مرة اخرى خلال الاسبوعين الماضيين فلا يمكن توقع ما سيحدث خلال الفترة القادمة ، و مع تعامل الأعلام الهادىء نسبياً فإن المستهلك العادى لم يشعر بعد بانتشار الفيروس و لكن اذا انتشر الخبر و كما حدث من قبل فقد تنخفض الاسعار بشدة ،و اقترح سرعة البيع ليس خوفا من الاسعار و لكن حرصا على عدم اصابة القطيع لا قدر الله
ولكل المربين يجب عمل اختبار VCR اسبوعياً للقطيع خلال هذه الفترة لاكتشاف اى اصابة و محاولة تقليص الاضرار بقدر الامكان
و كان الله فى عونكم

هشام ياسين
08-01-2008, 07:10 PM
مشكور أخى aouni_tahech على مرورك وردك ومشكور على معلومه الفراخ فى لبنان بس ايه رأيك أنا هاديك بقا القطيع تبيعو فى لبنان:)

مشكور أخى Mesry على ردك ومرورك وفعلا انا هاخد بنصيحتك وأسرع فى عمليه البيع

ساحر الصحراء
27-01-2008, 03:22 AM
شوف يا استاذ هشام
انا مش بحب انى اكون متشائم فى كلامى بس هية دى الحقيقة ان (المهنة باظط) دلوقتى انت عندك شكارة العلف بحوالى 121 جنية يعنى الطن بحوالى 2500جنية تقريبا ولما تيجى تبيع الفراخ بتبيع الكيلو ب 5.5 او 5.75 دة على الاسعار عندنا فى الدقهلية وبعد حساب النافق واجرة العامل هتكتشتف انك هتخسر

وادينا مستنيين شوية لحد اما ربنا يعدل الاحوال شوية وشكرا

gsober
27-01-2008, 07:23 AM
الموضوع بجد بقى مهزله
العلف فى العالى
والسعر عمال ينزل
ده غير اسعار التحصينات والايجارات
بجد كان الله فى عون الجميع

ساحر الصحراء
11-02-2008, 06:21 PM
الاسعار اليومين دول فى اعلى معدلات لهاوصلت فى المنصورة 7 جنية من المزرعة

aymanneseim
24-02-2008, 02:27 AM
الاسعار وصلت 14 جم للكيلو

ساحر الصحراء
26-02-2008, 06:59 PM
النهاردة سعر الكيلو الابيض ضرب رقم قياسى جديد سعر الكيلو وصل 13 جنية فى المحل يعنى تقريبا بيطلع من المزرعة ب 11 جنية تقريبا يعنى اللى يطلع فرخ 2 كيلو يكسب فية فى المتوسط7 او 8 جنية صافى يعنى 1000 فرخ يكسبوا 8000 جنية فى الدورة الواحدة بس انا اعتقد ان اسعار الدواجن ههتنزل بعد كدة على حسب كلام رئيس بورصة الدواجن

el7uany
14-02-2010, 09:48 PM
أزي كلامك يابشمهندس أن صاحب المزرعة يكسب الكلام اللي بتقول علية تكلفة سعر الكيلو في المزرعة بتتراوح ما بين 9 الي 9.5